ޓާޓާ ހައުސިން އިން އޯޑިއޯން ހުރިތަނުގައި އަޅާ މަތީ ފެންވަރުގެ އެޕާޓްމަންޓް ބިލްޑިންގެ ބިންގާ އިންޑިއާ ސަފީރު އަޅުއްވައިދެއްވަނީ.---މިހާރު ފައިލް ފޮޓޯ: ހުސެއިން ވަހީދު
19 އެޕްރީލް 2017 - 14:10
50 comments
ކުރީގެ އޯޑިއޯން ސިނަމާ ހުރި ބިމާއި ކުރީގެ ނާދީ ހުރި ބިމުގައި އިންޑިއާގެ ޓާޓާ ކުންފުނިން އިމާރާތް ކުރަން ޖެހޭ ފްލެޓްތަކުގެ މަސައްކަތް، ކަނޑައަޅާފައިވާ މުއްދަތުގައި ނުފެށުމުން، އެ އެއްބަސްވުން ބާތިލްކުރަން ސަރުކާރުން ނިންމައިފި އެވެ.
ހައުސިން މިނިސްޓްރީގައި މިއަދު ބޭއްވި ނޫސްވެރިންގެ ބައްދަލުވުމެއްގައި މިނިސްޓަރު ޑރ. މުހައްމަދު މުއިއްޒު ވިދާޅުވީ ކުރީގެ ރައީސް މުހައްމަދު ނަޝީދުގެ ސަރުކާރުން ޓާޓާ ކުންފުންޏާ ހަވާލުކޮށްފައިވާ އެ މަސައްކަތް ނިންމަން ދިން މުއްދަތު މީގެ ތިން މަސް ކުރިން ހަމަވެފައިވާ ކަމަށެވެ. އެކަމަކު އިތުރަށް ދިން 90 ދުވަހުގެ ތެރޭގައި ވެސް އެ މަސައްކަތް ފަށާފައި ނުވުމުން އެގްރީމެންޓް ބާތިލްކުރަން ނިންމައި އެ ކުންފުންޏަށް އަންގާފައިވާ ކަމަށް ވިދާޅުވި އެވެ.
ޓާޓާ ކުންފުންޏާ އެކު ނަޝީދުގެ ސަރުކާރުން އެކުލަވާލާފައިވާ އެއްބަސްވުމުގެ ދަށުން ކުރީގެ ގާކޮއްޓާއި އަރަބިއްޔާގައި ސޯޝަލް ހައުސިންގެ ޖުމްލަ 280 ފްލެޓު އަޅަން ޖެހެ އެވެ. އޭގެ ބަދަލެއްގެ ގޮތުން މަތީ ފެންވަރުގެ ފްލެޓް އަޅާ ވިއްކަން ޓާޓާ އަށް ދިނީ އޯޑިއޯން އާއި ނާދީ ހުރި ބިމެވެ.
ޓާޓާ އިން ދާދި ފަހުން ވަނީ އެ ދެ ބިމުގައި މަސައްކަތް ފަށަން ބައެއް ތައްޔާރީތައް ވެސް ވެފަ އެވެ. އެގޮތުން ނާދީ ބިމުގައި ހުރި ބޮޑެތި ގަސްތައް ކޮށައި، ބިން ސާފުކޮށްފައިވެ އެވެ. އަދި އޯޑިއޯން ބިމުގައި ފްލެޓްތަކުގެ މަސައްކަތް ފެށުމުގެ ގޮތުން ހަފުލާއެއް ވެސް ބޭއްވި އެވެ. އެކަމަކު އަމަލީ މަސައްކަތް އަދިވެސް ނުފަށަ އެވެ.
އަރަބިއްޔާ އާއި ގާކޮށި ފްލެޓްތައް ނިންމައި، ސަރުކާރާ ހަވާލުކުރީ ވެސް މުއްދަތު ފާއިތުވެ، އަދި ސަަރުކާރުން ވެސް އެތައް ޕްރެޝަރެއްކޮށްގެންނެވެ. އަދި ފްލެޓްތައް ނިންމައި ހަވާލުކުރި އިރު، ފެންވަރު ދަށްވުމުގެ މައްސަލަ ވަނީ ފެންމަތިވެފަ އެވެ.
ފްލެޓް ލިބުނު މީހުން ބުނަނީ އެތަނުގެ އަގާ ތަނުގެ ފެންވަރު އެކަށީގެން ނުވާ ކަމަށެވެ.
މުއިއްޒު ވިދާޅުވީ ނަޝީދު ސަރުކާރުން ޓާޓާއާ ޕްރޮޖެކްޓްތައް ހަވާލުކުރީ ވަރަށް ދޯދިޔާކޮށް ކަމަށެވެ. ނަމަވެސް އެ މަޝްރޫއުތައް ނިންމަން ސަރުކާރުން ގިނަ މަސައްކަތްތަކެއް ކޮށްފައިވާ ކަމަށް ވެސް އޭނާ ވިދާޅުވި އެވެ.
ޓާޓާގެ އެއްބަސްވުން ބާތިލް ކުރަން ސަރުކާރުން ނިންމި ނަމަވެސް އެ ދެ ބިމުގައި ފްލެޓް ނާޅާނަމެކޭ މިނިސްޓަރު ސީދާ ވިދާޅެއް ނުވެ އެވެ. ވިދާޅުވީ "އެއީ ކޮންމެހެން ކުރަން ޖެހޭ ކަމެއް ނޫން" ކަމަށެވެ.
"އަޅުގަނޑު ނުބުނާނަން ފްލެޓް ނާޅާނަމޭ. އެކަމަކު އެތަނަކު ކޮންމެހެން ފްލެޓް އަޅާކަށް ނުވެސް ޖެހޭ. އަދި އެއަށް ވުރެ ރަނގަޅު ބިންތަކުގައި ފްލެޓް އެޅުމަށް ރައީސް ޔާމީން ވަނީ ނިންމަވާފައި،" މުއިއްޒު ވިދާޅުވި އެވެ.
އޭނާ ވިދާޅުވީ މަޖީދީމަގު އެންމެ ބާރު ބޮޑު ސަރަހައްދުގައި ހުންނަ އޯޑިއޯން ބިމުގައި ފްލެޓް އެޅުމަކީ ވަރަށް ދެކޮޅު ނުޖެހޭ އަދި ތާކުންތާކު ވެސް ނުޖެހޭ ކަމެއް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޑަމް ކ.ހ
20 April 2017
ކޮންޓުރެކްޓް ގައި ވަާ ގޮތަށް ކަނތައް ކޮއްފައި ނުވާތީ، އަދި އިތުރު ފުރސަތުންވެސް އެދެވޭ މަސައްކަތެއް ކުރެވިފައި ނުވާތީ، ކޮންޓުރެކްޓް ބާތިލު ކޮއް، ބޭކާރު ވެގެންދިޔާ މުއްދަތަށް ދިވެހިން، ޓާޓާ އިން ބަދަލު ހޯދުން ރަނގަޅުވާނެ ކަމަށް ފެނޭ! ބޮޑެތި ޤައުމުތަކަށް ދޫދޭ ދޫކުރުން އަހަރެމެން މިހާރު ހުއްޓަން ވެއްޖެ! ބޮޑެތި ޤައުމުތަކުން އަހަރެމެން ކުދި ޤައުމުތަކަށް ބުލީ ކުރަނީ!
ހަސަނު
20 April 2017
މުއިއްޒު ބުންޏަސް ރަނގަޅު ވާހަކައެއް ފަހަރުގާ ރަނގަޅު ވެދާނެ... މަށަށް ވެސް ފެނަނަނީ އެ ދެ ބިމުގާ ޕާކެއް ހަދަން... ނަމަ ނަމަ ފުޓްސެލް ދަނޑެއް ނާޅާތި...
މޫރިތި
20 April 2017
އިދިކޮޅު ލީޑަރުންނާއި ހައިކޮމިޝަނަރ ބައްދަލުކުރެއްވީމާ އޭގެ ބަދަލު ނޫންބާ؟
ޕިޔާ
20 April 2017
ކަލޯ މުއީޒޫ ތިތަން ތަން އަތުލަން ތިހާ ލަސްކުރީ ކީތްވެތަ! މިހާރު އެ ތަންތަނުގައި ހުރި ގަސްތައްވެސް ކަނޑައިފި! ގަސްތަށް ކެނޑުމުގެކުރިން އެތަން އަތުލިނަމަދޯ! ގައިމުން އެގަސްތަށް ދިރިހުރިސް ވިއްޔާ!
ޖިލްބާބު ހަބީބު
20 April 2017
ތިކަމެއްނުވާނެ. ތިއީ ފައިސާ ކޮޅެއް ހޯދާލުމުގެ ބޭނުމުގައި ދައްކާ ވާހަކައަކާ ވައްތަރީ.
ކޮމެންޓޭ
20 April 2017
އިންޑިއާއިން ތިކަން ހުއްޓުވާނެ ހެން ހީވަނީ. އެކަމު ތިޔައީ ކުރަން ޖެހެ ކަމެއް
އަހުސން
20 April 2017
ރަނަގަޅު ނިމުނެއް.. އަޅުގަނޑަށް އަދި ވެސް ކުރިމަސަތްކަރުގެ ލާރި ނުލިބޭ ޓާޓާ ފްލެޓް އިން.. އަޅުގަނޑު އެމީހުންނާ އެކުމަސަތްކަތް ކުރި ކުންފުނިއެތްގެ ހައިސިޔަތުން.. އިންޑިޔާމީހުން ރަނގަޅު ނުވާނެ އަނގަިން ބުނަންވެސް ..ވަރަށް އަމިއްލަ އެދުން ބޮޑު ބަޔެއް .. ތިމާ ގައުމު ނޫން މީހުން އެވެސް ބަޔަކަށް ނަހަދާ .. އަބަދުވެސް ހަމާރާ ދޭޝް ހަމާރާވަތަން ކިޔަކިޔާ ފަ އެމީހުންގެ މީހުންނަށް ނޫނި އެއވެސް މަންފާއެއް ދިނުމައްނޭދޭ ވިސނުން ހުންނަނީ .. .. ވަކި ޔާމިން ސަރުކާރައް ތާއިދު ކޮށްފަ ބުނިއެއްޗެއްނޫން މީކީ .. ކުރިޔަށް އޮތާވެސް .. އިންޑިޔާ މީހުން ދަސްކޮއްގެން މިފަދަނިންމުން ނިނމުން ބުއްދިވެރި .. އެމީހުން ޓާޓާ ފްލެޓް ހެދީ ޑިއުޓީ ފްރީ ކޮށް ބައިވަރު މުދާ ގެނެސްގެން.. އެތަނަށް ޖުމުލަ ހަރަދުނުވޭ ... 200މިލިއަން ރުފިޔާ .. އެކަމަކު 270 މިލިޔަން ރުފިޔާ ސަރުކާރުންވެސް އަތުލި .. އަދި ގްރައުނޑް ފުލޯ ފަސްޓް ފުލޯ ވިއކްަިގެން 150މިލިއަން ރުފިޔާ ލިބިއްޖެ ....އަނައްކޮޅުން ... މަލެއިން ބޮޑު ދެބިން ... އުމުރަށް 100 އަހަރަށް .... .. އިނވެސްޓް ކުރާ ފަރާތަށް ފަިއދާވެސް ވާންވާނެ.. މިދެން ބޮޑުވަރެއް..
ހަސަނު
20 April 2017
އަހަރުމެން ދިވެހިންނަކީވެސް ހަމަ އެހާ ނު ރަނގަޅު ބައެއް.. އަބަދު ދީނަށްޓަކާ، ގައުމައްޓަކާ ކިޔަކިޔާ ތިބެނީ....
ފަރީދު
19 April 2017
ޢަސްލަކީ އެދެއިމާރާތް ކޮށްދިނީ ބޮޑުއަގު ދީގެންކަން. ޢަދި އިތުރަށް ކޮންމެތާކުން 2 ބުރި އާއި ނާދީބިމާ އޯޑިއޯން ބިން އަދި އިތުރަށް ޅ.އަތޮޅުން ބޮޑުސިންގާ ފަޅުރަށެއް ޓާޓާ އަށް ހިލޭ ދިން. މިއީ ރޯމާދުވާލު ފޮށިފެޅުންނޫން ދެން ކޮންކަމެއްތޯ؟ އަދި ފުލެޓް އަޅަން ގެނައިހުރިހާމުދާ ޑިޔުޓީ ފްރީ. ނުވިތާކަށް އަރަބިއްޔާ އަދި ގާކޮށީ ދެ ފްލެޓްގެ ތިރީ ދެ ފްލޯރ އެއްވެސް ކުއްޔަކާ ނުލާ 50 އަހަަރަށް ހިލޭ. ފ. އަތޮޅު ވިއްކާތީ މަރަށް ތެޅުނުއިރު ހީވީ އެހެން ކަމެއްހެން. - ޟަހުލު ގެ ކޮމެންޓަށް މިބައިވެސް އިތުރުވޭ.
ހަސަންބެ.
19 April 2017
ރައީސް ނަޝީދު ގެ ވެރިކަމުގައި އިންޑިއާގެ ހައިކޮމިޝަން އަޅަން އޭޑީކޭ ކާރިން ސޯސަންމަގުން ދީފައި އޮތް ބިންވެސް ނަގަން ގޮވާލަން . އެތާގައި ވެސް އެއްވެސް ކަމެއް ނުކޮށް އެ އޮންނަނީ.
ބޭޝަރަމް
19 April 2017
މިހާރު ޓާޓާ ކުންފުނީގެ ކަންތައް އަރަތަކަށްވެއްޖެ! މިނިސްޓަރވެސް ދެން ތަންކޮޅެއް ސާފު ބަހުން ވާހަކަ ދައްކަވަންވެއްޖެ! އެ ދެ ބިން ދިނީ އަރަބިއްޔާ / ގާކޮށީގައި 280 ފްލެޓް އަޅާގޮތަށް! އެކަމަކު އެ ބުނާ 280 ފްލެޓް ވެސް ސަރުކާރުން ވިއްކީ! އަގުބޮޑުކޮށް! ސަރުކާރުން ދެއްކީ 227 މިލިއަން ރުފިޔާ! އެއީ ފްލެޓަކަށް ގާތްގަނޑަކަށް 9 ލައްކަ ދެން ކިހިނެތް ވެގެންތޯ ފްލެޓް ލިބިނުމީހުން އޭގެ އަގަށް 2 މިލިއަން ރުފިޔާ ދައްކަން ޖެހެނީ!! އަނެއްކާ މިހާރު އެ ބިންތައް ޓާޓާއަށް ދިނީ 280 ފްލެޓް އަޅައިދޭ ގޮތަށް ކަމަށްވާނަމަ، ބިން ނާތުލާ ކޮންހާ ފައިސާއެއްތޯ، އެ ދެއްކީ!!