އެންޓި ކޮރަޕްޝަން ދުވަސް ފާހަގަކުރަން އޭސީސީގައި މިއަދު ބޭއްވި ރަސްމިއްޔާތުގައި ލުތުފީ ވާހަކަ ދައްކަވަނީ.---ފޮޓޯ: ހުސެއިން ވަހީދު/ މިހާރު
20 އެޕްރީލް 2017 - 12:57
44 comments
އެންޓި ކޮރަޕްޝަން ކޮމިޝަން (އޭސީސީ) އިން ތަހުގީގުކުރާ މައްސަލަތައް ވަކި ގޮތަކަށް ނިންމަން، އެ ކޮމިޝަނުގެ ތަހުގީގު ޓީމުގެ އެއްވެސް މީހަކަށް، ސަރުކާރުގެ އެއްވެސް އިދާރާއަކުން ނުވަތަ މުވައްޒަފަކަށް ވެސް ނުފޫޒެއް ނުފޯރުވޭނެ ކަމަށް އޭސީސީގެ ރައީސް ހަސަން ލުތުފީ މިއަދު ވިދާޅުވެއްޖެ އެވެ.
މި އަހަރުގެ އެންޓި ކޮރަޕްޝަން ދުވަސް ފާހަގަކުރަން އޭސީސީގައި ބޭއްވި ރަސްމިއްޔާތުގައި ލުތުފީ ވިދާޅުވީ އެ ކޮމިޝަނުން ހިންގާ ތަހުގީގުތަކަށް ނުފޫޒު ފޯރުވަން އެއްވެސް ފަރާތަކުން ކުރާ މަސައްކަތަކަށް ތަހުގީގު ޓީމުން އެއްބާރުލުމެއް ނުދޭނެ ކަމަށެވެ. ކުރިއަށް އޮތް ތަނުގައި ވެސް އެގޮތުގައި ސާބިތުވެ ތިބުމަށް އޭނާ ގޮވާލެއްވި އެވެ.
ލުތުފީ ވިދާޅުވީ ކޮރަޕްޝަނާ ދެކޮޅަށް އޭސީސީން ކުރާ މަސައްކަތުގެ ނަތީޖާ ފެނި، އެ ކޮމިޝަނުން އަންނަނީ ކުރިއެރުންތަކެއް ހޯދަމުން ކަމަށެވެ. އޭގެ މިސާލެއްގެ ގޮތުން އޭނާ ވިދާޅުވީ ކޮރަޕްޝަނާ ގުޅޭގޮތުން އޭސީސީ އަށް ހުށަހެޅި ގިނަ އަދަދެއްގެ މައްސަލަތަކުގެ ތަހުގީގު މިދިޔަ އަހަރުގެ ތެރޭގައި ނިންމާފައިވުމެވެ.
އެންޓި ކޮރަޕްޝަން ދުވަސް ފާހަގަކުރަން މިއަދު ބޭއްވި ރަސްމިއްޔާތުގައި އޮޑިޓަ ޖެނެރަލް ހަސަން ޒިޔަތު (ކ-3) އާއި އޭސީސީގެ މެމްބަރުންނާއި މުވައްޒަފުން. --ފޮޓޯ: ހުސެއިން ވަހީދު/މިހާރު
"އަޅުގަނޑުމެންގެ ތަހުގީގު ޓީމުތައް އަތްވާއި ވާރެ އާއި ގަދަ ކަނޑުތަކުގައި ދަތުރުކޮށް މިދިޔަ އަހަރު ވެސް ވަނީ ތަފާތު އެތައް ސަތޭކަ މައްސަލައެއް ނިންމާފައި. އަޅުގަނޑުމެންގެ އިންވެސްޓިގޭޓަރުންނަށް އަޅުގަނޑުމެން އަބަދުވެސް ދަސްކޮށްދޭ ފިލާވަޅަކީ ނަޒާހަތްތެރިކަން،" ލުތުފީ ވިދާޅުވި އެވެ.
ހާޒިރީން މިދިޔަ އަހަރު އެންމެ ރަނގަޅު އޭސީސީގެ މުވައްޒަފަށް އޮޑިޓަ ޖެނެރަލް ހަސަން ޒިޔަތު ހަނދާނީ ލިޔުން ހަވާލުކޮށްދެއްވަނީ. --ފޮޓޯ: ހުސެއިން ވަހީދު/ މިހާރު
މިއަދުގެ ޖަލްސާގައި ވަނީ، މަސައްކަތުގެ ރޮނގުން މިދޔަ އަހަރު އޭސީސީގެ އެންމެ ރަނގަޅު މުވައްޒަފުންނަށް ހަނދާނީ ލިޔުން ދީފަ އެވެ. އަދި ކޮރަޕްޝަނާ ގުޅޭގޮތުން ބައިނަލްއަގުވާމީ އެކި ޖަމިއްޔާތަކުން އާއްމުކުރާ މައުލޫމާތު ހިމަނައިގެން އޭސީސީން އަލަށް ނެރެން ފެށި "ހުދު ކަރުދާސް" އިފްތިތާހުކޮށްފަ އެވެ. އެއާއެކު، ޓްރާންސްޕޭރަންސީ އިންޓަނޭޝަނަލް އިން "ޓްރޫ ސްޓޯރީސް"ގެ ނަމުގައި އާއްމުކުރާ ވާހަކަތަކުގެ ދިވެހި ތަރުޖަމާ ވެސް މިއަދު ނެރުނެވެ.
މީގެ ބޭނުމަކީ، ލުތުފީ ވިދާޅުވި ގޮތުގައި، ކޮރަޕްޝަން ހުއްޓުވުމަށް އާއްމުންގެ ހޭލުންތެރިކަން ވީހާވެސް ބޮޑަށް އިތުރުކުރުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަގަނުހުޅުވާ
21 April 2017
މާތްރަސްކަލާންގެ ރަސްކަންފުޅަށްޓަކާ ބުނަން. އަނގަ މަޑުންލައިގެން ހުރޭ. އިތުރަށް ބަރަހަނާވުން ކަމެއް ނޫނީ ނުވާނެ.
ނުފޫޒު
21 April 2017
ނުފޫޒަށްވުރެން މަތިން އަންނަ އެއްޗެއް އަންނަނީ! އެއަށް ކިޔާނެ ނަމެއް ޖެހޭނީ ހަދަން!
އަލީއަހުމަދު
21 April 2017
އެއްގޮތަކަށްވެސް. ދުވާލު ދެއިރު އަދި ރޭގަނޑޫ 6 ފަހަރު ތިހެން ކިޔަނވާނެ، އެރުން ކޮންމެސް ބަޔަކު ފަހަރެއްގަ ތިކިޔާނީ ތެދުވާހަކަޔެއްކަމަށް ގަބޫލްވެސް ކޮށްފާނެ!
ލުތުފީ
21 April 2017
ލުތުފީ އާއެއްކޮޅަށް އެންމެކޮމެންޓެއްވެސްނެތް. މީލައްކަވާހަކަ
މާކުންބޭ
20 April 2017
އަސްތާ އެހެންތަ؟ ރަޢީސް ދެއްވި ފުލެޓްނަންގަވައިގެން ހުރެ ތިޔަޒާތުގެ ވާހަކަ ދައްކަވާނެކަން އަހަރުމެންނަށް ނޯޅޭ!
އަލީޝާކިރު
20 April 2017
ތިކިޔާ ނަޒާހަތްތެރިކަން ލުތުފީ މާނަކުރާގޮތާ އަހަރެމެން މާނަކުރާގޮތް ތަފާތު. އަހަރެމެނަށް ނަޒާހަތްތެރިކަމުގެ އިގިރޭސި މާނަޔަކީ ކޮރަޕްޝަން. ނަޒާހަތްތެރިކަން އިތުރުކުރަން ފްލެޓް ދިނުމަކީ ނަޒާހަތްތެރިކަންވިއްޔަ ދެން ބުނާނެ އެއްޗެއްނެތް.
♛ ރަސްގެފާނު
20 April 2017
1 - ކޮރަޕްޝަން ހިންގަނީ އާއްމުންނެއް ނޫން.. ހޭލުންތެރިކުރުވަން ވީ ވެރިން... 2 - އެމްއެމްޕީއާރުސީގެ ކޮރަޕްޝަނުގެ ތަހުގީގަށްވެސް ޓީވީއަކުން މީހަކު ދެއްކި ވާހަކައަށް ނެންގެވީ ފައިސާ ދަބަސް ދަބަހަށް އަޅައިގެން އުފުލި ކުޑަ ކުދިންގެ ވާހަކަ.. މަޖިލީހުގެ މެމްބަރުން ގޯނި އުފުލި ވާހަކައެއް ނެތް.. އަދީބު ބެއްސެވީ ތިމަންގެ ފައިސާއޭ ބުނި އަޑުވެސް ނާހާ.. 3 - ރެހެންދި ފްލެޓް - ޓާޓާ ހައުސިން ޔުނިޓެއް - ގާކޮށިން އެޕާޓްމެންޓެއް.. ދެން ނުފޫޒެއް ނޫން ފޯރާނީ.. 4 - މިރާއްޖޭގައި ހިންގި އެއްމެ ބޮޑު ކޮރަޕްޝަން ފާޅާއަރުވާލި ބޭފުޅާއަށް އިންސާފު ހޯދަދޭން ތަމެން ކުރި އެއްކަމެއްވެސް.. ޔޯލަ ވާހަކަ.. ހުސް އަނގަ..
ހޮހޮހޯ
20 April 2017
ލުތުފީއަށް ދިން ފްލެޓްމަތިން ހަނދާންވަނީ.
GAN Island
20 April 2017
ހަސަން ލުތުފީ އަށް ޒުވާބުދޭކަށް އަހަރުމެން ބޭނުމެއްނޫން. އެހެން ނަމަވެސް ކުރިއަށް އޮތް އަހަރުދުވަސްތެރޭގައި ﷲ ގެ މިންވަރުފުޅާއި އެކު ތިޔަބުނާފަދަ ބަދަލުތަކެއް ގެނެސް ރާއްޖޭގެ ރައްޔިތުންނަށް އެމީހުންގެ މުދަލާއި ފައިސާ ރައްކާތެރިކޮށްދޭފަދަ ސަރުކާރަކާއި މުއައްސަސާތަށް ޤާއިމް ކުރެވޭނެ
އާދަނު
20 April 2017
ނުއަގުގަ ރެހެންދި ފްލެޓް މިލްކުކުރަން ލިބުނީމައި އެހެންދޯ ވާނީ! އެއްވެސް ކަމެއްގަ ދެނެއް ކޮރަޕްޝަނެއް ނުހިމެނޭނެ.