މީގެ ދެ އަހަރު ކުރިން ފެށިގެން ގެއްލިގެން ހޯދަމުން އަންނަ ރިލްވާން (ކ) އާއި ޔާމީން
23 އެޕްރީލް 2017 - 14:03
14 comments
ހަށިގަނޑުގެ 14 ތަނަކަށް ހަމަލާދީ މަރާލާފައި އޮއްވާ ރޭ ފެނުނު، ސޯޝަލް މީޑިއާ އެކްޓިވިސްޓް އަދި ބްލޮގާ ޔާމީން ރަޝީދުގެ ޕޯސްޓްމޯޓަމް ހަދަން އާއިލާ އިން ބޭނުން ނުވާތީ، އޭނާގެ ހަށިގަނޑު އާއިލާއާ ހަވާލުކޮށްފައިވާ ކަމަށް ފުލުހުން ބުނެފި އެވެ.
ފުލުހުން ކުރި ޓުވީޓެއްގައި ބުނީ ޔާމީންގެ ޕޯސްޓްމޯޓަމް ހަދަން ބޭނުން ނުވާ ކަން އާއިލާ އިން ރަސްމީކޮށް ފުލުހުންނަށް އަންގާފައިވާ ކަމަށެވެ. ޔާމީންގެ ހަށިގަނޑު އާއިލާއާ ހަވާލުކުރީ، ފުލުހުންގެ ތަހުގީގަށް ބޭނުންވާ މައުލޫމާތުތައް ނެގުމަށް ފަހު ކަމަށް ވެސް ފުލުހުން ބުންޏެވެ.
ޔާމީންގެ ކަށުނަމާދު އޮތީ މިއަދު އަސުރު ނަމާދަށް ފަހު ހުޅުމާލޭ ސަހަރާ މިސްކިތުގަ އެވެ.
ޔާމީން މަރާލާފައި އޮއްވާ ފެނުނީ އޭނާ ދިރިއުޅޭ މ. ސްޕެކްޓިއުލާ، ސިޑި ކައިރިންނެވެ. މޯލްޑިވްސް ސްޓޮކް އެކްސްޗޭންޖްގައި މަސައްކަތް ކުރާ ޔާމީން ރޭ ގެއަށް ދިޔައީ، ވަރަށް ދަންވަންދެން އޮފީހުގެ މަސައްކަތުގައި އުޅުމަށް ފަހު ކަމަށް އޭނާގެ ގާތް މީހުން ބުނެ އެވެ.
ސޯޝަލް މީޑިއާ އާއި އޭނާގެ ބްލޮގުގައި އެކި މައްސަލަތަކަށް ފާޑުކިޔައި ލިޔާ ލިޔުންތަކާ ހެދި ތަކުރާރުކޮށް އޭނާ އަށް މަރުގެ އިންޒާރު ވަނީ ދީފަ އެވެ. އެ މައްސަލަތައް ފުލުހުންނަށް ވެސް ހުށަހެޅި އެވެ.
ފުލުހުން ބުނީ އެ މައްސަލަތައް ތަހުގީގުކޮށް، އެންމެ ފަހުން ހުށަހެޅި މައްސަލާގައި ބަޔަކާ ސުވާލު ވެސް ކުރި ކަމަށެވެ. އެކަމަކު ތަފްސީލެއް ނުދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހީދު
24 April 2017
ކީއްކުރަން ހަދާ ޕޯސްޓްމޯޓަމެއް. އެބައެނގޭ ގަސްތުގައި ވަޅި ހަރައި މަރާލީކަން.
އަސްލަމް
24 April 2017
ޕޯސްޓް މޯޓަމް ހެދިއްޔާ ވާނުވާއެއް އެނގޭތޭ. 30 އަހަރު ނަގާނެ ތިކަމަށް
މަރޭ
23 April 2017
ވާއޯ! ފުލުހުން ބަޔަކާ ސުވާލުވެސް ކުރިޔޯ....
ޕޮގުބާ
23 April 2017
އާއިލާއިން ތިނިންމީ ރަގަޅު ނިންމުމެއް ސަހީދުމަރެއް މާތްﷲ ޔާމީން ރަސީދުގެ ހުރިހާފާފަ ފުއްސާވާ ސުވަރުގެ ވަންތަވެރިއެއް ކަމުގާ ލައްވާންދޭވެ ﷲވޮޑިގެންވަނީ ކެއްތެރިންނާއެކު
ސަލްމާ
23 April 2017
ޕޯސްޓްމޯޓަމް ހަދަނީ މަރުވި ސަބަބު ދެނެގަތުމަށް ތިކަން ތިޔޮތީ އެނގެން. ތީ އަނިޔާވެރި ޤަތުލެއް.. މަރުވި ވަގުތާއި ގަޑިއެނގުނުކަމުގައިވިޔަސް މިތާ ފުލުުހުންނަށް ކުރެވޭނެ ކަމެއް ނެތް. އެމީހުން ބަހައްޓާ ފެންފޯއްރުއް އުފުރަން ވަގަށް. ޙައްޤު ހަމަ އެކަނި މިޤަުމުގެ ނިކަމެތި ރައްޔިތުންނަށް ލިހާރު ލިބޭނީ ހަމަ އެކަނި މަޙްޝަރު ބިމުން.
ނަލަނަލަ ކަރަންޓްބިލް
23 April 2017
ޕޮލިހާ ހަވާލުކުރާނެކަމެއްނެތް.ތިހެއްދެވީ ރަގަޅަށް.
އިންސާފު
23 April 2017
ވަރަށް ދެރަވެއްޖެ. މިފަދަ މަރުތައް އާމުވެ އިންސާފު ނުލިބޭތީ
ޚިޔާލު
23 April 2017
ޕޯސްޓްމޯޓަމް ނުހެދުމަށް ނިންމުމަކީ ޢާއިލާގެ ކަމެއް. ޢޭގެ މާނައަކީ ފުލުހުން އިތުރަށް ތަޣުޤީޤު ނުކުރާށެކޭ ނޫން
Gan Island
23 April 2017
ނޫން ނޫން ..!! ''ޙައްޤު ހޯދުމަށް މަސައްކަތް ނުކުރުމަކީ ވެސް އަނިޔާއެއް'' ބާޔަކު ގަސްތުގައި ރާވައިގެން ހިންގި ޖަރީމާއެއްގައި ތިއާއިލާގެ މެންބަރެއްކަމުގައިވާ ޔާމީން ރަޝީދު މަރާލުމުން އެކަން ކުރިބައެއްގެ ކިބައިން ''ގާނޫނީ ޝަރުޢީ ބަދަލު ހިފުމަކުން ބަދަލު ހިފާންޖެހޭ'' އެކަން އެގޮތަށް ކުރާންޖެހެނީ ދިރިތިބި އެހެން ރައްޔިތުންނަށާއި ތިބޭފުޅުންގެ އާއިލާ އަށް އޭގެ ފައިދާ އާއި ލިބިގަތުމަށް. . . . . ތެދެއް މީގެ އަހަރު ތަކެއް ކުރިން އައްޑޫ ސިޓީ ގެ ޒުވާނަކު މާލޭގެ މަގުމަތިން ފަހާދުވެ މަރާލި އިރު އޭނާގެ ކުށަކީ ''އަންހެން ކުއްޖަކު ދެކެ ލޯބިވާ ވާހަކަ ބުނުން'' އެމައްސަލަ އަދިވެސް ކޮޅެއްގައި ނުޖެހެނީ ޔާމީން ރަޝީދު މަތާލީ ''ޤައުމު ދެކެ ލޯބިވާ ކަމަށައި ، ހަމަހަމަ ޝަރުއީ ނިޒާމަކަށް އަދި ވައްކަމާއި ހިޔާނާތަށް ދެކޮޅު'' ހަދާ ޝުއޫރު ފާޅުކުރުން ކުށެއްކަމަށް ދެކޭތީ
ޖޯޖް
23 April 2017
ކީއްކުރަން ހަދާ އެއްޝެއް އެއީ ހަދާ ނިންމާފަ ބުނާނީ ޔާމިން މަރާލީ ވަޅިޖަހައިގެންނޭ ްެވަރު އިނގޭ ބުއްދި ސަލާމަތުން ހުރި ކޮއްމެ މީހަކަށްވެސް ތިޔަ ހަދާ ޕޯސްޓްމޯޓަމް އިން ވަޅި ޖެހި މީހުން އިނގޭ ނަމަ ރަނަގަޅު ކަމެއް ކުރަން ތީ ޢާއިލާއަށް ކެތްތެެިކްނ ދެއްވާށި.. އާމީން