ބޮން ހަދައި، ހަމަލާ ދޭން އުޅުމުގެ ތުހުމަތުގައި ހައްޔަރުކުރި މީހަކު ފުލުހުންގެ ވެހިކަލަށް އަރުވަނީ. -- ފޮޓޯ: ޝަރުހާން
26 އެޕްރީލް 2017 - 11:55
80 comments
މިދިޔަ ހޯމަދުވަހުގެ ރޭ މާލޭގައި ފުލުހުން ހިންގި އޮޕަރޭޝަނެއްގައި ހައްޔަރުކުރި ހަތަރު މީހުންނަކީ މާލޭގައި ބޮން ގޮއްވަން ރާވައި، ބޮން ހެދުމުގެ މަސައްކަތް ކުރަމުން ދިޔަ ބައެއްކަން އެނގިއްޖެ އެވެ.
ޓެރަރިޒަމާއި ގައުމީސަލާމަތަށް ނުރައްކާވާ ފަދަ އަމަލުތަކެއް ހިންގަން އުޅުމުގެ ތުހުމަތަށް ފުލުހުން އެ ރޭ ކޯޓު އަމުރެއްގެ ދަށުން ހަތަރު ތަނެއް ފާސްކުރި އެވެ. އެއީ މއ. ކިނާރާ ހައުސް އަދި މއ. އެނބޫގައި ހުންނަ އެޓިކް އިންޓަނޭޝަނަލް ޕްރައިވެޓް ލިމިޓެޑްގެ އޮފީހާއި މއ. ނަމޫނާގޭގެ އިތުރުން މ. ވޯލްނަޓް އެވެ.
ފާސްކުރި ބައެއް ތަންތަނުން، މައްސަލައާ ގުޅުން ހުރި ބައެއް ތަކެތި ވެސް ފުލުހުން ވަނީ ހޯދައިފަ އެވެ. އޭގެ ތެރޭގައި، ބޮން ހެދުމަށް ބޭނުންކުރާ ކެމިކަލް އާއި އެހެން ބައެއް ސާމާނު ހިމެނެ އެވެ. މީހުން ހައްޔަރުކޮށްފައި ވަނީ ބޮން ހެދުމުގެ ކުރިންނެވެ.
ބޮން ހަދަން އުޅުނީ ކޮން ތަނެއްގައި ހަމަލާ ދޭން ކަމެއް ނޭނގެ އެވެ.
ބޮން ހަދަން އުޅުނު މީހުން ހައްޔަރުކޮށް ފާސްކުރުމުގެ މަސައްކަތް ފުލުހުން ކުރަނީ.
ފުލުހުންގެ އޮޕަރޭޝަނުގައި ފާސްކުރި ވޯލްނަޓްގެ އަކީ، ސަލްޓަންޕާކް ބޮމުގެ ހަމަލާއަށް ފަހު ފިލައިގެން ޕާކިސްތާނަށް ގޮސް އުޅުމަށް ފަހު ވަގު ޕާސްޕާޓެއްގައި ލަންކާ އަށް ގޮސް އުޅެނިކޮށް ހައްޔަރު ކުރުމަށް ފަހު ދޫކޮށްލާފައި ހުރި މީހަކު އުޅޭ ގެއެކެވެ. އެ ގެ ފާސްކުރީ އެ މީހާ މާރުކޭޓް ހޮޓަލުގައި ސައިބޯން އިންދައި، ގެންގޮސް އޭނާގެ ހާޒިރުގައި ކަމަށް އެނގިފައިވެ އެވެ.
މައްސަލައާ ގުޅިގެން ހައްޔަރުކޮށްފައިވާ މީހުންނަކީ އިސްލާމިކް ސްޓޭޓް (އައިސިސް) އަށް ތާއީދުކޮށް، ރާއްޖެއިން ބޭރަށް ހަނގުރާމައަށް މީހުން ފޮނުވުމުގައި ޝާމިލްވާ ބައެއް މީހުންނެވެ. އޭގެ ތެރެއިން އެކަކީ ސީރިއާގެ ހަނގުރާމާގައި ބައިވެރިވާން އަނބިމީހާއާ އެކު ރާއްޖެއިން ފުރަން އުޅެނިކޮށް ހައްޔަރުކުރި މީހެކެވެ. އަދި ޓްވިޓާގައި ޓެރަރިޒަމަށް ހިތްވަރުދީ ލިޔުންތައް ލިޔާތީ ޓްވިޓާއިން ވެސް އޭނާ ވަނީ ސަސްޕެންޑް ކޮށްފަ އެވެ.
ހައްޔަރުކުރި މީހުން ތަހުގީގަށް ބަންދުގައި ބައިތިއްބަން ކްރިމިނަލް ކޯޓުން ވަނީ 15 ދުވަސް ދީފަ އެވެ. ނަމަވެސް މިކަމާ ބެހޭ ގޮތުން ފުލުހުން އެއްވެސް ވާހަކައެއް ނުދައްކަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސޭލާ
28 April 2017
ޔާމީނުގެ އަޑު ކަޑުވާލަން ބޮން ގޮއްވާ ވަހަކަ ދައްކަން ފެށީ.
ހެއްވާ
27 April 2017
ތީ ޓެރަރިޒަމްގެ ކުށުގައި އަހަރުތަކަށް ހުކުމް ކުރަން ޖެހޭ މީހުން. ނަޝީދުމެނެއް ނޫން
ޖިލްބާބު ހަބީބު
26 April 2017
މިބާވަތުގެ ކޮންމެ ބޮޑުކަމެއް ހިނގާއިރަށް ފުލުހުންނަށް މިފެންނަ ބޮންތަކަކީ ކާކު ހަދާ އެއްޗެއްބާ؟ ކާނަލް ނާޒިމް އަުގައި ބިޑިއެޅުވި ދުވަސްވަރުވެސް ބޮންތަކެއް މާލޭގެ އެކިތަންތަނުން ފެނި ބަޔަކު ހައްޔަރުކޮށް ޖަލަށްލީވެސް ތޯއްޗެއް؟ މީކިހިނަކުން ހިނގާ ކަމެއްކަން ބުނެދީބަލަ ދަންނަމީހަކު.
ހިނި
26 April 2017
މަހީހީ ދެން ހަލާކު ވެއްޖެ... މިޙީވަނީ ކޮންމެވެސް ކަމެއް ފޮރުވަން ޖައްސާލި ސްޓަންޓެއްހެން
ހީލާ
27 April 2017
އަޅެ އަދި ވަރަށް ގަދައަށް ހީލަބަލަ. ބަޔަކު ކުރާ ކިތަންމެ މިންނެއް މަސައްކަތެއްވެސް ބަލައިނުގަންނާތި. ތިމަންނަ ކަމެއްކޮށްގެން ބަޔަކު އެކަން ބަލައިނުގަންނަ ދުވަހަކުން ވިސްނޭނެ ތިހާވަރަށް ހިނިއައުން އެއީ ކޮންކަހަލަ ކަމެއްތޯ.
ާހުސޭނުބެކޮއްކޮ
26 April 2017
ހުސޭނުބެ ތިހުރީ ދުނިޔެއިން މޮޔަވެފަ މަޖިލީހެއްނޫން މުހިންމީ ވެރިންއިސްލާހުވެފަ އިސްލާމި ސަރިއަތް ތަންފީޒު ކުރަންވީ
ޙަލަބު
26 April 2017
ޙަރުކަށި ދީނީ ފިކުރުގެ ޖަމާއަތް ހަދައިގެން ފަންޑުތައް ހަދައިގެން އުޅޭ މިނުނާ ދޭތެރޭ ފިޔަވަޅު އަޅާނީ ކޮންއިރަކުންބާ. މިތަނައް ދަރުސުދޭށޭ ކިޔައިގެން އެބަގެނޭ ދުނިޔޭގަ ޓެރަރިޒަމައް ހިއްވަރުދޭމީހުން. ޢަހަރުމެން ބޭނުމެއްނުވޭ މިތަން ޕާކިސްތާނައް ހަދާކައް. ޢެގޭނޭފަދައިން މިކަމެ ފަށިގެން ގައީ މަތީތައުލީމު ހާސިލުކުރާށޭ ކިޔައިގެން ހިލޭ ކިޔަވާނޭން ޕާކިސްތާނައް ޒުވާނުތައް ގެންގިޔަ ދުވަސްވަރައްފަހު
ރަބަރޭ
26 April 2017
ހަރާމް ބަގާވާތުން ސަލާމަތެއް ނުވާނެ....މިބުނީ ވަރައް ވާހަކަ
ފުހޭ
27 April 2017
އަސްލުތަ؟
ފުއާދު
27 April 2017
ހާދަ މޮޅުވީމައޭ ވަރައް ވާހަކަ ބުނެވޭނީ. މި ބުނީ ލައްކަ ވާހަކަ.
މާރާމާރީ
26 April 2017
މީހަކު ހަމަ ކިތިލާއިރަށް ދެން "އުފަން" ވާންފަށާނީ "ބޮމުގެ ސިލްސިލާ" އެއް. މިއަދު ތިޔަ ބަޔަކަށް ހިމާޔަތްވެސް ދެވިދާނެ. ފުރުވާވެސް ލެވިދާނެ، އެހެން ނަމަވެސް ހަނދާން ކުރައްވާތި. "ޤިޔާމަތް" ދުވަހު ﷲގެ ހަޟްރަތުގައި ތިމާ ނިކަމެތިކަމާއެކު އެއްބަސް ނުވެ ކުރެވޭނެ އެއްވެސް ކަމެއް ނޯންނާނެ ކަން ހަނދުމަ ފުޅު ކޮށް އަރުވަން.
ހަސަންބެ.
26 April 2017
މިހާރު ގާސިމުބެ ވާހަކަ އެއް އެއްވެސް މީހަކު ނުދައްކާދޯ. ސިޔާސީ މަސްރަހުވެސް އެހާ ހަލަބޮލިއެއް ނޫންދޯ. ސަރުކާރަށް ޕްރެޝަރ ކުޑަވެއްޖެ. ސިޔާސީ ބޮޑު ކަމެއް ގެ ތެރެއިން އަބަދުވެސް މިކަހަލަ މަރު ތައް އެބައާދޭ ދޯ. ދެން އެންމެންނަށް މިހާރު ރަގަޅަށް އެގެންވެއްޖެ މިކަމުގެ އަޑީގައި ހުރީ އޮމްރިޝްޕޫރީކަން.
އެނގޭ
27 April 2017
އެނގެނީ އަމްރިޝްޕޫރީ 2005ގަ މަރުވެއްޖެކަން އަދި އޭނާއެއީ ހަމައެކަނި ފިލްމީ ޚިޔާލީ ވިލެއިނެއްކަން. އަސްލު ވިލަނެއްވެސް ނޫން. ހއ. އަށް ވެހޭ ވާރެއާ އޮސްޓްރޭލިއާއަށް ވެހޭ ވާރެއާ ގުޅުވަން ތިޔަހާ މޮޅަށް އެނގުނީމަ ސާބަހޭ ބުނެވޭނީ.
ހުސޭނުބެ
26 April 2017
މިއީ ވަރަށް ނުރައްކާތެރި ބައެއް!! މިމީހުންނަށް ޓެރަރިޒަމްގެ ދަޢުވާ އުފުލާ އުމުރު ދުވަހަށް ޖަލަށް ލާންޖެހޭ!! ގާނޫނުތައް ހަރުކަށިކޮށް މިފަދަ ޢަމަލު ހިންގައިގެން ނުވަތަ ހިންގަން އުޅެގެން އެކަން ޝަރީޢަތަށް ސާބިތުވާ ފަރާތްތަކަށް މަރުގެ ޙުކުމްކޮށް އެކަން ތަންފީޒްވެސް ކުރަންޖެހޭ!! މިއީ ގައުމީ މައްސަލައެއް!! މުޅި ގައުމުގެ އަމާންކަމާ ގުޅިފައިވާ މައްސަލައެއް!! މިފަދަ ޢަމަލުތައް ވަރަށް ސީރިއަސްކޮށް ގައުމީ ނަޒަރަކުން ބަލަންޖޭ!! ގާނޫނު ހަދާ މަޖްލީހުންވެސް ނަގަންޖެހޭ!!