ޓާޓާ ފްލެޓަށް ހޮވުނު މީހުންގެ ތެރެއިން ސަރުކާރަށް ދޫކޮށްލާ ބިމުގެ އަކަފޫޓެއް 2،000ރ. އަށް ގަންނަނީ

އަމީނީމަގުގައި ހަދާފައިވާ މާލޭ ސްކްއާ ފްލެޓްތައް: މިތަނުގައި 190 ފްލެޓް ހަދާފައިވޭ. ފޮޓޯ: ނިޝާން އަލީ /މިހާރު

އަބްދުﷲ ޖަމީލު، މިހާރު

26 އެޕްރީލް 2017 - 20:48

ޓާޓާ ހައުސިންއާ ހަވާލުކޮށްގެން ސަރުކާރުން މާލޭގައި އިމާރާތްކުރި ފްލެޓްތަކަށް ހޮވުނު މީހުންގެ ތެރެއިން، ސަރުކާރަށް ދޫކޮށްލާ ބިންކޮޅު އަކަފޫޓެއް 2،000ރ. ގެ ރޭޓުން ގަންނަން ނިންމާފައިވާ ކަމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން މިއަދު ބުނެފި އެވެ.

އެ ކުންފުނީގެ އިސް އޮފިޝަލަކު "މިހާރު" އަށް ވިދާޅުވީ ޓާޓާ ފްލެޓަށް ހޮވުނު މީހުންގެ ތެރެއިން ބޭންކު ލޯނު ހަމަނުޖެހުނު މީހުންނަށް ލުއިގޮތްތަކެއް ހޯދައިދިނުމަށް އެ ކުންފުނިން މަސައްކަތްކުރަމުން އަންނަ ކަމަށެވެ. އެގޮތުން މާލެއިން ލިބިފައިވާ ބިންކޮޅު ދޫކޮށްލާ މީހުންނަށް ބޭންކު ލޯނު ފަސޭހައިން ލިބޭނެ ގޮތް ހަމަޖެއްސުމުގެ ގޮތުން އަކަފޫޓެއް 2،000ރ. އަށް ގަންނަން ނިންމީ ކަމަށް އޮފިޝަލް ވިދާޅުވި އެވެ.

"އަޅުގަނޑުމެން އަކަފޫޓެއް 2،000ރ.ގެ ރޭޓުން ގަތުމުން ފްލެޓްގެ ޖުމްލަ އަގުން އެމިންވަރަށް އުނިވެގެންދާނެ. އޭރުން ބޭންކުން ނަގަން ޖެހޭ ލޯނާއި ޑައުންޕޭމަންޓްގެ މިންވަރު ވެސް ކުޑަވެގެންދާނެ،" އޭނާ ވިދާޅުވި އެވެ.

އޮފިޝަލް ވިދާޅުވީ އެ ކުންފުނިން ދެ މިލިއަން ރުފިޔާއަށް ވިއްކާ ޓާޓާ ފްލެޓެއްގެ މިހާރު މާކެޓްގެ އަގަކީ ތިން މިލިއަން ރުފިޔާ ކަމަށެވެ. ނަމަވެސް ސޯޝަލް ހައުސިންއަށް އިމާރާތްކޮށްފައިވާ ފްލެޓްތަކަށްވުމުން އަގު ދެ މިލިއަނަށް ކުޑަކުރީ ކަމަށް ވެސް އޭނާ ވިދާޅުވި އެވެ.

ޓާޓާ ފްލެޓްތައް ލިބުނު މީހުންނަށް އެޕާޓްމަންޓް ކަނޑައެޅުމަށް ގުރުއަތު ނަގަނީ

"އަޅުގަނޑުމެން މިހާރު ފްލެޓަށް ހޮވުނު ފަރާތްތަކަށް އެބަ އަންގަން އަކަފޫޓެއް 2،000ރ.ގެ ރޭޓުން ގަންނަން ނިންމިކަމަށް. އޭރުން ދެން ލޯނުގެ ނަގަން ޖެހޭ މިންވަރު ވެސް އަންގާނެ،" އެ އޮފިޝަލް ވިދާޅުވި އެވެ.

ޓާޓާ ފްލެޓްތަކަށް ގުރުއަތުން ހޮވުނު 268 މީހުންގެ ތެރެއިން ފައިސާ ދައްކަން ދިން މުއްދަތު މިދިޔަ ޖެނުއަރީ 26 ވަނަ ދުވަހަށް ހަމަވިއިރު 47 މީހަކަށް ފައިސާ ދައްކައިދޭން އިސްލާމިކް ބޭންކު (އެމްއައިބީ) އިން ވަނީ ނިންމައިފަ އެވެ. އެ ފްލެޓަށް ހޮވުނު މީހުންގެ ތެރެއިން އެ ބޭންކުން ފައިނޭންސް ހޯދުމަށް 100 މީހަކު ހުށަހެޅި އެވެ. އޭގެ ތެރެއިން 47 މީހަކަށް ފައިސާ ދޭން ނިންމައި 53 މީހެއްގެ ފޯމް ވަނީ ބާތިލު ކޮށްފަ އެވެ.

‎އެޗްޑީސީން ކުރިން ބުނި ގޮތުގައި ފްލެޓް ހަވާލުކުރާނީ ލޯނަށް ދައްކަންޖެހޭ ޑައުންޕޭމަންޓް ހަލާސްކުރުމަށް ފަހު، އެޗްޑީސީ އާއި ލޯނު ދޭ ފަރާތް އަދި ފްލެޓްގެ ވެރިފަރާތާ ދެމެދު ހަދާ އެއްބަސްވުމަކަށް ފަހު އެވެ.

އެ ‎ދެ އިމާރާތުން ފްލެޓެއްގެ އަގު އުޅެނީ ދެ މިލިއަން ރުފިޔާގަ އެވެ. ރާއްޖޭގެ ބޭންކްތަކާއި ގެދޮރަށް ލޯނު ދޫކުރާ އެހެން ފަރާތްތަކުން ޑައުންޕޭމަންޓްގެ ގޮތުގައި 20 ޕަސެންޓް ނަގަ އެވެ. އެހެންކަމުން ދެ އިމާރާތުން ފްލެޓް ލިބުނު މީހުން ޑައުންޕޭމަންޓްގެ ގޮތުގައި 400،000ރ. ދައްކަން ޖެހެ އެވެ.

ފްލެޓަށް ގުރުއަތުން ހޮވުނު މީހަކު ބުނީ ބިންކޮޅު އަކަފޫޓެއް އެޗްޑީސީން 2،000ރ. އަށް ގަންނަން ނިންމުމުން ކުޑަ ހިތްހަމަޖެހުމެއް ލިބިއްޖެ ކަމަށެވެ. ނަމަވެސް ބޭންކުތަކުން ހަމަޖައްސާފައިވާ އުސޫލްތަކުގެ ސަބަބުން ލޯނު ހޯދުމަކީ ގިނަ ބަޔަކަށް އަދިވެސް ދަތިކަމަކަށް ވާނެ ކަމަށް ވެސް އޭނާ ވިދާޅުވި އެވެ.

"ބޭންކުން ލޯނު ދިނުމުގައި އެ މީހަކަށް ލިބޭ އާމްދަނީއަށް ބަލާ. މިވަރުގެ ފްލެޓަކަށް ލޯނުދޭއިރު މަދުވެގެން މަހަކު 30،000ރ.ގެ އާމްދަނީއެއް ލިބެން ޖެހޭ އެ މީހަކަށް ނުވަތަ ދަރިންނަށް. އެވަރު ލިބެނީ ނިސްބަތުން ވަރަށް މަދު ބަޔަކަށް،" އެ މީހާ ބުންޏެވެ.‎

ކުރިން އަރަބިއްޔާ ހުރި ބިމުގައި 90 ފްލެޓް އަދި ގާކޮށީގައި 190 ފްލެޓް ތަރައްގީކޮށްފައިވެ އެވެ. އޭގެ އަގުގެ ގޮތުގައި ސަރުކާރުން ވަނީ، އިންޑިއާގެ ޓާޓާ ކުންފުނީގެ ހިއްސާ އޮންނަ އެޕެކްސް ރިއަލިޓީ އަށް 277 މިލިއަން ރުފިޔާ އެއްފަހަރާ ދައްކައިފަ އެވެ.

ހައުސިން މިނިސްޓްރީ އެޗްޑީސީ ރިއަލް އެސްޓޭޓް ވިޔަފާރި ޓާޓާ ގްރޫޕް ބޯހިޔާވަހިކަން

28 ކޮމެންޓް, 58 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

27 April 2017

އަހަރެންގެ އުމުރުން މީހާރު 40 ވެއްޖެ، މާލެގަ ގެދޮރުވެސް އެބަހުރި އެކަމު އިންނާނެ މީހަކު ނުވެގެން މިއުޅެނީ، އެހެންވީމަ ޖާން ތެރޭ ނާމް އަށް ބުނެލަން އޮތީ އެއީ ވަކި ގެދޮރު ހުރެގެން ވާކަމެއް ނޫނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާން ތެރޭ ނާމް

27 April 2017

އަޅުގަޑުމެން މިފަހުގެ ޖެނެރޭޝަންގެ އެއްވެސް މާލޭ ރައްޔިތެއް އަތުގަ ބިންކޮޅެއް ނެތް 30 35 އަހަރު ފުރޭއިރު ކައިވެނި ނުކުރެވި އެތަކެއް ބައިވަރު ޒުވާނުންނެއް އެބައުޅޭ. ބިންކޮޅެއް އޮވެގެންނޫނީ ފްލެޓް ނުލިބެ ހެއްވާކަމެއް! އެކަމަކު މާލެއަކީ ދިވެހިރާއްޖޭގެ ވެރިކަން ކުރާ ރަށް ކަމުން ސަރުކާރުގެ ބޭނުމައް އެތަކެއް ބައިވަރު އިމާރާތް ތަކެއް ހަދަންޖެހުމުން މާލޭން ގޯތިދިނުން ހުއްޓާލި އެ ފަހުން 35 ވަރަކަށް އަހަރު ވާން އަންނައިރު އޭރުގެ ސަރުކާރުން މާލޭގެ ނިކަމެތި ގެދޮރުނެތް ރައްޔިތުންނަށް ވިލިމާލެ އަދި ހުޅުމާލެ ހެދި ނަމަވެސް މާލޭގެ ނިކަމެތި ވަރަށް ގިނަމީހުން ތިބީ އަދިވެސް އެހާލުގަ އޭގެހެއްކެތް އަޅުގަޑުގެ ބައްޕަޔާ މަންމަޔަކީ އަޅުގަޑުގެ އުމުރުން 9 އަހަރުން ފެށިގެން 8 ދަރިންނާއެކު ކުޑަ ތަންކޮޅެއް ތެރޭ ނޫޅެވިގެން އޭރުއްސުރެން މަސައްކަތް ކުރަމުންއަންނަ މީހެއް އެކަމަކު ވިލިމާލޭން ވެސް ހުޅުމާލޭން ވެސް ނުލިބި މިހެން ހުއްޓާ އޭރުގެ ސަރުކާރުގަ ބައްޕަ ވަޒީފާ އަދާކުރަމުން ދިޔަ ތަނުން ބައްޕަ އުޅޭލެއް ދަތިކަމުން ގޯއްޗެއް ލިބެންދެން ދިރިއުޅެން ދީފަ ހުރިތަނުންވެސް މިހާރު ނުކުންނަން އެއަންގަނީ އުޅޭނެ އެހެން ތަނެއް ވެސް ނުދީ މިހާރު އަޅުގަޑުގެ އުމުރަކީ 43 އަޅުގަޑުގެ ހަގައް 7 ކުދިން އެންމެ ހަގު މީހާޔައް 22. އުޅޭނެތަނެއް ނެތީމަ މީހުނާ ނީދެވިފަ 4 ދަރީން އަޅުގަޑު ވެސް 35 އަހަރު ވަންދެން ހުރިން އެންމެފަހުން މީހަކާ އިދެގެން މިއުޅެނީ މާލޭގަ ކުއްޔައް ލިބޭހުރިހާ ލާރިކޮޅެއް ކުލިދައްކަންށާ ބިލުތަކައް ދެންހުރި ހަރަދުތައް ބަލަހައްޓަނީ އަޅުގަޑުމެން ދެމަފިރީން ހޭބޯނާރާ ރޭގަޑުގެ އަރާމު ނިދިކޮޅު ނަގާލާފަ ކުރާމަސައްކަތުން އެކަމަކު މީ މާލޭ ރައްޔިތުންނޯ. އަޅުގަޑު މެނައްވުރެ މާލޭގަ ކުއްޔައް އުޅޭ ރަށްރަށު މީހުން މާއަރާމުގަ އުޅެލަނީ އެހެންނޫން ވާނީ އެމީހުންގެ ރަށުގަ ލާރިލިބޭނެ ކޮޅުކޮޅު އޮވޭ ގެސްޓް ހައުސްތަކުން ލިބޭ އަދިމިހެން އުޅެފަ ބައެއްމީހުން މިތަނުން ފްލެޓް ވެސް ބިން ވެސް ހޯދާފަ އެބަހުރ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

27 April 2017

ސައިހޮޓާ ހިންގާހެން ހިންތާ އޮފީސްތަކާއި އިދާރާތަށް، އެއްވެސްކަމެއް ކުރިން ރޭވުންތެރިކަމެއްނެތި ހަމަ ތިބެލާފައި ގޮތެއް ކިޔާފައި ކަންކަން ކުރަމުންދަނީ، މިކަމުން އެނގޭ އެއްޗަކީ ސަރުކާރުގެ އެއްވެސް މުއައްސަސާއެއްގެ އެއްވެސް ހަމައެއް ލަމައެއްނެއްކަން، ކުރިން ސަރުކާރުން ބުނީ މާލޭގެ ތަންކޮޅު ދޫކޮށްލީމާ އެތަންކޮޅު ވައިވައްދަން ހުސްކޮށް ބޭއްވުމަށް އަދި މާލެ ތޮތްޖެހޭތީ ތޮތްޖެހުން ކުށަކުރުމަށް ހުސްޖާގަ އިތުރުކުރުމުގެ ބޭނުމުގައި އެކަަމަކު މިހާރު އެބިންކޮޅު ސަރުކާރަށް ޓެކުސްގެ ފައިސާއިން ގަނެފައި އެބިންތަށް ދޫކޮށްލި މީހުންނަށް ހުޅުމާލެއިން ބިމެއްދީފައި އަދި ފައިސާދޭގޮތަށް ހަގީގަތުގައި ގެދޮރުވެހިކަމުގެ ސިޔާސަތު ހަމަ ސުމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުޅޭނީ

27 April 2017

ބިންކޮޅު ވިއްކާފައ ފްލެޓްގަންނާނެ މޮޔައިންވެސް އުޅެނީތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަމަނަ

27 April 2017

ސަރުކާރުން ރައްޔިތުންނަށް އޯގާތެރިކަން ދައްކަން އެކިކަން ކުރަމުންދާއިރު ފްލެޓް ލިބޭމީހުނަށް މިހާ ނިކަމެތިކޮށް ކަންކުރަނީ ކީއްވެބާ.. ފްލެޓް ލިބޭ އާއިލާތަކުގައި އުމުރުން ދުވަސްވީ މީހުން ކުޑަކުދީން ދާއިމީ ބަލިތަކަށް ބޭސްކުރާމީހުން ތިބޭނެކަން ނޭންގެނީތޯ.. ފްލެޓް ލިބޭމީހުން ކީއްކޮށްގެންބާ ސަރުކާރުން އެމީހުންނަކީ ދިވެހި ރައްޔިތުންކަމަށް ނުބަލަނީ.. ގިނަ އާއިލާތައް އުޅެނީ ވަރަށް ނިކަމެތިކޮށް ދަތި ހާލުގައި.. ބޭންކްތަކުން ލޯން ލިބޭގޮތް ވެފައި ވަނީ އެކަމަށް ޝަރުތު ފުރިހަމަވީ މީހުންކަމަށް ވިޔަސް ލޯން ނުލިބުނު މީހުނަށް ރަނގަޅުގޮތެއް ހަމަޖައްސައި ދޭނަމޭ ބުނެފައިވޭ.. ފައިސާ ހުރި މީހުނަށް ހުރިހާކަމެއް ވާއިރު މިހާރު އެއްބަޔަކަށް ފްލެޓްގެ ތަޅުދަނޑި ދީފި.. ނިކަމެތީން ފާރު ބުޑުގައި..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރަންވީ

27 April 2017

ޓާޓާ ފްލެޓަށް ހޮވުނު މީހުންގެ ތެރެއިން ސަރުކާރަށް ދޫކޮށްލާ ބިމުގެ އަކަފޫޓެއް 2،000ރ. އަށް ގަތުން އެއީ ވަރަށް ރަނގަޅަށް ސަރުކާރުން ކުރައްވާ ކަމެކެވެ. އެކަން އެގޮތަށް ކުރުމުން ފްލެޓްސް ތައް ލިބުނު ފަރާތް ތަކަށް ފްލެޓްސް ތައް ލިބުމުގައި ލުއި ފަސޭހަ ތަކެއް ވާނެ ކަމަށް މަމެން މިދެކެނީ. ދެން ވެސް ފްލެޓްސް ތައް ލިބުނު ފަރާތް ތައް އަވަހަށް ސަރުކާރުގެ ބަސް އަހައިގެން މިކަން މިމަގުން ކުރިއަށް ގެންދަންވީއެވެ. އެއިރުން ތިކަމަށް ހައްލެއް ލިބި ރަނގަޅު ބޯހިޔާވަހި ކަމެއް ލިބިގެން ދިޔައީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާ

27 April 2017

ބަލަ ތީގެމަނައަކީ ފުލެޓުގެ އަގުހެޔޮވިއްޔޭތަ!!! ނޫނީ ރޮކެޓެއް ޖަހައިގެނަ އަހަރުމެންގެ ބޮލުގަ އަޅުވަނިއްޔޭތަ.. ބަލަބެންކަގުޅިގެން ފައިސާ ދައްކަންޖެހޭތީއޭ މައްސަލައަކީ...ހާދަ ލަރިއެކޭއދައްކަންޖެހެނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާމިނަތު

27 April 2017

މުޅިގައުމުގެ ރައްޔަތުން އަތުން އެތަކެއް ބިލިއަނުން ޓެކުސް ނަގައިގެން ތިޔަ ގަންނަ ގަނޑު އެއްމެ ފުރަތަމަ އައް ބާއްވާ ވޯޓު ލިއުމުގައި ވަރައް ރަނގަޅައް ދައްކާނަން... އަހަރުމެންގެ ބިންކޮޅު ވެސް އެއްމެ ކުޑަމިނުން އަކަފޫޓެއް 5 ރ ގެ ވެލުއި ނެތް ..