މިއަދުގެ ހަފުލާގައި ރާއްޖޭގެ އެޑިއުކޭޝަން މިނިސްޓަރު އާއިޝަތު ޝިހާމް، ޕާކިސްތާނުގެ ސަފީރަށް ހަނދާނީ ފިލައެއް އަރުވަނީ.---މިހާރު ފޮޓޯ: ހުސެއިން ވަހީދު
30 އެޕްރީލް 2017 - 14:53
7 comments
ރާއްޖޭގެ 15 ސްކޫލަކަށް ޕާކިސްތާނުގެ "ޖިނާހް ލެޕްޓޮޕް ސްކީމް" ގެ ދަށުން މިއަދު ލެޕްޓޮޕް ހަދިޔާ ކޮށްފި އެވެ.
އެޑިއުކޭޝަން މިނިސްޓްރީގައި ބޭއްވި ރަސްމިއްޔާތެއްގައި، މި ޕެލްޓޮޕްތައް ހަވާލުކޮށްދެއްވީ ރާއްޖޭގައި ހުންނަވާ ޕާކިސްތާނުގެ ސަފީރު ސައީދު ހަވަރު އަލީ ޝާހު އެވެ. ލެޕްޓޮޕްތަކާ ހަވާލުވެވަޑައިގަތީ އެޑިއުކޭޝަން މިނިސްޓަރު ޑރ އާއިޝަތު ޝިހާމް އެވެ.
މިއީ އެކި އަހަރު ތަކަށް ބަހާލައިގެން ރާއްޖޭގެ ހުރިހާ ސްކޫލަކަށް ހަދިޔާ ކުރާ ގޮތަށް ހަމަޖެހިފައިވާ ލެޕްޓޮޕްތަކެކެވެ. މި އަހަރު ހަދިޔާކުރި 15 ލެޕްޓޮޕް ދޭނީ ސަރުކާރުން މާލޭގައި ހިންގާ 14 ސްކޫލަށާއި އައްޑޫ ހައި ސްކޫލަށެވެ.
މިއަދުގެ ހަފުލާގައި މިނިސްޓަރު އާއިޝަތު ޝިހާމް ވިދާޅުވި ގޮތުގައި މި ލެޕްޓޮޕްތައް ދޭނީ އެ ސްކޫލަކުން އެ އަހަރަކު ހުރިހާ ގޮތަކުން ވެސް އެންމެ މޮޅު ދަރިވަރުގެ މަގާމު ހޯދާ ކުއްޖަކަށެވެ. އަދި މި ސްކީމުގެ ދަށުން އަންނަ އަހަރު ހަދިޔާކުރާ ލެޕްޓޮޕްތައް ދޭނީ އަތޮޅު ތައުލީމީ މަރުކަޒުތަކަށް ކަމަށް އެޑިއުކޭޝަން މިނިސްޓްރީން ބުންޏެވެ.
ޕާކިސްތާނުގެ ސަފީރު ވިދާޅުވީ ރާއްޖޭގެ ތައުލީމީ ނިޒާމަކީ މި ސަރަހައްދުގައި އޭނާ އަށް ފާހަގަކުރެއްވޭ އެންމެ ރަގަޅު ނިޒާމު ކަމަށެވެ. އަދި ރާއްޖޭގެ ދަރިވަރުންނަށް ހާއްސަކޮށް ޕާކިސްތާނުގެ ފަރާތުން މެޑިކަލްގެ ދާއިރާ އިން ސްކޯލަޝިޕްތައް ހޯދައިދޭނެ ކަމަށް ވެސް އޭނާ ވިދާޅުވި އެވެ.
"ޖިނާހު ޕެޕްޓޮޕް ސްކީމް" ނިސްބަތް ވަނީ ޕާކިސްތާނުގެ ފުރަތަމަ ގަވަރުނަރު ޖެނެރަލް މުހައްމަދު އަލީ ޖިނާހު އަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެންޓލް ކޭސް
02 May 2017
ޕާކިސްތާން ކަހަލަ ނިއުކްލިއަރ ހަތިޔާރު އުފައްދާ ގައުމަކުން ކޮންމެ ދިވެހި ރައްޔިތަކަށް ލެޕްޓޮޕެއް ދިނުމުގެ ގާބިލް ކަން ހުންނާނެ، އެއިރުން މިހާރު ދިވެހިން ޕާކިސްތާނާ ދޭތެރޭ ދެކޭގޮތް ވެސް ބަދަލު ވެދާނެ، އަދި އިންޑިޔާ އެކަމާ ޖެލަސްވެސް ވާނެ މީ ދިން މިންވަރަށް ޝުކުރު ނުކޮށް ބުނި ވާހަކަ އެއް ނޫން
ރާއްޖޭގެ އުތުރުން އެންމެބޮޑު ސްކޫލް
30 April 2017
އަޅުގަނޑުމެންގެ ސްކޫލަކީ ރާއްޖެތެރޭގައި އެންމެފުރަތަމަ ކޮމްޕިއުޓަރެއް ބެހެއްޓި ފުރަތަމަ ސްކޫލް. މިހާރު މިތަނުގައި އެކައްޗެއްވެސް ނެތް. ޓީޗަރުންނަށް މަޖްބޫރުވެގެން ކޮންމެ ޓީޗަރަކު ގެންގުޅެނީ އަމިއްލަ ލެޕްޓޮޕް. ބެލެނިވެރިންނަށް އާދޭސްކޮށްގެން ކްލާސްރޫމުތަކުގައި ފުރަތަމަ ބެހެއްޓީ ޕްރޮޖެކްޓަރ. މިހާރު އެތަކެތި ހަލާކުވަމުން އަންނާތީ ޓީވީ އަށް ބަދަލު ކުރަނީ. ހަމަ ބެލެނިވެރިންނަށް އާދޭސްކޮށްގެން. ޓީޗަރުން އަމިއްލަ ތަކެތި ބޭނުންކުރަމުން އަންނަ އިރު ތިތަނުން އެންމެ ލެޕްޓޮޕް ގަނޑެއް ނަމަވެސް އަހަރެމެންނަށް ލިބޭނެބާ!
ބަލަންޖެހޭ
30 April 2017
ތި ލެޕްޓޮޕްތަކުގެ ހާޑު ޑިސްކުތަށް ވަރަށް ރަނގަޅަށް ޗެކްކުރަންފެނޭ.
GAN Island
30 April 2017
އެކަށީގެންވާ Configuration ރަނގަޅު އެއްޗެއްނަމަ ކޮންމެ އެއްޗެއް 12 ހާހަކަށް ރުފިޔާ އަށް ވިއްކާލެވިދާނެ. ތިބޭފުޅުންނަށް ރަނގަޅުވާނީ ފައިސާކޮޅު. . . . އަނެއްކާ ލެޕްޓޮޕް ހަދިޔާ ކުރައްވަމުން ޕާކިސްތާނުގެ ސަފީރު ސައީދު ހަވަރު އަލީ ޝާހު ވިދާޅުނުވޭތޯ މިއީ ''ގަޓް ރައީސް'' ގެ ތަރައްޤީގެ ތެރެއިން ބައެކޭ. އަދި މިފަދަތަރައްޤީ ބޭނުން ނަމަ އަންނަ މަހުގެ 6 ވަނަ ދުވަހު ވޯޓްލާން ނިކުމެ ''ދަރުބާރު ފަޅިއަށް'' ވޯޓް ދެއްވާށޭ.
މަގޭދަރި
30 April 2017
މަގޭ ދަރި މިއަންނަ އަހަރު ހީވަނީ ހުރިހާ ގޮތަކުން އެންމެ ރަގަޅު ދަރިވަރަށް ހޮވޭނެހެން. ޢެހެންވީމަ މަގޭދަރި އުޅޭ ސްކޫލް ހިމަނާލަ ދެއްޗޭ މިއަންނަ އަހަރު
އުމަރު
30 April 2017
ތިޔައީ އެއް މުސްލިމް އަނެއް މުސްލިމް ގައުމަށް ދެވުނު ވަރަށްބޮޑު އެހީއެއް، ތިޔަވާހަކަ ޖެހޭނެ މުޅި ދުނިޔެއަށް ހާމަކުރަން، ތިޔައީ ވަރަށްބޮޑު އެހީއެއް އަދި މިރޭގެ ޓީވީންވެސް ދައްކަންޖެހޭނެ
ޑޯން
30 April 2017
ކުރީދުވަހުދިޔައީ ލެޕްކޮލަކަން ސަލާންޖަހަންދޯ...