ފިނިފެންމާ ލޯންޗުގައި އެއްޗެއް ގޮއްވާލި މައްސަލާގައި އަހްމަދު ފަޔާޒްގެ އިތުރުން ދައުވާ ލިބޭ ދެ މީހުން ކޯޓަށް ހާޒިރުކުރަނީ. -- ފޮޓޯ: ނިޝާން އަލީ/މިހާރު
18 ޖޫން 2016 - 11:29
13 comments
ރިޔާސީ ލޯންޗް "ފިނިފެންމާ" ގައި އެއްޗެއް ގޮއްވާލި މައްސަލައާ ގުޅިގެން މާލޭ އޭރިޔާގެ ކޮމާންޑަރު ކެޕްޓަން އަހުމަދު ފަޔާޒު (ޕާޕާ) އާއި ސިފައިންގެ އިތުރު ދެ މީހަކަށް ކުރާ ދައުވާގެ ހުކުމް އިއްވުން މާދަމާ އަށް ކްރިމިނަލް ކޯޓުން ތާވަލްކޮށްފި އެވެ.
މިދިޔަ ސެޕްޓެމްބަރު މަހުގެ ފަހުކޮޅު ރައީސް އަބްދުﷲ ޔާމީންގެ ދެކަނބަލުން ފިނިފެންމާ ލޯންޗްގައި ދަތުރުކުރައްވަނިކޮށް އޭގައި އެއްޗެއް ގޮއްވާލި މައްސަލައާ ގުޅިގެން ފަޔާޒްގެ މައްޗަށް ދައުވާކުރަނީ ހާދިސާ ހިނގި ވަގުތު ފުލުހުން ތަހުގީގަށް ލޯންޗަށް އަރަން އުޅުމުން ފަޔާޒް އެކަމަށް ހުރަަސް އަޅައި އެކަން މަނާކުރި ކަމަށް ބުނެއެވެ.
ފަޔާޒާ އެކު ދައުވާލިބޭ ސިފައިންގެ ދެ މީހުން ކަމަށްވާ މޫސާ ޒަމީރާއި އަހުމަދު ތިހާމްގެ މައްޗަށް ދައުވާކުރަނީ ހާދިސާ ހިނގުމުން ލޯންޗަށް އަރައި، ހެކި ނައްތާލި ކަމަށް ބުނެ އެވެ. އެ ތިން މީހުންގެ މައްޗަށް ވެސް ކުރަނީ އަދުލު އިންސާފު ގާއިމްކުރަން ހުރަސް އެޅުމުގެ ދައުވާ އެވެ.
މާދަމާ މެންދުރު ހުކުމް އިއްވާ މި މައްސަލައިގެ އަޑުއެހުންތައް މިދިޔަ އަންގާރަ ދުވަހު ވަނީ ނިންމާލައިފަ އެވެ.
ފިނިފެންމާ ލޯންޗު ގޮއްވާލި މައްސަލާގައި ދައުވާ ލިބޭ އަހްމަދު ފަޔާޒް (ޕާޕާ) ކޯޓަށް ހާޒިރުކުރަނީ. -- ފޮޓޯ: ނިޝާން އަލީ/މިހާރު
އެ މީހުންނަށް ދައުވާކޮށްފައިވަނީ ގާނޫނުލް އުގޫބާތުގެ ދަށުން ކަމަށްވާތީ މާދަމާ އިއްވާ ހުކުމުގައި އެ މީހުންގެ މައްޗަށް ކުށް ސާބިތުވާ ކަމަށް ނިންމައިފި ނަމަ އެ މީހުންނަށް ކަނޑައަޅާނެ އަދަބާ ބެހޭގޮތުން ދެ ފަރާތުން ވެސް މާދަމާ ބަހުސް ކުރާނެ އެވެ.
ފަޔާޒަކީ އެ ހާދިސާ ހިނގިއިރު ސްޕެޝަލް ޕްރޮޓެކްޝަން ގްރޫޕާއި ބަޑި ގުދަނުގެ ވެރިޔާގެ މަގާމުގައި ހުރި މީހާ އެވެ. އެކަމަކު އެ ހާދިސާއަށް ފަހު ސިފައިންގޭގައި އޭނާ ބަންދުކޮށް، އޭނާ އެ ދެ މަގާމުން ވަނީ ވަކިކޮށްފަ އެވެ. އަދި ކާނަލެއްގެ ރޭންކުގައި ހުއްޓާ ކެޕްޓަން ކަމަށް ރޭންކް ދަށްކޮށް މާލޭ އޭރިޔާގެ ކޮމާންޑަރު ކަމަށް ވަނީ ބަދަލުކޮށްފަ އެވެ.
ލޯންޗްގައި އެއްޗެއް ގޮއްވާލުމުގެެ އަޑީގައި ހުރިކަން ސާބިތުވެ، ކުރީގެ ނައިބު ރައީސް އަހުމަދު އަދީބަށް 15 އަހަރުގެ ޖަލު ހުކުމެއް އިއްވާފައިވާއިރު އެކަމުގައި އޭނާއާ އެކު ބައިވެރިވި އޭނާގެ ދެ ބޮޑީގާޑުންނަށް ވަނީ 10 އަހަރުގެ ހުކުމެއް އިއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮޅު ބިލިއަން
19 June 2016
ކުދިންނޭ ވިސްނާ ފިކުރު ކުރޭ!! އެދުވަހު މިއިން މީހަކު ހިތަކަށް ނާރާނެ ބުރޯ އަށް އެލިބިފައިވީ ބާރު އެއީ ނެތިދާނެ އެއްޗެކޭ.. މިހާރުވެސް ވެރިންނޭ ކިޔާފަ ތިތިބަ މީހުން ގެ އޯޑަރަށް ގެރިންހެން ނިކުނެ ޖަރީމާ ތަށް ހިންގާލާ އިރު މިއިން އިބުރަތް ލިބިގަނޭ... ތެދުވެރިވާންވީ ހެއްދެވި ފަރާތަށް، ހިދުމަތް ކުރަންވީ ގައުމާއި ރައްޔަތުންނަށް. ވެރިންނަކަށް ނޫން.... ސޯރ ސޯރ އޭ ކިޔުއްވައި ތިޔަ ބޭފުޅުންގެ ސިކުނޑި އަށް ވިސްނަ ދީފަ އޮންނަނީ ތިޔައީ ސޯރ މެން ޖަހާހާ ބެރަކަށް ނަށަން ތިބި ބައެކޭ.. މައި ފްރެންޑްސް އެހެނެއްނޫން އެކަން އޮތީ..
ޢަހިމަދު
19 June 2016
ބޮން ހެދި މީހާ ބަތޮލަކަށް ވީ އިރު ދެން ކޮން ހެކިނެއްތުމާ ފާ ފަޅޮކޭތޯ. އަންދާ ގާނޫން ސަދޫމް އިންސާފު!
ގޮހޮޑާ
19 June 2016
ކޮބައިތަ މިހާރު އެއްކަލަ އައްބާސް އާދިލް ރިޒާ
އަޙްމަދު
19 June 2016
ޢުމަރު ނަޞީރު ކުރީ ސަރުކަރު ވައްޓާލަން ރޭވި މައްސަލަ ޝަރީޢަތަށް ފޮނުވުމަށް ސަރުކާރަށް ގޮވާލަން
ހުދު ޖަންގިޔާ
18 June 2016
ރާއްޖޭގެ ކޯޓްތަކުން ކުރާ ހުކުމްތައް މިހާރު ބަލައިގަންނަން ވަރަށް ދަތިވޭ. ހެކި ނައްތާލަން އަރާ ބަޔަކު އެކަން ކުރާނެ. ފުލުހުންނަކަށް ނޭރު އޭރުގައެއް. އެހެންވީމައި ހެކި ނައްތާލީމައި ދެން ކޮންތާކުން ހޯދި ހެއްކެ ތޯ؟ ސުވާލެއް ނުއުފެދޭ ތޯ؟
އަޙްމަދު
18 June 2016
ޕާޕާއަށް 10 އަނެއް ދެމީހުން 9އަށް
ޖިލްބާބު
18 June 2016
ފަޔާއައް 25 އަހަރު ދެންތިބި 2 ސޮރައް 10 އަހަރު
އެމްސް
18 June 2016
ބޮން ހެދިމީހާ ހުރީ އަދިވެސް ޗުއްޓީގަ ތޯ؟
މީނާ
18 June 2016
އެއްވެސް މީހަކު ދިފާއީވަކީލުންނަށް ހަރަދުކޮއްގެން ހޯދުމުގެ ބޭނުމެއް އޮތްކަމަކައް ނުފެނޭ. ދޫނިރާއްޖޭގެ ހުކުމް އޮންނާނީ ޖީބައް ބަރުކޮއްދޭ ކޮޅަކަށް ބަރުކޮށް!
ނޭގުނު
18 June 2016
އާދައިގެ ދިވެއްސަކަށް ވީއިރު ހަބަރުން އެއްގޮތަކައްވެސް ނޭގުނު މީކިހިނެއްވީކަމެއް. ކާކުކުރިކަމެއް، އަޑީގައި ހުރީ ކާކުކަމެއް މިކަންތައް ހިގީ ކިހިނެއްވެގެންކަމެއް.