ޔާމީންގެ ޖަނާޒާ މިދިޔަ މަހުގެ 23 ވަނަ ދުވަހު ކުރިއަށް ގެންދަނީ: އޭނާގެ މަރުގެ ތުހުމަތުގައި މިއަދު ވަނީ އުމުރުން 18 އަހަރުގެ މީހަކު ހައްޔަރުކޮށްފައި.---މިހާރު ފޮޓޯ: ހުސެއިން ވަހީދު
01 މެއި 2017 - 19:41
48 comments
މި ދިޔަ މަހުގެ 22 ވަނަ ދުވަހުގެ ރޭ، ބަޔަކު ތޫނު ހަތިޔާރުން ހަމަލާދީ މަރައިލި ޔާމީން ރަޝީދުގެ މަރުގެ މައްސަލައާ ގުޅިގެން ތުހުމަތުކުރެވޭ މީހަކު ހައްޔަރުކޮށް އޭނާގެ ބަންދަށް ކްރިމިނަލް ކޯޓުން މިއަދު 15 ދުވަސް އިތުރު ކޮށްފި އެވެ.
އެނގިފައިވާ ގޮތުގައި ޔާމީންގެ މަރުގެ މައްސަލައިގައި ރޭ ފަތިހު ހައްޔަރު ކުރީ، އެ ރޭ ޔާމީނަށް ފާރަލައި އޭނާގެ ހަރަކާތްތައް ބަލަން އުޅުނު މީހެކެވެ. އުމުރުން 18 އަހަރުގެ އެ މީހާ އަކީ ޔާމީން ދިރިއުޅުނު ގެއާ ކައިރި އެހެން ގެއެއްގައި އުޅުނު މީހެކެވެ.
ގދ. އަތޮޅުގެ ރަށަކަށް ނިސްބަތްވާ މި މީހާ ހައްޔަރުކުރިއިރު، އޭނާ މާލޭގައި ދިރިއުޅޭ ގެ މިއަދު ހެނދުނު ފުލުހުން ވަނީ ފާސްކޮށްފަ އެވެ.
ޔާމީން ރަޝީދު: އޭނާ މަރާލުމުގައި ބައިވެރިވި ކަމަށް ތުހުމަތު ކުރެވޭ މީހަކު ފުލުހުން ވަނީ މިއަދު ހައްޔަރުކޮށްފައި.
ސ. ފޭދޫ ޗަނބޭލީގޭ ޔާމީން 29، ގެ ހަށިގަނޑުގެ އެކި ތަންތަނަށް ތޫނު ހަތިޔާރުން ހަމަލާދީ މަރާލާފައި އޮތީ މާފަންނު ބިސްބުރު ކައިރީގައި ހުންނަ އޭނާ ދިރިއުޅޭ ގެ، މ. ސުޕެޓިއުލާގެ ތިރީބުރީގައި ސިޑި އާއި ލިފްޓު ކައިރީގަ އެވެ. އޭނާގެ ހަށިގަނޑުގެ 32 އަށް ވުރެ ގިނަ ތަނަށް ވަޅި ހަރާފައިވެ އެވެ.
ޔާމީންގެ މަރާ ގުޅިގެން ފުލުހުން މިހާތަނަށް ބޭއްވި ނިއުސް ބްރީފިންގައި ބުނެފައިވަނީ ޔާމީން މަރައިލުމުގައި ބައިވެރިވި މީހުން ދެނެގަނެވިފައިވާ ކަމަށެވެ. ނަމަވެސް ފަހުން އޭނާގެ އާއިލާ އަށް އަންގާފައިވަނީ އެއީ ކޮން ބައެއްކަން ނޭނގޭ ކަމަށެވެ.
ސޯޝަލް މީޑިއާ އެކްޓިވިސްޓެއް އަދި ބްލޮގާއެއްގެ ގޮތުގައި މަޝްހޫރުވެފައިވާ ޔާމީން މަރައިލި އިރު، މީގެ ދެތިން އަހަރު ކުރިން ފެށިގެން ބަޔަކު އަންނަނީ އޭނާ އަށް މަރުގެ އިންޒާރު ދެމުންނެވެ. އެ މައްސަލައިގައި ބައެއް މީހުން ފުލުސް އޮފީހަށް ހާޒިރު ކޮށް ސުވާލު ވެސް ކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހެހެހެހެ
02 May 2017
ދަންނަވަންތޯ؟ ޤަތިލުންނަކީ ޤައުމީ ސަލާމަތަށް ހުރި ބިރެއްނޫން. ޤައުމީ ސަލާމަތަށް އޮތް ބިރުވެރިކަމަކީ ރައްޔިތުންގެ މަޖިލީހުގެ ގޮނޑީގައި އިން ''ޖަވާހިރު'' އެގޮނޑިން ވައްޓާލަން މަސައްކަތް ކުރާމީހުން.
ނުކުޅެދޭ
02 May 2017
ދެންގޮވަންފަށާ ދޫކޮށްލާށޭ...
ޒާހިދު ކުރިއޭޓަރ
02 May 2017
ޝުކުރިއްޔާ ޕޮލިސް ސަރވިސް. ކަންކުރި އަސްލު މީހުން ހައްޔަރު ކުރީތީ.
ލޫކަސް ޖަލީލް
02 May 2017
ހައްޔަރު ކުރި ކުއްޖާއާމެދު އިންސާފުން ކަންތައް ކުރުމަށް ގޮވާލަން. 15 ދުވަސް މާގިނަ
ޕޮކަންޑި މޭން
02 May 2017
މިއީ އަހަރެމެން ކުރިން ދެއްކި ވާހަކަ. އެއަނިޔާވެރި ހަމަލާއާ ގުޅުން ހުރި ފުރަތަމަ މީހާ ހައްޔަރު ކުރީމަ އެކަމާ ދެކޮޅަށް އަޑުއުފުލަން މިފެށީ ކޮން ބައެއް؟
ޢަބްދުﷲނާފިޒު
02 May 2017
އެންމެ ފުރަތަމަވެސް ތި ޒުވާނާއެކު ތިކަމުގަ ބައިވެރި އެހެން މީހުންނަކީ ކޮބައިތޯ ބަލާ، އެބަޔަކު ސީރިއާއަށް ފުރައިގެން ދިއުމުގެ ކުރިން ހިފާ ހައްޔަރު ކުރާނެކަމަށް އުއްމީދުކުރަން.
ސައިޚް
02 May 2017
ތީއަދި މަންޒަރު،
ހަސަން
02 May 2017
މިއީ ހުމަާމުމެން ފަދަ ކުއްޖަކަށްވާނީ، ކަނޑައެޅިގެން ޔާމީުގެ މަރާލާނެ ކަމުގެ އިންޒާރު ތަކުރާރުކޮށް ދީހެދި މީހުން މިނިވަން ކަމާއެކު މިޤައުމުގައި އުޅެމުން ދާއިރު އެމީހުނާ އަޅާވެސް ނުލާ ތިހެން ދިވެހި ރައްޔިތުންގެ އަތުން މުސާރަ ނަގައިގެން ކައިގެން ތިހާ ބޮޑަށް ޤައުމުގެ ޤައްދާރުވާ ހުރިހާ އެންމެންގެ މައްސަލަ އިންސާފް ޤާއިމު ކުރވޭނެ ވާހަކަ ދަންނަވަން
ޖަމަލޭ
02 May 2017
މަ މިކިޔަނީ ފާލު ބަލާށޭ ؟ ފުލުހުންގެ އެބަ ޖެހޭ އެކަހަލަ ޔުނިޓެއް އޮންނަން ހެހެހ
ކެމަލް ހާޑު
02 May 2017
މަ މިކިޔަނީ ތަމެން މުރުތައްދުވެވޭ އިރުވެސް ނޭނގޭނެއޭ.
ތިނެސްކަން ކޮޓާރާ
02 May 2017
ލައިކްތައް ވަރަށް އެއްވަރުކޮށް އުޅެނީ ހެހެހެ
ފުޅު
02 May 2017
މިަދަކީ ކަނަދަހާރުގެ ހޮހޮޅާގެ އޮންނަ މީހާ ހޯދާ ބޮލަށް މިސައިއިލު ފޮނުވޭފަދަ ޓެކްނޯލޮޖީގެ ވަސީލަތް ހުރި ޒަމާނެއް. ކީތްބާމިގައުމު ގެ ފައިސާ ޚަރަދުކޮށްގެންމިކުރަނީ...
ާއައިމިނަ
02 May 2017
މީގެ ފަހަތުގަ ތިބޭނެ މެޒުއާ މީހުން. މީނަ ބޮލަށް އެރިގެން މީނަ އަށް ހުރިހާ ބޮނޑިއެއް. މަރުގެ ހުކުމް ތަންފީޒުކުރޭ މީނައަށް. އަދިވެސް މަރުގެ ހުކުމް ތަންފީޒު ނުކުރެވިގެން މޮޔަވަނީ. 18 އަހަރުގެ ކުއްޖެއް މިވަރު ކަމެއް ކުރާނީ މުޖުތަމައު އޭނާ ފެއިލް ކޮށްލީމަ! ވިސްނަބަލަ އަދިވެސް! ހެޔޮނުވާނެ!