ގާސިމް: ވިލާ ކުންފުންޏަށް ދޫކުރި ރަށްތަކާއި ފަޅުތައް އަތުލި މައްސަލައިގެ ހުރިހާ މައްސަލައެއް ވެސް މިހާތަނަށް ނިމުނީ ވިލާއާ ދެކޮޅަށް --ފޮޓޯ/މިހާރު
02 މެއި 2017 - 13:12
30 comments
ޖުމްހޫރީ ޕާޓީގެ ލީޑަރުު ގާސިމް އިބްރާހިމްގެ ވިލާ ކުންފުންޏަށް ދޫކުރި އިތުރު ދެ ރަށަކާއި ފަޅެއް ވެސް ސަރުކާރުން އަތުލީ ރަނގަޅަށް ކަމަށް ހައި ކޯޓުން މިއަދު ހުކުމްކޮށްފި އެވެ.
ސަރުކާރު ވައްޓާލަން ރޭވުމާއި ނުފޫޒު ފޯރުވުމުގެ ތުހުމަތުގައި މިހާރު ހައްޔަރުކޮށްފައިވާ މާމިގިލީ ދާއިރާގެ މެމްބަރު ގާސިމްގެ ވިލާ ކުންފުންޏަށް ދޫކުރި ބައެއް ރަށްތަކާއި ފަޅުތައް ސަރުކާރުން 2015 ގައި އަތުލި މައްސަލާގައި ސިވިލް ކޯޓުން ހުރިހާ މައްސަލައެއް ވެސް ނިމުނީ ވިލާއާ އެއްކޮޅަށެވެ. އެކަމަކު ދައުލަތުން އެ މައްސަލަތައް އިސްތިއުނާފް ކުރުމުން މިހާތަނަށް ހައި ކޯޓުން ނިމުނު އޭގެ ހުރިހާ މައްސަލައެއް ވެސް ނިމުނީ ވިލާއާ ދެކޮޅަށެވެ.
ހައި ކޯޓުން މިއަދު ނިންމީ ރިސޯޓް ހެދުމަށް ވިލާ އަށް ދޫކުރި ގދ. ގަޒީރާ އާއި ރ. މާނެންފުށި އަދި ކ. މާދިއްގަރު ފަޅުގެ މައްސަލަ އެވެ. އެތަންތަން އަތުލި މައްސަލާގައި ވިލާއާ އެއްކޮޅަށް ސިވިލް ކޯޓުން ކުރި ހުކުމް ދައުލަތުން އިސްތިއުނާފް ކުރުމުން ވަކިވަކިން ހަައި ކޯޓުން އިއްވި ތިން ހުކުމުގައި ވެސް ނިންމީ އެތަންތަނުގެ އެއްބަސްވުން ސަރުކާރުން ބާތިލްކުރީ ރަނގަޅަށް ކަމަށާއި އެހެންވެ، ސިވިލް ކޯޓުން ކޮށްފައިވާ ހުކުމް ބާތިލްކުރީ ކަމަށެވެ.
އެ ތިން ތަނުގެ އެއްބަސްވުން ސަރުކާރުން އުވާލީ ވިލާ ކުންފުނީގެ ހިއްސާ އޮންނަ ޑަބްލިއު އެލްޓީ ކުންފުނިން 112 މިލިއަން ޑޮލަރު ހޯދަން ދައުލަތާ ދެކޮޅަށް ދައުވާއެއް ކުރުމުންނެވެ. އެ ދައުވާ ކުރުމުގެ ކުރިން އަލީ އިބްރާހިމް ނަމަކަށް ކިޔާ މީހަކާއި އޭނާއާ ގުޅުން އޮތް ފަރާތްތަކުން (ވިލާ ކުންފުނި ވެސް ހިމެނޭ ގޮތަށް) އޮތީ ދައުލަތާ ދެކޮޅަށް ދައުވާއެއް ނުކުރަން އެއްބަސްވެ، ސަރުކާރާ އެކު ވަކި އެއްބަސްވުމެއް ހަދައިފަ އެވެ. އޭގެ މުގާބިލުގައި، ދައުލަތުން އެއްބަސްވެފައި އޮތީ އަލީ އިބްރާހިމަށް ދައުލަތުން ފައިސާތަކެއް ދޭންޖެހޭތީ އެ ފައިސާ ދިނުމުގެ ބަދަލުގައި ވިލާގެ ރަށްތަކާއި ފަޅުތަކުގެ ކުއްޔާއި ޖޫރިމަނާ އެ ފައިސާ އިން އުނިކުރާ ގޮތަށެވެ.
ހައި ކޯޓުގެ ހުކުމުގައިވަނީ ޑަބްލިއު އެލްޓީއަކީ ވިލާގެ 70 ޕަސެންޓް ހިއްސާ އޮންނަ ކުންފުންޏެެއް ކަމަށާއި އެހެންވެ ޑަބްލިއު އެލްޓީން ދައުލަތާ ދެކޮޅަށް ދައުވާ ކުރުމަކީ ދެ ފަރާތުގެ ދެމެދުގައި އޮތް އެއްބަސްވުމާ ޚިލާފް އަމަލެއް ކަމަށެވެ. އެހެންވެ، އެ އަމަލަކީ އެއްބަސްވުން އުވާލެވިދާނެ ސަބަބެއް ކަމަށް ތިން ފަނޑިޔާރުންގެ އިއްތިފާގުން ވަކިވަކިން ކުރި އެ ހުކުމުގައިވެ އެވެ.
ޑަބްލިއު އެލްޓީން ދައުވާކުރަނީ އެއާޕޯޓް އިންވެސްޓްމަންޓް މޯލްޑިވްސް(އެއިމްސް) ނަމަކަށް ކިޔާ ކުންފުންޏަކުން ޑަބްލިއު އެލްޓީއަށް ރަށްތަކެއްް ދޭން ނިންމުމަށް ފަހު އެރަށްތައް ހަވާލު ނުކުރުމުން ލިބުނު ގެއްލުމުގެ ބަދަލު ހޯދުމަށެވެ. އެކަމަކު ދަށު ކޯޓާއި ހައި ކޯޓުން ވެސް ނިންމާފައިވަނީ ޑަބްލިއު އެލްޓީއަށް ގެއްލުމެއް ލިބުނުކަން ސާބިތުވާ މިންވަރުގެ ހެކި ނެތް ކަމަށާއި ބަދަލުގެ ފައިސާ ނަގައިދެވެން ނެތް ކަމަށެވެ. އެކަމަކު އެ ރަށްތަކުގެ އެޑްވާންސަށް ޑަބްލިއު އެލްޓީ އިން ދެއްކި 16.9 މިލިއަން ޑޮލަރު އަނބުރާ ދޭންޖެހޭނެ ކަމަށް ކޯޓުން ވަނީ ނިންމައިފަ އެވެ.
ވިލާއަށް ދިން ރަށްތަކުގެ މައްސަލަ ވިލާއާ ދެކޮޅަށް ނިމޭއިރު އެ ކުންފުންޏަށް ދޫކުރި ރަށްތަކާއި ފަޅުތަކުގެ ޖޫރިމަނާގެ ގޮތުގައި 18 މިލިއަން ޑޮލަރު ދައްކަން އަންގައި، މޯލްޑިވްސް އިންލެންޑް ރެވެނިއު އޮތޯރިޓީ(މީރާ) އިން ވަނީ ވިލާގެ އެކައުންޓްތައް ފްރީޒްކޮށްފަ އެވެ. އަދި ވިލާއަށް ހިންގަން ދޫކުރި ގދ. ކާޑެއްދޫ އެއާޕޯޓް ވެސް ސަރުކާރުން ވަނީ މިއަހަރު އަތުލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މީހާ
03 May 2017
ގާސިމް ސަރުކާރުކޮޅަށް ޖެހިގެން ހުރިނަމަ ތިޔަބުނާ އެއްވެސްކަމެއް ތިލަނުވާނެ. މިކަންނަމަކީ ފެނިފަހުރި ކަންކަން. ހަމަ މިކުޅިވަރުގެތެރެއިން.
މާނު
03 May 2017
ދިވެހި ޤައުމުގެ މުސްއަނދިކަން ބޭނުން ކޮށްގެން މުސްއަނދިވީ ހައެއްކަ ދިވެހިންގެ ތެރެއިން ދިވެހިރާއްޖޭގައި އިންވެސްޓް ކުރެއްވި ހަމަ އެކަނި މަހުޖަނު މި ޤައުމުން ބާލަން ތިޔަ ކުރާ ހިތްވަރަށް ސާބަސް. ދިވެހި އެންމެ މޮޅު އެންމެ މަޝްހޫރު ޕްރޮފެސަރު ރާއްޖޭގައި ކުރައްވާ ދިރާސާތަކަކާއި ވިދިގެން ދުވަސްކޮޅުކޮޅުން ރާއްޖެ ވަޑައިގަންނަވާތީ ދިވެހިންނަށް ލިބެމުންދިޔަ މަންފާތަކުން މަޙުރޫމު ކުރުމަށް ތިޔަ ކުރައްވާ މަސައްކަތަށް ސާބަސް. ދިވެހިން ދިވެހިންގެ ގޮތުގައި.... ގަމާރުކަންމަތީ އަބަދަށް....؟ މިހެން ނުވާނެކަން މިފަހަރުގެ ވޯޓުފޮށިން ދައްކާލާނަން!!!
އައިއެފް
02 May 2017
ޤާސިމުގެ ގަމީސްކޮޅުވެސް އަތުލަންވީނުދެން. މިހިސާބަށް ނުގޮސްފިއްޔާ ރަނގަޅު.
ޔޔ
02 May 2017
އިލެކްޝަން ތަކަށް ހަރަދު ކުރަން ފައިސާ އެބަ ބޭނުންވޭ ސަރުކާރަށް އެފައިސާ ލިބޭނީ ޤާސިމް ކަހަލަ ދީލަތި ހެއުލަފާ ބޭފުޅުންގެ އަތުންވީމަ ހަމަ ކޯޓަށްވެސް ދަމަނީ. ދެންތިބި ވިޔަފާރި ވެރިން މާދެން ނުލަފާވިއްޔާ އެމީހުންގެ ފަހަތުން ނުދުވޭނެތާ!
އދ
02 May 2017
ޤާސިމަށް ހެޔޮގޮތް މިންވަރުކުރައްވާށި! އޭނާގެ އަނބިދަރިން ނުނަގައިފިއްޔާ ކިތަންމެހައިވެސް ރަނގަޅު. އަންނާނެ ދުވަހެއް އިންސާފު ލިބޭނެ.
ހުއްބުލްވަތަން
02 May 2017
ބަޣާވާތުގެ ރަހަ އެ ކަމުގައި ބައިވެރިވި އެންމެންނަށް ލިބެމުންދަނީ ވަރަށްވެސް ހިތިގޮތަކަށް އަދި އަންނާން އޮތް ޖީލުތަކަށް އިބުރަތެއްގެ ގޮތުގައިއެވެ. ދެންވެސް އެ ފަދަ ނުބައި ކަންކަމުގައި ވަގުތީ އުފަލަކަށްޓަކައި ބައިވެރި ނުވުމަށް ދިވެހި އެންމެހާ ރައްޔިތުންނަށް އިއުތިމާސްކުރަން. ޤާސިމަށްވެސް ހެޔޮގުތް މިންރު ކުރައްވާށި އެވެ.
ހެއްވާ
02 May 2017
ގާސިމް ސަރުކާރާ އެއްކޮށް ހުންނަ އިރު ހަމަ ހުރިހާކަމެއްވެސް ރަނގަޅު. އެގްރީމަންޓުތަކާވެސް ހިލާފެއް ނުވޭ. ހަމަ ދެބަސްވީ، އެގްރީމަންޓްތަކާ ހިލާފުވީ. އެގްރީމަންޓުގަ އަނެއްކާ އޮންނަނީތަ މިރައްތަ ސަަރުކާރާދެބަސް ވެއްޖެއްޔާ އަތުލެވޭނޭ! ގާސިމްވެސް މޮޔަކަމުންވިޔަ މިޔާމީންއަށް 2013ގައި ވޯޓު ދިނީ! އޭރުވެސް އެނގެންވާނެ ދޯ ނިމޭއިރު ހަދާނީ މިހެންކަން.
ދޮން މަނިކުބޭ
02 May 2017
ވިލާ ޝިޕިންއަށް ކުއްޔަށް ދޫކޮށްފައިވާ ތ. އެލާ އަނބުރާ ސަރުކާރަށް ނެގިކަމަށް ހައިކޯޓުގެ ހުކުމުގައި ބުނެފައިވަނީ އެމެންޑެޑް އެންޑް ރީ ސްޓޭޓަޑް ލީޒް އެގްރީމެންޓް ބާތިލްކޮށްފައިވަނީ އެ އެއްބަސްވުމުގެ މާއްދާ އަކާ ހިލާފުވެގެން ނޫން ކަމަށާއި، އެއްބަސްވުން ބާތިލު ކުރީ އޭގެ މަގުސަދާ ޚިލާފުވުމުން ކަމަށެވެ. މީބަހުގެ މާނައަކީ: ގާސިމް އިބްރާހިމްގެ ނިޔަތް ރައީސް ޔާމީނުގެ ނިޔަތާއި އެއްގޮތްނުވާތީ. ނުވަތަ ރައީސް ޔާމީން ކުރަމުންދާ ........ ގައުމަށް ވަމުންދާ ހިޔާނާތާއި ދެކޮޅަށް ބަސްބުނާތީވެ!
ދެން
02 May 2017
މިހާރު މިފަސްގަޑުން އިންސާފެއްނުލިބޭނެ!
އިބްރަތް
02 May 2017
ބޭފުޅާއެވެ! 2012 ގައި ބަގާވަތް ކުރި ދުވަހު ކިތައް ރައްޔިތުން ތިބޭފުޅާގެ މުދާ ނެތި ދިއުމަށް ދުޢާ ކުރާނެ ހެއްޔެވެ! ތަގްދީރު ދައްކައިދޭ މި މަންޒަރަކީ އިބްރަތުން ފުރިގެންވާ މަންޒަރެކެވެ! ހަމަ އެގޮތަށް ވެރިކަމުގައި ހުރި މީހާ އާއި އޭނަގެ އައުވާނުންގެ ހާލު އިހްސާސްކޮށްލަމާ ހިނގާށެވެ! އަހަރެންގެ ހިތުން 2012 ގެ ބަގާވަތް ފިލާ ނުދާނެއެވެ. އެހެނެއްކަމަކު ގާސިމް އަށް ހެޔޮ ވިސްނުނީތީ އުފާ ކުރަމެވެ. އަދި ހެޔޮ ގޮތަ ވުމަށް އެދި ދުޢާ ކުރަމެވެ.