ކުނޫޒުގައި ރޭ ބޭއްވި ޖަލްސާގައި އަބްދުލްގަފޫރު ވާހަކަ ދައްކަވަނީ -- ފޮޓޯ: ހުސެއިން ވަހީދު/ މިހާރު
08 މެއި 2017 - 11:37
13 comments
މިދިޔަ ހޮނިހިރު ދުވަހު ބޭއްވި ލޯކަލް ކައުންސިލް އިންތިހާބުގައި ވެރިކަން ކުރާ ސަރުކާރަށް ލިބުނީ ޔޫ ރިޕޯޓެއް ކަމަށް ކުޅުދުއްފުށީ އުތުރު ދާއިރާގެ މެމްބަރު އަބްދުލްގަފޫރު މޫސާ ރޭ ވިދާޅުވެއްޖެ އެވެ.
އިދިކޮޅު ކޯލިޝަނުން މ. ކުނޫޒުގައި ބޭއްވި ޖަލްސާގައި ގަފޫރު ވިދާޅުވީ އިންތިހާބުގެ ނަތީޖާ އިން ރައްޔިތުން އަނިޔާ އަށް ނޫނެކޭ ބުނެފައިވާ ކަމަށެވެ. އަދި ޖަލުގައި ތިއްބެވި ސިޔާސީ ލީޑަރުންނަކީ ކުށްވެރިން ނޫން ކަން ރައްޔިތުން ނިންމާފައިވާ ކަމަށް އޭނާ ވިދާޅުވި އެވެ.
"ރައްޔިތުން ނިންމީ (ކުރީގެ) ރައީސް ނަޝީދަކީ ކުށްވެރިއެއް ނޫން ކަން. ގާސިމަކީ ކުށްވެރިއެއް ނޫން ކަމަށް. ކާނަލް ނާޒިމަކީ ކުށްވެރިއެއް ނޫން ކަމަށް. މަހްލޫފަކީ ކުށްވެރިއެއް ނޫން ކަމަށް. އެ ބޭފުޅުން މިހާރުން މިހާރަށް ދޫކޮށްލަން ސަރުކާރަށް ޖެހޭ،" ޖަލުގައި މި ވަގުތު ތިއްބެވި ސިޔާސީ ލީޑަރުންނަށް އިޝާރާތް ކުރައްވާ ގަފޫރު ވިދާޅުވި އެވެ.
ލޯކަލް ކައުންސިލް އިންތިހާބުގެ ކާމިޔާބީ ފާހަގަކުރުމަށް އިދިކޮޅު ޕާޓީތަކުން ރޭ ކުނޫޒްގައި ބޭއްވި ޖަލްސާ -- ފޮޓޯ: ހުސެން ވަހީދު / މިހާރު
ގަފޫރު ވިދާޅުވި ގޮތުގައި ސިޔާސީ ލީޑަރުން ޖަލުގައި ބައިތިއްބާނެ ގާނޫނީ ހުއްޖަތެއް ސަރުކާރަކަށް ނޯންނާނެ އެވެ. އެހެންވެ، ރައްޔިތުން "ބޮޑުކޮށް" ބުނެފައި އޮތީ އެބޭފުޅުން ދޫކޮށްލަން ކަމަށް އޭނާ ވިދާޅުވި އެވެ.
ޒިމްބާބުވޭ އިން މިސާލު ނަންގަވަމުން ގަފޫރު ވިދާޅުވީ އެ ގައުމުގެ ރައީސް ރޮބަޓް މުގާބޭ ވެސް ބަލިވީމަ ބަލި ގަބޫލުކުރައްވާ ކަމަށެވެ. ނަމަވެސް ރައީސް އަބްދުﷲ ޔާމީންގެ ސަރުކާރަށް "މިވަރު ވެސް ނުވޭ" ކަމަށާއި އަދި ޒިމްބާބުވޭގައި ބޭއްވި އިންތިހާބަކުން މުގާބޭ ވެސް މިވަރަށް ބަލިވެފައި ނެތް ކަމަށް އޭނާ ވިދާޅުވި އެވެ.
ގަފޫރު ވިދާޅުވީ އިންތިހާބުން ވެރިކަން ކުރާ ޕީޕީއެމް/އެމްޑީއޭ ކޯލިޝަން ބަލިވީމަ، ޓީވީތަކަށް އަރާ ތަފާތު ހުއްޖަތްތައް ދައްކަނީ ދޮގު ހެދުމާއި އޮޅުވާލުމުގެ ބޭނުމުގައި ކަމަށެވެ. އަދި ގައުމުގެ މުއައްސަސާތަކުން ރައްޔިތުން ބުނި ގޮތާ އެއްގޮތަށް މަސައްކަތް ފަށަން ޖެހޭ ކަމަށް ވެސް އޭނާ ވިދާޅުވި އެވެ.
"ރައްޔިތުން އެ ބުނީ އެމީހުން ތާއީދުކުރަނީ ރައްޔިތުންގެ ހައްގުތަކަށް މަސައްކަތް ކުރާ ބައެކޭ،" ފޯރި އާއި ޖޯޝުގައި ހުންނަވައި ވާހަކަ ދައްކަވަމުން ގަފޫރު ވިދާޅުވި އެވެ.
ލޯކަލް ކައުންސިލް އިންތިހާބުގެ ކާމިޔާބީ ފާހަގަކުރުމަށް އިދިކޮޅު ޕާޓީތަކުން ރޭ ކުނޫޒްގައި ބޭއްވި ޖަލްސާ. -- ފޮޓޯ: ހުސެން ވަހީދު / މިހާރު
"ދުނިޔޭގައި އެހެން ތަނެއްގައި ނަމަ، އަމިއްލަ އަށް އިސްތިއުފާ ދީފައި ގައުމު ދޫކުރައްވާ ފިލައިގެން ދާނެ."
އިދިކޮޅު އިއްތިހާދު ރޫޅިގެން ނުދާނެ ކަމަށާއި އިއްތިހާދުގެ ސަރުކާރެއްގައި ކަރަންޓުގެ އަގު ހެޔޮކޮށް، ކާޑުގެ އަގު ވެސް ތިރިކޮށް ރައްޔިތުންނަށް ބޯހިޔާވަހިކަން ހޯދައި ދޭނެ ކަމަށް އޭނާ ވިދާޅުވި އެވެ. އަދި ސަރުކާރަށް ހަތަރު އަހަރު ވިއިރު، ސަރުކާރުން ބޭއްވި ޓިނުގަނޑެއްގެ ދަށުގައި ބޯހިޔާވަހިކަން ލިބުނު އެންމެ ދިވެއްސަކު ވެސް ނެތް ކަމަށް ވިދާޅުވި އެވެ.
ރާއްޖޭގެ ބޮޑެތި އާބާދީތައް ހިމެނޭ ރަށްތައް އިދިކޮޅު އެމްޑީޕީން ކާމިޔާބު ކުރިކަން ފާހަގަކުރައްވާ ގަފޫރު ވިދާޅުވީ އެހެން ބަޔަކަށް ނާކާމިޔާބުވި ނަމަ "ހަތް ދުވަސް ވަންދެން ދުން އަޅައިގެން ތިބޭނީ ލަދުން" ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒާ
08 May 2017
ކަލޯއަކަށް ނޭނގޭނެ ސަރުކާރަށް ލިބުނު ރިޕޯޓެއް ބުނެދޭކަށް. ދެމީހުންނާއި ފަޅި ނިކުތް ކަމަކުން ގޮތް ކިޔާކަށް ނޭނގޭނެ.
ޕޮގޭ
08 May 2017
ކައުންސިލް އިންތިހާބަކީ ރައީސްޔާމީން ވެރިކަމުގަހުންނަން ފެނޭތޮ ނުފެނޭތޮ ނެގިވޯޓެއްނޫން ކައުންސިލްގެ އިންތިޚާބަކީ ދިވެހިރާއްޖޭގެ އިދާރީދާއިރާތަށް ލާމަރުކަޒީއުސޫލުން ހިންގުމަށްޓަކާ އަތޮޅު ކައުންސިލްތަކާ ރަށު ކައުންސިލްތަކަށް ޕާޓީތަކުން ވާދަކުރާ ބޭފުޅުންނަށް ގޮނޑި ކަށަވަރުކުރުމަށް ބޭއްވި އިންތިޚާބެއް މީޖަލުތަކުން ކުއްވެރިންނެރެން ބޭއްވި އިންތިޚާބެއްނޫން ރަށްޔެތުންގެ ވޯޓަކުން ކުއްވެރިން ސަލާމަތްކުރާ ގާނޫނެއް ރާއްޖޭގަ އަދިޔަކުނެތް އިންހާބުގެ މާނަ އޮޅުވައެއް ނުލެވޭނެ ގަފޫރަކަށްވެސް އަދި އެހެން ފޫރަކަށްވެސް
ބަލާ މީހެއް
08 May 2017
ދެން ތިހެންވިއްޔާ އަވަހަށް ޤާނޫނެއް ފާސްކުރަންވީނު - ކައުންސިލްއައް އުވާލަން : މިފަހަރު މިހޮވުނު ކައުންސިލްތަަކީ ކަމުދާ ކައުންސިލް ތަކެއްނޫނޭ: މީބާވަތުގެ ކައުންސިލްތަކާއެކު ތަރައްޤީސަރުކާރަކަށް ހިފަހައްޓައެއް ނުލެވޭނޭ ކިޔާފަ:
ހިތުގެ އުދާސް
08 May 2017
މިގައުމުގަ ހުންނެވު ރައީސް ބުނުއްވި "މި ވޯޓަން ރައްޔިތުން ތާއީދު ކުރާގޮތް ފެނިގެން ދާނެކަމައް"
މުރާސިލް
08 May 2017
ޣަފޫރެވެ. ފުރަތަމަ މަނިކުފާނު ހިސާބު ދަސްކުރާށެވެ. ނޫނީ ހަޤީޤަތް އޮޅުވާ ނުލައްވާށެވެ. ޢާއްމުކޮށް ފެންނަންހުރި ނަތީޖާއިން ފެންނަނީ ޕީޕީއެމަށް އެން.މެ ގިނަ ގޮނޑިލިބުނު ކަމަށެވެ.
ވަޒީރުބޯ
08 May 2017
ކެމްޕޭނަށް ކުރިހަރަދާއި މީހުން ނަހަމަ ގޮތުގަ ބޭނުން ކުރުން އިންތިހާއަށް ގެންދިޔައީމަވެސް މީވީގޮތަކީ. ލިބުނު ހުރިހާ އުފަލަކާ ލައްޒަތެއް މަދުބަޔަކު ބޭނުން ކުރުމުގެ ނަތީޖާ މިފެނުނީ
ކުޑަދޫއަހްމަދު
08 May 2017
ސަރުކާރުގެ ބޯހަރު ސިޔާސަތުތަކަށް ރައްޔިތުން ދިން ވަރުގަދަ ރައްދެއްމިއި! އަދި ރައީސް ނަޝީދާއި، ރައީސް މައުމޫނާއި، އިމްރާން، ނާޒިމް، މަހުލޫފު، އަލީ ވަހީދު، އެންމެން ދިވެހިރާއްޖޭގެ ރަށްރަށަށް އަރާ ފުލްކޮން ކެމްޕެއިންކޮށްލާ ހެދިނަމަ ކޮބާ ސަލާމަތެއް! އަޅުގަނޑަށް މިހާރު ޔަގީންވާ ކަމަކީ، 2019 ވަނަ އަހަރުގެ ރައްޔިތުންގެ މަޖްލީހުގެ 85 ގޮނޑި އެމް.ޑީ.ޕީއާއި ގުޅިފައިވާ ޕާޓީތަކަށް ލިބިދާނެކަން! މިއީ ވަރަށްވެސް ފަސޭހަކަމެއް! ގުޅިފައިވާ ޕާޓީތަކުން 85 މެންބަރުން މުޅި ރާއްޖޭގެ ހިސާބުތަކަށް ރުކުރުވާލާފައި، ގަދަ އަށް ކެމްޕެއިން ޖައްސާލާ، އޭރުން ނިމުނީ!
މުހައްމަދު
08 May 2017
މިވެނި މީހަކީ އެވެނި މީހަކީ ކުށްވެރިއެއްތޯ ނުވަތަ ނޫންތޯ ކަނޑައަޅާނީ ކޯޓުތަކުން. ރައްޔިތުންނަކީ ކުށްވެރިންނަކީ ކޮންބައެއްކަން ކަނޑައަޅާ ބައެއް ނޫން. ވޯޓުލަނީ ކުށްވެރިން ކަނޑައަޅައި ހުކުމްކުރާކަށް ނޫން. ވޯޓުލަނީ ރައްޔިތުންގެ މައްޗަށް ވެރިކަމުގައި ތިބެން، ވެރިކަންކުރަން އެމީހުން ބޭނުންވަނީ ކޮންބައެއްކަމަށް ކަނޑައެޅުމަށް. ސިޔާސީ ބޭފުޅަކު މިހާ ކަނޑުކޮސް ވާހަކައެއް ދެއްކީމާ ހަމަ ހައިރާންވެ އަންތަރީސްވެއްޖެ.
ކިޔާދީބަލަ
08 May 2017
ލޯކަލް ކައުންސިލް އިންތިޚާބަކުން ބަލިވީމަ ރައީސް އިސްތިއުފާދޭންވާނެކަން ގާނޫނުގައި އޮންނަ ގޮތްވެސް ގަފޫރު ކިޔާލަދެއްވިނަމަ. ގާނޫނުގައި އޮވޭތަ ލަދުން އިސްތިއުފާދޭންވާނެއޭ؟ ވޯޓްގެ މާނަވެސް ހާދަ ސަޅިއޭ ކޮށްލާލެއް. ކުށްވެރިން އެއީ ކުށްވެރިން ނޫންކަމަށްވެސް ނިންމައިފި. ވޯޓް ކަރުދާހުގައި ފާހަގަލީ މީހުން ވޯޓްލީ ސަބަބުވެސް ބަޔާންކޮށްފަތަ ހުރީ؟
މުގާބޭ
08 May 2017
މަޖާ ވާހަކައެއް.
މުހައްމަދު
08 May 2017
ހަގީގަތަކީ އިންތިހާބުން ކައުންސިލް ކޮންސެޕްޓަށް ލިބުނީ ޔޫ ރިޕޯޓެއް. މިސާލަކަށް މާލެއިން އެންމެ 17 ޕަސެންޓް ވޯޓްދިނީ. ކޮބާ އަނެއް 83 ޕަސެންޓް ދެކޭ ގޮތަކީ؟
ފާތުން
08 May 2017
އަނެއް %83 ބުނީ ވޯޓެއްލާއިރަށް އެބާތިލްކުރާނޭ!
މަރީ
08 May 2017
ޢަފޫރަށް އެގިލައްވާތޯ ޔޫ ގެ މާނައަކީ އަޕް މަތިވުން ސަރުކާރަކަށް ނިސްބަތްކޮށް ޔޫ ބުނެފިނަމަ އޭގެ މާނަ އަކަށް ވަނީ މައްޗަށް ދިއުން ، އެހެންވީމާ ލޯކަލް ކައުންސިލް އިންތިޚާބްގައި ކާމިޔާބް ވީއޭ އެބުނެވެނީ ، މިކަހަލަ އެއްޗެހި ވިދާޅުވާއިރު ކުޑަކޮށް އޮޅުންފިލުވާތި