ޚަބަރު / ލޯކަލް ކައުންސިލްތަކުގެ އިންތިހާބު 2017

ކައުންސިލް އިންތިހާބުން ބަލިވިކަން ނިހާން ގަބޫލު ކުރައްވައިފި

ހޮނިހިރުދުވަހު ބޭއްވި ލޯކަލް އިންތިޚާބަށް ފަހު، ނިހާން އާދީއްތަދުވަހު ނޫސްވެރިންނާ ވާހަކަ ދައްކަވަނީ.---މިހާރު ފޮޓޯ: ހުސެއިން ވަހީދު

އާމިނަތު ޝިފްލީން، މިހާރު

09 މެއި 2017 - 12:59

173 comments

ނިމިގެން ދިޔަ ލޯކަލް ކައުންސިލް އިންތިހާބުގެ ގިނަ ގޮނޑިތަކެއް ޕީޕީއެމަށް ގެއްލި، އެ ޕާޓީ އަށް ނާކާމިޔާބުވިކަން، އެ ޕާޓީގެ ޕާލަމެންޓްރީ ގުރޫޕްގެ ލީޑަރު އަދި ރައްޔިތުންގެ މަޖިލީހުގެ ވިލިމާލެ ދާއިރާގެ މެމްބަރު އަހުމަދު ނިހާން ގަބޫލު ކުރައްވައިފި އެވެ.

އިންތިހާބުގެ ވަގުތީ ނަތީޖާ އިލެކްޝަންސް ކޮމިޝަނުން މިއަދު އާއްމު ކުރަން ފެށުމާއެކު ނިހާން ކުރެއްވި ޓްވީޓެއްގައި ވިދާޅުވީ ޕީޕީއެމަށް ކައުންސިލް ގޮނޑިތަކުގެ މެޖޯރިޓީ ނުލިބުނު ސަބަބުތައް ދެނެގަނެ، އެ ކަންކަން އިސްލާހު ކުރުމުން ކާމިޔާބު ލިބޭނެ ކަމަށެވެ.

މިދިޔަ ހޮނިހިރު ދުވަހު ބޭއްވި ކައުންސިލް އިންތިހާބު ނިމި، މީޑިއާތަކުން ނަތީޖާ އާއްމު ކުރަން ފެށުމާ އެކު ޕީޕީއެމުން ބުނެފައިވަނީ ކައުންސިލްތަކުގެ ގިނަ ގޮނޑިތައް ސަރުކާރު ކޯލިޝަނުން ކާމިޔާބު ކޮށްފައިވާ ކަމަށެވެ. އަދި އެއީ ވެރިކަންކުރާ ޕީޕީއެމް/އެމްޑީއޭ/ޑީއާރުޕީ ކޯލިޝަނަށް "ހިތްހަމަޖެހޭ ވަރުގެ ކާމިޔާބީއެއް" ކަމަށް ވިދާޅުވެފައި ވެ އެވެ. އެކަމަކު އޭރު ގިނަ ފޮށިތައް އަދި ގުނާ ނުނިމެ އެވެ.

#LCE2017 miee Semi Final, Mi buruge Final Match othee 2018 vana Aharu. Final ah Dhiya ee MDP aai PPM. Mistake thah Rangalhu Koh Thayaaruvey!
— Ahmed Nihan (@ahmed_nihan) May 9, 2017

ރައްޔިތުންގެ މަޖިލީހުގައި ނިހާން ތަމްސީލު ކުރައްވާ ވިލިމާލެ ދާއިރާއާ އެކު ސިޓީ ކައުންސިލްތަކުގެ ދެ ގޮނޑި ފިޔަވައި ހުރިހާ ގޮނޑިއެއް އެމްޑީޕީން ވަނީ ކާމިޔާބުކޮށްފަ އެވެ. އަދި އިންތިހާބުގެ މެޖޯރިޓީ ވެސް ހޯދީ އެ ޕާޓީންނެވެ. ސިޓީ ކައުންސިލްތަކުގެ 23 ގޮނޑިން ޕީޕީއެމަށް ލިބުނީ އެންމެ ގޮނޑިއެކެވެ.

ނިހާން މިއަދު ކުރެއްވި ޓްވީޓެއްގައި ވިދާޅުވީ މި އިންތިހާބަކީ ސެމީ ފައިނަލް ކަމަށާއި ފައިނަލަށް ދިޔައީ އެމްޑީޕީ އާއި ޕީޕީއެމް ކަމަށެވެ. އަދި މި ބުރުގެ ފައިނަލް މެޗު އޮންނާނީ 2018 ވަނަ އަހަރުގައި ކަމަށް އޭނާ ވިދާޅުވި އެވެ.

ނިހާނު ވަނީ ހެދުނު ގޯސްތައް ރަނގަޅުކޮށް، ތައްޔާރުވުމަށް އެދިވަޑައިގެންފަ އެވެ.

2018 Kaamiyaabu Kuraane Hakatha aai Hivvaru PPM ge membarunge Kibaiga Hunaane. Allah Iraadha Kurehviyyaa Kaamiyaabu kuraanee Furathama Burun
— Ahmed Nihan (@ahmed_nihan) May 9, 2017

އޭނާ ވިދާޅުވީ 2018 ވަނަ އަހަރުގެ ރިޔާސީ އިންތިހާބު ކާމިޔާބު ކުރާނެ ހަކަތަ އާއި ހިއްވަރު ޕީޕީއެމް މެމްބަރުންގެ އެބަހުރި ކަމަށެވެ. އަދި ﷲގެ އިރާދަފުޅުން އިންތިހާބު ކާމިޔާބު ކުރާނީ ފުރަތަމަ ބުރުން ކަމަށް ނިހާން ވިދާޅުވި އެވެ.

މާލެ އާއި އައްޑޫ ފަދަ އާބާދީ ބޮޑެތި ބައެއް ރަށްރަށުގައި ޕީޕީއެމަށް ވޯޓު ލިބުނު މިންވަރު މަދުކަން ފާހަގަކޮށް، ޕީޕީއެމުން އެންމެ ފަހުން ބޭއްވި ނޫސްވެރިންގެ ބައްދަލުވުމެއްގައި ނިހާން ވިދާޅުވީ މަދު އަދަދެއްގެ ބަޔަކު ވޯޓު ލާން ނުކުތް ސަބަބުތައް ދެނެގަނެ، އާންމުން ހޭލުންތެރިކުރަން މަސައްކަތް ކުރާނެ ކަމަށެވެ.

#LCE2017 ga PPM ah Council Gondi thakuge Majority Nulibunu Sababu thah Dhenegane Ekan Kan Islaah kohleema e libenee kaamiyaabu kan Yageen.
— Ahmed Nihan (@ahmed_nihan) May 9, 2017

މި އިންތިހާބުގެ ވޯޓު ފޮށިތައް ގުނަމުން ދިޔަ އިރު، އިދިކޮޅު އެމްޑީޕީން ސިޓީ ކައުންސިލްތަކުގެ ބޮޑު އަޣުލަބިއްޔަތެއް ހޯދިކަން ޔަގީންވުމުން ނިހާން ވަނީ ކާމިޔާބު ހޯދި ފަރާތްތަކަށް މަރުހަބާ ދަންނަވައި ވިލިމާލޭ ދާއިރާ އިން ޕީޕީއެމް ބަލިވިކަން ގަބޫލުކުރައްވައިފަ އެވެ.

މީގެ އިތުރުން ސިޓީ ކައުންސިލްތަކުން ރައްޔިތުންނަށް އެދެވޭ ހިދުމަތްތަކެއް ނުދިނުމުން އެކަމާ ފޫހިވެގެން ވޯޓުލުމަށް ނުދިޔަ ބަޔަކު ވެސް އެބަތިބި ކަމަށް ނިހާނު ވިދާޅުވި އެވެ. އަދި އެ ކަންކަމުގެ ސަބަބު ހޯދުމަށް "އަޅުގަނޑުމެން އޭގެ އޮޓޮޕްސީއެއް ހަދާނަން" ކަމަށް ނިހާނު ވިދާޅުވި އެވެ.

އެމްޑީޕީ ލޯކަލް އިންތިހާބު އިލެކްޝަންސް ކޮމިޝަން ޕީޕީއެމް ކުރީގެ މެމްބަރު އަހުމަދު ނިހާން ލޯކަލް ކައުންސިލްތަކުގެ އިންތިހާބު 2017

173 ކޮމެންޓް, 292 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަބޭސް

10 May 2017

މިސްޓޭކުތައް ރަގަޅުކުރެވޭނީ އިޚުލާސްތެރިންނަށް ނިހާނު، އަބުދުއްރަހީމު، ސައިނީ، ހިތުން ޑޮކްޓަރ ހަލީލު ، ޒަމީރުއަށް މިކަމެއް ނުކުރެވޭނެ ދެންތޮތީ އާސަންދަ އެންސްޕާގެ ދެވެރިންނަކީވެސް އިޚުލާސް ތރެިކަމެއްނެތް ދެމީހުން ފެނަކައިގައި ހުރީވެސް އެވަރެއްނެތް ތައްގަޑިއަށްވުރެ މައްގަޑި މޮޅުމީހެއް ދަރުބާރު ފެކުޝަން ފޭލުވެފައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އސފ

10 May 2017

މަކަރާ ހީލަތުން ޕާޓީ ވާދަވެރިކަން ކުރިއަށް ނެރެ މީހުން އޮޅުވަން އުޅޭނެ ކަމެއްނެތް.ދިވެހިން ވޯޓް ދިނީ ކޮރަޕްޝަނާއި، އަނިޔާވެރިކަމާއި، ދެކޮޅަށް. ވެރިކަން ހަވާލުކުރީމަ، ތިމަންނަމެން ހިތުހުރި ކަމެއް ހިތުހުރިގޮތަކަށް ކޮށް، ޤާނޫނު އަސާސީ އަކީ ކުޅޭކުޅޭ އެއްޗަކަށް ހަދައި ގޮށްމުށުގެ ބާރުދައްކަނީ ޖާހިލުވީމަ. ތިމަންނަމެން އަތުގަ އަބަދު އާރާއި ބާރު ނޮއޮންނާނެކަން ނޭނގޭވަރަށް ހަވާނަފުސުގެ ތެރެއަށް ގެއްލިފަ ތިބީމަ. އޭގެ ހެއްކެއް ފެނިގެންދިޔަކީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބިރިހިންބެއްޔާ

09 May 2017

"ޕީޕީއެމަށް ކައުންސިލް ގޮނޑިތަކުގެ މެޖޯރިޓީ ނުލިބުނު ސަބަބުތައް ދެނެގަނެ، އެ ކަންކަން އިސްލާހު ކުރުމުން ކާމިޔާބު ލިބޭނެ" ނިހާނު ވިދާޅުވިޔަސް ރަގަޅު ވާހަކަފުޅެއް. ވޯޓްދެނީ ރައްޔިތުންކަމާއި ވޯޓްލިބޭނީ ރައްޔިތުންގެ ހިތް އަތުލެވިގެންކަން ޤަބޫލުކުރެވި ރައްޔިތުން ހިތުގައި ޖެއްސުމުގެ ބަދަލުގައި ރައްޔިތުންގެ ލާބަޔާއި ޤައުމުގެ މަސްލަހަތަށް ފައިދާހުރިގޮތުގައި އިންސާފުން ކަންތައްކޮށް ދެއްކިއްޖެނަމަ 2018 ކީއްކުރަން 2019 ވެސް ކާމިޔާބުކުރެވިދާނެ. ނަމަވެސް އެއީ ރައްޔިތުންނަށް ތިބޭފުޅުންނަށް އިތުބާރު ކުރެވުނިއްޔާ ތާ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޯޗު

09 May 2017

ނިހާނަށް ގޮޑި ލިބުނީ އެރުގެ ޓީމުގެ ކޯޗުގެ މޮޅުކަމުން މިހާރު ތިކުޅޭ ޓީމަށް ކުޅެގެން ތިގޮޑިއެއް ނިހާނަ ލިބުން ވަރަށް ދުރު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސާބޭ

09 May 2017

ސާބާސް ނިހާން. ހިތްވަރު އެބަހުރި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެފްރީ

09 May 2017

އެެހެންވިއްޔާ ފައިނަލަށް ދަނީ އެންމެ ޓީމެއް ތަ؟ ދެޓީމު ފައިނަލަށް ދަންޏާ ދެވަނައަށް އެންމަ މަތިން ލިބުނު ބައެއްތާ ފައިނަލްގަ ކުޅޭ އަނެއް ޓީމަކަށް އޮންނާނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްޖިބްރާ

09 May 2017

ކޮބާ ކިހިލި ޖަހާކަށް ނުވޭތަ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަބަރޭ

09 May 2017

ވޯޓުން މޮޅެއްނުވާނެ! ކޯޓުން މޮޅުވެދާނެ! މިބުނީ ވަރައް ވާހަކަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

09 May 2017

ނިހާނު މެންނައް މިވަރުންވެސް އެއްޗެއް ވިސްނިއްޖެއްޔާ ރަގަޅު. ތާއީދުލިބެނީ ރުއްބުޑުގަ ނޫނީ ފައުންޑޭޝަން އަޑީގަ ވަޅުލާފަ އޮތް އެއްޗަކާހެދިނޫންކަން މިހާރު އެގިދާނެ ކަންނޭގެ. ރައްޔިތުންނައް ވާނުވާ ނޭގެޔޭ ހީވިޔަސް އެއީ ކުއްހީއެއް، އެއްޗެކޭ ނުބުނެ ނޫނީ މަގުމައްޗައް ނުނިކުމެ ތިބެނީ ވާނުވާ ނޭގޭތީއެއްނޫން ކުރާކަންކަމާ ރުހޭތީއެއްވެސްނޫން. ތިމާނޫނަސް ތިމާގެ ގާތްމީހާނޫނަސް އެހެން މީހަކައްވެސް ނުހައްގު އަނިޔާތައް ލިބޭކައް ރައްޔިތުން ބޭނުމެއްނޫން. ދައުލަތައް ލިބޭ ފައިސާ ކޮރަޕްޝަނައް ގޮސް ހުސްވާކައްވެސް ރައްޔިތުން ބޭނުމެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގގ

09 May 2017

ޢަސުލު ސިޔާސަތަކީ ހުރިހާ މީހުންނާއި ގުޅި ލާމެހިގެން މަޝްވާރާ ކޮއްގެން ތިމާގެ ވިސްނުމާއި އަނެކާގެ ވިސްނުމަށް އިހުތިރާމް ކުރުން ތިމާގެ ވިސްނުން މޮޅުކަމުގައި ވާނީ ކޮމްޕޮރޮމައިޒުކޮށްގެން މޮޅުވުން. ސިޔާސީ ލީޑަރުންނަކީ ކޮމެ އޮޑިއެއްގައިވެސް ދަތުރުކުރަން އެގޭ މީހުން!