އެސްޓީއޯ އިން ރޯދަ އަށް ގެންނަ ކާބޯތަކެތި ވިއްކާނީ އަގު ހެޔޮކޮށް

އެސްޓީއޯގެ ސުޕަ މާޓް: ރޯދައަށް ހާއްސަކޮށްގެން ގެންނަ ތަކެތި އަންނަ ހަފުތާގައި ރާއްޖެ އަންނާނެ.

އަބްދުﷲ ޖަމީލު، މިހާރު

09 މެއި 2017 - 19:33

އަންނަ ރޯދަމަހާ ދިމާކޮށް އެސްޓީއޯ އިން ފިޔާ، އަލުވި، ބިސް ގިނަ އަދަދަކަށް ގެނެސް، ހެޔޮ އަގުގައި ވިއްކަން ނިންމައިފި އެވެ.

"މިހާރު"އާ ވާހަކަދައްކަވަމުން އެސްޓީއޯގެ މެނޭޖިން ޑިރެކްޓަރު އަހުމަދު ޝަހީރު މިއަދު ވިދާޅުވީ އެހެން އަހަރުތަކެކޭ އެއްގޮތަށް މި އަހަރު ވެސް ރޯދަމަހަށް ބޭނުންވާ ކާބޯތަކެތި ގިނަ އަދަދަކަށް ގެނެސް ވިހާ ގިނަ ބަޔަކަށް ލިބޭނެ އިންތިޒާމް ހަމަޖެއްސުމުގެ މަސައްކަތް ކުރަމުން އަންނަ ކަމަށެވެ. އެގޮތުން ރޯދަ އަށް ގެންނަ ފުރަތަމަ ޝިޕްމަންޓް އަންނަ ހޮނިހިރު ރާއްޖެ ގެނެސް ވިއްކަން ފަށާނެ ކަމަށް ވެސް އޭނާ ވިދާޅުވި އެވެ.

"މި ފަހަރު ވެސް ފިޔާ، އަލުވި، ބިސް ރޯދަމަހު މެދުނުކެނޑި ލިބޭނެ އިންތިޒާމް ހަމަޖެއްސުމުގެ މަސައްކަތް ކުރަމުން މިއަންނަނީ. މާލޭގެ އިތުރުން އަތޮޅުތަކުން ވެސް އެ ތަކެތި ލިބެން ހުންނާނެ،" ޝަހީރު ވިދާޅުވި އެވެ.

އޭނާ ވިދާޅުވީ ރޯދަ އަށް ހާއްސަކޮށްގެން ގެންނަ ތަކެތި ވިއްކާނެ އަގުތައް ވަރަށް އަވަހަށް އިއުލާންކުރާނެ ކަމަށެވެ. އަދި އެ ތަކެތީގެ އަގުތައް މާކެޓްގައި އެންމެ ރަނގަޅު އަގުތަކަށް ވާނެ ކަމަށް ވެސް ޝަހީރު ވިދާޅުވި އެވެ.

"ރޯދަ މަހަށް ގެންނަ ތަކެތި ވިއްކަން މާލެ އާއި ރީޖަނަލް ޑިސްޓްރިބިއުޓަރުން އުޅޭނެ. އޭގެ އިތުރުން އަތޮޅު ތެރޭގައި ހުރި އެސްޓީއޯގެ ހުރިހާ ފިހާރަތަކުން ވެސް ލިބެން ހުންނާނެ،" އޭނާ ވިދާޅުވި އެވެ.

ޝަހީރު ވިދާޅުވީ އެސްޓީއޯ އިން ރޯދަ އަށް ފިޔާ، އަލުވި އަދި ބިހުގެ އިތުރުން ދަޅުކާނާގެ ބާވަތްތައް ވެސް ގިނަ އަދަދަކަށް ގެނެސް ވިއްކާނެ ކަމަށެވެ.

ރޯދަ މަހާ ދިމާކޮށް އެސްޓީއޯ ސުޕަ މާޓުން ވަނީ އަގު ބޮޑު އިނާމުތަކާއެކު އަގުހެޔޮ ތަކެތި ވިއްކަން ހާއްސަ ޕްރޮމޯޝަނެއް ވެސް ފަށައިފަ އެވެ.

އެސްޓީއޯ ރޯދަމަސް 2017 ތަރުކާރީ ބިސް ފިޔާ، އަލުވި، ބިސް އެސްޓީއޯ ސުޕަމާޓް

6 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުފާވޭ ފެނުނީމާ

10 May 2017

އުފާވަނީ ކީއްވެތޯ....ފީވެ ހަލާކުވާތަން ފެންނާތީތޯ....ވަކިބަޔަކަށް އަގުހެޔޮކޮށް ލިބުމުގެ ފުރުސަތު ހަލާކުވަނަމުގައި އަޅުވާފައި އިންތިހާޔަށް އަގުހެޔޮކޮސް ވިއްކާތީތޯ...މިހެން ވިއްކާއެއްޗެހި ވިއްކާކަންވެސް ނޭންގި ވަކިބަޔަކަށް ލިބި ނުމޭނެ....މިކަމުގެ ސަބަބުން މިކަން ކުރާބޔަކަށް ހިދުމަތް ނުދެވިގެން އުޅޭންޖިހޭނީ ސަބަބަކީ އަމިއްލަފަރާތްތަކުން ގެންނައެއްޗެހިން ގެއްލުންވީމާ އެފަރާތުން އޭގެ ޒިންމާ ނަގަންޖެހެނީ ނަމަވެސް އެސްޓީއޯ އިންނަމަ ހިއްސާދާރުންނަށް ހިރިހާ ގެއްލުމެއް ދެން ސަރުކާރަށް...މާނައީ ހަމަ ދިވެހިރައްޔިތުންނަނަށް އަދި ނުނިމޭ ގެއްލުން ކަވަރުކުރުމަށް ބޭސް އަދި ތެލުގެ ބާވަތްތަށް އަގުބޮޑުކޮށް ލާގެން ގެއްލުމުގެ ބައި ހަމަޖައްސާލާނީ ހެހެހެހޭޭޭޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

10 May 2017

އާނ އެންމެން އެންމެ ގިނައިން މިކަނީ ފިޔަޔާ އަލުތްވާ ވިއްޔަ ބަލަ ކާބޯ ތަކެއްޗަކީ ވަކި މޫސުމަކަށް ވަކި ދުވަސް ވަރަކަށް އަގު ހެއުކުރަން ޖެހޭ އެއްޗެއް ނޫން އެއީ އަބަދަުވެސް އަގުހެއުކޮން ވިއްކަން އަންގަން ޖެހޭ އެއްޗެއް އެކަމަށްޓަކާ އަގުކޮންޓްރޯލް ކުރާ ބޯޑު ހަދާފަ ބޯޑުން ގޮވާލަން ޖެހޭނެ މާދަމައިން ފެށިގެން ހަނޑޫ ކިލޯއެއް ވިއްކަން ޖެހޭ އަގަކީ މިއީ ކަމަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހ.ހ މާލެއަތޮޅު

10 May 2017

ތީ މާލޭގައި އުޅޭ ފަޤީރުންނަށް ކޮންމެ އަހަރަކުވެސް އޮންނަ ފުރުޞަތެއްނުން . ރަށްރށުގެ މީހުން ބޭނުންވާނީ ފެންވަރު ރަނަގަޅު ތަކެތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަލީމް

10 May 2017

ހިލޭ ސާބަހަށް ކަހަލަ ގޮތަކަށް ފިހާރަ ލިބިފަ އިންނައިރުވެސް ރެޑްވޭވަަށްވުރެ އަގުބޮޑުކޮށް އެއްޗެހި ވިއްކެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދދ

09 May 2017

ޤައުމުތަކުގެ އަސްލު ތަރައްޤީ އަކީ އުފެއްދުން އިތުރުވެ ސަޕްލައި ޑިމާންޑު ބާޒާރުގައި އިތުރުވެ އިންސާނުންގެ ދިރިއުޅުން އެކަމުންް ލުއިފަސޭހަކަން ލިބިގެން ދިއުން، ކުލަކުލައިގެ ރީތި ނޫޓު ބާޒާރަށް ނެރުމެއްނޫން!