ޕީޕީއެމްގެ ރައީސް މައުމޫން: ގާނޫނީ އިމުން ބޭރުން އެތައް ކަމެއް ހިނގަމުން އަންނަ ކަމަށް މައުމޫން ވިދާޅުވި. --ފޮޓޯ: ނިޝާން އަލީ
11 މެއި 2017 - 21:22
35 comments
ލޯކަލް ކައުންސިލް އިންތިހާބުގައި އަމިއްލަ ގޮތުން ވާދަކުރައްވައި ކާމިޔާބު ކުރެއްވި ކެންޑިޑޭޓުންގެ ދައުރު ގައުމު އިސްލާހުގެ މަގަށް އެޅުވުމަށް އިންތިހާ އަށް މުހިންމު ކަމަށް ކުރީގެ ރައީސް މައުމޫން އަބްދުލްގައްޔޫމް މިރޭ ވިދާޅުވެއްޖެ އެވެ.
މިދިޔަ ހޮނިހިރު ދުވަހު ބޭއްވި ލޯކަލް ކައުންސިލް އިންތިހާބުގައި އަމިއްލަ ގޮތުން ކުރިމަތިލެއްވި ކެންޑިޑޭޓުންގެ ތެރެއިން 100 އެއްހާ ކެންޑިޑޭޓުން ކައުންސިލްތަކަށް އިންތިހާބުވި ކަމަށް ވަގުތީ ނަތީޖާ އިން ދައްކަ އެވެ. ނަމަވެސް ޕީޕީއެމުން ކުރިން ބުނެފައިވާ ގޮތުގައި އަމިއްލަ ގޮތުން އިންތިހާބު ކާމިޔާބު ކުރެއްވި ގިނަ ކެންޑިޑޭޓުންނަކީ އެ ޕާޓީގެ ފިކުރަށް ތާއީދު ކުރައްވާ ކެންޑިޑޭޓުންނެވެ.
މައުމޫން ނެރުއްވި ބަޔާނެއްގައި ވިދާޅުވީ ގުޅިފައިވާ ޕާޓީތަކުގެ ކެންޑިޑޭޓުންނާއި އަމިއްލަ ގޮތުން ވާދަކުރެއްވި ކެންޑިޑޭޓުން އިންތިހާބު ކާމިޔާބު ކުރެއްވި ދަނޑިވަޅަކީ ރާއްޖޭގައި ގާނޫނީ އިމުގެ ބޭރުން އެތައް ކަމެއް ހިނގަމުންދާ ދުވަސްވަރެއް ކަމަށެވެ.
އެކަން ހުއްޓުވުމަށާއި ސަރުކާރުގެ ނުފޫޒުން މިނިވަން މުއްސަސާތައް ސަލާމަތްކޮށް ގާނޫނީ ވެރިކަން ނެގެހެއްޓުމަށް މިނިވަން ކެންޑިޑޭޓުންގެ ދައުރު މުހިންމު ކަމަށް އެ މަނިކުފާނު ވިދާޅުވި އެވެ.
"އެހެންކަމުން ތިޔަ އެންމެހާ ކެންޑިޑޭޓުންނަށް ރައްޔިތުން އިތުބާރުކޮށް އިންތިހާބުކުރި ގޮތުގައި ސާބިތުކަމާއެކު ގައުމުގެ ހައްގުގައި ދެމި ތިއްބެވުމަށް ވަރަށް އިހްލާސްތެރިކަމާއެކު އިލްތިމާސް ކުރަމެވެ،" އިންޑިއާގައި ހުންނެވި މައުމޫން ނެރުއްވި ބަޔާނުގައިވެ އެވެ.
މައުމޫން ވިދާޅުވި ގޮތުގައި ނިމިގެންދިޔަ އިންތިހާބަކީ ރާއްޖޭގެ ޑިމޮކްރަސީ އިތުރަށް ހަރުދަނާ ކުރުމަށް އެޅުނު ވަރަށް ބޮޑު ފިޔަވަޅެކެވެ. ލޯކަލް ކައުންސިލް އިންތިހާބަކީ ސަރުކާރުގެ ކެންޑިޑޭޓުން ފިޔަވައި މި އިންތިހާބުގައި ވާދަކުރެއްވި ކެންޑިޑޭޓުންނަށް ބޮޑެތި ގޮންޖެހުންތަކެއް ކުރިމަތިވި އިންތިހާބެއް ކަމަށް ވެސް މައުމޫން ވިދާޅުވި އެވެ.
އެގޮތުން ކެމްޕޭން ކުރުމާއި ތާއީދު ހޯދުމަށް މަސައްކަތް ކުރުމުގައި ސަރުކާރުގެ ނުފޫޒްގެ ސަބަބުން ވަރަށް ގިނަ ދަތިތަކެއް ކެންޑިޑޭޓުންނަށް ކުރިމަތިވި ކަމަށާއި އުނދަގޫތަކާއެކު އިސްލާހަށް މަސައްކަތް ކުރައްވާ ފަރާތްތަކުން މި އިންތިހާބުގައި ބޮޑު ކާމިޔާބީއެއް ހާސިލް ކުރެއްވި ކަމަށް މައުމޫން ވިދާޅުވި އެވެ.
"އިންތިހާބުގައި ވާދަކުރެއްވި ކެންޑިޑޭޓުންނަށް ބޮޑެތި ހުރަސްތަކެއް ކުރިމަތިވިއިރު، ސާބިތުކަމާއި އެކު ދެމިތިއްބެވުމުގެ ނަތީޖާއަކީ އިންތިހާބުގެ ބޮޑު ބައެއް އެފަރާތްތަކަށް ކާމިޔާބުވުމެވެ. ސަރުކާރުގެ ފިއްތުންތަކުގެ ކުރިމަތީގައި މިފަދަ ކާމިޔާބެއް ލިބިފައި ވަނީ ތިޔަބޭފުޅުން ކުރެއްވި މިންނެތް މަސައްކަތުންނެވެ. އަދި ރައްޔިތުން ތިޔަ ކެންޑިޑޭޓުންނަށް ކުރެއްވި އަގު ނުކުރޭ ފަދަ ބޮޑު އިތުބާރެއްގެ ސަބަބުންނެވެ،" މައުމޫން ނެރުއްވި ބަޔާނުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަޓޫކް
13 May 2017
އިހަށް ޔާމީނުގެ ފަޅީގެ މީހުން ރަންތިރީހުގެ ބާނީކަމަށް ބުނެއުޅުނު މައުމޫނު ހަތުރަކަށް ވެފައި
އަޙްމަދު
13 May 2017
މައުމޫނުގެ މީސާލަކީ ފޫނެތްފަޔައް ފެންފުރާ މީހާގެ މިސާލު!
ބޯލަބޭ
13 May 2017
ނޫނޭ. މައުމޫނަށްވުރެ ފޫހުރިފަޔަށް ފެންފުރާ މީހަކު ނުހުންނާނެ. މިހާރުވެސް އެހުރީ ދެފަރާތަށްވެސް ވާފުރައިގެން. ސަރުކާރު ބަލިވެއްޖެނަމަ އިދިކޮޅުމީހުން ، އިދިކޮޅުމީހުން ބަލިވެއްޖެނަމަ ސަރުކާރު.
ނަސްރީނާ
12 May 2017
މައުމޫން މިހާރު އުޅޭގޮތުން ލަދުން ބޯހަލާކު.. ވެރި ކަމާއި ހެދި މޮޔަވިޔަސް ތީ ބޮޑުވަރު. މަ ކިތަންމެ ފަހަރަކު ބުނެފިން ތިހެން ނޫޅެ ކޮށްކޯފުޅު އާއި އެކީ ރީއްޗަށް އުޅެބަލާށޭ. ކޮންމެ ހެނެއްވިޔަސް ރައްޔިތުންނަށް މިހާރު އިނގޭ މައުމޫން އަކީ ފިނިހަކަ ސްޕީޑްގެ ބޭފުޅެއްކަން އަދި މިހާރު ކަޑަ ޖެހިޔަސް ރައްޔިތުން ނުހެއްލޭނެކަން ދެން ކީއްކުރަން އުޅޭވައްތަރެއްތީ.
އަހައްމަދު އަހައްމަދޭ
12 May 2017
މައުމޫނުއަށް އަދި ނުވިސްނެނީ 100 މެމްބަރުން ޕީޕީއެމްއަސް ދިޔައަސް އެއީ 100 ވޯތް ދާއިރާތަކުން އަމިއްލަ ކެންޑިޑޭޓުންނަށް ވޯތް ދިން އިންސައްތަ ނޭގުނަސް އެނގޭ ކަމަކީ ތިޔާ ދެފަރާތުގެ އަޑުއަހާ އަހާ ފޫހިވެފަ ތިބިބަޔަކުކަން އެބައި މީހުންނަކީ އެހެންކަމުން އެ 100 ގެންދެވިޔަސް އެއްވެސް ކޮޅަކަށް އެކަމުން ވާނެ ފައިދައެއް ނެތް، ގެންދަވަންޏާ ގެންދަވަން ވީ އެ 100 ހޮވަން ވޯތް ދިންބަޔަކު،
ޒާ
12 May 2017
މައުމޫނުއެވެ. އެއްވެސް މީހަކަށް އިލްތިމާސް ކުރުމުގައި ދެން ނޫޅޭށެވެ. އެއަޑު އަހާނެ މީހަކު މިހާރު ނެތެވެ. އެއްމެންވެސް ގަބޫލު ކުރަނީ މައުމޫނަކީ އެމްޑީޕީއާއި ގުޅީގެން ގައުމު ހަލާކު ކުރާ މީހެއްގެ ގޮތުގައެވެ. އެހެންވެ މައުމޫނުގެ ހަގީގަތް ވަރަށް ސާފެވެ. ކޯއްޗެއްތޯ ނުލިބިގެން މައުމޫނު ތި އުޅުއްވަނީ؟
އުތުރުއަރުމާޒު
12 May 2017
ރައީސް މައުމޫނަކީ ވަރަށް ތަޖުރިބާ ލިބިވަޑައިގެން ހުންނެވި ބޭފުޅެއް ޝުކްރިއްޔާ ރައީސް
މަހަލްދީބު
12 May 2017
މިގައުމުގެ މީހުން ބޭނުންވެގެން އުޅެނީ ބޯދާ ވާހަކަތަކެއްނޫން މިގައުމުގެ މީހުން ބޭނުން ވެގެން އުޅެނީ އުމުރާނީ ތަރައްގީ މިގައުމުގެ މީހުން ބޭނުންވެގެން އުޅެނީ މާދީތަރައްގީ މިގައުމުގެ މީހުން ބޭނުންވެގެން ނޫޅޭ ހުސްއަނގަތަޅާ ބަޔަކާ އެކީ އުޅޭކަށް ކައުންސިލުގެ އެއްބާރުލުން ކުރިޔަށް އޮތް ދެ އަހަަރަށް ނުދޭ ރަށް ރަށާއި އަތޮޅުތަކަށް ލިބޭނެ ކުރިއެރުމެއް ނޯންނާނެކަން ޔަގީން ހަމަޔަގީނުންވެސް ދާނީ 2 އަހަރު ފަހަތަށް ކަން ޔަގީން އެއްބާރުލުން ދިން ބަޔަކަށް ތަރައްގީ އޮތީ މިއީކީ ދެބަސްވެވޭނެ ކަމެއްނޫން
ޘަމާ
12 May 2017
ރައީސް މައުމޫނު ދެއްކެވީ ވަރަށް ރަނގަޅު ވާހަކަ ފުޅެއް! އަމިއްލަ ބޭފުޅުންނަށް ރައްޔިތުން ވޯޓް ދެއްވި ސަބަބު އެބޭފުޅުންނަށް ވެސް އިނގެން ޖެހޭނެ! ޕާޓީއަށް އެދާއިރާތަކުގެ ބޭފުޅުން ތާއީދުނުކުރާކަން!
އުއްޓު
12 May 2017
ބަލަ މައުމޫނަކީ ޕީޕީއެމްގެ ރައީސް ނޫންތަ! ވެރިކަންކުރަނީ ޕީޕީއެމުންނޫންތަ؟އޮޅިއްޖެ!
މީމު
12 May 2017
މައުމޫނަކީ މި ޤައުމުގެ ހަލާކު