ޕީޕީއެމް/އެމްޑީއޭގެ ޖޮއިންޓް ޕާލަމެންޓްރީ ގުރޫޕުން ކުރިން ބޭއްވި ނޫސްވެރިންގެ ބައްދަލުވުމެއް ---ފޮޓޯ: ނިޝާން އަލީ/މިހާރު
14 މެއި 2017 - 16:23
122 comments
ރައްޔިތުންނަށް ދިމާވެފައި ހުރި ދަތިތަކާއި ޝަކުވާތައް ރައްޔިތުންގެ މަޖިލިހުގެ ޕީޕީއެމް މެމްބަރުން ރައީސް އަބްދުﷲ ޔާމީނާ މިއަދު ހިއްސާކުރައްވައިފި އެވެ.
"މިހާރު"އާ ވާހަކަދެއްކެވި ޕީޕީއެމް މެމްބަރަކު ވިދާޅުވީ މުލިއާގޭގައި ބޭއްވި ބައްދަލުވުމުގައި މައިގަނޑު ގޮތެއްގައި މަޝްވަރާކޮށްފައި ވަނީ ނިމިގެން ދިޔަ ލޯކަލް ކައުންސިލް އިންތިހާބާ ގުޅޭ ގޮތުން ކަމަށެވެ. ރައީސް ޔާމީން ބައިވެރިވެވަޑައިގެންނެވި ބައްދަވުމުގައި މެމްބަރުން ވަނީ އިންތިހާބުގެ ކަންތައްތައް ދިޔަ ގޮތުގެ ރިޕޯޓު ހުށަހަޅުއްވާފައި ކަމަށް ވެސް އޭނާ ވިދާޅުވި އެވެ.
މި ބައްދަލުވުމުގައި 30 އަށް ވުރެ ގިނަ މެމްބަރުން ބައިވެރިވެވަޑައިގަތް ކަމަށް ވެ އެވެ.
"މިހާރު"އާ ވާހަކަ ދެއްކެވި މެމްބަރު ވިދާޅުވި ގޮތުގައި ރައްޔިތުންގެ އެންމެ ބޮޑު ޝަކުވާއަކީ ކާޑުގެ އަގަށް އައި ބަދަލާއި ކަރަންޓުގެ އަގު ބޮޑުކުރުމެވެ. އެހެންވެ، އެ ޝަކުވާތައް ރައީސަށް ހިއްސާކުރެއްވި ކަމަށް އޭނާ ވިދާޅުވި އެވެ.
"އެކަންކަމުގެ އިތުރުން ރައްޔިތުންނަށް އުފުލަން ޖެހިފައިވާ ބައެއް ތަކުލީފްތަކާއި އުނދަގޫތައް ވެސް ހިއްސާ ކުރިން، ވަރަށް ބޭނުންތެރި ބައްދަލުވުމެއް މި ބޭއްވީ،" މެމްބަރު ވިދާޅުވި އެވެ.
އޭނާ ވިދާޅުވި ގޮތުގައި ކައުންސިލްތަކުން ސަރުކާރާ ގުޅިގެން މަސައްކަތްކުރެވޭނެ ގޮތްތަކާ ގުޅޭ ގޮތުން ވެސް ރައީސާ މަޝްވަރާކުރެއްވި އެވެ.
ލޯކަލް ކައުންސިލް އިންތިހާބުގައި ގިނަ ކައުންސިލްތައް ކާމިޔާބުކުރީ، ވަގުތީ ނަތީޖާ އިން ދައްކާ ގޮތުގައި، އިދިކޮޅު އިއްތިހާދުގެ ތެރެއިން ނުކުތް އެމްޑީޕީގެ ކެންޑިޑޭޓުންނެވެ.
ޕީޕީއެމް މެމްބަރު ވިދާޅުވީ ސަރުކާރުގެ މުވައްޒަފުން ފާޅުގައި ސަރުކާރާ ދެކޮޅަށް މަސައްކަތްކުރުމަކީ މެމްބަރުން ކަންބޮޑުވާ ކަމެއް ކަމަށް ދެންނެވި ކަމަށެވެ. އަދި އެކަން ހުއްޓުވަން އެޅިދާނެ ފިޔަވަޅުތަކާ ގުޅޭ ގޮތުން ވެސް މަޝްވަރާކުރެއްވި ކަމަށް އޭނާ ވިދާޅުވި އެވެ.
"މިސާލަކަށް ނަރުހެއް، ނޫނީ ޓީޗަރެއް، ސަރުކާރާ ދެކޮޅަށް ފާޅުގައި އަޑުއުފުލައި ހަދާއިރު، އޭނާ އަށް ރަނގަޅު ހިދުމަތެއް ދެވިދާނެތޯ ސުވާލު އުފެދޭ. އެހެންވީމަ އެކަހަލަ ކަންބޮޑުވުންތަކެއް މެމްބަރުންގެ ހުރީ،" އެ މެމްބަރު ވިދާޅުވި އެވެ.
އެނގިފައިވާ ގޮތުގައި ބައެއް މެމްބަރުން ވަނީ ކައުންސިލްތަކަށް ކޯޑިނޭޓަރުން އައްޔަން ކުރަން ވެސް ރައީސަށް ދަންނަވާފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ށަކޮވާ
16 May 2017
ހިތުހުރިގޮތެއް ރައްޔިތުންނަށްހެދީމާ ވާނެހައެތި ތިޔަވަނީ
ފައިޞަލް
15 May 2017
ކޮބާތަ އަހަރުމެން ދާއިރާގެ އެމް އެޗް. އަހަރުމެންގެ ޝަކުވާ ހުށަނާޅާގޮސް ޖަރުމަނުގަ ދޯ؟
ޅީދަރިފުޅު
15 May 2017
ދަރުބާރު ފެކްޝަނުން ކަދުރު ނުބަހާތަ؟
އަބްދުއްލާ އަލީ
15 May 2017
ތިޔަ ގޭމް ގެ މިހާރު ބޭނުމެއްނެތް .ސަބްސިޑީ ތައް ކަނޑާލި އިރު ތިޔަ ހަދަނީ ގޯހެކޭ ތިކަން ތިޔަހެން ނުކުރާށޭ މީހަކު ބުނީތީ އެއަށްގޮންޖެހިއިރު މި ނަތީޖާ ނުކުމެދާނެ ކަމަށް ވިސްނާފަ ނެތް ްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްމިހާރު ގޭސްގަނޑު އަނބުރާނެ ކަމެއް ނެތް
މީހެއް
15 May 2017
"މިސާލަކަށް ނަރުހެއް، ނޫނީ ޓީޗަރެއް، ސަރުކާރާ ދެކޮޅަށް ފާޅުގައި އަޑުއުފުލައި ހަދާއިރު، އޭނާ އަށް ރަނގަޅު ހިދުމަތެއް ދެވިދާނެތޯ ސުވާލު އުފެދޭ. އެހެންވީމަ އެކަހަލަ ކަންބޮޑުވުންތަކެއް މެމްބަރުންގެ ހުރީ،" އެ މެމްބަރު ވިދާޅުވި އެވެ. މީއަޅެ ގަމާރުންތަ ޕީޕީއެމް އެމް ޕީ އިންނަކީ، ބަލަ ހޮސްޕިޓަލްތަކަށް ދަނީ އާންމު ރައްޔިތުންނޭ، ސްކޫލްތަކަށް ދަނީ އާންމު ރައްޔިތުންގެ ދަރިންނޭ. ދެންމިތަންނަށް ދާމީޙުންނަށް ޖިއްސުންކޮށް ހާދާވާހަކައެއް މަށެއްނާހަން. ބަލަ މިތަންތަނަށް ދޭއޭ ޕީޕީއެމް މީހުންވެސް އެމްޑީޕީ މީހުންވެސް އަދި އެއްވެސް ޕާޓީ އަކަށް ސަޕޯޓް ނުކުރާ މީހުންވެސް. މިމީހުންގެ ވެރިމީހާ ވާވައްދަނީވެސް ހަމަ މިމީހުން... ހެހެހެހެހެ...
ގޮޅާ
15 May 2017
ސިވިލްސާވިސް މުއައްޒަފުން ޖެހޭނީ ސަރުކާރަށް ވޯޓް ދޭން. ނުދޭ މީހުންގެ ދިވެހި އައިޑެންޓިޓީ ނިގުޅައިގަންނަން ޖެހޭނެ. އެހެނީ ޔާމީނށް ތާއީދުނުކޮށް މިގައުމުގައި ހުރެވިގެން ނުވާނެ.
ަސދ
15 May 2017
ބައްލަވާ ސަރުކާރު ވަޒީފާއާއި ދަުލަތުގެ ވަޒީފާޔަކީ މުޅިން ދެއެއްޗެއް. އޮޅުވާނުލައްވާ. ސަރުކާރު ހިއްސާވާ ކުންފުނިތކުގައި ތިބޭނީކީވެސް ސަރުކާރު މުވައްޒަފުންނެއް ނޫން. މިފަޖަރުވެސް ގޯސްވީ ތިކަހަލަ ބިރުދެއްކުން އިތުރުވީމާ.
އެހަނދާން
15 May 2017
ރާއީސް ނަޝީދު ވެރިކަމުގައި ސަރުކާރު މުވައްޒަފުން ފާޅުގައި ނިކުމެ މިހާރުގެ ރައީސް ޔާމީނާއި ޕީޕީ އެމްގެ އެކްޓިވިސްޓުންނާއެކު މަސައްކަތްކޮށް ވެރިކަން ވައްޓާލައި، ސަރުކާރުގެ އޮފީސްތަކުން ދެމުން ގެންދިޔަ ޚިދުމަތްތަކުގައިވެސް ރައްޔިތުންނަށް ދުއްތުރާކޮށް މީހުން ސަރުkާރާމެދު ރުޅިއަރުވައި، ފާޅުަގައި ނިކުމެ ސަރުކާރާއި ދެކޮޅަށް މުޒާހަރާކޮށް، އަދި އެންމެ ފަހުން ނިމިގެންދިޔަ އިންތިޚާބުގައިވެސް ރައީސް ޔާމީން ފެކްޝަނަށް ސަރުކާރު މުވައްޒަފުން ލައްވާ ކެމްޕޭނު ކުރުވާފައި ތިޔަ ވިދާޅުވަނީ ރައީސް ޔާމީނާއި ދެކޮޅަށް ބަސްބުނާ މީހުން ގޯހޭ ތިޔައީ ކޮން އިންސާފެއްތޯ ޕީޕީއެމް ވައި ފެކްޝަންގެ މަޖިލިސް މެންބަރުކުރެން އަޅުގަނޑު ސުވާލުކުރަމެވެ. އަދި އޭރު މިހުރިހައި ކަމެއް ތިބޭފުޅުންނަށް ރަނގަޅުވެފައި މިހާރު ސަރުކާރު މުވައްޒަފުން ގޯސްކަމަށް ބުނުމަކީ ތިޔަބޭފުޅުން ތިޔަވިދާޅުވާ ޤާނޫނީ ވެރިކަން ދެމެހެއްޓުންތޯ؟
މުހަންމާ.
15 May 2017
ސަރުކާރަށ ތައީދު ނުކުރާ ސަރުކާރު މުއައްޒަފުން ވަޒީފައިން ވަކިކުރަންވީ. އޭރުން ދެނެއް ނުކެރޭނެ ވޯޓު ނުދީއެއް.
އެހެންތަ
15 May 2017
ދާންވީނޫ ނޯތު ކޮރެއާއަށް؟؟
އަހުމަދު
15 May 2017
އަދި ކިރިޔާ؟ ދެން ތި މެމްބަރުން ކުރިން ކީއްކުރީ؟ ރައްިތުންގެ ހާލުބަލާ ރައްޔިތުންނަށް ވެރިކަމެއް ކޮށްދެއްވަން އުޅުއްވާތީ މަރުހަބާ ރައިސަށް.