އަރަބި އިސްލާމިކް އެމެރިކަން ސަމިޓްގައި ބައިވެރިވެ ވަޑައިގަތުމަށް ރައީސް ޔާމީން ސައުދީ ފުރާވަޑައިގެންފި
ރައީސް ޔާމީން މިދިޔަ އަހަރު ސައުދީ އަށް ކުރެއްވި ދަތުރުފުޅުގައި ސައުދީގެ ރަސްގެފާނާ އެކު: މިފަހަރު ރައީސް ވަޑައިގަތީ އަރަބް އިސްލާމިކް އެމެރިކަން ސަމިޓްގައި ބައިވެރިވެ ވަޑައިގަތުމަށް -ފޮޓޯ/ރައީސް އޮފީސް
20 މެއި 2017 - 14:32
26 comments
އަރަބް އިސްލާމިކް އެމެރިކަން ސަމިޓްގައި ބައިވެރިވަޑައިގަތުމަށް ރައީސް އަބްދުﷲ ޔާމީން ސައުދީ އަރަބިއްޔާ އަށް މިއަދު ފުރާވަޑައިގެންފި އެވެ.
މިއަދުން ފެށިގެން މާދަމާގެ ނިޔަލަށް މި ސަމިޓް ކުރިއަށް ގެންދާނީ ސައުދީގެ ވެރިރަށް ރިޔާޒްގަ އެވެ. އެ ސަމިޓްގައި އެމެރިކާގެ ރައީސް ޑޮނަލްޑް ޓްރަމްޕާއި އިސްލާމީ ގިނަ ގައުމުތަކެއްގެ ލީޑަރުން ބައިވެރިވެ ވަޑައިގަންނަވާނެ އެވެ.
މި ސަމިޓްގައި ރައީސް ޔާމީން މާދަމާ ހަވީރު ތަގުރީރު ކުރައްވާނެ ކަމަށް ރައީސް އޮފީހުން ބުންޏެވެ.
ޓެރަރިޒަމާ ހަނގުރާމަ ކުރުމަށްޓަކައި އަރަބި އިސްލާމީ އުއްމަތާއި އެމެރިކާއާ ގުޅިފައިވާ އެލަޔަންސެއް އުފެއްދުމަށްޓަކައި ބާއްވާ މި ސަމިޓުގައި އެމެރިކާގެ ރައީސް ޓްރަމްޕް ވެސް ތަގްރީރު ކުރައްވާނެ އެެވެ.
ރައީސް ޔާމީންގެ އަރިހުގައި ފޮރިން މިނިސްޓަރު މުހައްމަދު އާސިމާއި ފިޝަރީޒް މިނިސްޓަރު މުހައްމަދު ޝައިނީގެ އިތުރުން ރައީސް އޮފީހުގެ ސްޓޭޓް މިނިސްޓަރު މުހައްމަދު ނަސީރު ވެސް ސައޫދީ އަށް ފުރާވަޑައިގެންނެވި އެވެ.
މިދިޔަ އަހަރުގެ އޮކްޓޫބަރު މަހު ވެސް ރައީސް ޔާމީން ވަނީ ސައުދީ އަށް ވަޑައިގެން، އެ ގައުމުގެ ރަސްގެފާނު ސަލްމާން ބިން އަބްދުލްއަޒީޒާ ބައްދަލު ކުރައްވައިފަ އެވެ.
ރައީސް ޔާމީންގެ ވެރިކަމުގައި ރާއްޖެއާ އެންމެ ގާތްގުޅުމެއް އުފެދިފައިވާ ސައޫދީ އަށް އެމަނިކުފާނު ފުރާވަޑައިގެންނެވިއިރު، ރާއްޖެ އަށް ހެޔޮ އަގުގައި ތެޔޮ ވިއްކުމަށް، ސައޫދީގެ އެންމެ ބޮޑު ތެޔޮ ކުންފުނި އަރަމްކޯއާ އެކު ވަރަށް އަވަހަށް ސޮއި ކުރައްވާނެ ކަމަށް ރައީސް ޔާމީން ވަނީ މި މަހު ވިދާޅުވެފަ އެވެ.
ރައީސް ޔާމީން ވިދާޅުވެފައި ވަނީ އަރަމްކޯ އިން ސާފު ނުކުރާ ތެޔޮ ރާއްޖެ އަށް ދޭނެ ކަމަށް މީގެ ކުރިން އެއްބަސްވެފައިވާ ކަމަށެވެ.
މި މަހުގެ ފަސްވަނަދުވަހުގެ ރޭ ބޭއްވި ޕީޕީއެމް ކޯލިޝަންގެ ޖަލްސާގައި އެމަނިކުފާނު ވިދާޅުވެފައި ވަނީ އެސްޓީއޯގެ މެނޭޖިން ޑިރެކްޓަރު އަހުމަދު ޝަހީރު އޭރު ހުންނެވީ އެއްބަސްވުމުގައި ސޮއި ކުރެއްވުމަށް ސައޫދީގެ ވެރިރަށް ރިޔާޒުގައި ކަމަށެވެ. އެއްބަސްވުމުގައި ސޮއިކުރައްވާ ހިސާބުން، ރާއްޖޭގައި ތެލުން އުފައްދާ ބާވަތްތަކުގެ އަގު ހެޔޮވާނެ ކަމަށް ރައީސް ޔާމީން ވިދާޅުވެފައިވެ އެވެ.
"އެކަން ވެއްޖެ ކަމަށްވާނަމަ، ތެލުން އުފައްދާ އެއްޗެހީގެ އަގު ހެޔޮ ކުރެވޭނެ،" ކަރަންޓުގެ އަގު ހެޔޮވާނެ ކަން ފާހަގަ ކުރައްވައި ރައީސް ޔާމީން ވިދާޅުވި އެވެ.
ރައީސް ޔާމީން ސައޫދީ އަށް ވަޑައިގަންނަވާއިރު، އެ ގައުމުގެ ރަސްގެފާނު ސަލްމާން މިދިޔަ މާޗްމަހު 18 ގައި ރާއްޖެ އަށް ރަސްމީ ދަތުރުފުޅެއް ކުރައްވަން ނިންމެވި ނަމަވެސް އެ ދަތުރުފުޅަށް ރާއްޖެ އިން ވަރަށް ބޮޑަށް ތައްޔާރުވެފައި ވަނިކޮށް، ކުއްލި ގޮތަކަށް ވަނީ ދަތުރުފުޅު ފަސްކުރައްވައިފަ އެވެ. ދިވެހި ސަރުކާރުން ބުނެފައި ވަނީ ރަސްގެފާނުގެ ދަތުރުފުޅު ފަސްކުރެއްވީ ރާއްޖޭގައި އޭރު ފެތުރެމުންދިޔަ ހުމުގެ ރޯގާއާ ގުޅިގެން ކަަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހަންމާ
21 May 2017
ބިންވިއްކާތީކަންބޮޑުވަނީ ކީއްވެބާ ބިންވިއްކޭގޮތަށް ގާނޫނުބަދަލުކުރީ ތިޔަ ސިޔާސީހުރިހާ ޕާޓީތަކެއްގެ ރުހުމާ އެކުނޫންބާ
ޢަސްތާ
21 May 2017
ފިނިފެންމާ ލޯނޗު ގެވާހަކަ ކަންނޭގެ ދައްކާނީ.
ކަރުންމަތީގެ ޑޮކްޓަރު
21 May 2017
ބައެއް އިދިކީލި މީހުން އެބަބުނޭ ހަމައެކަނި ދެވޭނީ މިވެނި ގައުމަކަށޭ. އެހެން ގައުމަކަށް ނުދެވޭނެޔޭ. މީގައި ބުނެލަން ބޭނުންވަނީ ކޮންމެހެން ނުޖެހެޔޭ ޔޫރަޕް ފަރަންޖީގެ އަތްދަށަށް ވެއްޓިގެން އިދިކީލި ބޮޑޭ އުޅޭހެން މި ގައުމުގައި ކްރިސްޓިއަން ރޫހު ދިރުވާ އާލާކުރާކަށް.
ޝަމްވީލް
20 May 2017
އައްޑޫ އަކަށް ނުދެވުނު ހާލު ބަލަން އެކަމް ސައުދީ އަށް... ރައްޔިތުން ދެކެ ލޯބިވާ ރައީސް..
ޝަހާމް އިބްރާހިމް
21 May 2017
އައްޑޫ އަށް ވަފްދެއް ފޮނުވިދެއްތޯ ( މަތީ ފެންވަރުގެ) އެހީތެރިކަންވެސް ޔަގީން އެވަނީ ކޮށްފައި. ދެން ކޮން ވާޙަކަ އެއް ތިޔަ ދައްކަނީ...!
ނަމޯ
20 May 2017
މިތާ ނޫސްވެރިން ވަގައްނަގާ، ނޫސްވެރިން ނައް މަރުގެއިންޒާރުދީ ހަމަލާ ދޭވާހަކަ ބުނައްޗޭ ސައުދީން ކާރީގަ.
ގުއިރޯނު
20 May 2017
ހަމަހިނިއަންނަނީ ޕީއޭ ހަދައިގެން ވެރިކަން ލިބޭތޯ އުޅެބަލަ
އަހުމަދު
20 May 2017
އިންޑިޔާ ލަންކާ ސައުދީ ޗައިނާ ފިޔަވާ އެހެން ގައުމަކަށް ދެވެންޏާ ދޭބަލަ! މިހާރު ތިޔަހަރީ އިންޓަރނޭޝަނަލް ޕޮލިޓިކްސްގައި އެކަހެރިވެފަ.
ހެހެހެ
20 May 2017
ފ. އަތޮޅު ވިއްކާ ނުލައްޗޭ! އެހެން ކޮންމެ ކަމެއް ކުރިޔަސް އޯކޭ
މަަމެން
20 May 2017
ގިވްއިން އަށް ސަލާމަށް ފަހު މަމެން ކުޑައެއްޗެއް ބުނަމެވެ. މުޅިދުނިޔޭގަ ހުރި އެންމެ ބޮޑު ތޮޔޮ ރިފައިނަރީ އިންޑިޔާގައި ހަދައި ނިންމައިފިއެވެ. ދެން އެވެރިންގެ ރިލަޔަންސް ބޮޑު އަންބާނީ އަށް ފެނުނު ދުވަހަކު ހުޅުވާނެތާއެވެ. އަދިވެސް ހިލަވެލި ފިިފްޓީ ފިފްޓީ ވާނެ މޮޅުގޮތެއް މަމެންނަށް ކިޔައިދީބަލާށެވެ.
ޕިންކު ފާފު
20 May 2017
ސައުދީ ނޫން ގައުމަކަށް ޒިޔާރަތްކޮށްލަން ބިރުފުޅުން ތުރުތުރުލާ އަޅުގަނޑުމެންގެ ލޮބުވެތި ރައީސް އަށް ފާފުން ފެށޭ ފާފު އަތޮޅު ގެ ނީލަން ފާފުން ފެށޭ ފަސް އަކުރުން ފަސްއަޅާ ފޮރުވާލަދެއްވުން އެދެމެވެ.