ވިއްސާރައިގައި ސޯސަންފްލާވާގެ ހަލާކުވެފައި: މި ގޭގެ ފާރެއް ވަނީ ޖެހިގެން ހުރި ސޯސަންމީޑުގޭގެ ފުރާޅުމައްޗަށް ވެއްޓިފައި-- މިހާރު ފޮޓޯ: ހުސެން ވަހީދު
22 މެއި 2017 - 10:56
6 comments
ރޭ އިރާކޮޅު މާލެއަށް އައި ގަދަކޮޅިގަނޑުގައި ގެއްލުން ލިބުނު ހ. ސޯސަންމީޑުގެ 18 މީހުން އަދިވެސް ތިބީ ވަގުތީ ހިޔަލުގައި ކަމަށް ޑިޒަސްޓާ މެނޭޖްމެންޓް ސެންޓަރުން މިއަދު ބުނެފި އެވެ.
ސޯސަންމީޑްގެ އަށް ގެއްލުން ލިބުނީ އެ ގެއާ ޖެހިގެން ހަތް ބުރިއަށް ހަދާފައި ހުންނަ ސޯސަންފްލާވާގެ ފާރެއް، ސޯސަންމީޑުގޭގެ ފުރާޅު މައްޗަށް ވެއްޓިގެންނެވެ. މިދިޔަ ޑިސެމްބަރުމަހު ސޯސަންފްލާވާގެ މަތީބައިގައި އަލިފާން ރޯވުމުގެ ސަބަބުން އެ ފާރު ހުރީ ވަރަށް ބޮޑަށް ބަލިވެފަ އެވެ.
"އެ ފާރުގެ ބައިތައް ތިން ބުރިއަށް ހަދާފައި ހުންނަ ސޯސަންމީޑު ގޭގެ ފުރާޅުމައްޗަށް ވެއްޓި ވަރަށް ބޮޑަށް ފޫދިޔަ. އޭރު ބޯކޮށް ވާރޭވެހޭތީ ފެންތައް އެޅުނީ ގޭގެ ތެރެއަށް،" ޑިޒާސްޓާގެ އޮފިޝަލަކު ވިދާޅުވި އެވެ.
އޭނާ ވިދާޅުވި ގޮތުގައި ގޭތެރެ އަށް ފެން އެޅިފައިވާތީ، ކަރަންޓު ޝޯޓެއް ވުމުގެ ފުރުސަތު އޮވެދާނެ ކަމަށް ބަލައި، ގޭގެ ހުރިހާ ބަޔަކުން ވެސް ސްޓެލްކޯ އިން އޭރު ކަރަންޓު ކަނޑައިލި އެވެ.
ސޯސަންފްލާވާ ގޭގެ ފުރާޅުން ބައެއް، ސޯސަންމީޑުގޭ ފުރާޅުމައްޗަށް ވެއްޓިފައި-- މިހާރު ފޮޓޯ: ހުސެން ވަހީދު
ފުރާޅު ހަދައި ގޭތެރެ ސާފުކުރަންދެން ސޯސަމްމީޑްގެ މީހުން ތިބީ، ޑިޒާސްޓާއިން ހިފާފައި ހުރި ދެ ގެސްޓް ހައުސްއެއްގައި ކަމަށް އެތަނުން ބުންޏެވެ. އަދި މިއަދުގެ ވަގުތެއްގައި އެ ގެ މަރާމާތުކޮށް ނިމޭނެ ކަމަށް ލަފާ ކުރެވޭ ކަމަށާއި އެ މަސައްކަތް ނިމުމުން ގެ އަށް މީހުން ބަދަލު ކުރާނެ ކަމަށް ވެސް ޑިޒާސްޓާ އިން ބުނެ އެވެ.
މާލޭގެ ބައެއް ސަރަހައްދުތަކުގައި ހަރުކޮށްފައި ހުރި ބިލްބޯޑުތަކާއި ފެންސްތައް ވެސް ރޭ އައި ކޮޅިގަނޑުގައި ވެއްޓުނެވެ. އަދި އެ ކޮޅިގަނޑުގައި ބައެއް ގަސްތައް ވެސް ވެއްޓި ގެއްލުން ލިބިފައިވެ އެވެ.
ރާއްޖެ އަށް މިހާރު ކުރަމުންދާ މި ވިއްސާރައިގައި މިހާތަނަށް އެންމެ ބޮޑު ގެއްލުމެއް ލިބުނީ ސ. ހިތަދު އަށެވެ. އެ ރަށަށް އެރި ނަގޫރޯޅިއެއްގައި 11 ގެއަކަށް ގެއްލުންވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޥައުދުފުޅު
22 May 2017
ކުރިޔަށް މިއޮތީ ރަމަޟާން މަސް ވީހާ އަވަހަށް ދީޒާސްޓަރ މެނެޖުން މިކަން ހައްލުކުރަންވީ
ފުރޭތަ
22 May 2017
ކީއްކުރާނީ އާދައިގެ ހުޅަގު މޫސުމެއް ވިއްޔާ ދޯ
ަަާރިޒޫ
22 May 2017
ސޯސޭޑް
GAN Island
22 May 2017
ނިމިދިޔަ ލޯކަލް ކައުންސިލް އިންތިޙާބުގައި ހ. ސޯސަންމީޑުގެ ހުންނަ ދާއިރާގެ ރައްޔިތުން ވެސް ''މިސަރުކާރަށް ނޫނެކޭ ބުނުމަށްފަހު'' ސިޓީ ކައުންސިލަށް އިންތިހާބު ކޮށްފައިވަނީ Maldivian Democratic Party އިން ކުމެމެވަޑައިގެންނެވި ކެންޑިޑޭޓް. . . . އެހެން ނަމަވެސް ''އެއްވެސް ތަފާތު ކުރުމެއްނެތި'' ސަރުކާރުން މިފަދަ ހެޔޮފުޅުކޮށް ކަންތައް ކޮށްދެއްވިކަމީ PPM Spokesman Ali Arif މެންފަދަ ބޭފުޅުންގެ އިހްލާސްތެރިކަން ހާމަވާ ކަމެއް އެހެން ނޫންތޯ؟
ވާލުސޮރު
22 May 2017
މޫސުން ގޯސް ދުވަސްވަރު ތަންތަނަށާ މީހުނަށް ގެއްލުންވީމަ އެވާހަކަ ދެއްކުމުގެ ބަދަލުގަ ރައްކާތެރިކަމުގެ ފިޔަވަޅު އެޅުން މާ ބުއްދިވެރި. ހުޅުމާލޭގަ އިމާރާތްކޮށް ނިމިފަ ހުރި ބައެއް×ތަންތަނާ އިމާރާތްކުރަމުންދާ ބައެއް ތަންތަނުގެ މަތީގަ އެއްވެސް ރައްކާތެރިކަމެއްނެތި ބަހައްޓާފަހުންނަ ތައްގަނޑުފަޅި ތަކާ ބޭނުންކޮށްފަހުންނަ ބާ ޕްލައިވުޑާ ޓިނާ ބިއްލޫރި ތަށިނުށި ފަދަ ތަކެތިން މިފަދަ ވައިބާރު މޫސުމެއްގަ މަގުމައްޗާ ޖެހިގެން ހުންނަ އިމާޜާތަށްވެއްޓި ކިތަންމެ ބޮޑު ގެއްލުމެއްވެސް ވެދާނެ. މިޒަމާނުގަ މިތަންތަން ޑްރޯން އެއްގަ އެހީގަ ތިރީގަ ތިބެގެންވެސް ކަމާބެހޭ ފަރާތްތަކަށް ބަލައިލެވިދާނެ. ހަމަ އެއާކު ގޭގެ ވެރިފާތަށް ފޮޓޯ ފޮނުވާފަ ވަގުތުން އެފަދަ ތަކެތި ނަގަން އެންގިދާނެ. ނުނަގާަރާތްތައް ބޮޑު ޖޫރިމަނާއެއް ކުރަންފެށީމަ މިކަން އިސާހިތަކު ހައްލުވެދާނެ. އެކަމަކު މިކަން ކުރެވޭނީ މޫނަކަށް ކަނދުރާއަކަށް ނުބަލާ މިކަންކުރަން ކެރިގެން.
އުތުރު
22 May 2017
ކޮޅިގަނޑެށް..ކިހާ ބާރަށް ވައިޖެހުނީ،.... އެވަރު ލިޔާކަށް ނޭނގޭބައެއްތަ