މެދުއިރުމަތީގެ ސުލްހަ އަށް ހުރިހާ ކަމެއްވެސް ކޮށްދޭނަން: ޓްރަމްޕް

ފަލަސްތީނުގެ ރައީސް މަހްމޫދު އައްބާސް (ކ) އާ ޓްރަމްޕް ސަލާމް ކުރައްވަނީ. --ފޮޓޯ:އޭއެފްޕީ

ހަސަން އާމިރު، މިހާރު

23 މެއި 2017 - 16:04

ބައިތުލަހަމް (މެއި 23) - އިޒްރޭލާއި ފަލަސްތީނުން ސުލްހަ ގާއިމް ކުރުމަށް ހުރިހާ ކަމެއް ވެސް ކޮށްދެއްވާނެ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.

ފަލަސްތީނުގެ ރައީސް މަހްމޫދު އައްބާސްއާ އެކު ހުޅަނގު އައްސޭރީގައި ބޭއްވި ބައްދަލުވުމުގައި ޓްރަމްޕް ވިދާޅުވީ ބައިތުލަހަމް އަށް އޭނާ ވަޑައިގެންނެވީ ސުލްހައިގެ އުއްމީދުގައި ކަމަށެވެ. ޓެރަރިޒަމާ ދެކޮޅަށް މަހްމޫދު އައްބާސް ކުރައްވާ މަސައްކަތަށް ޓްރަމްޕް ވަނީ ޝުކުރު އަދާކުރައްވައިފަ އެވެ.

އިޒްރޭލާއި ފަލަސްތީނުން ސުލްހައިގެ މަޝްވަރާތައް ނުބާއްވާތާ ތިން އަހަރު ވެއްޖެ އެވެ. ޓްރަމްޕް ވަނީ އެއީ ދުނިޔޭގައި ސުލްހަ ހޯދަން އެންމެ އުނދަގޫ މަސައްކަތް ކަމަށް ވިދާޅުވެފަ އެވެ. ޓްރަމްޕުގެ ދަތުރުފުޅާ ދެކޮޅަށް ހުޅަނގު އައްސޭރި އާއި ގާޒާގައި ވަނީ މުޒާހަރާކޮށްފަ އެވެ.

"އިޒްރޭލާއި ފަލަސްތީނުން ސުލްހަ ގާއިމް ކުރުމަށް ކޮށްދެވެން ހުރި ހުރިހާ މަސައްކަތެއް ކުރާނަން. ދާއިމީ ސުލްހައެއް ހޯދެންދެން ދެ ގައުމުގެ ލީޑަރުންނާ އެކު މަސައްކަތް ކުރާނަން،" ޓްރަމްޕް ވިދާޅުވި އެވެ.

އެމެރިކާގެ ރައީސް ވިދާޅުވީ ސުލްހަ ހޯދުމުގެ ހެޔޮ ނިޔަތުގައި މަސައްކަތް ކުރައްވާނެ ކަމުގެ ޔަގީންކަން އައްބާސްގެ ފަރާތުން ލިބިވަޑައިގެންފައިވާ ކަމަށެވެ. އައްބާސް ވެސް ވިދާޅުވީ ސުލްހަ ހޯދަން ތައްޔާރަށް ހުންނެވި ކަމަށެވެ.

މެދު އިރުމަތި އިޒްރޭލް ފަލަސްތީން މަހްމޫދު އައްބާސް ޑޮނަލްޑް ޓްރަމްޕް

2 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފެއްސޭ

23 May 2017

ސުލްހަ އަށް ކުރެވެން ހުރި ހުރިހާ ކަމެއްވެސް ޓްރަމްޕް ކޮށް ދެއްވާނެ ފަލަސްތީނު. ފަލަސްތީނަށް މިހާރު ފާވެގެން އުޅޭ އިރާނޭ މެން ކަމަށް ހިޒްބުއްލާ އާއި ހަމާސް އާއި ދެބައި މީހުން ފެއްސެންވީ ފަލަސްތީނުން. އެނިމުނީ އެވެ.