ޕީޕީއެމް ކޯލިޝަނުން އެމްޑީއޭގެ ޖަގަހައިގައި ބޭއްވި ޖަލްސާގައި ނިލަންދޫ ދާއިރާގެ މެމްބަރު އަބްދުﷲ ޚަލީލް ވާހަކަދައްކަވަނީ.---މިހާރު ފޮޓޯ: ހުސެއިން ވަހީދު
25 މެއި 2017 - 12:26
71 comments
ސަރުކާރު ކޯލިޝަނުން ޖަގަހަ ޖަލްސާތައް ފެށުމާ އެކު އިދިކޮޅު ފަރާތްތަކުގެ އަޑު ކެނޑި، އެ ޖަލްސާތަކުގައި ބައިވެރިވި މީހުންގެ މިސްރާބު ޕީޕީއެމް ޖަގަހަ އަށް ބަދަލުވެފައިވާ ކަމަށް އެ ޕާޓީގެ ސެކްރެޓަރީ ޖެނެރަލް އަދި ނިލަންދޫ ދާއިރާގެ މެމްބަރު އަބްދުﷲ ޚަލީލް މިއަދު ވިދާޅުވެއްޖެ އެވެ.
ކައުންސިލް އިންތިހާބަށް ފަހު ޕީޕީއެމާއި އެމްޑީއޭގެ ޖަލްސާތައް ފެށިއަސް އެ ޖަލްސާތަކުގައި ބައިވެރިވާ މީހުން މަދު ކަމަށް އިދިކޮޅު ފަރާތްތަކުން ދަނީ ފާޑުކިޔަމުންނެވެ. މި ފާޑުކިއުންތައް އިތުރަށް ހޫނުވީ، ޖަލްސާތަކުގެ ހާޒިރީ ދަށްވެގެން ކަންބޮޑުވުން ފާޅުކުރައްވައި ކެލާ ދާއިރާގެ މެމްބަރު އަލީ އާރިފް ޕީޕީއެމްގެ ވައިބާ ގްރޫޕަށް ފޮނުއްވި ކަމަށް ބުނާ މެސެޖެއް އާއްމުވުމުންނެވެ.
އެ މެސެޖާ ގުޅޭ ގޮތުން އާރިފް ކޮމެންޓް ނުކުރެއްވި ނަމަވެސް ޚަލީލް ވިދާޅުވީ އެއީ އާރިފްގެ މެސެޖެއް ކަމަށް ދައްކާ ވާހަކަތަކުގައި ހަގީގަތެއް ނެތް ކަމަށެވެ. އިދިކޮޅު ފަރާތްތަކުން ސިޔާސީ ފައިދާ އަށް އެ ވާހަކަ އެހެން ދެެއްކިއަސް ސަރުކާރަށް އޮތް ތާއީދު ޖަލްސާތަކުން ފެންނަ ކަމަށް އޭނާ ވިދާޅުވި އެވެ.
"ކޮންމެ ރެއަކު ވެސް މިފެންނަނީ ޖަގަހަ ފުރިބާރުވެފައި އޮންނަ ތަން. ޖަލްސާތަކަށް ވަރަށް ތަރުހީބު ބޮޑު. ހުރިހާ ދިމާލަކުން މީހުން ޖަލްސާތަކާ ގުޅޭއިރު، އެމްއޯޔޫގެ ޖަލްސާތަކަށް ދާ މީހުންގެ މިސްރާބު ވެސް އޅުގަނޑުމެންނާ ދިމާލަށް ހުރީ. އަޅުގަނޑުމެންގެ ޖަލްސާތަކުގައި އެ މީހުން އަންނަނީ ބައިވެރިވަމުން،" ޚަލީލް ވިދާޅުވި އެވެ.
އޭނާ ވިދާޅުވި ގޮތުގައި ޖަގަހައިގެ ޖާގަ ކުޑަކަމުން، އެއަށް ވުރެ ޖާގަ ތަނަވަސް ތަނެއްގައި ޖަލްސާތައް ބޭއްވުމަށް ވެސް އަންނަނީ ހުށަހަޅަމުންނެވެ.
ސަރުކާރު ކޯލިޝަން ޖަލްސާއެއްގައި ޓޫރިޒަމް މިނިސްޓަރު މޫސާ ޒަމީރާ، ޚަލީލް ވާހަކަ ދައްކަވަނީ.---މިހާރު ފޮޓޯ: ހުސެއިން ވަހީދު
ޙަލީލް ވިދާޅުވި ގޮތުގައި އިދިކޮޅު ފަރާތްތަކުން ބޭއްވި ޖަލްސާތަކުގައި މުޅިން ވެސް ފެނުނީ އެކި މީހުންގެ އަބުރަށް އަރައިގަނެ، އަގު ވައްޓާލުމުގެ ކަންތައްތަކެއް ކުރިއަށް ގެންދިޔަ މަންޒަރެވެ. ޕީޕީއެމްގެ ޖަލްސާތައް ފެށުމާ އެކު، އިދިކޮޅުގެ ޖަލްސާތަކަށް މީހުން ނުދާ ކަމަށް ވެސް އޭނާ ވިދާޅުވި އެވެ.
"އިދިކޮޅު ފަރާތްތަކުން ކަންބޮޑުވަނީ ހައްގުތައް ހޯދައިދޭން ސަރުކާރުން މަސައްކަތް ކުރާތީ. އެ މީހުން ބޭނުންވަނީ ކުށްވެރިންނަށް ހިމާޔަތް ހޯދައިދޭން. އޭގެ ބަދަލުގައި ސަރުކާރުން ހިތްވަރެއް ނުދޭ ކުށްކުރާކަށް، ސަރުކާރުން ބޭނުންވަނީ ކުށްނުކުރާ މީހުންގެ ހައްގުތައް ހިމާޔަތްކޮށްދޭން،" ޚަލީލް ވިދާޅުވި އެވެ.
ޕީޕީއެމްގެ ޖަލްސާތައް ފެށީ އިންތިހާބުން ބަލިވުމުން ކަމަށް އަމާޒުކުރާ ފާޑުކިއުންތަކަށް ރައްދު ދެއްވަމުން ހަލީލް ވިދާޅުވީ އިންތިހާބުން ސަރުކާރު ބަލިނުވާ ކަމަށެވެ. އިލެކްޝަންސް ކޮމިޝަނުގެ ވެބްސައިޓުގައިވާ ހިސާބުތަކަށް ބަލާލުމުން އެކަން އެނގޭނެ ކަމަށް އޭނާ ވިދާޅުވި އެވެ.
"ރައީސް މައުމޫން ވެސް ހުންނަވައިގެން ރިޔާސީ އިންތިހާބުގައި ރައީސް ޔާމީނަށް 25 ޕަސެންޓް ލިބިވަޑައިގަތީ. މި އިންތިހާބުގައި އެމަނިކުފާނު ގިނިކަންޏާ ނިކުންނަވައި 41 ޕަސެންޓް ހޯއްދެވި. އިންތިހާބުގައި ވޯޓުލާން ނިކުތް އަދަދާއި ހިސާބުތައް ބަލައިލުމުން ސާފުވަނީ ރައީސް ޔާމީނަށް ތާއީދު ވަރަށް ބޮޑު ތަނުން އިތުރުވެފައިވާ ކަން،" ޚަލީލް ވިދާޅުވި އެވެ.
އެ ޕާޓީން ކުރިން ވެސް ނިންމާފައި އޮތީ، ހަލީލް ވިދާޅުވި ގޮތުގައި، ކައުންސިލް އިންތިހާބަށް ފަހު ޖަގަހަ ޖަލްސާތައް ފެށުމަށެވެ. އެއީ ރިޔާސީ އިންތިހާބުގެ ތައްޔާރީތަކާ އެކު ޖަލްސާތައް ކުރިއަށް ގެންގޮސް، ޒުވާން ލީޑަރުން ތައްޔާރުކުރަން ކަމަށް ވެސް ވިދާޅުވި އެވެ.
ސަރުކާރު ކޯލިޝަންގެ ޖަލްސާތަކުން އެ މަންޒަރު ފެނި، އިދިކޮޅު ފަރާތްތަކުގެ ޖަލްސާތަކަށް ލޮޅުން އަރައިފި ކަމަށް ގަބޫލުކުރެވުމުން ސިޔާސީ ގޮތުން ތާއީދު ހޯދަން ހަގީގަތާ ޚިލާފު ވާހަކަ ދައްކާނެ ކަމަށް ވެސް ހަލީލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަބްދުﷲ އަޙްމަދު
27 May 2017
އަހަރުމެންނަކީ އާދަމްގެ ދަރީން. ވަކިން ޚާއްޞަކޮށް މުސްލިމުން އެކަކު އަނެކަކާ ދިމާކުރުމެއް ނެތް. މާލާމަތްކުރުމެއް ނެތް. ބުނަންޏާ ހެޔޮބަހެއް ބުނަންވީ. ނޫނޫ ހިމޭންވެ ތިބެންވީ. ކާމިޔާބު ވާނީ އޭރުން.
އަލްޖިބްރާ
26 May 2017
މީގެ ކުރިން ތިގޮތަށް މާބޮޑަށް ޔާމީނު ވެގެން އުޅުނު މީހަކީ ޖަމީލު ! ވީގޮތް ފެނުުނުތަ ؟ ކަލެއަށް އަރާނެ ރޯޅިއެއްވެސް ނޭގެ ! ތަންފުކެއް މައިތިރިވެގެން ހުރުން ބުއްދިވެރި ! އަގައެއް އޮވެފަ ދުލެއްއޮތަކަސް " ކަނޑިންމަ އުޅާގަޑެއް " ހެން ތަޅުވާބާލާކަށް ނުވޭ !
މަޑުކުރޭ
25 May 2017
އެހެންވެ ދެތްތޯ އަލީ އާރިފް ވިދާޅުވީ ތިޔަޖަގަހައިގެ ހާޒިރީން ފެންނަ އެއްޗެއް ތަފާތުކަން!!!
ރައިހާނު
25 May 2017
ހާދަމޮޅޭ އެދެން އަޑުވެސް ކެނޑުނި އަނގާތް ބުނެލީމަ އެވީ އެކަމެއް
އުމަރު
25 May 2017
އެއީ ކެނޑުނީއެއްނޫން، ސްކޫލު ކުދިންގެ ޓެސްޓްތަކާއި ދިމާކޮށް އަދި ރަމަޒާން މަހަށް މަޑުޖައްސާލީ، އެހެންނޫނަސް ކުނޫޒްގެ ޖަގަހަ ހުޅުވައިގެން ހިންގި ކެމްޕޭން ނުލާހިކު ކާމިޔާބްނޫންތޯ؟ އޭގެ ނަތީޖާއިން މިސަރުކާރަށް އެތަކެއް ގޯހެއް ހަދަން މަޖްބޫރުވި، އަދި މިހާރު އިންސާފް ނުލިބޭކަން ޔަގީންކުރެވި އަދި އިތުރަށްވެސް ދިއިކޮޅު މީހުން ޖަލައްލާނެކަމާއި، ސްޕްރިއަމް ކޯޓަށް އަތްބާނާކަން އެނގި ނިމުނީވެސް ކުނޫޒްގެ ޖަލްސާތަކުން، އެހެންކަމުން ދެން ކުނޫޒް ޖައްސާލާގޮތަށް މިސަރުކާރު ސައިޒްކޮށްފައިނޫނީ އިދިކޮޅު މީހުން ދުލެއްނުދޭނެ، އީޔޫގެ ވަފްދުއައީ އެންމެ ފަހުގެ ތަޅާލުންގަނޑު ބަލާލަން، އަދި ސަރުކާރު ބަލިކަށިވިވަގުތާއި ރައްޔިތުންގެ ތާއިދުނެއްކަން އެނގުނުވަގުތު، އެހެންކަމުން ފުރަތަމަ ބައްލަވަންވީ ތިމާމެންގެ އެތެރޭގެ މައްސަލަތަށް ހައްލުކުރެވޭތޯ އަދި ރައީސް ޔާމީނުގެ ދަރުބާރުގެ ފެކްޝަނުގެ ޖަގަހައަށް މީހުންގެނެވޭތޯބެލުން، ދެންވެސް އަޅުގަނޑު ދޭނެ ލަފައަކީ ވަރަށް ރަނގަޅު ދިރާސާއެއްކޮށް ހެދުނުގޯސްތަށް ބެލުމަށް، އަދި ދެންއޮތް ދުވަސްކޮޅުގައި ރަނގަޅުޓީމަކާއި އެކުގައި މަސައްކަތް ފެށުމަށް
ޙަމީދު
25 May 2017
ޙަލީލް މާތް ﷲ ގެ ކޯފާއަކަށް ބިރުވެތި ވެބަލަ.ތިޔަ ޕާރޓީގެ އަލި އާރިފް ވިދާޅުވި ނޫންތޯ ޖަލްސާއަށް މީހުންނުދާތީ އޭގެން ދައްކަނީ އެހެން މަންޒަރެކޭ. އެހެން ނޫނަސް ޖަލްސާ ޗެނަލް 13 އިން ލައިވެ ކުރާއިރު ޖަލްސާއަށް ގޮސް ތިބި މީހުންގެ ތެރެއިން ފެންނަނީ މަޖްލީހުގެ މެމްބަރުން ކޮޅަކާ، ވަޒީރުން ކޮޅެއް. ޢާއްމު މެމްބަރުން ނުފެންނަނީ ކީއްވެތޯ؟ ޖާގަ ނެތިގެން ނުދަނީތޯ؟ އެހެން ކަމަށްވަނީނަމަ ބޮޑު ތަނެއް ހިފާފައި ޖަލްސާއެއް ނުބާއްވަނި ކީއްވެތޯ/ އަނެއްކާ ކުންފުނި ތަކުގެ މީހުން ނުދާނެކަން ޔަޤީންވީތޯ؟ މަޖްބޫރުން ވެސް ޖަލްސާތަކަށް މީހުން ގެންދެވޭނީ ވަކި މިންވަރަކަށް ދޯ. ދެން އިތުރު ވާހަކައިގެ ބޭނުމެއް ނޫން. ތިޔަ ގޮވަނި އަތަށް މިހާރު.އަހަރުމެން ތިބޭނަން ބަލަން
ހަސަނު
25 May 2017
މީހުން ގިނަ ކުރެވޭނެ ބަކަރި ކޮށްޓެއްހެން ވަށާ ދާޖަހާފަ އެތެރެއަށް ގަދަކަމުން ސަރުކާރު އޮފީސް ތަކުގެ މީހުން ގެނެއް އަޅާލީމަ...
ޔާމީން
25 May 2017
ދައްކާނެ ވާހަކަ ހުސްވީތޯ؟؟؟ ކޮރަޕްޝަނުގެ ވާހަކައިން ފަށަންވީނުން؟ މިހާރުވެސް ހިއްކަމުންދާ އެތަށް ފަޅެއް އެއީ ކިހިނެތް ކޮން އަގަކަށް ދޫކޮށްފަހުރި ތަންތަންކަމެއް ރައްޔިތުންނަކަށް ނެންގޭ. ރާއްޖޭގަ އޮތް ހަމައެކަނި ވަސީލަތަކީ ގުދުރަތީ ރީތިޖަމަށްވާއިރު އެތަންތަން ކުށްޔަށްދޭއިރު އެކަން ރައްޔިތުނަށް ނާންގާ އަޑިއަޑިން ނިންމާލަނީ ކޮރަޕްޝަނުގެ ބޭނުމުގައިނޫނީވިއްޔާ ދެން ކޮންބޭނުމަކުތޯ؟
ޝައި
25 May 2017
މަމެން ހަމަ ވޯޓުން ތަޅާލާނީ.2018 އިންތިޒާރު ކޮށްލައްވާ.
ދަރޭ
25 May 2017
ތި ޖަލްސާ ތަކަށް މީހަކު ސަމާލު ކަމެއް ނުދޭ...ހަނދާން ވަނީ ރޯދަ މަހު އަންނަ މުޙައްމަދުއް ރަސޫލައްﷲ ގައި ނާހޫރު މީހުން ބުދު ނުގަނެގެން އުޅޭ ގޮތަށް އުޅޭ ހެން