މެދުރާއްޖެ ތެރޭގެ ބައެއް ރަށްރަށް: ރާއްޖޭގެ ރަށެއްގައި 70 ޕަސެންޓް މީހުން ރޯދަ ނުހިފާ ކަމަށް އަލީ ޒައިދު ވިދާޅުވި މައްސަލަ ވަނީ ހޫނުވެފައި.
28 މެއި 2017 - 11:59
143 comments
ރާއްޖޭގެ ދެކުނުގެ ރަށެއްގެ 70 ޕަސެންޓް މީހުން ރޯދަ މަހު ރޯދަ ނުހިފާ ކަމަށް، ދަރުސްގައި ވިދާޅުވީ އެ ރަށުގެ ރައްޔިތެއްގެ ފަރާތުން ލިބުނު މައުލޫމާތެއްގެ މައްޗަށް ބިނާކޮށް ކަމަށް ޝައިޚް އަލީ ޒައިދު މިއަދު ވިދާޅުވެއްޖެ އެވެ.
ސައްތަ އިން ސައްތަ މުސްލިމު މި ގައުމުގެ ރަށެއްގެ އާބާދީގެ ބޮޑު ބައެއް ރޯދަ ނުހިފާ ކަމަށް އަލީ ޒައިދު ވިދާޅުވީ ވިޔަފާރިވެރިންގެ މިސްކިތުގައި އިއްޔެ އަސްރު ނަމާދަށް ފަހު ދެއްވި ދީނީ ތަގުރީރުގަ އެވެ. އެކަމަކު އެއީ ކޮން ރަށެއް ކަމެއް އޭނާ ވިދާޅެއް ނުވެ އެވެ.
ވަކި ރަށެއް ހާމަނުކޮށް މިފަދަ ބޮޑު ތުހުމަތެއް ކުރެއްވި މައްސަލަ ހޫނުވެ، ސޯޝަލް މީޑިއާގައި އޭނާ އަށް ވަނީ ވަރަށް ބޮޑަށް ފާޑުކިއުން އަމާޒުވެފަ އެވެ.
ދަރުސްގައި ވިދާޅުވީ ކޮން ރަށެއްގެ ވާހަކަތޯ "މިހާރު"ން ސުވާލު ކުރުމުން އޭނާ ވިދާޅުވީ ނޫސްތަކުގައި ރިޕޯޓްކޮށްފައި ވަނީ އޭނާ ދެއްކެވި ވާހަކައިގެ އެއްބައި އުނިކޮށްފައި ކަމަށެވެ. އެގޮތަށް ގެނެސްދިނުމުން، މައުލޫމާތު އޮޅިފައިވާ ކަމަށް ވެސް ވިދާޅުވި އެވެ.
"އަޅުގަނޑު ދެންނެވީ އަޅުގަނޑު ރަށަކަށް ދިޔައީމަ، މީހެއްގެ ފަރާތުން މައުލޫމާތު ލިބުނޭ އެ ރަށުގެ ގާތްގަނޑަކަށް 70 ޕަސެންޓް މީހުން ރޯދަ ނުހިފާ ކަމަށް. އަޅުގަނޑު ދެތިން ފަހަރަކު އެހީމޭ، އެ ޔަގީންކޮށްލަން ވެގެން. އަޅުގަނޑަށް ލިބުނު މައުލޫމާތެކޭ އެއީ،" އަލީ ޒައިދު ވިދާޅުވި އެވެ.
މައުލޫމާތުގެ ސައްހަ ކަން ބެލުމެއް ނެތި ދަރުސްގައި އެ ވާހަކަ ވިދާޅުވީ ކީއްވެތޯ އެހުމުން އަލީ ޒައިދު ވިދާޅުވީީ "އަޅުގަނޑަށް އެ މައުލޫމާތު ދިނީ ދޮގު ނުހަދާނެ ވަރުގެ ބޭފުޅެއް" ކަމަށެވެ.
އާއްމު މަސްތަކެކޭ އެއްގޮތަށް، ރޯދަ މަހުގައި ވެސް އެ ރަށެއްގައި ކައްކައި ކައިބޮއެ ހަދާ ކަމަށް އަލީ ޒައިދު ވިދާޅުވީ، ރޯދަ ނުހިފުމުގެ ނުބައި ކަމާއި އެއީ ނަރަކައިގެ އަޒާބު ލިބޭ ކަމެއް ކަމުގެ މިސާލު ޖައްސަވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންދޮނާ
30 May 2017
ދަރުސުދެއްވަނީވެސް މީހުންބުނާވާހަކައަށް ބިނާކޮށްތޯއެވެ..
ޓތ
30 May 2017
ޝެޢިޚް އެވާހަކަ ބުނި މަޤްސަދަކީ އަސްލު އަހަންނަށް ވިސްނޭގޮތުގަ މި ރާއްޖޭގައިވެސް ޖާހިލުން އުޅޭކަން އަންގައިދިނުމުގެ ގޮތުން... މި ރާއްޖޭގައި އޭގެ މީހުނަ ވ ގިނަ. ޢެހެންވެ އެފަދަ އެއްޗެއްބުނުމަކުން މައްސަލައެއް ޖައްސާކަށް ނުފެނޭ..މައްސަލައަކީ ބުނެވުނު ގޮތް.. ދެން އެކަމަކު ޝެއިޚްވެސް ރަނގަޅު ބުނެވުނު ބަހާ ދޭތެރޭގައި މަޢާފަށް އެދެން.
ވިސްނާލުމަށް އެދެން
30 May 2017
މިތާގައި ޝެއިޚުންނާ ދެކޮޅަށް ކޮމެންޓް ކުރައްވާފަވާ ބޭފުޅުންނަށް އަޅުގަނޑު ބުނެލަން ބޭނުންވަނީ ރާއްޖޭގެ އެންމެ ޝެއިޚްއެއް ދެއްވި ގޯސް މައުލޫމާތެއްގެ ސަބަބުން އެހެން ހުރިހާ ޝެއިޚުންނަށް ރައްދުވާގޮތަށް ބަދުބަސް ބުނުމަކީ ރަނގަޅު ކަމެއް ނޫނޭ! އެންމެ މީހެއްގެ ސަބަބުން އެހެން ހުރިހާ ޝެއިޚުންނަކީ ތަންދޮރު ނުދަންނަ ފެންވަރުނެތް ބަޔެއް ކަމުގައި ބްރޭންޑް ކުރުމަކީ ވަރަށް ހިތާމަ ހުރި ކަމެއް!
ޝޭޚުގެ ތަރުޖަމާނު
29 May 2017
ޝޭޚް އެ ވިދާޅުވީ ހަމަރަނގަޅަށް... އެކަންވީގޮތަކީ، އެރަށުގެ އާބާދީ އަކީ 1000މީހުން އެތަނުން 400 މީހުންނަކީ ކުޑަކުދިން.. އެއީ އާބާދީީގެ %40.. ބާކީ 600 މީހުންގެ ތެރެއިން 300 މީހުންނަކީ، އަންހެނުން.. އެއީ އާބާދީގެ %30.. އެ %30 އަންހެނުން ތިބީ ޝޭޚު ވަޑައިގަތް ދުވަހު ރޯދަ ނުހިފޭ ހާލަތުގަ.. އެހެންވީމާ، 400 ކުޑަކުދިންނާއި، 300 އަންހެނުން ރޯދަ ނުހިފާ ތިބި.. އެއީ 1000މީހުންގެ އާބާދީގެ %70..
އަލީ
30 May 2017
ދިވެހި އަންހެނުން ރޯދަ ނުހިފޭ ހާލަތުގައިވެސް ކައްކައިގެން ކައިބޮއެ ނަހަދާ ދުވާލު ގަޑިއަކު!
ވިލޭއަލި
29 May 2017
ތެދު ބަސް ކަމަށް ޔަޤީން ނުވާ ބުންޏޭ ބުންޏޭ ކިޔާ ވާަހަކަތައް ފެތުރުމުގެ ޙުކުމަކީ ކޮބައިތޯ ސުވާލުކޮށްލަން. ޢަލީ ޒައިދު ޖަވާބު ދެއްވާނެކަމަށް ހީކުރަން.
މުލަންމާ
29 May 2017
ފުރަތަމަވެސް ޝައިޚަށް ޚިލާފުވެވުނީ ދީނާ. ދީނުގައި ނޯވޭތޯ މީހަކު ޚަބަރަކާގެން އައުމުން އެކަމުގެ ޙަޤީޤަތް ބަލާފައި ނޫނީ އެކަން ގަބޫލުނުކުރަން. މީހުންގެ ހިތްތަކުގައި ދީނީ އަގީދާ ވަރުގަދަކުރެވޭނީ ޖަޒުބާތަކުން ނޫން
ދޮރުތަން
29 May 2017
ތި ޝޭހުންގެ ގޮތް ހަމަ. ތަންދޮރު ނޭނގެ ބަޔެއް ތިއީ.
ދާރާ ސިންގް
29 May 2017
ދެން ކަލޯއަށްދޯ ތަންދޮރު އިނގެނީ
މުހައްމަދު އަހްމަދު
29 May 2017
% ނޭނގޭ މީހަކު އެ ރަށުގެ 7 ޒުވާނަކު ރޯދަ ނުހިފިޔަސް އެއީ %70 ކަމަށް ބުނެފާނެ.. އެހެންވީމާ އެހިސާބުން ޝޭޚު ޖެހޭނީ އެރަށުގެ އާބާދީ އަކީ ކިހާވަރެއްތޯ އާއި، އެ ރަށުގައި ރޯދަ ނުހިފާ އުޅެނީ ގާތްގަނޑަކަށް ކިތައް މީހުންތޯ އަހަން.. މައްސަލަ އަކީ ޝޭޚަށް ވެސް % އެނގިވަޑައި ނުގަތުން.. މިރަށުގެ އާބާދީ އަކީ 1750 ބުނެވޭ ގޮތުގައި ހައެއްކަ ކުދިން އުޅޭ ރޯދަ ނުހިފާ.. އެއީ މިރަށުގެ %1 އެއްވެސް ނޫން.. 1000 މީހުންގެ އާބާދީ އެއްގެ %70 އަކީ 700..
ދަރުސް
29 May 2017
" ދަރުސްގައި ވިދާޅުވީ ކޮން ރަށެއްގެ ވާހަކަތޯ "މިހާރު"ން ސުވާލު ކުރުމުން އޭނާ ވިދާޅުވީ ނޫސްތަކުގައި ރިޕޯޓްކޮށްފައި ވަނީ އޭނާ ދެއްކެވި ވާހަކައިގެ އެއްބައި އުނިކޮށްފައި ކަމަށެވެ. އެގޮތަށް ގެނެސްދިނުމުން، މައުލޫމާތު އޮޅިފައިވާ ކަމަށް ވެސް ވިދާޅުވި އެވެ. " މިއޮތީ ސޭޚާ ކުރި ސުއާލަށް ސޭޚަށް ދެވުނު ޖަވާބު. ދެން ކިހިނެއް ސޭޚާ ކުރާ ދީނީ ސުއާލަށް ރަނގަޅު ޖަވާބެއް ދެވޭނީ. މިރިނުވެ ގޮބޮޅި ކާށި ވެފަ ތިބޭ ރޯނު އެދުރުން ހަމަ ގިނައީ.
އަބްދުއްލާ އަލީ
29 May 2017
ރިސޯޓެއްގެ އޯނަރ ފެންވަރުގެ ހިންގަން ހުރި މީހަކުގެ ކޮޓަރިއަށް ކާތަކެއްޗާ ބަގުރާ ރަމަޒާން މަހު ގެނެސް ނުދީގެން ރިސޯޓުން ކަނޑާލި މީހަކު އެވާހަކަވެސް ބުނި އެކަން އެހެން ބަޔަކަށް އެގެން ޖެހޭތަ ؟ ދެނެ ވޮޑިގެންވާ ފަރާތުން އެހުރިހާކަމެއް ދެނެވޮޑިގެންވޭ