ޔާމީން ރަޝީދު: އޭނާގެ މަރުގެ ތަހުގީގާ ގުޅޭ މައުލޫމާތު ފުލުހުން އާއްމު ނުކޮށްގެން އާއިލާ އިން ދަނީ ކަންބޮޑުވުންފާޅުކުރަމުން.
30 މެއި 2017 - 12:39
20 comments
އަނިޔާވެރިކޮށް، މަރާލާފައި އޮއްވާ ފެނުނު ޔާމީން ރަޝީދުގެ ތަހުގީގާ ގުޅޭ މައުލޫމާތު ހިއްސާ ކުރުމަށް އޭނާގެ އާއިލާ އިން ކަމާ ބެހޭ އިދާރާތަަކަށް މިއަދު ގޮވާލައިފި އެވެ.
އާއިލާ އިން ނެރުނު ނޫސް ބަޔާނެއްގައި ބުނީ ޔާމީންގެ މަރާ ގުޅިގެން އެންމެ ފަހުން ފުލުހުން މައުލޫމާތު ދިނީ މިދިޔަ މަހުގެ 9 ގައި ކަމަށެވެ. ނޫސް ބަޔާން ނެރެ އާއްމުކުރި މައުލޫމާތުގެ އިތުރުން، އެއްވެސް މައުލޫމާތެއް އާއިލާއާ ވެސް މިހާތަނަށް ހިއްސާކޮށްފައި ނުވާ ކަމަށް ބަޔާނުގައިވެ އެވެ.
އާއިލާ އިން ބުނި ގޮތުގައި ޔާމީންގެ މަރާ ގުޅޭ މައުލޫމާތު ހޯދަން އާއިލާ އިން ވަނީ ގިނަ މަސައްކަތްތަކެއް ކޮށްފަ އެވެ.
"ފޯނުން ގުޅައިގެންނާއި މެސެޖް ކުރުމުން ވެސް ފުލުހުންގެ ފަރާތުން އެއްވެސް ޖަވާބެއް އަޅުގަނޑުމެންނަށް ލިބިފައިނުވާތީ ކަންބޮޑުވެ އެވެ،" ބަޔާނުގައިވެ އެވެ.
ބަޔާނުގައި ބުނީ ޔާމީންގެ މަރަށް ފަހު ވޭތުވެދިޔަ 37 ދުވަހަކީ އާއިލާ އަށް ވަރަށް ހިތްދަތި، ހިތާމަ އިން ފުރިގެންވާ ދުވަސްތަކެއް ކަމަށެވެ. ކޮންމެ ދުވަހެއް ވެސް ހޭދަކުރަނީ، އެ އަނިޔާވެރި އަމަލު ހިންގި ބަޔަކާއި އެކަން ރާވައި ފައިސާ ހޭދަކުރި ބަޔަކު އެނގޭނެ ކަމުގެ އުއްމީދުގައި ކަމަށް އާއިލާ އިން ބުންޏެވެ.
އާއިލާ އިން ބުނި ގޮތުގައި ދައުލަތުގެ މުއައްސަސާތަކުގެ ޒިންމާއަކީ ރައްޔިތުންނަށް ރައްކާތެރިކަން ފޯރުކޮށްދިނުން ކަމަށް ވާ އިރު، އެކަން ކުރުމަށް ނުކުޅެދި، ޔާމީން މަރައިލީ ބައެއްގެ ރޭވުމުންނެވެ. މިއީ، އާއިލާގެ އިތުރުން މުޅި ގައުމަށް ވެސް ކުރިމަތިވެފައިވާ ބިރުވެރި ކަމެއް ކަމަށް ބަޔާނުގައިވެ އެވެ.
ހަށިގަނޑުގެ އެކި ތަންތަނަށް ހަމަލާދީ ޔާމީން މަރާލި މައްސަލާގައި ފުލުހުން ވަނީ ހަތް މީހަކު ހައްޔަރުކޮށްފަ އެވެ. އެ މީހުންނާ ގުޅޭ މައުލޫމާތު އާއްމު ނުކުރި ނަމަވެސް ފުލުހުން ބުނެފައި ވަނީ ތަހުގީގަށް ބޮޑެތި ކުރިއެރުންތަކެއް ލިިބިފައިވާ ކަމަށެވެ. އަދި އެ މައްސަލައިގެ ތަހުގީގު ކާމިޔާބުވާނެ ކަމުގެ އުއްމީދު ބޮޑު ކަމަށް ވެސް ފުލުހުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަންޑެހެލު
31 May 2017
ތިކަމުންވެސް ދޭހަވަނީ ލައްކަވާހަކަ
ޙައިފާ
30 May 2017
ކީވެހައްރުކުރިމީހުންގެނައްތައްސިއްރުކުރައްވީ
Abdul Latheef
06 June 2017
ތަހުގީގަށް ހުރަސްތަކެއް ކުރިމަތިވެދާނެތީވެ
ޅިިޔަނު
30 May 2017
ކުރިން ދިނީމަވެސް ފުލުހުން ކުރާ މަސައްކަތެއް އާއިލާާ އަށް ޤަބޫލު ނުކުރެވި ސިޔާސީ ބޮޑު ޕްރޮޕެގެންޑާ އަކަށް ހަަަދާލައިގެން ތިއުޅެނީ ދެން ދޭނެ ކަމެއްވެސް ނެތް. ޢެހެން މައްސަލަތައް ގެންދާގޮތަށް ގެންދޭ.
♞ އަސްގެ
31 May 2017
އެހެން ކޮންމައްސަލައެއް؟؟؟ ފުލުހުންނަށް ވާނެހާވެސް ކަމަކީ ނުއަތުން ހިފާ ރަންފޮއްޗަކަށް މީހުން ފްރޭމް ކުރުން.. ކޯޓުތަކަށް "އިންޓެލް" ރިޕޯޓް ހުށަހެޅުން..
ގާދިރު
31 May 2017
ތހިފަރާތުގެބޭބެއެއްނޫނީ ކޮއްކޮއެއްެގޮތަށް މަރާލިޔަސް ހަމަ ތހި ބުނި އިބާރާތުން ތހަހުގީގުކުރިޔަށްގެންދަންބުނާނަންތަ ތިފަރާތުންމާ ބޭނުންވާ ކަމެއްތަ ޔާމީން ރަޝީދުމަރާލުމަކީ އޭހުރިހިތާމައެްގެބޮޑުކަމަައެވެ.މިތިބަމުސްލިމުންނޭ
Abdul Latheef
06 June 2017
މުޅިއަކުންގޯހެއްވެސް ނޫން. ކެތްތެރިކަމުގެ ކަންފުޅެއްވެސް ނެތް ވީއްޔަ ޢާއިލާގެ ކިބަޔަކު
ޗޗ
30 May 2017
ރާއްޖޭގައި ޓެރަރިޒެއް ނުހިގާ ދޯ. ލަދު ކޮބާ؟
ޑޑ
30 May 2017
ރާއްޖެއަކު ޓެރަރިޒަމެއް ނުހިނގާ. ރާއްޖޭގައި ހިނގަނީ ތޫނު އެއްޗެހިން ހަމަލާދީ މީހުންމެރުމާއި މާރާމާރީ. ޓެރަރިޒަމަކީ މާސިންގާ ބޮޑެތިބޮން ގޮއްވުމުން އޭގެބާރު އަޑުފައްގަނޑުން މީހުންގެ ހިތުތެރޭ އުފެދޭ ބިރުވެރިކަމުގެ ރާލުބާނީއަށް ކިޔާއުޅޭ އެއްޗެއް.
ޑަންޑެހެލު
31 May 2017
ޜާއްޖޭގަ ޓެރަރިސްޓުންކަމައް ބަލަނީ ސަރުކާރައްފާޑުކިޔާމީހުންނައް.އެއައްވުރެ ނުރައްކާތެރިބަޔަކުދުނިޔޭގަ ނޫޅޭނެ ސަރުކާރުދެކޭގޮތުގަ. ޢެހެންގައުމުތަކުގަ ސަރުކާރައްފާޑުކިޔާހެދުމަކީ އެއްވެސްކަހަލަ ގާނޫނަކުން ކުއްވެރިވާމީހުނެއްނޫން
މީހާ
30 May 2017
ޙެހެހެ... އެބުނާހެން. ތިމައުލޫމާތު ލިބިގެންނޯ ދެން އޭނަޔާމެދު ކަންވާނެ ގޮތެއް އާހިރުގަ އެނގޭނީ....
ސަހަރޯ
30 May 2017
ދަރީގެ ގަތުލުގެ ވާހަކަ އާއިލާއިން ދެއްކީމަވެސް ކަލޭ އަންނަނީ ހިނިދޯ؟ ތިކަހަލަ ރަހުމެއްނެތް ދިވެހިން ގިނަކަމުން ގައުމު މިއޮއްގެން އޮޔާދަނީ!
ޓުރަމްޕު
30 May 2017
މީހާ އަކީ ކަނޑައެޅިގެން ނަފުރަތުން ފުރިފައިވާ ހަސަދަ ވެރިކަމުގެ އަލިފާނުން މީހާގެ މުޅި ނަފުސު ހަލާކުގެ ތެރެއިން ވާ މީހެއް
GAN Island
30 May 2017
އިޤިރޭސި ވިލާތާއި އެމަރިކާއިން ރާއްޖޭގައި ޓެރަރިސްޓް ހަމަލައެއް ދީފާނެ ކަމުގެ އިންޒާރުދީ ''ސަރުކާރު ސަމާލު ކަމަށ ްގެނެސް ފައިވާ ދަނޑިވަޅެއްގައި'' ފުލުހުން ޖެހޭ ރާއްޖޭގެ ޤައުމީ ސަލާމަތާއި ގުޅުން ހުރި މިފަދަ މައްސަލަތަށް ތަންކޮޅެއް ސީރިއަސްކޮށް ނަގާން. . . . ރާއްޖޭގެ ޤާނޫނު ހަދ މަޖިލީހުގެ މެންބަރު ޑރ އަފްރާޝީމް އަލީ ޕީޕީއެމް ގެ ރިޔާސީ ޕްރައިމެރީޒް ބޯމަތިވެފައިވަނިކޮށް ''ޤަތުލު ކޮށްލި'' އަދި އެ ޤަތުލުގެ ވާހަކަ އާއި ރާއްޖޭގައި ހިންގާފައިވާ ބައެއް ''ވައްކަން ތަކާއި ދައުލަތުގެ މުދަލަށް ހިޔާނާތް ތެރި ވުމުގެ ވާހަކަ'' ނޫސް ވެރިޔާ ރިލުވާން އަޙްމަދު Maldives Independent އޮންލައިން ނޫހުގައި ޝާއިއު ކުރައްވަމުން ދަނިކޮށް ''އޭނާ ވަގަށްނެގި'' މީގެ އިތުރުން ''ގޮތް ނޭގޭ އެތައް މަރުތަކެއް'' ވޭތުވެދިޔަ 3 އަހަރު ތެރޭގައި ރާއްޖޭގައި ހިގައިފި. . . . . ބަންގްލަދޭޝް ގައި ކިޔަވަމުން ދިޔަ ދިވެހި ޒުވާން އަންހެން ކުއްޖަކު ދަންޖެހުނު ކަމަށް ބުނާ މައްސަލައިގެ ހަބަރު ތަކުގެ ވާހަކައިން ބޭރު ނުވެވިގެން އުޅެނިކޮށް Maldives Stock Exchange ގައި މަސައްކަތް ކުރަމުން ދިޔަ އައްޑޫ ސިޓީ ގެ ޒުވާން ތޫނުފިލި ކުއްޖެއްކަމަށްވާ Yameen Rasheed ތިތުމަހަށް ކޮށާ އޭނާ ދިރިއުޅޭ ގޭގެ ސިޑި ބުޑަށް އުކާލި. . . . . މިފަދަ މައްސަލަތައް ނުބެލި ދިގުދެމިގެން ދިއުމަކީ ''އޭގެ ނުރަނގަޅު އަސަރު'' ރައްޔިތުންނަށް ކުރާނެ ކަމެއް. އަދި އެފަދަ ކަންކަން ކުރާ މީހުންނަށް ''ހިތްވަރު ލިބި'' އިތުރު އެތައްބައެއްގެ ފުރާނަ ގެއްލިދާނެ ކަމެއް. އާއިލާގެ ގޮވާލުމަށް ތާއީދު ކުރަން.
ފަޅުވެރިން
30 May 2017
ތިބުނީ އދ. އާއި އިންޑިއާ ސަރުކާރުން ހިންގި ތަޙްޤީޤުގެ ވާހަކަދޯ؟؟
ދޮންދައްތަ
30 May 2017
ޢެންމެ ވަރުގަދަ މަރުގެ އެއްމަސަލަ ލޯޔަރު ނަޖީބުގެ .. ޕެޓިޝަންތަކާ ހިނގާލުމާ ސަފީރުންނާ ކައިރި ގައުމުތަކަށް އާއިލާއިންނުދޭ އެއޮތީ ނިމިފަ...
ސިންތިލީ ވޫމް
30 May 2017
މައްސްލަތުގައި ތަފުސީލު ނުދެވޭ ބަޔަކައް ކޮން މައުލޫމާތެއް ހިއްސާ ކުރެވޭނީ!!!!
މާމަ
30 May 2017
ތަހުގީގު ކުރަމުންދާ މައްސަލަތަކުގަ އާއިލާއެއްކަމަކު ތީފުކެއް ބޮޑުވަރު
ތަހުގީގް
30 May 2017
ތި ތަހުގީގްއެއް ނުނިމުނެއްނު.
ވާނުވާ
31 May 2017
ރިލުވާނު ގެއްލުވާލިތާ 2 އަހަރަށް ވުރެ ގިނަދުވަސްވެއްޖެ. ފުލުހުންނަށް ކިތަށް ގަރުނު ބޭނުންވަނީ ތަހުގީގުކުރަން؟