ބޯ ވާރޭ ތެރޭގައި ބަޔަކު ކުޑަ ނަގައިގެން މާލޭގެ މަގެއް މަތިން ހިނގާފައި މިއަދު ދަނީ. - ފޮޓޯ: ހުސެއިން ވަހީދު/ މިހާރު
01 ޖޫން 2017 - 13:02
ރާއްޖެ އަށް މިހާރު ކުރަމުން އަންނަ ހުޅަނގު މޫސުމުގެ ވިއްސާރައިގައި މާލެ އަށް އައި ކޮޅިގަނޑުގައި، އާންމުކޮށް ކުރިމަތިނުވާ ވަރުގެ ބާރު މިނުގައި މާލެ އަށް ވައި ޖެހިއްޖެ އެވެ.
މެޓް އޮފީހުން ބުނީ މިއަދު ހެނދުނު ނުވައެއް ޖަހާކަން ހާއިރު މާލެއަށް އައި ކޮޅިގަނޑުގައި ވައިގެ ބާރު މިން ހުރީ ގަޑިއަކު 55 މޭލުގަ އެވެ. މިއީ މިހާރު ކުރާ ވިއްސާރައިގައި މާލެ އަށް އެންމެ ބާރަށް ވައި ޖެހުނު ފަހަރު ކަމަށް މެޓް އޮފީހުން ބުންޏެވެ.
"ރޭ ފަތިހު ވެސް މާލެ އަށް ވަރަށް ބޮޑަށް ވައި ގަދަވި. ފަތިހު ތިނެއް ޖަހާކަން ހާއިރު 51 މޭލަށް ވައި ޖެހުނު،" މެޓް އޮފީހުގެ އޮފިޝަލަކު ވިދާޅުވި އެވެ.
މަގެއްގައި އިންދާފައި ހުރި ގަހެއްގެ ބައެއް މިއަދު މަގުމައްޗަށް ވެއްޓިފައި.
މާލޭގެ ބައެއް މަގުތަކުގައި އިންދާފައި ހުރި ގަސްގަހުގެ ގޮފިތައް، މިއަދުގެ ކޮޅިގަނޑުގައި ބިނދި، ބިމަށް ފޭބި އެވެ. އަދި ވާރޭ ވެހުނުލެއް ބޯކަމުން ބައެއް މަގުތަކުގައި ފެން ވެސް ބޮޑުވި އެވެ.
ވިއްސާރައިގައި ދޭތެރެ ދޭތެރެއިން ބާރު ކޮޅިގަނޑުތައް ލައްވާލިޔަސް، މެޓުގެ ހިސާބުތަކުން އެނގޭ ގޮތުގައި، 1978 ގައި ގަޑިއަކު 71 މޭލުގެ ބާރު މިނުގައި ވައި ޖެހުނު ވަރުގެ ކޮޅިގަނޑެއް އޭގެ ފަހުން މާލެ އަށް ކުރިމައްޗެއް ނުވެ އެވެ.
މޫސުމާ ބެހޭ އިދާރާ އިން ބުނީ ކުރިއަށް އޮތް ވަގުތުތަކުގައި މެދު ރާއްޖެތެރެ އާއި އުތުރުގެ އަތޮޅުތަކުގެ ރަށްތަކަށް ގަދަ ވަޔާ އެކު ބޯކޮށް ވާރޭ ވެހޭނެ ކަމަށް ލަފާކުރެވޭ ކަމަށެވެ. ކޮޅިގަނޑުގައި ގަޑިއަކު 45 މޭލާއި 55 މޭލާ ދެމެދުގެ ބާރު މިނުގައި ވައި ޖެހޭނެ ކަމަށް ވެސް މެޓުން ލަފާކުރެ އެވެ.
ބޯ ވާރޭ ތެރޭގައި ކުޑަ ކުއްޖަކު ގޮވައިގެން މީހަކު ސައިކަލްގައި މިއަދު ދަނީ. - ފޮޓޯ: ހުސެއިން ވަހީދު/ މިހާރު
ދެކުނުގެ އަތޮޅުތަކަށް އާންމު ގޮތެއްގައި 15 މޭލާއި 25 މޭލަށް ވައި ޖެހޭނެ ކަމަށް މެޓުން ބުނެ އެވެ.
މެޓުން ބުނި ގޮތުގައި ރާއްޖޭގެ ހުރިހާ ހިސާބެއްގެ ކަނޑު ވެސް ގަދަވާނެ އެވެ. އެހެންކަމުން ކަނޑު ދަތުރުފަތުރު ކުރާ ފަރާތްތަކުން މޫސުމަށް ސަމާލުކަން ދޭން މެޓުން ވަނީ އިލްތިމާސްކޮށްފަ އެވެ.
ވިއްސާރައާ ގުޅިގެން މެޓުން ނެރެފައިވާ ޔެލޯ އެލާޓް އަދިވެސް ކެންސަލެއް ނުކުރެ އެވެ.
މެޓް އޮފީހުން އެންމެ ފަހުން އާންމު ކުރި ސެޓަލައިޓް ފޮޓޯ.
ރާއްޖޭގެ އެކި ހިސާބުތަކަށް މިހާރު ކުރަމުން އަންނަ ވިއްސާރައިގައި ބައެއް ރަށްރަށުގެ ގެތަކުގެ ފުރާޅު އެއްލާލައި ގޭގެއަށް ވަނީ ފެން ބޮޑުވެފަ އެވެ.
މާލެ އަށް މިއަދު އައި ކޮޅިގަނޑުގައި ބާރަށް ވައި ޖެހެނީ. ވީޑިއޯ/ ނަސްރު
Copyright © 2025 Mihaaru · Terms and Conditions · Privacy Policy
ކޮމެންޓްތައް
GAN Island
02 June 2017
މިފަހަރު މި ވިއްސާރަ އެކޭ ޖަޕާނު ސަރުކާރުން ތިޔަ އޮފީހުގެ ޕްރޮޖެކްޓެއް ހިންގަން ތަންކޮޅެއްކުރިން ދިން ފައިސާ އެކޭ އެއްވެސް ތަފާތެއްނެތް. ވާއެއް ނުވާއެއް ނޭގުނު މޫސުމެއް.
ހާކާލި
02 June 2017
ކޮޅިގަނޑެއް ނުލިބިގެން އުޅެނިކޮށް ކޮޅިގަނޑެއް ލައްވާލީތަ؟
އަލީ
01 June 2017
މިހާކަންހާވަރަށް އާދައިގެ ހުޅަގު މޫސުމެއް އަންނާނީ ދެއްތޯ؟
ހުޅަނގު
01 June 2017
މިއަހަރުކުރާނީ އާދައިގެ ހުޅަނގު މޫސުމެއްގެ ވިސާރަ މެޓްއޮފީސް ރައްޔިތުންގެ ފައިސާ ބޭކާރުގޮތުގާ ޚަރަދުކުރިނީ ރައްޔިތުންނައް އޮޅުވާލަނީ މެޓްއޮފީހުގެ ވެރިން ވަގުތުން އިސްތިއުފާ ދިނުމަށް ގޮވާލަން
މޯހިރު
01 June 2017
މަށަށް ހަމަ ހިނި އަންނަނީ މެޓް އޮފީހުން ފުރަތަމަ ބުނި މިއަހަރު ހުޅަނގު މޫސުންދާނީ އާދައިގެ ގޮތަކަށޭ. މި ވަރަށް ދެން އާދައިގެ ވާނީ. މީން ޒަމާނަކު ނުވާ ވަރު ވެއްޖެ މިވީ ދުވަސް ކޮޅު ތެރޭވެސް.
ސޮއްޓި
01 June 2017
މީހަމަ ފައްކާ ވިއްސާރައެއް
ފުނޯސް
01 June 2017
މެތުން ފުރަތަމަ ބުނީ އާދައިގެ ހުޅަނގެއްް ކަމަށް ދެން ފަހުންނޯ
ވާލުސޮރު
01 June 2017
ތިޔަފަދަ ބާރު ކޮޅިގަނޑެއް ހުޅުމާލެއަަށް ނާރައިފިއްޔާވާ ނަސީބު. މިހެން މިބުނީ ހުޅުމާލޭގަ އަލަށް އިމާރާތްކުރަމުންދާ ގެތަކުގެ އެކި ފްލޯތަކާ ޓެރަސް މަތީގަ އެއްވެސް ރައްކާތެރިކަމެއްނެތި ބަހައްޓާފަހުންނަ ތައްގަނޑުފަޅިތަކާ މޮހޮރުޖަހާފަ ބާ ޕްލައިވުޑްތައް ބައެއްގެ ބޮލަށާ ޖެހިގެންހުންނަ އިމާރާތްތަކުގެ މައްޗަށްވެއްޓި ބައެއްގެ ފުރާނައަށްވެސް ގެއްލުންތަކެއް ލިބިދާނެތީ. ނޫސްވެރިން ހުޅުމާލޭގެ ސައިޓްތަކަށް ޒިޔާރަތްކޮށްލާ ހާލަތުހުރިގޮތް އެޗް.ޑީ.ސީގެ ސަމާލުކަމަށް ގެނެސްދެއްވުން ވަރަށް މުހިންމު. ކަމެއް ދިމާވީމަ ސަރުކާރުން އެހީތެރިވުމަށްވުރެ ދުރާލާ ރައްްކާތެރިކަމުގެ ފިޔަވަޅުއެޅުން މާ ބުއްދިވެރި.
ޝެއިޚް މެޓް
01 June 2017
އެހެން ނަމަވެސް، މިފަހަރު މިއީ އާދައިގެ ހުޅަނގުމޫސުމެކެވެ.