ގަތަރުގެ ރަސްމީ ވެބްސައިޓް ހެކްކުރި ކަމުގެ ތުހުމަތު މިހާރު ކުރަނީ ރަޝިޔާ އަށް
07 ޖޫން 2017 - 13:40
7 comments
ވޮޝިންޓަން (ޖޫން 7) - ގަތަރާ ގައުމުތަކުން ގުޅުން ކަނޑާލި މައްސަލައިގެ އަސްލު ކަމަށްވާ އެ ގައުމުގެ ރަސްމީ ނިއުސް އެޖެންސީގެ ވެބްސައިޓުގައި ގަތަރުގެ އަމީރާ ހަވާލާ ދީ ފޭކް ނިއުސް ރިޕޯޓް ކުރުމުގެ ފަހަތުގައި ވަނީ ރަޝިޔާގެ ހެކަރުން ކަމަށް ގަބޫލް ކުރެވޭ ކަމަށް އެމެރިކާގެ ތަހުގީގު ކުރާ ފަރާތްތަކުން ބުނެފި އެވެ.
ރަސްމީ ނޫސް އެޖެންސީ ހެކްކުރި މައްސަލަ ތަހުގީގު ކުރުމުގައި ގަތަރު ސަރުކާރަށް އެހީވުމަށް އެފްބީއައިގެ ޓީމެއް ވަނީ ދޯހާ އަށް ފޮނުވައިފަ އެވެ. އެމެރިކާގެ ސެކިއުރިޓީ އެޖެންސީތަކުން އެއްކުރި ޖާސޫސީ މައުލޫމާތުތަކުން އެނގޭ ގޮތުގައި ގަތަރުގެ ވެބްސައިޓުގައި ފޭކް ޚަބަރު ލިޔެފައި ވަނީ ރަޝިޔާގެ ހެކަރުން ކަމަށް އެމެރިކާގެ އޮފިޝަލުން ބުނެފައިވެ އެވެ. މެދުއިރުމަތީގައި އެމެރިކާ އެންމެ ބޮޑު އެއް އަސްކަރީ މަރުކަޒު ގާއިމްކޮށްފައި ވަނީ ގަތަރުގަ އެވެ.
އެމެރިކާގެ އޮފިޝަލުން ބުނެފައި ވަނީ ރަޝިޔާގެ ބޭނުމަކީ އެމެރިކާ އާއި އެ ގައުމުގެ ބައިވެރިން ޖެއްސުން ކަމަށެވެ.
ގަތަރުގެ ވެބްސައިޓް ހެކްކުރި މައްސަލައާ ގުޅިގެން އެފްބީއައި އަދި ސީއައިއޭ އިން ކޮމެންޓް ކޮށްފައެއް ނުވެ އެވެ. ވޮޝިންޓަނުގައި ހުންނަ ގަތަރު އެމްބަސީން ބުނެފައި ވަނީ ތަހުގީގު މިހާރު ކުރިއަށް ދަނީ ކަމަށާއި ނަތީޖާ ވަރަށް އަވަހަށް ހާމަކުރާނެ ކަމަށެވެ.
ގަތަރުން ވެސް ބުނެފައި ވަނީ މެއި 23 ވަނަ ދުވަހު އަމީރު ވިދާޅުވި ކަމަށް ނިއުސް އެޖެންސީންގައި ހިމަނާފައި ވަނީ ދޮގު ޚަބަރު ކަމަށެވެ. ނިއުސް އެޖެންސީގައި ވަނީ ހަމާސް އާއި މުސްލިމް ބްރަދަހުޑަށާއި އީރާނަށް ތާއީދުކޮށް ލިޔެފަ އެވެ. އަދި ރައީސް ޑޮނަލްޑް ޓްރަމްޕުގެ ވެރިކަން ދެމިއޮންނާނެތޯ ވަނީ ސުވާލު އުފައްދައިފަ އެވެ.
ގަތަރުގެ ފޮރިން މިނިސްޓަރު ޝެއިޚް މުހައްމަދު ބިން އަބްދުލްރަހުމާން އަލް ސާނީ ވިދާޅުވީ ވެބްސައިޓް ހެކްކޮށް ފޭކް ޚަބަރު ލިޔެފައިވާކަން އެފްބީއައ އިން ޔަގީންކޮށްދީފައިވާ ކަމަށެވެ.
ގަތަރުގެ ނިއުސް އެޖެންސީ ހެކްކުރި މައްސަލަ އެފްބީއައި އާއި އިނގިރޭސި ވިލާތުގެ ނޭޝަނަލް ކްރައިމް އެޖެންސީ ގުޅިގެން ތަހުގީގު ކުރާކަން ގަތަރުގެ ކޮމިއުނިކޭޝަން އޮފީހުގެ ޑިރެކްޓަރު ޝެއިޚް ސައިފް ބިން އަހުމަދު އަލް ސާނީ ވަނީ ޔަގީންކޮށްދެއްވައިފަ އެވެ. އަދި ތަހުގީގު ނިމުމުން އެ މައުލޫމާތު ގަތަރުގެ ދާޚިލީ ވުޒާރާ އިން އާއްމު ކުރާނެ ކަމަށް ވެސް ޑިރެކްޓަރު ވިދާޅުވި އެވެ.
ގަތަރާ ގުޅުން ކަނޑާލީ އެ ގައުމުން ޓެރަރިޒަމާއި ހަރުކަށި ކަމަށް ވާގިވެރިވާ ކަމަށް ބުނެ އެވެ. ރައީސް ޑޮނަލްޑް ޓްރަމްޕް ކުރެއްވި ޓްވީޓެއްގައި ވަނީ ސައުދީގައި މުސްލިމް ވެރިންނާ އެކު ބޭއްވި ސަމިޓުގައި ގަތަރުން ޓެރަރިޒަމަށް ފަންޑު ކުރާ ކަމަށް ތުހުމަތުކޮށްފަ އެވެ. އަދި ގަތަރު އެކަހެރި ކުރުމަކީ ޓެރަރިޒަމް ހުއްޓުވުމުގެ ފެށުން ކަމަށް ޓްރަމްޕް ވިދާޅުވެފައިވެ އެވެ.
ޓްރަމްޕުގެ ޓްވީޓަށް ފަހު ސްޓޭޓް ޑިޕާޓްމަންޓުން ބުނެފައި ވަނީ ޓެރަރިޒަމަށް ފަންޑު ކުރުން ހުއްޓުވުމުގައި ގަތަރުން ކުރިއެރުން ހޯދަމުން އަންނަ ކަމަށާއި އަދިވެސް އިތުރު މަސައްކަތް ކުރަން ޖެހޭ ކަމަށެވެ.
ހަރުކަށި ވިސްނުމުގެ މީހުންނަށް ފަންޑު ކުރާ ކަމަށް ސައުދީ އާއި ގަލްފުގެ އެހެން ގައުމުތަކުގެ މައްޗަށް އެމެރިކާ އާއި ޔޫރަޕުން ކުރާތާ އަހަރުތަކެއް ވެއްޖެ އެވެ. ސެޕްޓެމްބަރު 11 ގައި ހަމަލާ ދިން 19 މީހުންގެ ތެރޭން 15 މީހުންނަކީ ސައުދީ މީހުންނެވެ.
ރައީސް ބަރަކް އޮބާމާ މިދިޔަ އަހަރު ސައުދީ އަރަބިއާ ކުރެއްވި ދަތުރުފުޅުގައި ވަނީ އިސްލާމް ދީނުގެ ހަރުކަށި ވިސްނުމުގެ މީހުން ޕްރޮމޯޓް ކުރުމަށް އެފްރިކާ އާއި ޔޫރަޕުގައި މިސްކިތްތައް އެޅުމަށް ސައުދީން ފައިސާ ދޭ މައްސަލަ އެމެރިކާގެ އޮފިޝަލުން ނަގައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒާ
08 June 2017
ސައިބަރ ކުރައިމާއި އެފްބީއައިގެ އޭޖެންޓުންނާއި ސީއައިއޭގެ އޭޖެންޓުން ނާއި ހުޅަނގުގެ ނުފޫޒުގަދަ މީޑިއާ ބޭނުންކޮށްގެން މުސްލިމުން ގެ އަދުއްވުން މުސްލިމުން ޖައްސުވައި ދުނިޔޭގެ ކުރިމަތީ ފަލީޙަތްކޮށް ހަދާކަމީ އޮޅުމެއް އޮތް ކަމެއްނޫން. އެކަމުގެ މޭސްތިރިންނަކީ އެމެރިކާ، އިންގިރޭސީން، އިޒްރޭލު.
ދަގަނޑު ދަހަނާ
07 June 2017
އެމެރިކާގެ ރިޔާސީ އިންތިޚާބުގައި ސަޢޫދީން ފަންޑު ކުރީ ހިލަރީ ކްލިންޓަނަށް. ސަބަބީ ހިލަރީ ވިދާޅުވީ ތިމަންނަގެ ރައީސް ކަމުގައި އީރާނު ކުޑަކަކޫ މައްޗަށް ތިރިކޮށް ހިޒްބުﷲ ނައްތާލާނެކަމަށް. ނަމަވެސް ޔަހޫދީން ކިތަންމެ މޮޅު ޕްލޭނެއް ކުރިޔަސް އެއަށްވުރެ މޮޅަށް ޕްލޭންކުރައްވާ ފަރާތެއްވޭ. ޔަހޫދީ ޕްލޭން ކާމިޔާބު ނުވުމުން ރަޝިޔާގެ ބޮލަށް ފޫޅު ކަނޑާލީ. ދެން އައީ ފަރަންސޭހި ރިޔާސީ އިންތިޚާބު، މަރިނޭ ލިޕެން ވިދާޅުވީ ތިމަންނަގެ ރައީސް ކަމުގައި ބުރުގާއަޅައިގެން މިއުޅޭ މުސްލިމުން ފަރަންސޭސިންގެ ތެރެއިން ނެތިކޮށްލާނޭ ކަމަށް. އިންތިޚާބުގެ ތެރޭގައި އަނެއް ކެންޑިޑޭޓްގެ އެކައުންޓް ހެކް ކުރިމައްސަލަވެސް ރަޝިޔާގެ ބޮލަށް. ދެން މިދިމާވީ ގަޠަރުގެ ވެބްސައިޓް ހެކްކުރި މައްސަލަ. އެވެސް ރަޝިޔާގެ ބޮލަށް. މަށަށް ހީވަނީ ޔޫ.ކޭގެ ބޮޑުވަޒީރަކަށް ކޯބިން ހިވިއްޖެއްޔާ އެކަންވެސް ރަޝިޔާގެ ބޮލަށް ކަނޑާލާނޭހެން. މިހުރިހާ ކަމެއް ގޮސް މިގުޅެނީ ސީރިޔާ އާއި އީރާނުގައި ޖެހިފައި.
ހީހީ ހަލާކު
07 June 2017
ޙަގީގަތަކީ މިއަދު ސައުދީ އަރަބިއްޔާ ވަނީ މީގެ 85 އަހަރުކުރިން އެމެރިކާއިން ޖެހި މަޅީގަ ފިސާރި ރަނގަޅަށް ޖެހި އެމެރިކާގެ އަތްދަށުން ފަސޭހައިން ސަލާމަތް ނުވެވޭނެ ހާލަތަކަށް ވެއްޓިފަ. މިއަދު ސައުދީ އަރަބިއްޔާ ވަނީ އެގައުމު ދާންވީ ކޮން ދިމާލަކަށްތޯ ނޭނގި ހަތަރު އަނގޮޅިއެއްގެ މައްޗަށް ހުއްޓިފަ. ސައުދީ އަރަބިއްޔާގެ ހަތަރު ފަރާތުގައި އޮތީ ތަފާތު ހަތަރު ރާސްތާ. އެއްކޮޅުން އެމެރިކާ. އަނެއްކޮޅުން އީރާން. އަނެއްކޮޅުން ވަށައިގެންވާ އަރަބި ގައުމުތައް. ޓެރަރިޒަމަކީ މުޅި ދުނިޔޭގެ ވެސް ބޮޑު އިޝޫއަކަށް ވާއިރު ސައުދީ އަރަބިއްޔާއަށް ޓެރަރިޒަމަކީ ކޮބައިކަން ބުނެދެނީ އެމެރިކާ. އެމެރިކާއިން އެބަޔަކީ ޓެރަރިސްޓުންކަމަށް ކަނޑައަޅާ ބަޔަކީ ސައުދީންވެސް ޓެރަރިސްޓުންގެ ގޮތުގައި ކަަނޑައަޅާ ބައެއް. ކަން މިހެންހުރުމުން ގަތަރު ކީއްކުރަންތޯ ޚުދު ދިވެހިރާއްޖެ އާއެކު އޮންނަ ސިޔާސީ ގުޅުން ކަނޑާލަންވެސް ސައުދީން ފަހަތަކަށް ނުޖެހޭނެ.
ދުނިޔެ1
07 June 2017
ސެޕްޓެމްބަރު 11 ގައި ހަމަލާ ދިން 19 މީހުންގެ ތެރޭން 15 މީހުންނަކީ ސައުދީ މީހުންނެވެ. މިހެން ޖެހީމަ ހީވަނީ ސައުދީ ސަރުކާރުންް މިކަމާ ޒިންމާވާން ޖެހޭހެން. އޮޅުވާނުލާ. އެމެރިކާގެ ޑީއޯޖޭއިން ހިންގި ތަހުގީގުގަ ބުނަނީ ސައުދީ ސަރުކާރާއި 911 އާއި ގުޅުމެއް ނެތްކަމަށް. އަނެއްހެން ބެލި ނަމަވެސް، 911ގެ ޓެރަރިސްޓުންނަކީ ސައުދީ ސަރުކާރުން ގެންގުޅޭ ބައެއް ނޫން. މިގޮތަށް ބަލަންޏާ އެމެރިކާގަ ބަޑި ޖެހުމުގެ ހުރިހާ ހާދިސާއެއްގެ ޒިންމާ އެމެރިކާގެ ސަރުކާރުން ނަގަންޖެހޭނެ. އެކަމަކު އެހެންނެއް ނޫން،. އެއީ އަމިއްލަ ފަރުދެއްގެ ކަމެއް. ސަރުކާރުގެ ކަމެއްނޫން. ދެން އެހެންތާ ވާނީ.. ސީއެންއެންގަ ލިޔާ އާރޓިކަލް އަކުރުން އަކުރަށް ލިޔުނީމަ.
ޙަސަން އަޙްމަދު
07 June 2017
ބުރޯ ތި ދެއްކީ ރަނގަޅު ވާހަކައެއް. އެކަމަކު ފަނަރަ މީހުންގެ ވާހަކަ ނަގަން ޖެހެނީ ވެސް އެހެންވެ. ޕޮއިންޓަކީ ފަނަރަ ޓެރަރިސްޓުންނަކީ ސައުދީ ރައްޔިތުންނަށް ވުމަކީ ސައުދީއާ ޓެރަރިޒަމާ ގުޅުވެން ނެތް މައްސަލަ އަކަށް ވީ އިރު، ގަތަރާ ޓެރަރިޒަމާ ގުޅުވަނީ ކޮން ގޮތަކުން ތޯއޭ؟ ކޮންމެ އެއްޗެއް މިގޮތަށް ޝަރަހަ ކޮށްދޭކަށް ޙަސަން އަޙްމަދު ވެސް އަބަދަކު ދުނިޔެއަކު ނުހުންނާނެ. އެހެންވީމަ ވިސްނުން ބަހައްޓަން ޖެހޭ ރޭޝަނަލް އުސޫލުތަކާ ލޮޖިކު ދަސްކޮށް އެކަމަށް ޓްރޭން ވާން ޖެހޭ. ޑެއިލީ ކޮސްގޮވުންތަކާ ހުރެ މިހާރު ސިއްހަތު ވެސް ގޯސްވާން ފަށައިފި.
މަސޮރު
07 June 2017
މީ ހަމަ އެމެރިކާ ރާވާއިގެން ހިންގާ ޖަރީމާއެއް. ތިކަން ކުރި މީހުން ލައްވާ ތި ތަހުގީގުވެސް ތި ހިންގަނީ... ދެން އަނެއްކާ މިހާރު ދުނިޔޭގަ ނޫން ގޮތަކަށް ކޮންމެ ކަމެއް ހިނގިޔަސް ރަޝިޔާ އޭގެ ތެރެއަށް ބައްސާނެ އެމެރިކާއިން... އެ ވާ ގޮތަކީ ރަޝިޔާގެ ސަބަބުން އެމެރިކާ ސީރިޔާގަ ކުޅެން އުޅުން ގޭމުން ފެއިލްވެ، ރަޝިޔާގެ އަސްކަރިއްޔާގެ ގާބިލިއްޔަތު އެމެރިކާއަށް އެނގުމުން ފިނިވެ އެޅި ތުރުތުރު ބޮޑުވީ...
އާދަނު
07 June 2017
އެމެރިކާގެ ގުއިރޯނުގައި އަރަބި ގައުމުތަށް ޖެހުނު ގޮތަށް ގަތަރުވެސް ޖައްސާ، އީރާނާއި ގަތަރާއި ރަޝީއާއާއި އޮތް ގުޅުން ކުޑަކުރަން ދައްކާ ފޭކުވާހަކަ.......... މީ ޕިންކީ ސަރުކާރުން ޖަހާކަހަލަ ގުއިރޯނެއް ދޯ...