ޑިންގީ ބަންޑުން ޖަހާލި ހާދިސާގައި ގެއްލިގެން ހޯދާ ސުމެއިދު.
08 ޖޫން 2017 - 18:46
12 comments
މިދިޔަ އާދީއްތަދުވަހު ޑިންގީއެއްގައި އައްޑޫ ގަން ކަނޑަށް މަހަށް ނުކުމެ އުޅެނިކޮށް ކަނޑަށް ވެއްޓި ގެއްލިފައިވާ މުހައްމަދު ސުމޭދު ހޯދުމަށްޓަކައި މިހާތަނަށް 127،500 އަކަ މީޓަރުގެ ބޮޑު ސަރަހައްދެއް ބަލާފައިވާ ކަމަށް އެމްއެންޑީއެފުން މިއަދު ބުނެފި އެވެ.
އެމްއެންޑީއެފުން ބުނީ ސުމޭދު ހޯދުމުގެ މަސައްކަތް ހުއްޓާނުލައި ކުރިއަށް ގެންދާ ކަމަށާއި ކޯސްޓް ގާޑާއި ހެލިކޮޕްޓަރާއި އަދި އެމްއެންޑީއެފްގެ ޑައިވަރުން އަންނަނީ އެކަމުގައި ހަރަކާތްތެެރިވަމުން ކަމަށެވެ.
ސުމޭދު ހޯދަމުން އަންނަނިކޮށް، މިދިޔަ ހޯމަދުވަހު ވަނީ އޭނާގެ ފޯން ކަމަށް ބެލެވޭ ފޯނެއް އޭނާ ކަނޑަށް ވެއްޓި ގެއްލުނު ސަރަހައްދާ ކައިރީގައި އޮންނަ ޝަންގްރިއްލާ ރިސޯޓް ކައިރީގައި އޮންނަ ފަޅުރަށް، މަޑިހެރަ ކައިރިން ފެނިފަ އެވެ.
އެމްއެންޑީއެފުން ބުނީ ފުލުހުންގެ އެދުމުގެ މަތިން ފޯނު ފެނުނު ސަރަހައްދަށް މިއަދު އިތުރު ޑައިވްތަކެއްކޮށްގެން ވެސް ސުމޭދު ހޯދަމުން އަންނަ ކަމަށެވެ.
"މީގެ އިތުރުން ވައިގެ މަގުން ބެލުމަށް އައްޑޫ ފްލައިން ސްކޫލްގެ އެހީތެރިކަން ވެސް އަންނަނީ ހޯދަމުން،" އެމްއެންޑީއެފުން ބުންޏެވެ.
ހިތަދޫ އާބިން، ސުމޭދު، 27، އާ އެކު ޑިންގީގައި އިތުރު ދެ މީހަކު ވެސް ދިޔަ އެވެ. އެއީ ފޭދޫ ފަހާގޭ ހުސައިން ސައީދާއި ފޭދޫ ބެންހާގޭ އިބްރާހީމް ނާއިފެވެ.
އެ ދެ މީހުން ވަނީ ސަލާމަތްވެފައިވާއިރު، ކަނޑުވުމުން ހުސައިނާއި ނާއިފް ވަނީ ފަތާފައި މަޑިހެރަ އަށް އަރައިފަ އެވެ. އަދި ފަހުން އެ މީހުން ވަނީ ފަތާފައި ވިލިގިލި ރިސޯޓަށް ގޮސްފަ އެވެ.
ހުސައިން ބުނި ގޮތުގައި އެ މީހުން ކަނޑުވީ މަހަށް ދިޔަ 17 ފޫޓްގެ ޑިންގީ ބޮޑު ރާޅަކާ އެކު ބަންޑުން ޖަހާލުމުންނެވެ.
މި ހާދިސާ ހިނގިތާ ފަސް ދުވަސްވީ އިރު ވެސް ސުމޭދުގެ ހިލަމެއް އަދި ނުވެ އެވެ. އަދި މި ހާދިސާ ތަހުގީގު ކުރަން ފުލުހުންގެ ހާއްސަ ޓީމެއް އައްޑޫގައި މިހާރު އަންނަނީ ހަރަކާތްތެރިވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢޯޓޮޕްސީ
09 June 2017
ކުއްލިޔަކަށް މަރުވެ ގެއްލޭ މީހުން އެއީ މިހާރަކަށް އައިސް އާއްމު ކަމެއް... ހާއްސަކޮށް ފުލުހުންނާ ސިފައިން... ބުނާތީ އަޑުއިވޭ މިއީވެސް ސީއައިޑީ ފުލުހެކޭ
ގަމްރީ
09 June 2017
ތެދެއް ތީ، ކިހިނެއަ އެންގެނީ ހާލިދު ބިން ވަލީދުގެ ލަގަބު ދިން އަދީބުވެސް އެހެރީ ޔޫސް ކޮއްލާފަ ދެން ގެންގޮސް ޖަލައް ލާފަ.
މެންޓަލިސްޓް
09 June 2017
އެމްއެޗް ފްލައިޓް 370 އަށް ވީގޮތަށް އަނެއްކާވެގެން ދިއައީބައި ،؟؟؟ ކޮންމެއަކަސް ތިޔަގޭސްގަނޑުން ފައިދާއެއްވެސް ކޮއްފިތާ ،،، ދުނިޔެއަށް މުޅިންއާ ހައިރާންކުރަނިވި އީޖާދެއް އައިސްފިތާ ،،، މިހާރު އެމެރިކާއަދި އިނގިރޭސީން އޯޑަރދޭންފަށައިފި އެކަހަލަ ޑިންގީ އެމީހުންގެ މިލިޓަރީއަށް ބޭނުންވެގެން ،،، ކިތަންމެވަރަކަށް ބަނޑުން ޖެހިޔަސް އެތެރޭގައި ހުރިއެއްވެސް އެއްޗެއް ކަނޑަށް ނުގޮސް ޑިންގީގައި ހަރުލާފައި ހުރުމަކީ އެމީހުން ވަރަށް ބޮޑަށްބޭނުންވެފައި ތިބިކަމެށް ،،، ވީމާ އަވަހަށް ތިޔާގެ ޑިންގީ ވިއްކަން ފަށަންފީ ،،،،، ވަރަށްވެދުން
ފާތުމާ
08 June 2017
މިހާރު ތިހެން ބުންޏަސް ގަބޫލެއް ނުކުރަން. ހިތާމަކުރަން އިންތިހާއަށް.
ޢަބްދުﷲނާފިޒު
08 June 2017
ތިޔަ ހާދިސާގަ ފެންނަން ހުރި މަންޒަރުތަކާ މަހަށްދިޔަ އަނެއް ދެމީހުން ބުނާ ވާހަކަ ތަކަށް ވިސްނާއިރު، ހަމަ އެކަނި ކަނޑުގެ ސަރަހައްދުތައް ބަލައިގެން ތިކަން ނިންމާނުލާ ސަލާމަތްވި ދެމީހުން ގޮސް އެރިކަމަށް ބުނާ ފަޅުރަށްވެސް ވަރަށް ރަނގަޅަށް ބަލަން އެބަޖެހޭ ކަމަށް ފެނޭ. މިސާލަކަށް ލައިޓަރުން ހިކި ފަނެއްގަ ރޯކުރި ވާހަކައާ، އިންޖީނު ހަލާކުވެފަނަމަވެސް ލޯންޗު އެމީހުންގެ އަތުގަ އޮވެމެ، އެކަމަކު ކަނޑުފަތާފަ ޝަންގްރިއްލާއަށް އެރުމާ..........ދެއްތޮ.
އަހުމަދު
08 June 2017
127000 އަކަ މީޓަރަކީ ދިގުމިނާއި ފުޅާމިނުގައި އެއްކިލޯމީޓަރުވެސް ހަމަ ނުވާ ކުޑަ ތަންކޮޅެއް ނޫންތޯ. 357 މީޓަރު ދިގުމިނާއި 357 މީޓަރު ފުޅާމިނުގެ ސަރަހައްދަކީ 12700 އަކަ މީޓަރު. އަޅުގަނޑަށް ގަބޫލުލުރެނީ ހަބަރުގައި ކިލޯމީޓަރު ހެން ޖަހަންވީ.
ނުރަބޯ
09 June 2017
ޑައިވްކޮށްގެން އެވަރު ޞަރަހައްދެއް ބެލުމަކީ ކުޑަ ސަރަހައްދެން ނޫން. ކަލޭ ދޭބަލަ 1 ދުވަހުން ކިތައް އަކަމީޓަރު ޞަރަހައްދެއް ކަލެއަށް ބެލޭތޯ ބަލާލަން.
މިތުރު
08 June 2017
ގެއްލޭ މީހުންނާއި އުޅަނދުފަހަރު ހޯދުމަށް ހުރިހާ ގައުމަކުން ވެސް އެހެން ގައުމުތަކުގައި އެދޭ. މާބޮޑަށް ތި އެނގެނީ.
ޟމ
08 June 2017
ފަޅުރަށް ރަނގަޅަށް ބަލަން ފެނޭ.
ސައްދާމް
08 June 2017
މިކަން ގަބޫލު ކުރަން ދަތި ނަމަ ؟ https://youtu.be/WsbSDMVfgn8
ސަހަރޯވެރިޔާ
08 June 2017
ޙުރި ހިތާމައެއްގެ ބޮޑުކަމާއެވެ... ކަނޑުވާ މީހަކު، ގެއްލޭ ދޯއްޏެއްވިޔަސް ހޯދަން މިޖެހެނީ އެހެން ޤައުމަކުގެ އެހީ ހޯދައިގެން. ދެންމިބުނަނީ، ކޮބައިހޭ އެމް.އެޗް. ފުލައިޓް، މީ ކިހާ އެއްވަރުގެ ކަންތަށްތޯ؟
ާައައިޝާ
08 June 2017
ވަރަށް ހިތާމަކުރަން.