އަދީބު މާފުށީ ޖަލަށް ބަދަލުކޮށްފި

ކްރިމިނަލް ކޯޓުގައި އޮތް ޝަރީއަތަކަށް ފަހު އަދީބު ގެންދަނީ.---ފޮޓޯ: މުހައްމަދު ޝަރުހާން/މިހާރު

އާސިމާ ނިޒާރު، މިހާރު

21 ޖޫން 2016 - 19:57

ރައީސް އަބްދުﷲ ޔާމީން އަވަހާރަކޮށްލަން ރިޔާސީ ލޯންޗްކޮޅުގައި އައިއީޑީއެއް ގޮއްވާލި މައްސަލަ އާއި ފިސްތޯލައެއް ގެންގުޅުނު ކަމުގެ މައްސަލާގައި ހުކުމް އައިސްފައިވާ ކުރީގެ ނައިބު ރައީސް އަހުމަދު އަދީބު މާފުށީ ޖަލަށް މިއަދު ބަދަލުކޮށްފި އެވެ.

ފުލުހުންގެ މީޑިއާ އޮފިޝަލް ވިދާޅުވީ އަދީބު ކަރެކްޝަނަލް ސާވިސްއާ މިއަދު ހަވާލުކޮށްފައިވާ ކަމަށެވެ. އެމަނިކުފާނުގެ ވަކީލް މޫސާ ސިރާޖު "މިހާރު" އަށް ވިދާޅުވީ މިއަދުގެ ހަވީރު ވަގުތެއްގައި އަދީބު ކަރެކްޝަނަލް ސާވިސްއާ ހަވާލުކުރުމުން މާފުށީ ޖަލަށް ގެންގޮސްފައިވާ ކަމަށެވެ.

މިދިޔަ އަހަރުގެ މެއި މަހުގެ އެއް ވަނަ ދުވަހު ފިސްތޯލައެއް ގެންގުޅުނު މައްސަލައާއި ރައީސް ޔާމީން އަވަހާރަކޮށްލަން "ފިނިފެންމާ" ގައި ބޮން ގޮއްވާލި މައްސަލާގައި އަދީބު އަންނަނީ ޖުމްލަ 25 އަހަރުގެ ޖަލު ހުކުމެއް ތަންފީޒުކުރަމުންނެވެ.

އެ ދެ ހުކުމް އިއްވުމަށްފަހު، އަދީބު އެންމެ ފުރަތަމަ ބެހެއްޓެވީ ފުލުހުންގެ ބަންދުގައި، ދޫނިދޫގަ އެވެ. އެހެންވެ އަދީބު ކަރެކްޝަނަލް ސާވިސްގެ ބެލުމުގެ ދަށަށް ބަދަލުކޮށްދޭން އެދި އޭނާގެ ވަކީލް ސިރާޖު ވަނީ ޕޮލިހުގައި އެދިފަ އެވެ. ފުލުހުންނަށް ސިރާޖު ފޮނުއްވި ސިޓީގައި ބުނެފައިވަނީ ހުކުމެއް ކޮށްފައިވާ މީހަކު ހަވާލުކުރަންޖެހޭނީ ކަރެކްޝަނަލް ސާވިސްއާ ކަމަށެވެ.

އަދީބުގެ ވަކީލުގެ ވާހަކަތަކާ ގުޅިގެން އެސިސްޓެންޓް ޕޮލިސް ކޮމިޝަނަރު އަބްދުﷲ ނަވާޒު ވިދާޅުވީ އަދީބު ބަންދުން ދޫކުރައްވާނީ އޭނާގެ މައްޗަށް ތުހުމަތު ކުރެވޭ މައްސަލަތަކުގެ ތަހުގީގު ނިމުމުން ކަމަށެވެ. މިހާރު ވެސް އަދީބުގެ ބައެއް މައްސަލަތައް އަންނަނީ ތަހުގީގުކުރަމުންނެވެ.

ފުލުހުން މާފުށީ ޖަލު ކަރެކްޝަނަލް ސާވިސް އަހުމަދު އަދީބު ކުރީގެ ނައިބު ރައީސް އަދީބު ރައީސްގެ ލޯންޗުގެ ގޮވުން

5 ކޮމެންޓް, 37 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަބްދުﷲނާފިޒު

22 June 2016

ފުލުހުންނޭ، މިހާރު އަދީބުގެ މައްޗަށް ކުރާ ތަހުޤީޤުތައް ނިމުނީތޭ، ކަރެކްޝަނަލް ސާވިސްގެ ބެލުމުގެ ދަށަށް ބަދަލުކޮށް ފުލުހުންގެ ބެލުމުގެދަށުގަ ބަހައްޓާފަ ހުންނަނީ މާގިނަ ތަހުގީގު ތަކެއް ހިންގާތީކަމަށް ތިވެރިން ބުނީމެއް ނޫންތޯ، ހަމަ އަތަށް ގޮވަނީ އުތަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

22 June 2016

ހިތައް އަރަނީ ޤާނޫނަށް ޙުރުމަތްތެރިކޮށް ހިތަން ހުވާކުރާއިރު އޭގެ އޮތް އެއްޗެއް ނޭގި އެކަން ކުރަނީކީ ނޫން ބާވައޭ! ހަމަ އެކަނި ކޮމާންޑަށް/އޯޑަރަށް ކަންކަން ކުރައްޗާ ޤައުމަކަށް/ދީނަކަށް/ޤާނޫނަކަށް ގިނަފަހަރަކު ނުބެލޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަނީރު

21 June 2016

ތަޙްޤީޤުތަކަށް ބަންދުގަ މީހުންބޭތިއްބުމަށް ކޯޓުން އަމުރުކުރަނީ ހޯމް މިނިސްޓްރީން ކަނޑައަޅާތާކު ބަންދުކުރުމަށް. ފުލުހުންބޭނުންހާތާކު ބަންދުކުރާތާކަށްނޫން. ކުށްސާބިތުވެގެން ޖަލަށްލާން ހުކުމްކުރުމުން އެހުކުމް ތަންފީޒުކުރުމަށް އެމީހަކު ވަގުތުން ޖަލަށް ގެންދަންޖެހޭ. ތަހުޤީޤުތައް ކިތައްމެ ގިނަޔަސް ފުލުހުންނަށް ފަސޭހަކުރާށޭކިޔާފަ ދޫނިދޫއަކު ނުބެހެއްޓޭނެ. ސަބަބަކީ ޖަލަށްލާންކުރާޙުކުމަކީ ތަހުޤީޤަށް ބަންދުކުރަންނެރޭ އަމުރަށްވުރެ މަތީއެއްޗަކަށްވާތީ އަދި ކުރިން ބުނިހެން ހޯމްމިނިސްޓްރީން ކަނޑައަޅާތަނެއްކަމުގައި ބަންދުކުރަން އަމުރުގަ އޮންނައިރު ކަރެކްޝަނާ މާފުށީޖަލަކީވެސް ހޯމްމިނިސްޓްރީ ދަށުގަވާތަންތަން ކަމަށްވީމަ ތަހުގީގުކުރާމީހުންނަށް ކޮންމެފަހަރަކު މާފުށްޓަށްދާން އުދަގޫވާނެތީ ދޫނިދޫގަ ބަހައްޓާކަށް ނުޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ުހުސޭނު

21 June 2016

އުމަރާ ކަލޭ އަވަހަށް ރާއްޖެއިން ބޭރަށް ދެވޭތޯ ބަލާ. ކަލޭ ހައްޔަރުކޮށްފިނަމަ ގެންގުޅޭނީ ތޯލާ ފުޅިއަކަށް ލައިގެން ނޫންކަމެއްވެސް ނޭނގެ. އަދީބު އުޅޭގޮތުންވެސް ރޮވޭވަރުވޭ.