ނޫސްވެރިންގެ ބައްދަލުވުމެއްގައި މުއިއްޒު ވާހަކަ ދައްކަވަނީ. އޭނާ ވިދާޅުވި ގޮތުގައި 39 ރަށެއްގެ ބަނދަރު ހެދުމުގެ މަސައްކަތް މިހާރު ވެސް ކުރިއަށް އެބަދޭ. - ފޮޓޯ: މިހާރު
12 ޖޫން 2017 - 11:50
55 comments
ސަރުކާރުން މިހާތަނަށް 34 ރަށެއްގެ ބަނދަރު ހަދައި ނިންމުމަށް 1.2 ބިލިއަން ރުފިޔާ ހަރަދު ކޮށްފައިވާ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު ރައްޔިތުންގެ މަޖިލީހުގައި މިއަދު ވިދާޅުވެއްޖެ އެވެ.
ތ. އޮމަދޫ ބަނދަރުގެ މަޝްރޫއު ފެށޭނެ ތާރީހެއް ބެއްލެވުމަށް ޖުމްހޫރީ ޕާޓީގެ ނައިބު ލީޑަރު އަދި ކިނބިދޫ ދާއިރާގެ މެމްބަރު އަބްދުﷲ ރިޔާޒް ކުރެއްވި ސުވާލުގެ ޖަވާބުގައި މުއިއްޒު ވިދާޅުވީ މިހާތަނަށް 29 ރަށެއްގެ ފަޅު ފުން ކުރުމާއި މެއިންޓަނެންސްގެ މަސައްކަތް ކޮށްފައިވާ ކަމަށެވެ. އަދި 39 ރަށެއްގެ ބަނދަރު ހެދުމުގެ މަސައްކަތް ކުރަމުން އަންނަ ކަމަށް ވެސް މުއިއްޒު ވިދާޅުވި އެވެ.
މީގެ އިތުރުން ހަތް ރަށެއްގެ ޖެޓީ ހެދުމުގެ މަސައްކަތް ކުރަމުން އަންނަ ކަމަށާއި އެ ހުރިހާ މަސައްކަތަކަށް 1.4 ބިލިއަން ރުފިޔާ ހަރަދުވާނެ ކަމަށް ވެސް އޭނާ ވިދާޅުވި އެވެ.
މުއިއްޒު ވިދާޅުވި ގޮތުގައި ކުރީގެ ސަރުކާރުތަކާ ހިލާފަށް، އެންމެ ގިނަ ރަށްރަށުގެ ލަފާ ފުރުމުގެ ދަތިތަކަށް ހައްލު ގެނައީ ރައީސް ޔާމީންގެ ސަރުކާރުންނެވެ.
"ސަރުކާރުން 16 ރަށުގެ ބަނދަރު މަސައްކަތް ފެށުމަށް ދަނީ ތައްޔާރުވަމުން،" މުއިއްޒު ވިދާޅުވި އެވެ.
އޮމަދޫ ބަނދަރު ހެދުމުގެ މަޝްރޫއު ކުރިއަށް ގޮސްފައިވާ ހިސާބެއް ސާފުކޮށް ދެއްވުމަށް މެމްބަރު އަބްދުﷲ ރިޔާޒް ހުށަހެޅުއްވި ސުވާލުގެ ޖަވާބުގައި މުއިއްޒު ވިދާޅުވީ އޮމަދޫ ބަނދަރު ހެދުމަށް ސަރުކާރުން ނިންމާފައިވާ ކަމަށެވެ. އެކަމަކު މި މަޝްރޫއު ކުރިއަށް ގެންދިއުމަށް މިދިޔަ އަހަރާއި މި އަހަރުގެ ބަޖެޓުގައި ހިމެނިފައިނުވާ ކަމަށް އޭނާ ވިދާޅުވި އެވެ.
"އެހެންވީމަ އެ މަސައްކަތް އަދި ފެށޭ ގޮތް ނުވޭ. މި އަންނަ އަހަރުގެ ބަޖެޓުގައި ހިމެނިއްޖެނަމަ، އެ މަޝްރޫއު ކުރިއަށް ގެންދާނަން،" މުއިއްޒު ވިދާޅުވި އެވެ.
މުއިއްޒު ވިދާޅުވި ގޮތުގައި އެ ރަށުގައި މިހާރު ލަފާފުރުމަށް ބޭނުން ކުރަނީ ޖެޓީއެކެވެ. އެ ގޮތުން ޖެޓީ އޮތީ ވަރަށް ނިކަމެތި ގޮތެއްގައި ކަމަށާއި އޮމަދޫ ބަނދަރު ހެދުމަށް ކުރަން ޖެހޭ ކަންކަން ކުރަމުން އަންނަ ކަމަށް ވެސް މިނިސްޓަރު މުއިއްޒު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބައިކުޅަބައި
13 June 2017
އަގުތައް ވަރަށް މަތި
ފުނޯސް
12 June 2017
ކޮބާތޯ މަސައްކަތް ކުރަމުން އަންނަ ތިޔަ 34 ބަނދަރަކީ. ބަނދަރަކަށް ކިހާވަރެއް ޚަރަދުވޭތޯ؟ ތަފްސީލް ހިސާބެއް ނެރެދެއްވަން ކެރިވަޑައިގަންނަވާނެތޯ؟
އަހުމަދު
12 June 2017
ދެރައީ ތިކަން އެނެގޭ ބަޔަކު މިގައުމުގައި ނެތުމުން.
ތ
12 June 2017
އަހަރެންގެ ވޯޓް ޔާމީނަށް.ހުސްއަނގަ ތަޅާ މީހުންނަށް ދެވޭކަށްނެތް
ކަންމަތީ ފިހާރަ އިކޮނޮމިސްޓު
12 June 2017
ކޮންމެ އަހަރަކު ބަޖެޓޭ ކިޔައިގެން ރައްޔިތުންގެ ފައިސާއިން 25 ވަރަކަށް ބިިލިއަން ރުފިޔާ ސަރުކާރުން ހަރަދުކުރަން ލިބޭއިރު އެއީ 5 އަހަރަށް 130 ވަރަކަށް ބިލިއަން ރުފިޔާ. މީގެއިން އެންމެ 1 ބިލިއަން ރުފިޔާ ރަށްރަށުގަ ބަނދަރުހަދަން ހަރަދުކުރުމަކީ މާކަ މޮޅުކަމެއްނޫން ބުރޯ!
ޒައިނާ
12 June 2017
ދުވަސްކޮޅަކުން ހުރިހާ ބަނދަރެއް އޮންނާނީ މުއިއްޒު ވެފަ. ދެނޯ. އަނެއްކަ އަނެއް 1ބިލިއަން ހަރަދުކުރަންވެފަ...
މޮހޮނަ
12 June 2017
މުއިއްޒު ހައުސިންގ މިނިސްޓްޜީ ހަލާކުރުން ނޫންކަމެއއް ނުކުރެ. މުޅިންވެސް ކުރާ ކަމަކީ ސަރުކާރާ އެއްކޮޅު މުވައްޒަފުންނަށް ޖެއްސުންކޮށް، ސަރުކާރާ ދެކޮޅު މީހުންނަށް ބާރުލިބޭގޮތަށް އެކިތަންތަނަށް މީހުން ބަދަލުކޮށް ކޮށާ މަށާހެދުން. މުޅި މިނިސްޓްރީވަނީ އޮދިކޮޅު މީހުންގެ ރޭވުމުގެ މަތިން ކޮންޓްރޯލް ކޮށްފަ. ދެން ކޮން ވާހަކައެއް ދައްކާކަށްތަ. މިކަމާ އަޅާލާނެ މީހަކު މިސަރުކާރަކު ނެތް. މުޅިތަންވަނީ ހަރާބުވެފަ. ދެން އަޑި ނުބައިކޮށްހުރެ މަގާމު ދިފާއުކުރަން ވާހަކަ ދައްކާނެކަމެއް ނެތް.
ތަރި
12 June 2017
އަދުގެ ސަރުކާރުން ކުރައްވަމުން ގެންދަވާ މަސައްކަތްތަކުގައި މާތްﷲ ބަރަކާތް ލައްވާށިއެވެ. ޝުކުރިއްޔާ ރައީސް ޔާމީން
ނަކަމް
12 June 2017
ބޯހިޔާވަހިކަން ދަނީ؟؟ ރައްޔަތުން މާޔޫސްވަނީ؟؟ މުއްސަދިންނަން ހުޅުމާލޭ މާސިންގާބިން މިސަރުކާރުން ވިއްކާހުސްކޮއްފި؟ ފަގީރު ރައްްޔަތުންބިކަ؟ ކުލިވަނީ ބޮޑު؟؟ ތިންކޮޓްރި ތިރީސްހާސްރުފިޔާ؟؟
އާދަމްބެ
12 June 2017
1 ބިލިއަން ރުފިޔާގެ ތެރެއިން 34 ބަނދަރަށް ޚަރަދުކުރީ 500 މިލިއަން. ބާކީ 500 މިލިއަން ހައްޕަޅާލީ...