އިއްސެ މަރާލާފައި އޮއްވާ ފެނުނު އައިސްޕްލާންޓް ސަރަހައްދު ބަންދުކޮށްގެން ފުލުހުން ހަރަކާތްތެރިވަނީ
17 ޖޫން 2017 - 12:05
12 comments
ހއ. އިހަވަންދޫ އައިސްޕްލާންޓް ތެރޭގައި މަރާލާފައި އޮއްވާ އިއްޔެ ފެނުނު އިސްމާއިލް އުމަރު (އިއްސެ)ގެ މަރާ ގުޅިގެން އިތުރު ހަތަރު ބިދޭސީއަކު އެރަށުން ހައްޔަރުކޮށްފި އެވެ.
އައިސްޕްލާންޓްގައި މެކޭނިކެއްގެ ވަޒީފާގައި އުޅުނު އުމުރުން 54 އަހަރުގެ އިއްސެގެ މަރާ ގުޅިގެން އިއްޔެ ވަނީ އެތަނުގައި އޭނާއާ އެކު މަސައްކަތްކުރި ބަންގްލަދޭޝް މީހަކު ހައްޔަރުކޮށްފަ އެވެ. ފަހުން ހައްޔަރުކުރީ ކޮން ގައުމެއްގެ ބައެއް ކަމެއް ފުލުހުން ނުބުނެ އެވެ.
އައިސް ޕްލާންޓު ހިންގުމާ ވެސް ހަވާލުވެ ހުރި އިއްސެ ޒަހަމްތަކާ އެކު މަރާލާފައި އޮއްވައި ފެނުނީ ފުލުހުން ގޮސް ދޮރު ހަލާކުކޮށްލައިގެން ވަދެ އޭނާ ހޯދަމުން ދަނިކޮށެވެ. ޅ. ހިންނަވަރަށް އުފަން އިއްސެ ފެނުނީ އައިސް ޕްލާންޓް ތެރޭގައި ސިމެންތިން ހަދާފައި ހުރި ހަނި ބައެއްގެ ތެރެއިންނެވެ. އިއްސެގެ މަރާ ގުޅިގެން އެންމެ ފުރަތަމަ ހައްޔަރުކުރި ބަންގްލަދޭޝް މީހާ މީގެ ތިން ދުވަސް ކުރިން ފިލި ކަމަށް ވެ އެވެ. އެ މީހާ ހޯދަން އިއްސެ އާއި އޭނާގެ ގާތް މީހުން މަސައްކަތް ކުރި ނަމަވެސް ނުފެނުމުން އެ މީހުން ނިންމައިގެން ތިބީ އޭނާ ފިލައިގެން ދިއްދުއަށް ދިޔައީ ކަމަށެވެ.
އެކަމަކުު ރޭ އެ މީހާ ޑިންގީއެއްގައި އިހަވަންދޫން ފުރައިގެން ހޯރަފުށްޓަށް ދިޔަކަން އެނގުމާ އެކު، އިއްސެގެ މަރުގެ ފަހަތުގައި އޭނާގެ އަތެއް ވާ ކަމަށް އިހަވަންދޫ މީހުންނަށް ޝައްކުކުރެވުނީ އެވެ.
އިހަވަންދޫން ވާހަކަ ދެއްކި މީހަކު ބުނީ ފިލައިގެން ދިޔަ ބިދޭސީ މީހާއާ އެއްވެސް މައްސަލައެއް ނުޖެހޭ ކަމަށް އިއްސެ ބުނެފައިވާ ކަމަށެވެ. އޭނާ ފިލީ ބޮޑު މުސާރައެއް ހޯދަން އެހެން ތަނަކަށް ދާން ވެގެން ކަމަށް އިއްސޭ ގަބޫލުކުރި ކަމަށް ވެސް "މިހާރު"އާ ވާހަކަ ދެއްކި މީހާ ކިޔައިދިނެވެ.
މި މައްސަލައިގައި ދެން ހައްޔަރުކުރި ބިދޭސީންނަކީ ފިލި މީހާއާ ގާތް ގުޅުމެއް އޮންނަ މީހުން ކަމަށް ބެލެވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
202ރަށް
17 June 2017
އިހަވަންދޫގަ އެކަނިވެސް ގަވާއިދާ ޚިލާފަށް 200 ބަންގާޅިން ދެން ކޮބައިތޯ އެހެންރަށް ރަށް ރާއްޖޭގެ ގައުމިއްޔަތު ނެތި ހިނގައިދާނެ ކަމުގެ އެލާމު އަޅާއިރުވެސް މިކަން ކަން ބަލަން ޖެހޭ ފަރާތްތައް ހަމަހ މޭނުން
ސޯލްޖާ
17 June 2017
ރާއްޖޭގައި ބިދޭސީންގެ އާބާދީ މިވަނީ ކަންބޮޑުވާންޖެހޭ މިންވަރަށް މައްޗަށް ގޮސްފައި.... ހުރިހައި ނުބައި ކަމެއްވެސް ހިނގާނެ މި ގޮތަށް މިކަން ވަންޔާ.... ހިތާމަހުރި.
ނަސް
17 June 2017
އަދި ބިދޭސީން ރާއްޖޭގެ ސިޔާސީ މަގާމުތަކައްވެސް އަންނާނެ! ދިވެހިންނާ އިންނަނީ އެހާވަރައް، ހެސްކިޔާފަ ދަރިން ހޯދަނީ، އަހަރުމެން ބުނިން ކުރިންވެސް މިހެން ވާނެޔޭ،
ވާލުސޮރު
17 June 2017
ކުރިން އަމާންކަމާ ސުލްހަވެރިކަމަށް މަޝްހޫރު ދިވެހިރާއްޖެ ކުށްކުރުމުގަ މެކްސިކޯ ފަދަ ގައުމުތަކާ އެއްދަރަޖައެއްގަ. އެކަމަކު ކުލަކުލައިގެ ޔުނީފޯމް ލައްވާފަ ތިބޭ އިދާރާތަކުގެ ކޮންމެ ވެރިޔަކު ފެންނައިރު ހީވަނީ ކަރާޗީ ލޮރީއެއް ފެންނަހެން. އެހާވެސް ކުލަ ގިނަ. އެކަމަކު އާބާދީގަ 2000 މީހުންވެސް ހަމަނުވާ ކުދިކުދި ރަށްރަށުގަވެސް މީހުންގެ ފުރާނަޔާ މުދަލަށްވެސް ރައްކާތެރިކަމެއްނެތް. ލަދުން ބޯހަލާކު.
ސީދި
17 June 2017
ހަގީގަތަކީ މިޤައުމުގަ ބިދޭސީން ނުރައްކާވާދަރަޖައަށް މިހާރު މިއޮތީ އިތުރުވެފަ... ބޮޑު ހިތާމަވެރި ހާދިސާއެއް މި ޤައުމަށް މިމީހުންގެ ސަބަބުން ދިމާވެދާނެ...މިކަމަށްއަވަސް ހައްލުބޭނުން...
"މިހާރު"ގެ ފަހުރުވެރި ކިޔުންތެރިޔާ/ހދ.ކުޅުދުއްފުށި/ހާލުފޮޅި
17 June 2017
މިހާ މަރުގެ ހާދިސާތަށް ގިނަ ވެރިކަމެއް ނުދެކޭ ރާއްޖެ މިފަހަކުން.
ކުމާރު
17 June 2017
ނަން ލިޔާތަނުގަ މަޒުމޫނެއް ލިޔެގެން ކީއް ތިކުރަނީ ؟
ނޯޑޭމްގުޑް
17 June 2017
އިހަވަންދޫޫ މަރާ ގުޅިގެން އިތުރު ހަތަރު ބިދޭސީއަކު ހައްޔަރުކުރި ނަމަވެސް ހަމަ އެކަނި ބިދޭސީ މީހުން ނޫން ތިޔާ ކަމުގައި އުޅޭނީ. އުޅޭނެ ފެއްސާއި ރަތާއި ހުދުގެ ބެންޑޭ އެއް ތީގެ ފަހަތުގައި އެއީ ޔަގީން ކަމެއް. ބަލަންވާނެ އޭ ރަނގަޅަށް ތިޔާކަން.
ކޮވް ފެފެ
17 June 2017
ދެން އިވޭނީ ކާފީ ހެކި ނެތހިގެން ދޫކޮށްލި ވާހަކަ.....ބޯހަލާކު
ޝާހީ
17 June 2017
ކަލޭމެންނަށް ރަނގަޅުގޮތެއް ނޯންނާނެ. ކުށް ސާބިތުވެ ހުކުމްކުރިއަސް ކަމަކުނުދާނެ. އަވަސްވިޔަސް ކަމަކުނުދާނެ!
ބިސްބެ
17 June 2017
މި ގައުމު ހަލާކު ވެއްޖެ.......އަމިއްލަ ގައުމުގަ ބިދޭސީންގެ ދަށުވެފަ....ތަރައްގީ ޔަގީން
ބަދަލު
17 June 2017
ސަރުކާރުއެވެ. މީހުން ގެއްލެނީއެވެ. މީހުން މަރަނީއެވެ.ދަންޖައްސަނީއެވެ. ހޭލާތޯ ތިޔަތިއްބަވަނީ.