ހައި ކޯޓު: އެ ކޯޓުގެ ބެންޗު 11 އަށް އިތުރުކުރަން ބިލް ހުށަހެޅީ ސަރުކާރުން --މިހާރު ފޮޓޯ/ނިޝާން އަލީ
18 ޖޫން 2017 - 12:37
2 comments
ހައި ކޯޓު ފަނޑިޔާރުންގެ އަދަދު 11 އަށް އިތުރުކުރަން ކޯޓުތަކުގެ ގާނޫނަށް ރައްޔިތުންގެ މަޖިލީހުން ގެނައި އިސްލާހު ރައީސް އަބްދުﷲ ޔާމީން މިއަދު ތަސްދީގު ކުރައްވައިފި އެވެ.
ސަރުކާރުގެ ފަރާތުން އިނގުރައިދޫ ދާއިރާގެ މެމްބަރު އިބްރާހިމް ފަލާހް ހުށަހެޅުއްވި އެ ބިލް މަޖިލީހުން ފާސްކުރީ އެއްވެސް ބަދަލެއް ގެނައުމެއް ނެތި، ސަރުކާރުން ހުށަހެޅި ގޮތަށެވެ.
މި ބިލް ރައީސް ތަސްދީގު ކުރެއްވުމާ އެކު މިއަދުން ފެށިގެން ކުރިއަށް އޮތް ތިން މަސް ދުވަހުގެ ތެރޭގައި ހައި ކޯޓުގެ ފަނޑިޔާރުންގެ އަދަދު 11 އަށް އިތުރު ކުރަންޖެހޭނެ އެވެ. މި ބިލް ތަސްދީގު ކުރެއްވުމާ ހަމައަށް ހައި ކޯޓުގެ ބެންޗުގައި ތިއްބަވަނީ ނުވަ ފަނޑިޔާރުންނެވެ. އެކަމަކު އެ ކޯޓުގެ ދެ ފަނޑިޔާރަކު އިސްތިއުފާ ދެއްވާފައިވާތީ މިވަގުތު ތިއްބެވީ ހަތް ފަނޑިޔާރުންނެވެ.
އެހެންވެ އެ ބިލް އޮތްގޮތުން ކުރިއަށް ތިން މަސް ތެރޭގައި އިތުރު ހަތަރު ފަނޑިޔާރުން ހައި ކޯޓަށް އައްޔަންކުރަން ޖެހެ އެވެ.
ގާނޫނަށް ގެނައި އިސްލާހު އޮތްގޮތުން ފަނޑިޔާރުންގެ އަދަދު އިތުރުވިޔަސް ފަނޑިޔާރުން އިތުރު ވާނީ މާލޭގެ ހައި ކޯޓަށެވެ. ގޮފިތަކުގައި ކުރިން ވެސް ތިބޭނީ ތިން ފަނޑިޔާރުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަނޑިޔާރު މަނިކުފާނު
18 June 2017
މިހާރު ޓީމު ހަމަވީ؟ ދެން ބޭނުންވަނީ ރިޒާވް 3 މީހުންނާއި ކޯޗެއް؟؟
ފަނޑިޔާރު
18 June 2017
11 އަށް އިތުރުކުރުމަކުން މައްސަލަތައް ނުނިމި ދިގުލާދާ ދިއުމަށް ހައްލެއް ނުލިބޭނެ. ސަބަކީ ރާއްޖޭގެ އުތުރާއި ދެކުނަށް 6 ފަނޑިޔާރުން ލީމާ ބާކީ މާލޭގައި ތިބޭނީ 5 ފަނޑިޔާރުން އެހެން ވީމާ މާލޭގައި 2 ބެންޗްވެސް ހަމައެއްނުވޭ. ބައިވަރު މައްސަލަތައް މާލޭގެ ހައިކޯޓަށް ހުށަހެޅި މުއްދަތު ދިގުލައިގެން ދާއިރު މަދުވެގެން 3 ބެންޗަށް ވާވަރަށް 9 ފަނޑިޔާރުން މާލޭގައި ތިބެގެން ހައްލުވާނީ