ޔާމީން ރަޝީދު މަރައިލުމުގައި އަމަލީ ގޮތުން ބައިވެރިވި ކަމަށް ފުލުހުން ބުނާ ތިން މީހުން. މި މީހުންގެ ބަންދަށް ވަނީ 15 ދުވަސް ޖަހާފައި. ފޮޓޯ ޕޮލިސް
22 ޖޫން 2017 - 18:21
6 comments
މިދިޔަ އެޕްރީލް މަހުގެ 23 ވަނަ ދުވަހުގެ ދަންވަރު ޔާމީން ރަޝީދު މަރާލަން އަމަލީ ގޮތުން ބައިވެރިވި ތުހުމަތުގައި ހައްޔަރުކޮށްފައިވާ މީހުންގެ ބަންދަށް ކްރިމިނަލް ކޯޓުން 15 ދުވަސް އިތުރު ކޮށްދީފި އެވެ.
ސ. ފޭދޫ، ޗަނބޭލީގޭ ޔާމީން 29، މަރާލަން އަމަލީ ގޮތުން ބައިވެރިވީ، ފުލުހުން ބުނެފައިވާ ގޮތުގައި، މ. ޠާއިފް އިސްމާއީލް ރަޝީދު، 25، އާއި ހ. އަންނާރު މާގޭ އިސްމާއީލް ހައިޝަމް ރަޝީދު، 21، އާއި މ. އިރާސްމިކުގޭ އަހްމަދު ޒިހާން އިސްމާއީލް އެވެ.
ފުލުހުން ބުނީ މި ތިން މީހުންގެ ބަންދަށް މިއަދު 15 ދުވަސް ޖެހީ ކްރިމިނަލް ކޯޓަށް ހާޒިރުކުރުމުން ކަމަށެވެ. މި ތިން މީހުންނަކީ ވެސް މީގެ ކުރިން ކުށުގެ ރެކޯޑް ހުރި މީހުން ކަމަަށް ފުލުހުން ބުންޏެވެ.
ފުލުހުން ބުނެފައިވާ ގޮތުގައި ޔާމީން ރަޝީދުގެ މަރުގެ ތުހުމަތުގައި ފުލުހުންގެ ބެލުމުގެ ދަށުން ހަތް މީހަކު ހައްޔަރު ކޮށްފައި އެބަ ތިއްބެވެ. އެމީހުން ޔާމީނަށް ހަމަލާދީ މަރާލީ ކޮން މަގްސަދެއްގައި ކަމެއް އަދި ފުލުހުން އަދި ހާމައެއް ނުކުރެ އެވެ.
ޔާމީންގެ ހަށިގަނޑުގެ އެކި ތަންތަނަށް ތޫނު ހަތިޔާރުން ހަމަލާދީ މަރާލާފައި އޮތީ މާފަންނު ބިސްބުރު ކައިރީގައި ހުންނަ އޭނާ ދިރިއުޅޭ ގެ، މ. ސުޕެޓިއުލާގެ ތިރީބުރީގައި ސިޑި އާއި ލިފްޓު ކައިރީގަ އެވެ. އޭނާގެ ހަށިގަނޑުގެ 32 އަށް ވުރެ ގިނަ ތަނަށް ވަޅި ހަރާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބުރު
24 June 2017
އަބުރު ގާނޫން ފުލުހުން ނަކަށް ނޭންގޭ ދޯ....
ބޮލައްތުރާ
23 June 2017
ޕެންޑްރައިވްއަކާއި ފިސްތޯލައެއް ނުފެނޭތަ؟
އަލީ
23 June 2017
ގާތިލުން ކަމަށް ޝަރުއީ ކޯޓަކުން ނިންމައިފިތަ؟ ނޫނީ ތުހުމަތު ކުރެވޭ މީހުންތަ؟
ޕޮކަންޑި މޭން
22 June 2017
ގާތިލުން ފުލުހުން ހޯދީމާ އެކަމާ އެމްޑީޕީ މީހުން މިހާރު ހިތްހަމައެއް ނުޖެހޭ. އެމީހުން މައުސޫމްއޭ ފްރޭމްކޮށްފައޭ ކިޔަން ފަށައިފި މިހާރު. ގާތިލުން ނުހޯދިގެން ދެފައި ކައިރި ނުވެގެން އޭރު އެމްޑީޕީ މީހުން އުޅުނު އިރު އަހަރެމެން ބުނި ތަން މިއޮތީ އައިސް. އަބަދުވެސް ސިޔާސީ ސްކޯރއެއް ކުރެވޭތޯ ބަލާނެ ސިޔާސީ ގޮތުން އެހާ ޑެސްޕަރޭޓް ވީމަ.
ބޭބެ
23 June 2017
ދިވެހި ފުލުހުންނަކީ އިތުބާރު ގެއްލިފައިވާ ނާޤާބިލް ބަޔެއް. މިއީ މިއަދުގެ ހަޤީގަތް.
ލިލީ
22 June 2017
ފުލުހުން މިހެން އަދި ބަޔަކު ހައްޔަރުކުރާއިރަކަށް އެއީ އެމީހުން އެކުއްކުރިކަމަށް ސާބިތު ވީކީއެއްނޫން ދޯ. ދެން މީހުންގެ ފޮޓޯ މިހެން ޖެހުމަކީ ހަމަ އެމީހުންގެ އަބުރާ ބެހުމެއް ނޫންބާ؟ މިރާއްޖޭގަ މިހާރު ކަންތައް މިއޮންނަ ގޮތުން ފުލުހުން ހައްޔަރު ކުރަނީކީ އެއްވެސް ހަގީގަތަކަށް ބަލާފައެއްނޫން. ހަމަ ބަޔަކު ހައްޔަރުކުރިއަސް އަދި މިކީ ހަމަ ބުއްދި ޤަބޫލުކުރެވޭ ވާހަކައެއްނޫން. މިމީހުންގެ ކުށުގެ ރެކޯޑޮ އޮތޭ ބުންޏަސް ނުނިމޭ، އެއީ ކޮންކަހަލަ ކިހާވަރެއްގެ ކުށެއްތޯވެސް ބަލަން ޖެހޭ. ތަފްސީލު ދޭން ފުލުހުން ބޭނުންނުވަ ކޮންމެ ގޮތަކުންވެސް މިމީހުންގެ މައްޗަށް ކުއް ސާބިތު ކުރަން ބޭނުންވާ ފާޑު ޖަހަނީ.