ކޮންސްޓްރަކްޝަން ސައިޓެއްގައި ބިދޭސީންތަކެއް މަސައްކަތް ކުރަނީ: ފުލުހުންގެ ފްލެޓް އިމާރާތް ކުރުމުގެ މަސައްކަތުގައި އުޅުނު ބިދޭސީއަކު ވެއްޓި މިއަދު ވަނީ މަރުވެފައި.-- ފޮޓޯ: ނިޝާން އަލީ/ މިހާރު
22 ޖޫން 2017 - 23:51
8 comments
ހުޅުމާލޭގައި ފުލުހުންނަށް އިމާރާތް ފްލެޓުގެ މަސައްކަތް ކުރަން އުޅުނު ބިދޭސީ ފިރިހެނަކު ވެއްޓި މިއަދު މަރުވެއްޖެ އެވެ.
ފުލުހުންގެ އޮފިޝަލަކު މިރޭ ވިދާޅުވީ ބަނގްލާދޭޝްގެ 35 އަހަރުގެ މީހާ ވެއްޓުނީ އެ އިމާރާތުގެ ހަތް ވަނަ ބުރިން ދެ ވަނަ ބުރި އަށް ކަމަށެވެ. މިއަދު މެންދުރު ހިނގި އެ ހާދިސާގައި އެ މީހާ މަރުވީ، އޭޑީކޭ ހޮސްޕިޓަލުގެ އައިސީޔޫގައި ފަރުވާދެމުން އަންނަނިކޮށް މިރޭ އިރުއޮއްސެން އުޅެނިކޮށް ކަމަށް އޮފިޝަލް ވިދާޅުވި އެވެ.
ދެ ވަނަ ބުރި އަށް ވެއްޓި ޖެހުނު ގޮތަށް އޭނާގެ ހަށިގަނޑަށް ސީރިއަސް އަނިޔާތަކެއް ވަނީ ލިބިފަ އެވެ. އެކަމަކު އެ ތަފްސީލުތަކެއް އަދި ނުލިބެ އެވެ.
އިމާރާތުން އޭނާ ވެއްޓުނު ގޮތެއް ވެސް އަދި ސާފެއް ނުވެ އެވެ. ފުލުހުން ބުނީ އެކަން ތަހުގީގު ކުރަމުން އަންނަ ކަމަށެވެ.
އެ ބިދޭސީ މީހާ މަސައްކަތް ކުރަން އުޅުނީ ސަލާމަތީ ގޮތުން ރައްކާތެރި ކަމުގެ ފިޔަވަޅު އަޅައިގެންތޯ ނުވަތަ ނޫންތޯ ވެސް އަދި ނޭނގެ އެވެ. ތަހުގީގު ނިމުމުން އެ މައުލޫމާތުތައް ހާމަކުރާނެ ކަމަށް ފުލުހުން އޮފިޝަލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިސްނާ
23 June 2017
ހާދަ ދެރައޭ. ބައެއް ފަހަރު އިމާރާތްކުރުމުގެ މަސައްކަތް ކުރަން އެޅޭ މީހުން އަޅަން ޖެހޭ ރައްކާތެރި ކަމުގެ ފިޔަވަޅު ތަކާ މެދު ފަރުވާ ކުޑަ ކޮށްލާ. މިކަހަލަ ހިތާމަވެރި ކަންތަށް ވިޔަ ނުދިނުމަށް ޓަކައި ހޭލުންތެރި ކުރުމާއި ޓްރެއިން ކޮށް ދިނުން ވަރަށް މުހިންމު. އެއްވެސް ފުރާނައަކީ އަގު ކުރެވޭނެ ނޫނީ ރިޕްލޭސް ކުރެވޭނެ އެއްޗެއް ނޫން.
ބެއްޔާ8
23 June 2017
"އިމާރާތުން އޭނާ ވެއްޓުނު ގޮތެއް ވެސް އަދި ސާފެއް ނުވެ އެވެ. ފުލުހުން ބުނީ އެކަން ތަހުގީގު ކުރަމުން އަންނަ ކަމަށެވެ" ރާއްޖޭގަ ހިނގާ ކޮންމެ ކަމެއްގައި ކަމާބެހޭފަރާތްތަކުން އަދި ވަކިން ހާއްސަ ކޮން ފުލުހުން ތަކުރާރު ކުރާބަހަކީ މިއީ. ރާއްޖޭން ބޭރުގެ ޙަބަރެއް ކިޔާލާއިރު އަލިފުން ޔާއަށް ހުރިހާ މައުލޫމާތެއް ހާމަ ކޮއްލާ. ދިވެހިންގެ މި ހުންނާނީ ކޮންމެ ކަމެއް ސިއްރިޔާރުތުގައި ކުރާތަން. ދިވެހި ސަގާފީ އާދައެއް ހަމަ.
ސީދި
23 June 2017
ސަލާމަތީ ފިޔަވަޅު ނާޅާ މަސައްކަތް ކުރުމަށް ދެވިހިފާފަ ތިބިބައެއްތީ... ހިތާމަހުރިކަމެއް...
ވާލުސޮރު
23 June 2017
ރާއްޖޭގަ މަސައްކަތުމީހުންގެ ސަލާމަތާ ރައްކާތެރިކަން އެއީ އޮންނަ އެއްޗެއްހެން ހިޔެއްނުވޭ. މިހެން މިބުނީ ސަލާމަތީ އެއްވެސް ވަސީލަތެއްނެތި ހިމަ ހޮޅިއެއްގެމަތީހުރެ 5 ބުރި 6 ބުރި އިމާރާތްތަކުގެ އެންމެ މަތީ އެއް އަތުން ކުލަލާ މަންޒަރު ހުޅުމާލޭގަ އާންމުކޮށް ކޮންމެ ދުވަހަކުހެން ފެންނާނެ. މިކަން ބަލަހައްޓާ މަނާކުރަން އުޅޭތީއެއް ނުފެނޭ. މަވެސް މީ ރާއްޖޭގަ އިމާރާތްކުރާ ބޮޑު ކުންފުންޏެއްގަ ކުރިން ސަޢިޓް ތަކާ ހަވާލުވެ ހުރި މީހެއް. އޭރުވެސް ސޭފްޓީ ބޫޓު ގަނޑެއް ލިބެނީވެސް ވެރިންނާ ދެބަސްވެ އެމީހުންނަށް މަޖުބޫރުވެގެން. މަސައްކަތުމީހުންގެ ފަޔަށް މޮހޮރު ހެރިގެން ޑޮކްޓަރ އަށް ދައްކަން ކުރަންޖެހޭ ޚަރަދު އޭރުވެސް ބޮޑު އެންމެންނަށް ސޭފްޓީ ބޫޓު ގަންނަންދާނެ ޚަރަދަށްވުރެ. ތިޔަކަހަލަ ކަންކަން މެދުވެރިވަނީ ތަންފީޒީ އިދާރާތައް މުޅިން ފޭލްވީމަ.
ޑެއިޒީ
23 June 2017
ޕިސްޕިސް އެއްވެސް ކަމެއްގަ ތަފްސީލެއް ދެވެނީކީ ނޫން. ސުރުހީ އަކުން ފުއްދާލަން މިޖެހެނީ މިހާރު.
):
23 June 2017
إِنَّا لِلّهِ وَإِنَّـا إِلَيْهِ رَاجِعونَ އާއިލާ މީހުންނާ ދުރުގަ އެހެން ނިމިގެން ދިއުމުން ކިހާ ދެރަ. އޭނާގެ އާއިލާ އާއި ރައްޓެހިންނަށް ހިތްވަރު ދެއްވާށި.
ޖަމަލުފޮޑި
23 June 2017
ވާނެއެއްޗެއްވީމަ ތަހުގީގު ކެކެކޭ
ބުރުހާނުއްދީން ރައްބާނީ
23 June 2017
ބިދޭސިއެއް މަރުވެއްޖިއްޔާ އެ އޯކޭވާނެ. މީ މިހާރު އަހަރެމެންގެ މެންޓަލިޓީއަކީ. އެކަމަކު ވިސްނާލަންޖެހޭ ތަންކޮޅަކީ އެމީހުންނަކީ ހަމަ އެހެން އިންސާނުންފަދަ އިންސާނުންކަން.