ގަތަރުގެ ޚާރިޖީ ވަޒީރު ޝެއިޚް މުހައްމަދު: ގަލްފުގެ ގައުމުތަކުން ކުރިމަތިކުރި ޝަރުތުތައް ގަބޫލް ނުކުރާނެ ކަމަށް ވިދާޅުވި. --ފޮޓޯ:އޭޕީ
02 ޖުލައި 2017 - 11:33
9 comments
ރޯމް (ޖުލައި 2) - ގަތަރާ ދެކޮޅަށް އަޅާފައިވާ ފިޔަވަޅުތައް އުވާލުމަށް ކުރި 13 ޑިމާންޑުގެ ތެރޭން އެއްވެސް ޝަރުތެއް ގަބޫލް ކުރެވެން ނޯންނާނެ ކަމަށް ޚާރިޖީ ވަޒީރު ޝެއިޚް މުހައްމަދު ބިން އަބްދުއްރަހުމާން އަލް ސާނީ ވިދާޅުވެއްޖެ އެވެ.
އިޓަލީގެ ރޯމުގައި ވާހަކަ ދައްކަވަމުން ޝެއިޚް މުހައްމަދު ވިދާޅުވީ ގަތަރަށް ކުރި ޑިމާންޑްތަކަކީ ގައުމެއްގެ އިސްތިގްލާލަށް އަރައިގަތުން ކަމަށް އެންމެންނަށް ވެސް އެނގޭ ކަމަށާއި އެހެންވެ އެ ހުރިހާ ޝަރުތަކާ ވެސް ދެކޮޅު ހަދާނެ ކަމަށެވެ.
"އަޅުގަނޑުމެން އެންމެންނަށް ވެސް އެނގޭ ދުނިޔެ ހިނގަނީ ވަކި ބަޔަކު ކުރާ ޑިމާންޑްތަކެއްގެ މައްޗަށް ބިނާކޮށްގެން ނޫން ކަމަށް. ދުނިޔެ ހިންގަން ޖެހޭނީ ބައިނަލްއަގުވާމީ ގާނޫނުގެ މަތިން. އެއީ ބޮޑެތި ގައުމުތަކުން ކުޑަ ގައުމުތަކުގެ މައްޗަށް ބުލީ ނުކުރާ ސިޔާސަތު،" ޝެއިޚް މުހައްމަދު ވިދާޅުވި އެވެ.
ގަތަރުގެ ޚާރިޖީ ވަޒީރު މި މޭރުމުން ވާހަކަ ދެއްކެވި އިރު ވަނީ ޑިމާންޑްތައް ފުރިހަމަ ކުރަން ގަތަރަށް ދިން 10 ދުވަހުގެ މުހުލަތު ހަމަވާން 24 ގަޑިއިރަށް ވުރެ ވަގުތު ކުޑަތަންވެފަ އެވެ.
ޝެއިޚް މުހައްމަދު ވިދާޅުވީ ގަތަރަށް ކުރިމަތިކުރި ޝަރުތުތައް ގަބޫލްނުކޮށްގެން އަސްކަރީ ފިޔަވަޅު އެޅި ނަމަވެސް ބިރު ނުގަންނާނެ ކަމަށެވެ.
ގަތަރަށް ކުރި 13 ޑިމާންޑުގެ ތެރޭގައި އަލް ޖަޒީރާ ނެޓްވޯކް ބަންދު ކުރުމާއި ތުރުކީގެ އަސްކަރީ މަރުކަޒު ބަންދު ކުރުމާ އަދި އީރާނާ ގުޅުން ބަދަހި ނުކުރުން ހިމެނެ އެވެ.
ސައުދީ އަރަބިއާ އިސްވެ ޔޫއޭއީ އާއި ބަހުރޭން އަދި މިސްރުން ގަތަރާ ސިޔާސީ ގުޅުން ކަނޑާލުމަށް ފަހު އިގްތިސާދީ ދަތިކުރުމުގެ ފިޔަވަޅުތައް އެޅީ ގަތަރުން ޓެރަރިޒަމަށް ވާގިވެރިވާ ކަމަށް ބުނެ އެވެ. ޝެއިޚް މުހައްމަދު ވިދާޅުވީ އެ ގައުމުތަކުން ބުނާހާ ގޮތަކަށް ތަބާ ނުވާ ގައުމެއްވެއްޖެ ނަމަ ސިފަ ކުރަނީ ޓެރަރިސްޓް ގައުމެއްގެ ގޮތުގައި ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުޑޭ
03 July 2017
ސާބަހޭ! ތިޔައީ ގޮތަކީ
މެކުސް
03 July 2017
ގަތަރާ ދެކޮޅައް ކޮމެންޓު ކޮއްފަހުރީ މުޅިންވެސް ގަމާރު މީހުން
ވަތަނަބޭ
02 July 2017
ކިހާވަރެއް ދީގެން ކޮމެންޓްކުރާ ގްރޫޕެއްބާ މިއުޅެނީ؟
ދަހޯކްސް
02 July 2017
ގަތަރުގެ ޚާރިޖީ ވަޒީރު އޮޅުވާލާ މަކަރާއި ހީލަތުން މިހާރު ތިޔާ ދައްކާ ވާހަކަ ތަކަށް ޕޮލިޓިކަލް ސައެންސް ގެ ޓާރމްސް ތަކުން ކިޔާނީ އެއީ ދަ ހޯކްސް ދޯ. ތިޔާއީ ގަތަރުން މިހާރު ޓެރެރިސްޓުންނަށް ވާގިވެރި ވެއޭ ސައުދީން ބުނުމުން އެކަން ފޮރުވަން ވެގެން ފަތުރާ ޕްރޮޕެގެންޑާ ދޯ. ގަތަރުގެ ޚާރިޖީ ވަޒީރު ތިޔާ ބުނަނީ އެއީ އަޅުގަނޑުމެން އެންމެންނަށް ވެސް އެނގޭ ދުނިޔެ ހިނގަނީ ވަކި ބަޔަކު ކުރާ ޑިމާންޑްތަކެއްގެ މައްޗަށް ބިނާކޮށްގެން ނޫން ކަމަށް. އެހެންތޭ. ދުނިޔެ ހިނގަނީ ވަކި ބަޔަކު ބުނާ ޑިމާންޑް ތަކަށް. ތަމެން ބަލާ އަލިފުދާލުގެ ސަލާމަތީ މަޖްލީހުގެ ދާއިމީ މެމްބަރު ކަން ކުރާ ހަތް ގައުމު. އޭގެއިން އެގިގެން ދަނީ ދުނިޔެ ހިނގަނީ އެއީ ވަކި ބަޔަކު ބުނާ ޑިމާންޑްސް ތަކަަށް ކަމަށް. ގަތަރުން ލީބިޔާ ގައި ތިބި ހަނގުރާމަވެރިންނަށް ފައިނޭންސް ކުރޭ އަދި އެމެންނަށް ގަތަރުން ހެބިޓެޓް ދޭ. ހަމަ މިހާރު ގަތަރުން ބޯ ލަނބަންވީ ސައުދީ ކޯލިޝަން އިން ހުށައެޅި 13 ޑިމާންޑަށް. ހަމަ މިހާރު އެގޮތަށް ބޯލަނބާ ފުރަތަމަ ވެސް އަލްޖްޒީރާ ބަންދުކުރަންވީއެވެ.
ދަ ކޮސް
03 July 2017
ކަލޯ ޕޮލިޓަކަލް ސައިންސް ހަދާލަ ހަދާލަ ހުރޭ ގަތަރު ހިތަކަށް ނާރާނެ ....ވަކެ ކޭވެސް.
ނިންމާދީ
02 July 2017
ގަތަރަށް ކުރި އެއްވެސް ޑިމާންޑެއް ގަބޫލެއް ނުުކުރެވޭނެ ކަމަށް ގަތަރުގެ ޚާރިޖީ ވަޒީރު ވިދާޅުވާނަމަ ގަތަރު ގެ ޚާރިޖީ ވަޒީރު ގެއަށް ކަނޑާލަންވީ އެވެ. ގަތަރު ޖެހޭނީ ސައުދީން އިސްވެ އޮވެ އުފެއްދި ކޯލިޝަން އިން ގަތަރަށް ހުށައެޅި 13 ކަމަށް ފުރިހަމަ އަށް ބޯލަނބާ ކިޔަމަންވާށެވެ. އެނޫން ނަމަ ގަަތަރު ޖެހޭނީ ސިވިއަރ އޮނޮމިކް ސެންކްޝަންސް ތަކާއި ކުރިމަތިލާން އެވެ. މިސްރުގެ ސްވޭސް ކެނަލް ގަަތަރަށް ބަންދު ވުމުން ދެން ގަތަރަށް ޔޫއަޕް އިން މުދާ އެތެރެ ކުރަން ޖެހޭނީ ސައުތު އެފްރިކާގެ ކޭޕް ޓައުން އިން ލައިގެން ދޯ. އެހެން ވެއްޖެނަމަ ދެން ތަމެންގެ ދުވަސް އެދިޔާ ދޯ. ދުބާއީ ޕޯރޓް ވެސް ބަންދު ގަތަރަށް. މާދަމަ އަކީ އެއީ ގަތަރަށް ދިން 13 ކަމަށް ގަތަރުން ބޯލަނބަން ޖެހޭނެ ފަހު ދުވަސް. ގަތަރަށް ނޯންނާނެ ބޯ ލެނބުން ނޫން އިތުރު އެއްވެސް ޗޮއިސް އެއް ވެސް އަދި އިތުރު އެއްވެސް އެކްސްކިއުޒެއްް ވެސް. މިމަގުން މިކަން ހިނގަން ޖެހޭނެއެވެ. އެނިމުނީ އެވެ.
ވިސްނަބަލަ
02 July 2017
ގަތަރަށް ކުރި ހުރިހާ ޑިމާންޑެއް ޖެހޭނީ ގަތަރުން ފުރިހަމަ އަށް ބޯލަނބާ ކިޔަމަންވާން. ގަތަރަށް ގަތަރުގެ ސައިޒު އަންގާލަ ދެވިދާނެ މިސްރުގެ ސްވޭޒް ކެނެލް ބަންދު ކޮށްލުމުން އަދި ލީބިއާ އާއި މިސްރު އާއި ޔޫއޭއީ އާއި އަދި ބަހުރެއިންގެ ވައިގެ ސަރަހައްދު ބަންދުކޮށްލީމާ ދެން ތަމެން އިނދަ ޖެހޭނެ ދޯ. ވިސްނަ ބަލަ ގަތަރުން.
މޫސަ
02 July 2017
އެސަރަޙައްދަކީ ތިވިދާޅުވާ ގޮތަށް އޮތްތަނެއްނޫން ގަތަރަށް އެއްވެސް ކަމެއް ނުކުރެވޭނެ އެމެރިކާ ސައުދީއަށް ތާއީދުކޮށް ހަގުރާމަވެރި އަމަލެއް ހިންގަން ވިސްނިޔަސް ޤަތަރުގައި ތިބި އެމެރިކާގެ ސިފައިންނާއި ހަތިޔާރާއި ކަންތައް މަތިން ހަދާން ނައްތާލަން ޖެހޭނީ. ސައުދީއަށް ވެގެން އުޅޭގޮތަކީ ދިވެހިރާއްޖެ ކާލިހެން ސަލްމާންގެ އާއިލާއިން ސައުދީކައި ހުސްކޮށްލީ ދެން އެއްޗެއްނެތީމާ ބަހަނާ ދައްކައިގެން ސައުދީ ބޭންކްތަކުގައި ޤަތަރުގެ ހުރި އެތައް ބިލިއަން ޑޮލަރެއް ސީސީއާއި ވަގަށް ޕްރިންސްކަން ނެގި މުޙައްމަދު ކާލަން ބޭނުންވީ.
ކާށިހޮވާ
02 July 2017
އޭއި މޫސަ ތަމެން ސައުދީ ގެ ކަންކަމުގެ ތެރެއަށް އަދި ގަތަރުގެ ކަންކަމުގެ ތެރެއަށް ނުބޭނި ދަގަ މާޅޮހަށް. މިކަމާއި ނޫޅެ ތަމެން މާޅޮހަށް ގޮސް ރަށުތެރޭން މުޑި ކާށި ހޮވަން އުޅެގަ އިނގޭ. ކާށިހޮވާދޯ.