ސަން އައިލެންޑް ރިސޯޓުގައި މީހަކު ފްލައިބޯޑު ދުއްވަނީ: މިފަހަރުގެ އީދު ބަންދަށް އެ ރަށަށް ގިނަ އަދަދެއްގެ ބަޔަކު ދިޔަ. ފޮޓޯ: ސަން އައިލެންޑް ރިސޯޓް
02 ޖުލައި 2017 - 14:47
11 comments
މިދިޔަ އީދު ބަންދުގައި 1،000އަށް ވުރެ ގިނަ ދިވެހިންް ސަން އައިލެންޑް ރިސޯޓުގައި އާއިލާއާއެކު ޗުއްޓީ ހޭދަކޮށްފި އެވެ.
ރާއްޖޭގައި ހިންގާ އެންމެ ބޮޑު ރިސޯޓުގެ ޖެނެރަލް މެނޭޖަރު ޑރ. އަބްދުﷲ މައުސޫމް މިއަދު ވިދާޅުވީ މިދިޔަ މަހުގެ 25ން ފެށިގެން 30ގެ ނިޔަލަށް މުޅި ރިސޯޓް އެއްކޮށް ފުލްވި ކަމަށެވެ.
"މިފަހަރުގެ އީދު ޗުއްޓީގައި އަޅުގަނޑުމެންނަށް އާދަޔާ ހިލާފު ބޮޑު ތަރުހީބެއް ލިބިގެންދިޔަ. އަޅުގަނޑުމެން މިފަހަރުގެ ޕެކޭޖް ހެދީ ވީހާ ވެސް ގިނަ ދިވެހިންނަށް އާދެވޭނެ އަގެއްގައި،" އޭނާ ވިދާޅުވި އެވެ.
ސަން އައިލެންޑްގެ ޕޫލުގައި ކުޑަކުއްޖަކު ފަތަނީ: މިފަހަރު އީދު ބަންދާ ދިމާކޮށް 300 ވުރެ ގިނަ ކުޑަކުދިން ވެސް ދިޔަ.
ޑރ. މައުސޫމް ވިދާޅުވީ އީދު ބަންދަށް 1،000 އަށް ވުރެ ގިނަ މީހުން އެ ރިސޯޓަށް ދިޔައިރު އޭގެ ތެރޭގައި 300 އަށް ވުރެ ގިނަ ކުޑަކުދިން ވެސް ހިމެނޭ ކަމަށެވެ. އަދި މިދިޔަ މަހުގެ 28، 29ގައި ކޮންމެ ދުވަހަކު 500 ދިވެހިން އެ ރިސޯޓުގައި ޗުއްޓީ ހޭދަކޮށްފައިވާ ކަމަށް ވެސް އޭނާ ވިދާޅުވި އެވެ.
"ގިނަ މީހުން އައީ ފެމިލީ ހޮލިޑޭއެއް ހޭދަކޮށްލަން ދަރިން ވެސް ގޮވައިގެން. އަޅުގަނޑުމެން ޕެކޭޖް ހެދީ ދަރިން ގެންނަން ހިތްވަރު ލިބޭ ގޮތަށް ތަފާތު ކުޅިވަރުތައް ވެސް ހިމަނައިގެން،" އޭނާ ވިދާޅުވި އެވެ.
ޑރ. މައުސޫމް ވިދާޅުވީ 1،000 އަށް ވުރެ ގިނަ މީހުންނަށް ޗުއްޓީ ތެރޭގައި ހިދުމަތް ދިންއިރު ރިސޯޓުގެ މުވައްޒަފުންގެ ފަރާތުން ވަރަށް ބޮޑު އެއްބާރުލުމެއް ލިބުނު ކަމަށެވެ.
"އަޅުގަނޑުމެންގެ މުވައްޒަފުން މިފަހަރު މަސައްކަތްކުރީ ވަރަށް ބަދަހި ޓީމެއްގެ ގޮތުގައި. އެހެންވެ އެހާ ކާމިޔާބުކަމާއެކު މިކަން ކުރިޔަށް ގެންދެވުނީ. އަޅުގަނޑުމެންނަށް ގެސްޓުންގެ ފަރާތުން ލިބުނީ ވަރަށް ހިތްހަމަޖެހޭ ކަމުގެ ވާހަކަތައް،" އޭނާ ވިދާޅުވި އެވެ.
ޑރ. މައުސޫމް ވިދާޅުވީ މިފަހަރުގެ ތަޖުރިބާއަށް ފަހު ދިވެހިންނަށް ކޮންމެ ހަފުތާ ބަންދެއްގައި ޗުއްޓީ ހޭދަކުރުމުގެ ފުރުސަތު ދިނުމަށް ހާއްސަ ޕެކެޖެއް ތައާރަފްކޮށްފައިވާ ކަމަށެވެ. އެ ޕެކޭޖް ހަދާފައި ވަނީ ހަފުތާ ބަންދުގެ ޗުއްޓީ ހޭދަކުރަން ބޭނުންވާ ފަރާތްތަކަށް ވަރަށް ފަސޭހައިން ދަތުރުކުރެވޭނެ ގޮތަށް ކަމަށް ވެސް އޭނާ ވިދާޅުވި އެވެ.
މި ޕެކޭޖްގެ ދަށުން ޗުއްޓީ ހޭދަކުރަން ބޭނުންވާ ފަރާތްތަކަށް ހާއްސަ ފްލައިޓެއް އަޅުގަނޑު ބާއްވަން ވަނީ ހަމަޖައްސާފައި. އެގޮތުން މާލެއިން ފުރުން އޮންނާނީ ބުރާސްފަތި ދުވަހު ހަވީރު 5:00ގައި. އަދި މި ރިސޯޓުން މާލެ ދިއުމަށް ފުރާނީ ހޮނިހިރު ދުވަހު ހަވީރު،" ޑރ. މައުސޫމް ވިދާޅުވި އެވެ.
އޭނާ ވިދާޅުވީ ހަފުތާ ބަންދުގެ ދަތުރުތައް ހަމަޖައްސާފައި ވަނީ ކުރިއާލައި ބުކްކުރެވޭ ގޮތަށް ކަމަށެވެ. އެކަމަށް ހާއްސަ ފޯނު ނަންބަރަކާއި އީމެއިލެއް ވެސް އެ ރިސޯޓުން މިހާރު ވަނީ ހަމަޖައްސައިފަ އެވެ.
"ދަތުރުކުރުން އެއްވެސް ދައްޗެއް ނުވާ ގޮތަށް ރާވާފައި ވަނީ. މީގެ އިތުރުން މިފަހަރުގެ މިނިވަން ދުވަހާ ދިމާކޮށް ވެސް ޕެކޭޖް ތައާރަފްކުރާނަން. ކުރިއާލައި ޗުއްޓީ ބުކްކުރާ ފަރާތްތަކަށް ފްލައިޓް ކަށަވަރުވާނެ ގޮތަށް ހަމަޖައްސާނީ،" ޑރ. މައުސޫމް ވިދާޅުވި އެވެ.
ސަން އައިލެންޑުން އީދު ބަންދާ ދިމާކޮށް ވިއްކި އެ ޕެކޭޖްގައި ހިމަނާފައި ވަނީ އެ ރިސޯޓުގެ ސަން ވިލާ ނުވަތަ ބީޗް ވިލާގައި ހުރުމާއި ތިން އިރުގެ ކެއުމާއި ހަވީރު ސަ އެވެ. ސަން ވިލާގައި ހުރުމަށް ނެގީ ދެ މީހަކަށާއި ކުޑަ އެއް ކުއްޖަކަށް ރެއަކަށް 1،600ރ. އެވެ. އަދި ބީޗް ވިލާއަށް ނެގީ ދެ މީހަކަށާއި ކުޑަ ކުއްޖަކަށް ރެއަކަށް 2،000ރ. އެވެ. އޭގެ އިތުރުން ދަތުރުގެ ހަރަދުގެ ގޮތުގައި ބޮޑު މީހަކަށް 800ރ. އަދި ކުޑަކުއްޖަކަށް 500ރ. ވަކިން ޗާޖުކުރި އެވެ.
ވިލާ ހޮޓެލްސްއިން ހިންގާ ރިސޯޓުގައި 462 ކޮޓަރި ހުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޚޔ
03 July 2017
ޢެހެން ގޮތެއްނެތިގެން ދިވެހިންނަށް ވިއްކަން ފެށީ. ދިވެހިންނަށް ނުވިއްކިނަމަ ރަށް އޮއްނާނީހުސްކޮށް. ރޭޓްތަށް ރަގަޅު. ވީކުއެންޑު ގަވެސް ދިވެހިން ތިރަށް ފުރޭވަރަށް ދާނެ ތިރޭޓް ގަ. ބަޑޮސް ވެސްއޮތީ ތިވަރަށް ފުރިފަ. ހަމަހުސް ދިވެހިން.
ޙަސަން / ހިތަދޫ
03 July 2017
މިކަމުން އެނގިގެން މިދަނީ ރާއްޖޭގެ ރިސޯރޓު ތަކުގެ ޖަނަރަލް މެނޭޖަރުންގެ ގޮތުގައި ދިވެހި ހިތްވަރުގަދަ ބޭފުޅުން ބޭނުންވާވަރު.!!! ޑރ. މައުސޫމު ( މައު ) އައް ވަރައް ބޮޑައް ޝުކުރު ދަންނަވަން.. އަޅުގަނޑަކައް އަދި ޔަކު ރިސޯރޓައް ޗުއްޓީ އައް ދިއުމުގެ ފުރުސަތެއް ނުލިބޭ ރަށުގައި ދިރި އުޅޭތީވެއާއި އެކު، ނަމަވެސް އަޅުގަނޑުގެ އާއިލީ ބަޔަކު މި ބޮޑު ޗުއްޓީގައި ސަން އައިލޭންޑުގައި ޗުއްޓީ ހޭދަކޮށްފައިވޭ އަދި އެބޭފުޅުންގެ ފީޑި ބެކު އަޅުގަނޑައް ލިވިފައިވޭ.. ޑރ. މައުސޫމު އަދި މައު ގެ ބަދަހި ޓީމައް ހިތްވަރު ދިނުމުގެ ގޮތުން މިފުރުސަތުގެ ބޭނުން ހިފީމެވެ.
އުސްމާން
03 July 2017
ސަން އައިލެންޑްގެ ހަބަރުތަކާ ގާސިމް އިބްރާހިމް ގެ ހަބަރުތަކާ ގާސިމްގެ މުވައްޒަފުންގެ ހަބަރުތަކާ މިހާރު ނޫހުގަ ގިނަވުމަކީ ހަމަ އިއްތިފާގެއްބާ.
ސަމީނާ
03 July 2017
އަހަރެން ވެސްމިފަހަރުދިޔައިން ވވވވވވވވވވ ސަޅި. މިއަންނަ އަހަރުވެސް މަމިހުރީތައްޔާރަށް. ސަންނައްދާން. ކޮމްމެ ދިވެއްސަކުވެސް ތަޖްރިބާ ކޮއްލައްވާ.
ބެއްޔާ
03 July 2017
ސާބަހޭ މައުސް. ދިވެިންނަށް ދިވެހިންގެ ރިޒޯރޓް ގުއި ޗުއްޓީ ހޭދަކޮށްލުން. ގަދަ. ގިނަ ރިޒޯރޓް ތަކުގައި 30 ޕަސެންޓް އޮކިއުޕަންސީ
ުޔޫ
03 July 2017
ހުރިހާޚާ ޚިދުމަތެއް ވެސް ވ ފުރިހަމަ. ޑރ. މައުސޫމް އާއި ރިސޯރޓްގެ ހީވާގި މުވައްޒަފުނަށް ޝުކުރިއްޔާ.
އުމަރު
02 July 2017
ދިވެހިންނަށް ރިސޯޓްތަކުގައި ރަނގަޅު ޕެކޭޖު ހުންނަނަމަ ސިރީލަންކާއަކަށް ދިވެހިން ނުދާނެ، އެހެންކަމުން ދިވެހިންނަށް ހާއްސަކޮށްގެން ޕެކޭޖު ހަދައި އަދި ދިވެހިންނަށް އެފޯޑްކުރެވޭނެގޮތަކަށް ރިސޯޓްތަކުން އަގުތަށް ހަމަޖެއްސުން މުހިންމު، އެގޮތުން ނުފުރި ހުންނަ ކޮޓަރިތަށް ފުރާލެވޭނެ
އަހްމަދް
02 July 2017
އަޅުގަނޑުވެސް ދިޔައިން. ސަންގެ ހީވާގި މުވައްޒަފުންގެ ހިދުމަތް ވަރަށް ފުރިހަމަ. ޑރ މައުސޫމްގެ ޓީމަށް ވަރަށްބޮޑަށް ޝުކުރިއްޔާ.. އިރާދަކުރެއްވިޔާ އަދިވެސް ދާނަން.
ދަވޭ
02 July 2017
އީދު ބަންދުގައި ސަން އައިލެންޑް އަށް 1000 އަށް ވުރެން ގިނަ ދިވެހިން ދިޔަ ނަމަ މިހާރު އެބަޖެހޭ މާލެ ސަރަހައްދުން ފަޅެއް ހިއްކައިގެން އެފަޅުގައި 1000 ވިލާ ހިމެނޭ ރިިސޯރޓެއް ލޯކަލް މީހުންނަށް ޓާރގެޓް ކޮށް ގެން މެޑިކަލް ޓޫރިޒަމް ތައާރަފް ކުރަން. އެކަން އެގޮތަށް ވެއްޖެނަމަ އެކަމަކީ އެއީ ވަރަށް ރަނގަޅު ކަމެކެވެ.
ޖިމީ
02 July 2017
ބައެއް ރިސޯޓްތަކަކީ ދިވެހިން އެރުންވެސް މަނާ ރިސޯޓްތައް..ރިޒަވޭޝަން ހައްދަން ގުޅީމަ އެބަހުރި އެހެން ބުނެފަ..އެހެންކަމުން ގާސިމް އަދި ވިލާ ކުންފުންޏަށް ޝުކުރު !