އދ. ގެ އިންސާނީ ހައްގުތަކާ ބެހޭ ކައުންސިލްގެ ބައްދަލުވުމެއް: ރާއްޖެއިން ވާދަކުރާނެ ދައުރެއް ވަރަށް އަވަހަށް އިއުލާން ކުރާނެ ކަމަށް ސަރުކާރުން ބުނޭ
05 ޖުލައި 2017 - 23:48
13 comments
އދ. ގެ އިންސާނީ ހައްގުތަކާ ބެހޭ ކައުންސިލްގެ ކުރިއަށް އޮތް ދައުރަށް ކުރިމަތިލުމަށް ފަހު ރާއްޖެއިން ނަން އަނބުރާ ގެންގޮސްފި އެވެ.
އިންސާނީ ހައްގުތަކާ ބެހޭ ކައުންސިލްގެ 2018 ވަނަ އަހަރުން 2020 ވަނަ އަހަރުގެ ނިޔަލަށް ހޮވާ މެމްބަރު ކަމަށް ރާއްޖެއިން ކުރިމަތިލުމަށް ފަހު ނަން އަނބުރާ ގެންދިޔައީ އޭގެ ފަހުގެ ދައުރަކަށް ކުރިމަތިލުމަށް ކަމަށް ޖެނީވާގައި ހުންނަ ރާއްޖޭގެ މިޝަނުން ނެރުނު ބަޔާނެއްގައިވެ އެވެ. ރާއްޖެއިން ދެން ވާދަކުރާނީ އެ ކައުންސިލްގެ ކޮން ދައުރަކަށް ކަން ވަރަށް އަވަހަށް އިއުލާން ކުރާނެ ކަމަށް ވެސް އެ ބަޔާނުގައިވެ އެވެ.
އދ. ގެ ދެ ވަނަ އަށް އެންމެ ބާރުގަދަ ގުނަވަނުގެ ގޮތުގައި ބެލެވޭ އިންސާނީ ހައްގުތަކާ ބެހޭ ކައުންސިލްގެ މެމްބަރުކަން ދެ ދައުރަކު ރާއްޖެއިން ވަނީ ކޮށްފަ އެވެ.
ރާއްޖެއިން މިހާރު މަސައްކަތް ކުރަމުން އަންނަނީ އދ. ގެ އެންމެ ބާރުގަދަ ގުނަވަން ކަމަށްވާ ސަލާމަތީ މަޖިލީހުގެ ވަގުތީ މެމްބަރުކަން ހޯދުމަށެވެ. އަންނަ އަހަރު ބާއްވާ އެ ކައުންސިލްގެ އިންތިޚާބުގައި ރާއްޖެއާ އެކު ވާދަކުރަނީ އިންޑޮނީޝިއާ އެވެ.
އިންސާނީ ހައްގުތަކާ ބެހޭ ކައުންސިލްގެ އަންނަ ދައުރަށް ކުރިމަތިނުލާން ރާއްޖެއިން ނިންމިއިރު ރާއްޖޭގެ އިންސާނީ ހައްގުތަކުގެ ހާލަތާ މެދު ބައެއް ގައުމުތަކުން ވަނީ އެ ކައުންސިލްގައި ކަންބޮޑުވުން ފާޅުކޮށްފަ އެވެ. އެކަމަކު އެ ކަންބޮޑުވުންތަކަށް ރާއްޖެއިން ވަނީ ރައްދު ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕީޕީެެމް އެމް
10 March 2018
ޥެއަރޒް ދަޓް ސްމާރޓް ކޯޑިނޭޓަރ ފިޝިން؟؟؟؟
އަލްޖިބްރާ
06 July 2017
އެހެންވެގެނެއް ނޫން ! އެތަނުގައިވެސް ބޭޒާރުވެ ފަޟީހަތް ވުން ނޫން ކަމެއް ނުވާނެތީ ، ނުކެރުނީ !
ބަތޫކް
06 July 2017
ޔޫއެންއެޗްއާރުގެ ގޮޑިއެއްރާއްޖެއަށް ނުލިބޭނެ އެހެނީ ރާއްޖެގައި ޔާމީނުވެރިކަމަށްއައިސް ތިބިހައި ސިޔާސީމީހުންނާއި ސިޔާސީހަރަކާތް ހިންގިޔަނުދިނުމާއި ގިނައަދަދެއްގެމީހުންހައިޔަރުކޮށް ލާއިންސާނީހައްގުތައްވަނީ އަރައިގެންފައެވެ މިހެންވެ ރާއްޖެއަކަށް މިގޮޑި ނުލިބޭނެވެ އަދި ރާއްޖޭގެ ހާލަތުމިގޮތުގައިވަނިކޮށް ބޭރުންނާއި އެތެރެން ތާއީދެއްނުލިބުނީއެވެ
ފަތުހީ
06 July 2017
45 ޑިގްރީއަށް ޤައުމުގެ ސިޔާސީ މަސްރަޙް ހޫނުވީމަ ހުރިހާ ގަޓެއް ތެލަށްވެގެން މިހިރަ ފައިބަނީ!
ބޭބެ
06 July 2017
ޔަމީނުގެ ސަރުކާރުން " އިންސާނީ ހައްޤު " ތަކޭ ކިޔާ އަޑުއުފުލަން ވަރަށް ލަދުވެތި ....
ބަތޫކް
06 July 2017
ޜާއްޖޭގެއިންސަނީހައްގުތަކަށް ޔާމީނުވެރިކަމަށްއައިފަހުން ވަނީވަރަށްބޮޑަށް އަރައިގެންފައެވެ އަދި ކިޔެއް ބައިނަލްލަގުވާމީގޮތުންވަނީ ވަރަށްބޮޑަށް ރާއްޖޭގެ އިންސަނީހާލަތު ގޯސްވެފައިވާކަމަށް ބުނެ އެކަންވަނީ ރަގަޅުކުރުމަށްއަންގާފައި އޮވެމެ ދެން ރާއްޖެއިންމަސައްކަތްމިކުރަނީ ޔޫއެންއެޗުއާރުގެ ގޮޑިހޯދުމަށެވެ ހައްތާވެސްވީ ފަސީހަތެވެ ލާއިންސާނީ އަމަލުތައްހިންގުންދާކަން ދުނިޔެދެކޭއިރު މިކަންވަނީ ޔާމީނަށްނާކާމިޔާބުވެފައެވެ
އާދެ
06 July 2017
އިސްލާމީ ގައުމަކަށްވެހުރެ ތިޔަ ގެއްލުވާލީ ވަރަށް މުހިއްމު ފުރުސަތެއް. ޔޫއެންގަ އިންސާނީ ހައްގުތަކޭ ކިޔަގެން ވަރަށް ގިނަ ބަހުސްކޮށް އިސްލާމް ދީނާ ޚިލާފަށް ކަންކަން ނިންމާއިރު އެކަންކަމުގެ ގޯސްކަން ކިޔާދީ އެއާ ދެކޮޅަށް ވޯޓު ލާން އޮތް ފުރުސަތު ތިޔަ ގެއްލުވާލީ.
ދުންޔާ
06 July 2017
ލޮލް. ކޮންމެހެން ލޮލުގަ އަނދުން އަޅުވަން އުޅޭނެކަމެެއްނެތް. މެމްބަރުކަން ނުލިބޭނެކަން އެނގޭތީ ވިތްޑްރޯކުރީ. ކިހިނެއްތަ ހިއުމަން ރައިޓްސް ނިގުޅައިގަނެގެން އުޅޭ ސަރުކާރަކަށް މެމްބަރުކަން ލިބޭނީ؟ އަދި މެމްބަރަކަށް ވެއްޖިއްޔާ ކައުންސިލަށް ޖަވާބުދާރީވެސް ވާންޖެހޭނެ. ޔާނުއަށް ބޭނުންހާ ގޮތަކަށް ނޫޅެވޭނެ
ހިތި ޒަހަރު
06 July 2017
ޔާ ޤައުމު! ޔާ ޤައުމު! އިންސާނީ ހައްގުތަކާ ބެހޭ ކައުންސިލްގެ އަންނަ ދައުރަށް ކުރިމަތިނުލާން ރާއްޖެއިން ނިންމައިފިޔޯ! ޔާ ޤައުމު! އަޑުއިވޭތަ؟
ޖޯޖް
06 July 2017
ކަލޯ ލަދެއް ނުގަނޭތަ ތިވރު ކަމަކާ ކުރިމަތހިލާން ހިތައް އެރުވި އިރުވެސް