ޕީޕީއެމްގެ ބައްދަލުވުމެއްގައި، ރައްޔިތުންގެ މަޖިލިސް ތަމްސީލްކުރައްވާ އެ ޕާޓީގެ އިސް ބޭފުޅުންތަކެއް. ---ފޮޓޯ: ނިޝާން އަލީ/މިހާރު
06 ޖުލައި 2017 - 13:08
32 comments
ރައްޔިތުންގެ މަޖިލިހުގެ ރައީސް އަބްދުﷲ މަސީހުގެ އިތުބާރު ނެތްކަމުގެ މައްސަލާގައި ސޮއިކުރެއްވި ޕީޕީއެމްގެ ބައެއް މެމްބަރުންނާ "ނުގުޅިގެން"، އެ ޕާޓީގެ އިސް ބޭފުޅުންތަކެއް ހިމެނޭ ޓީމެއް ރޭ ސްރީ ލަންކާ އަށް ހިނގައްޖެ އެވެ.
ލަންކާ އަށް ވަޑައިގަތީ ޕާލަމެންޓްރީ ގްރޫޕުގެ ލީޑަރު އަހްމަދު ނިހާން އާއި ޕީޕީއެމްގެ ނައިބު ރައީސް، ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ އާއި އިނގުރައިދޫ ދާއިރާގެ މެމްބަރު އިބްރާހިމް ފަލާހުގެ އިތުރުން ނައިފަރު ދާއިރާގެ މެމްބަރު އަހްމަދު ޝިޔާމެވެ.
"މިހާރު" އަށް އެނގިފައިވާ ގޮތުގައި މަސީހާ ދެކޮޅަށް ސޮއިކުރެއްވި ޕީޕީއެމްގެ 10 ބޭފުޅުންގެ ތެރެއިން ދެ މެމްބަރަކު މި ވަގުތު ލަންކާގައި އެބަ ހުންނެވި އެވެ. އޭގެ ތެރެއިން އެކަކީ އިހަވަންދޫ ދާއިރާގެ މުހައްމަދު އަބްދުﷲ (މުހަންމާ) އެވެ.
އެކަމަކު އޭނާ އިއްޔެ ވަނީ، ކުރީގެ ރައީސް މުހައްމަދު ނަޝީދާ ބައްދަލުކުރައްވައި، އިސްލާހީ މަސައްކަތުގައި ދެމިހުންނެވި ކަމުގެ ޔަގީންކަން ދެއްވައިފަ އެވެ.
ޕީޕީއެމް އިސް ޓީމުގެ ބޭނުމަކީ މެމްބަރުން އަނބުރާ ގެނެވޭތޯ މަސައްކަތްކުރުން ކަމަށް އަޑުއަރާފައި ވިޔަސް، ޕާޓީގެ ސެކްރެޓަރީ ޖެނެރަލް ޑރ. އަބްދުﷲ ޚަލީލް ވިދާޅުވީ އެއީ ސަޕޯޓަރުންނާ ބައްދަލުކުރަން ދިޔަ ޓީމެއް ކަމަށެވެ.
"މި އަހަރު ކުރީކޮޅު ވެސް އަޅުގަނޑުމެންގެ ސީނިއަ ޓީމެއް ލަންކާ އަށް ވަޑައިގެންނެވި. ރިޔާސީ އިންތިހާބަށް ވެސް އިންތިޒާމްތައް ހަމަޖައްސަން ހުރުމާ އެކު ލަންކާގައި ތިބި ސަޕޯޓަރުންނާ ބައްދަލުކުރަން އެ ވަޑައިގެންނެވީ،" ޚަލީލް ވިދާޅުވި އެވެ.
މަސީހާ ދެކޮޅަށް ޕީޕީއެމްގެ އެހާ ގިނަ މެމްބަރުން ސޮއިކުރުމާ އެކު ޕާލަމެންޓްރީ ގްރޫޕް ވަނީ ހޫނުވެފަ އެވެ. އެކި މެމްބަރުންނާއި ސަރުކާރާ ދެމެދު އޮތް ގުޅުން ކުޑަކަމުގެ ޝަކުވާތަކެއް ވައިބާ ގްރޫޕްގައި އިއްޔެ ބަދަލުކުރި އެވެ. އެ ޝަކުވާތައް ކުރައްވަން ފެއްޓެވެމުން ރައީސް އަބްދުﷲ ޔާމީން ވަނީ ގްރޫޕުން އެމަނިކުފާނު ނެރެދެއްވަން އެދިވަޑައިގެންފަ އެވެ.
ޕީޕީއެމްގެ ބައެއް މެމްބަރުން ވިދާޅުވާ ގޮތުގައި ޚިޔާލުތަފާތުވުން ބޮޑުވެ މެމްބަރުންތަކެއް ޕާޓީ ދޫކުރައްވާ ހިސާބަށް ދިޔައީ، އެ މެމްބަރުން ފާޅުކުރެއްވި ކަންބޮޑުވުންތަކާއި ދާއިރާތަކުގެ ރައްޔިތުންނަށް ކޮށްދެއްވަން ބޭނުންވި ކަންކަމަށް ސަރުކާރު ތެރެއިން އަޅާނުލައި ފަރުވާކުޑަކުރުމުންނެވެ. އެެ މައްސަލަތައް ހައްލުކުރަން މިހާރު ވަނީ ބައެއް ވަޒީރުންނާއި މަޖިލީހުގެ ބައެއް މެމްބަރުން ހިމެނިވަޑައިގަންނަވާ ގޮތަށް ދެ ކޮމެޓީއެއް ވެސް އުފައްދައިފަ އެވެ.
އެކަމަކު ބައެއް މެމްބަރުން ވިދާޅުވި ގޮތުގައި މިހާރު ވެސް އެކަހަލަ ކިތައްމެ ކޮމިޓީއެއް އުފައްދާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ައައިންސްޓަ
07 July 2017
މިއަދު ހުކުރު ހުތުބާ ގަ ސިހުރެއްގެ ވާހަކަތަ އެދެއްކީ؟
ށަމީއު
07 July 2017
ޢަޅިގަނޑުގެ އިލްތިމާސްއަކީ ތިޔަ ފޯއްމުލަކު މީހާދޫކޮށް މައިތިރިވާން މަސީހު އައުޓް..ގޮރްދޫކޮށްބަލަ މިގައުމު އަމާންތަނަކަށް ހަދާބަލަ.ތިމަސީހްއަށް އަދިވެސްވާވަރު ނުވަނީތަ މިހާރު މަޖިލުގަ ހިފަހައްޓާތާ 25 ހަކައް އަހަރު ވަނީ މީ ހަމަގައިމުވެސް ގޯހެއް އުލެނީ..
ޢަބްދުﷲނާފިޒު
07 July 2017
އޭ ކިކޭ ޚަލީލޫ، ސަޕޯޓަރުންނާ ބައްދަލުކުރަންށޭ، އެހެންދެއްތޮ، މާގިނަ ސަޕޯޓަރުންނެއް ނެތޭ ސްރީލަންކާގައެއް، އެކަން އިނގޭނު 2013ގަ ފަސް ހަބުރަށް ވޯޓު އަޅައިގެން އެންމެން ކޯލިޝަން ހެދީމަވެސް ސްރީލަންކާއިން މެޖޯރިޓީއެއް ނުލިބުނު ދެއްތޮ، ހަނދުމަފުޅު ނެތީވިއްޔާ 2013ގެ އިންތިޚާބުގެ ލަންކާގެ ނަތީޖާ ބަލާލައްވާ، 2018ގަ އަދި އެއަށްވުރެވެސް ދަށް ނަތީޖާ އެއް ފެންނާނެ ކަމަށް އުއްމީދުކުރަނީ، ސޯސަންވިލާ "ޕުރިންސިޕަލް" ވެސް މިހާރު ޒާތަކަށް ފޫކަހައިގެން އުޅޭ ޚަބަރު ލިބޭ.
ލަތީފް ދިއްދޫ
06 July 2017
ހަލީލް ދައްކާވާހަކަ ގަބޫލުކުރާނެ ދިވެއްސެއް މިދިވެހި ރާއްޖޭގެ ސަރައްހަދުގަ ހުރިހެނެއް ހިއެއްނުވޭ. މުޅިންވެސް ހަދަނީ ދޮގު ހެދެނީވެސް ދޮގު. ދައްކާވާހަކަ ނިމެނީ ދިމާ އިދިކޮޅަށް ގޮވަނީ އަތަށް.
ފަހުރު
06 July 2017
އައްސަލާމް އަލައިކުމް. ހުކުރު ދުވަސް ޖެހިއްޖެ. ދިވެހިރާއްޖެއަށް ރަގަޅު ގޮތެއް ވުމަށް އެދި ދުޢާ ކުރާށެވެ. ރަގަޅު ގޮތަކީ ކޮންމެހެން އަހަރުމެން ބޭނުންވާ ގޮތެއް ނޫން.
އުމަރު
06 July 2017
ރައީސް ޔާމީނު އަށް މިހާ ހިސާބުން އެނޖެހެންވާނެ ޕީޕީއެމްގެ އެންމެ އިސް ސަފްގައިތިބި މެންބަރުން މިހާރު ލަންކާއަށް ދިޔައީ އެމީހުންގެ މުސްތަގްބަލް ރާވަންކަން، އެމީހުން ދެން ރާވާނީ 24 ވަނަ ދުވަހަށް ތައްޔާރުވުމަށް އަދި އެމީހުން މިހާރު އެގެންދަނީ ރައީސް ނަޝީދުއާއި ގުޅިފައިވާ ފަރާތްތަކާއި ވާހަކަދައްކަމުން އެހެންކަމުން ދެން އަންނައިރު އެމީހުން ތިބޭނީ ބަދަލުވެފައި، އަދި ރައީސް ޔާމީނު މަގާމުން ދުރުކުރުމަށް ކުރަންޖެހޭ ހުރިހައިކަމެއް ރާވައި ހިންގުމަށް އެމީހުން ލަންކާއަށް އެދިޔައީ
އައިބީ
06 July 2017
ތިގުރޫޕްވެސް ފިލަންވާއިރަށް ރަނގަޅު އެޕާޓްމެންޓެއް ހޯދަންވެގެންތިދިޔައީ
އަފިހުން ގޮއްޔެ
07 July 2017
ދަތުރު ނިންމާފަ އައިސް އިންޑިކޭޓަރު ބުނާނެ ލަންކާގަ ގުއިރޯނެއް ދަމަން ގޮސްފައޭ މިއައީ.
ހަސީން
06 July 2017
ހާލީލް ކޭކޭ!!!! ސަޕޯޓަރުންނާ ބައްދަލުކުރާޝެ މަނިކްފާން ހާދަ މަޖަލޭ މިހާރު!!!
ޙަލީމާދައިތާ
06 July 2017
ދުވެފައްސާ ބަލިކޮއްގެން ފަހަތުންދުވެ އަތުލައިގެން.
ހޫތު
06 July 2017
ފަހު ވަގުތުވެސް ދޮގެއް ހެދޭތޯ ބަލާތި