ދަރުބާރުގޭގައި މިހާރު ކުރިޔަށްދާ ފައިނޭންޝަލް އެކްސްޕޯގައި ރެއިންބޯއިން ހިންގާ ހައުސިން ޕްރޮޖެކްޓްތަކާ ބެހޭ މައުލޫމާތު ކިޔައދެނީ. ފޮޓޯ: އަބްދުﷲ ޖަމީލު /މިހާރު
08 ޖުލައި 2017 - 15:01
6 comments
ރެއިންބޯ ކޮންސްޓްރަކްޝަން އިން މާލެ އާއި ހުޅުމާލޭގައި ހިންގާ ތިން ޕްރޮޖެކްޓެއްގެ 237 އެޕާޓްމަންޓް ވިއްކައިފި އެވެ.
ރާއްޖޭގައި ފުޅާ ދާއިރާއެއްގައި ގެދޮރު އިމާރާތްކުރުމުގެ މަސައްކަތްކުރާ ކުންފުނިން ހުޅުމާލޭގައި އަންނަނީ "އޯޝަން ފްރަންޓް"ގެ ނަމުގައި 145 އެޕާޓްމަންޓް ހިމެނޭ މަތީ ފެންވަރުގެ ކޮންޑޮމީނިއަމްއަކާއި "ރެއިން ކްރެސްޓް"ގެ ނަމުގައި 136 އެޕާޓްމަންޓް ހިމެނޭ ކޮންޑޮމީނިއަމްއަކާއި މާލޭގައި މއ. މަނާގޭގައި 37 އެޕާޓްމަންޓް ހިމެނޭ 15 ބުރީގެ އިމާރާތެއް ހެދުމުގެ މަސައްކަތްކުރަމުންނެވެ.
ދަރުބާރުގޭގައި މިހާރު ކުރިޔަށްދާ ފައިނޭންޝަލް އެކްސްޕޯގައި ރެއިންބޯއިން ހިންގާ ހައުސިން ޕްރޮޖެކްޓްތަކާ ބެހޭ މައުލޫމާތު ދެނީ. ފޮޓޯ: އަބްދުﷲ ޖަމީލު /މިހާރު
މިހާރު ދަރުބާރުގޭގައި ކުރިޔަށްދާ މޯލްޑިވްސް ފައިނޭންޝަލް އެކްސްޕޯގައި އެ ކުންފުނީގެ ސްޓޯލުން އަންނަނީ އެ ތިން ޕްރޮޖެކްޓާ ބެހޭ މައުލޫމާތު ކަސްޓަމަރުންނަށް ދެމުންނެވެ. އެގޮތުން އެ އެޕާޓްމަންޓްތަކުގެ ފްލޯ ޕްލޭނާއި އަގުތަކާއި އަދި އެތަން ނިމޭއިރު ހުންނާނެ ގޮތުގެ ތަފުސީލް މައުލޫމާތު ބޭނުންވާ ފަރާތްތަކަށް ދެއެވެ.
ރެއިންބޯގެ އިސް އޮފިޝަލަކު ވިދާޅުވީ މިހާތަނަށް ރެއިން ކްރެސްޓުން 90 އެޕާޓްމަންޓް، އޯޝަން ފްރަންޓުން ރެއިން 110 އެޕާޓްމަންޓް އަދި މަނާގޭ ހުރިހާ އެޕާޓްމަންޓެއް ވިކިފައިވާ ކަމަށެވެ.
"އަޅުގަނޑުމެންގެ މި ތިން ޕްރޮޖެކްޓަށް ހީނުކުރާވަރުގެ ބޮޑު ތަރުހީބެއް ދަނީ ލިބެމުން. އަދި އެކްސްޕޯގެ ސްޓޯލަށް ޒިޔާރަތްކުރި މީހުންނަށް އެ ޕްރޮޖެކްޓްގެ މައުލޫމާތު ދިނުމުން ވަރަށް ގިނަ ބަޔަކު ވަނީ ޝައުގުވެރިކަން ފާޅުކޮށް އަދި ބައެއް ފަރާތްތަކުން ވަނީ އެޕާޓްމަންޓް ގަންނަން ބުކިން ހަދާފައި،" އޭނާ ވިދާޅުވި އެވެ.
އެ ކުންފުނިން ވަނީ އެ ސްޓޯލަށް ޒިޔާރަތްކުރާ ފަރާތްތަކަށް ވައުޗަރެއް ދޫކުރަމުންނެވެ. އެޕާޓްމަންޓް ގަތުމަށް ބުކްކުރާ މީހުންނަށް ދޫކުރާ ވައުޗަރު ލިބޭ ފަރާތްތަކުގެ މެދުގައި ނެގޭ ގުރުއަތަކުން ހޮވޭ ފަރާތަކަށް މުޅި އެޕާޓްމަންޓަށް ބޭނުންވާ ފަރުނީޗަރު ހިލޭ ލިބޭނެ ކަމަށް ރެއިންބޯ އިން ބުންޏެވެ. އެ އޮފާ މިމަހުގެ ނިޔަލަށް ކުރިޔަށް ގެންދަން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕްރިންސެސް
09 July 2017
އަހަރެން މިއުޅޭ ޤައމުގައިވެސް ރައްޔިތުންނަށް ބޯހިޔާވަހިކަން ސަރުކާރުން ދަނީ ފަހިކުރުވަމުން....އކަމަކު އެޢާއިލާއެއްގެ މާލީ ހާލަތު ހުރި ގޮތެއްގެ މައްޗަށް ބިނާކޮށް...މިތާ ސަރުކާރުން ނިކަމެތި ރައްޔިތުންނަށް މިލިއަނުން ފައިސާ ދައްކާކަށް މަޖުބޫރެއް ނުކުރޭ...އެ ނިކަމެތިންނަށް ސަރުކާރުން ފޯރުކޮށްދެމުންދަނީ އެއާއިލާތަކަށް ދެއްކޭވަރުގެ ފެންވަރު ހުރި ފްލެޓްތައް...ރާއްޖޭގައި މިހެން ނުވާންވީ ކީއްވެ...ޖަވާބަކީ ތިތާ ތިއޮތީ ރައްޔިތުން ފެލާ ސަރުކާރެކޭ....އަގަރެންގެ ދުޢާއަކީ އަންނި ފަދަ އޯގާތެރި ރައްޔިތުންގެ ހާލުދަންނަވެރިއެއް ލިބުން، ނޮޓް ސަމްވަން ލައިކް ޔާމީނު އަބްދުލް ޤައްޔޫމް.
ހަސަންތަކުރު
09 July 2017
ވިޔަފާރި އުސޫލުން މުއްސަނދި މަހުޖަނުންނަށް ހުރިހާ މޮޅެއް.... ނިކަމެތި މީހހާ ނިކަމެތި ކަންމަތީ!!! ދެން ބުނާނެ ސަރުކާރަކަށް ތާއީދެއް ނެތޭ ):
ޝަމީމް
09 July 2017
i މާލެ މީހުން އުޅޭނީ ފޮތިފޮތި ކޮއްފަހުރި ތަންތަންކޮޅުގާ ރާއްޖެ ތެރޭމީހުންނައްތަ ފުލެޓުލިބެނީ އެމީހުންގެ ރަށުގާ ބޮޑުގޯތި އޮއެފާ އެތަންތަންވެސް ކުއްޔައްދީފައިވާ ބައިވަރުމީހުން ލ.ގަމު ގައާއި ސ.ގަމުގައި އަދި ކޮބައިތޯ ލ.ގަމުގައި އެއްފަސް ކުރުމައް ސަރުކާރުން އަޅާފައި ވާތަންތަންވެސް ވަނީ ކއްޔައްދީފައި.. އައީމަ މާލެއިން މިލިބެނީ ފްލެޓް ކިހާދެރަކަމެއްދޯ.. ޔާމިންވެސް ވޯޓްހޮދުމަށް މާލޭރައްޔިތުން ދެރަގޮތް..ޕިސްޕިސް ބޮޑުވަރު
ސޮކްތެރެޕީ
08 July 2017
މާލެ މީހުން އުޅޭނީ ފޮތިފޮތި ކޮއްފަހުރި ތަންތަންކޮޅުގާ ރާއްޖެ ތެރޭމީހުންނައްތަ ފުލެޓުލިބެނީ އެމީހުންގެ ރަށުގާ ބޮޑުގޯތި އޮއެފާ އަދި ފުލެޓުވެސް ލިބެނީ.
ހަދީޖާ
08 July 2017
ކީއްކުރާނީ މަމިއުޅެނީ މިހުރިހާ ކުދިން ގޮވައިގެން މާލޭގެ ކުޑަބިންކޮޅެއްގަ އިން 2 ކޮޓަރީގަ ގައިމު އިންސާނިއްޔަތައްޓަކާ ސަރުކާރުން ތަނަވަސް ބިންކޮޅެއް ދޭނެނަމަ ކިހާރަނގަޅު މިބިންކޮޅު ސަރުކާރައް ނަގާފަ ނަމަވެސް 3 ކޮޓަރި ފުލެޓު ގަނޑެއް ލިބޭގޮތައް އެބައޮތް އެވެސް ވަކިވަރަކައް ލާރިދައްކާގޮތައް މިތަންކޮޅުގަވެސް 4 ކޮޓަރި ހެދެން އޮއްވާ އެފަދަ ދަންމަޅިޔެއްގަ ނުޖެހެން މިހުންނަނީ
ހަސަންބެ.
08 July 2017
ނިކަމެތި މީހާ އަށް އެކައްޗެއްވެސް ނެތް. ޓާޓާރ ފުލެޓް ތަކުގެ އަގުވެސް އަށްނުފޯރާފަށުގައި.