ފަސް މިލިއަން ޑޮލަރުގެ މައްސަލާގައި ހުކުމް ކުރުމަށް ފަހު އަދީބު ޖަލަށް ގެންދިއުމަށް މިރޭ ފުލުހުންގެ ލޯންޗަށް އަރުވަނީ. -- ފޮޓޯ: މުހައްމަދު ޝަރުހާން/މިހާރު
23 ޖޫން 2016 - 23:39
24 comments
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) މެދުވެރިކޮށް ދައުލަތަށް ލިބެންޖެހޭ ފަސް މިލިއަން ޑޮލަރަށް ޚިޔާނާތްތެރިވި ކަމަށް ބުނެ ކުރީގެ ނައިބު ރައީސް އަހުމަދު އަދީބާއި އެމްއެމްޕީއާރްސީގެ ކުރީގެ އެމްޑީ އަބްދުﷲ ޒިޔަތާއި ވިޔަފާރިވެރިޔާ ހާމިދު އިސްމާއިލްގެ މައްޗަށް ކުރި ދައުވާ ސާބިތުވާ ކަމަށް ކަނޑައަޅައި އެ އެންމެން ޖަލަށްލާން ކްރިމިނަލް ކޯޓުން މިރޭ ހުކުމްކޮށްފި އެވެ.
އަދީބާއި ޒިޔަތު އަށް އަހަރަށް ޖަލަށް ލުމަށް ހުކުމް ކުރި އިރު ހާމިދަށް އިއްވީ ދެ އަހަރާއި ނުވަ މަހާއި 18 ދުވަހުގެ ހުކުމެކެވެ.
މި ތިން މީހުންގެ މައްޗަށް ދައުވާކުރަނީ ޅ. މާބިންހުރާ ކުއްޔަށް ދޫކުރުމުން އިކުއިޒިޝަން ފީގެ ގޮތުގައި ލިބުނު ފަސް މިލިއަން ޑޮލަރުގެ ޗެކާ ހަވާލުވުމަށް ފަހު އެއަށް ޚިޔާނާތްތެރިވި ކަމަށް ބުނެ އެވެ. ދައުވާގައިވާ ގޮތުން އެ ޗެކާ ހަވާލުވީ ޒިޔަތެވެ. އަދި އެ ޗެކް ހާމިދުގެ ކުންފުނި އެމްސީއެމްގެ އެކައުންޓަށް ޖަމާކުރީ އަދީބެވެ.
ފަސް މިލިއަން ޑޮލަރަށް ޚިޔާނާތްތެރިވި ކަމުގެ ކުށް ސާބިތުވެ ޖަލު ހުކުމް އައި ހާމިދު އިސްމާއިލް ކޯޓުން ނެރެ ޑީޕީއާރްއެސްގެ ވެހިކަލަށް އަރުވަނީ. -- ފޮޓޯ: މުހައްމަދު ޝަރުހާން/މިހާރު
މި މައްސަލައިގެ ހުކުމް ވެސް އިއްވީ އާންމުކޮށް ހުޅުވާ ނުލައި، ސިއްރުކޮށްގެން ބޭއްވި މަޖިލީހެއްގައި ކަމަށްވާތީ ހުކުމުގެ ތަފްސީލެއް ނުލިބެ އެވެ. މި މައްސަލާގައި ހުކުމް އިއްވަން މި މަހު ކުރީކޮޅު ތާވަލް ކުރި އެވެ. އެކަމަކު ފަހުން ފަސްކުރީ އެވެ.
މިރޭގެ ޝަރީއަތް ކޯޓުގައި ކުރިއަށް ދިޔައިރު ކޯޓު ކައިރިއަށް އެއްވެ ތިބި މީހުން ދުރަށް ޖައްސަން ފުލުހުން ކުރި މަސައްކަތުގައި ދެ މީހަކު ހައްޔަރުކޮށްފައިވެ އެވެ.
އެމްއެމްޕީއާރުސީގެ ކޮރަޕްޝަނަކީ ފަހުގެ ތާރީޚެއްގައި ފެންމަތިވި ކޮރަޕްޝަންގެ އެންމެ ބޮޑު މައްސަލަ އެވެ. އެތަނުގެ އޮޑިޓް ރިޕޯޓް ބުނާގޮތުން ދައުލަތަށް ލިބެންޖެހޭ 1.22 ބިލިއަން ރުފިޔާ ވަނީ އަމިއްލަ ފަރާތްތަކުގެ އެކައުންޓަތަކަށް ޖަމާކޮށްފަ އެވެ.
ފަސް މިލިއަން ޑޮލަރަށް ޚިޔާނާތްތެރިވުމުގެ ކުށް ސާބިތުވެ އަށް އަހަރުގެ ޖަލު ހުކުމް އައި އަބްދުﷲ ޒިޔަތު ޖަލަށް ގެންދަން ޑީޕީއާރްއެސްގެ ވެހިކަލަށް މިރޭ އަރުވަނީ. -- ފޮޓޯ: މުހައްމަދު ޝަރުހާން/މިހާރު
އަދީބު މިހާރު ވެސް ގެންދަވަނީ ދެ މައްސަލައެއްގައި 25 އަހަރުގެ ޖަލު ހުކުމެއް ތަންފީޒު ކުރަމުންނެވެ. އެއީ ފިސްތޯލައެއް ގެންގުޅުނު މައްސަލަ އާއި ރިޔާސީ ލޯންޗްކޮޅު "ފިނިފެންމާ" ގައި އެއްޗެއް ގޮއްވާލި މައްސަލައިގަ އެވެ. އިތުރު ދެ މައްސަލައެއް ވެސް އަދީބާ ދެކޮޅަށް ކޯޓުގައި އަދި އެބައޮތެވެ.
އެމްއެމްޕީއާރުސީގެ ކޮރަޕްޝަނާ ގުޅިގެން އަދީބާ ދެކޮޅަށް ގިނަ މައްސަލަތަކެއް ޕްރޮސެކިއުޓާ ޖެނެރަލްގެ އޮފީހުގައި މިހާރު ވެސް އެބަހުއްޓެވެ. އެ މައްސަލަތަކުގައި ދައުވާ ކުރުން މަޑުޖައްސާލާފައިވަނީ އެންޓި ކޮރަޕްޝަންގެ ކޮމިޝަނުން ކުރަމުން ގެންދާ ތަހުގީގުތަކެއް ނިމެންދެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޗަންޕަޅޭ
24 June 2016
މިޖަރީމާގައި ބައިވެރިވޭ ޗެކް ދޫކުރި ފަރާތުންވެސް.ކަރަޕްޝަންގަވޭ ހުށަހަޅާ ފަރާތްވެސް.ކީއްވެތޯ އެހެން ފަރާތަކަށް ނެގޭގޮތަށް ޗެކް ދޫކުރީ.ޗެކް އެޑްރެސްކޮއްފަ އޮތީ ކޮންފަރާތަކަށް؟
ލުގުމާން
24 June 2016
ރަނގަޅު ބަދަލެއް ހާވާކަށް ނުޖެހޭ، 33 އަހަރު ވަންދެން ހިލޭ ނިދަން ލިބޭނެ ކާން ލިބޭނެ ބޭސްފަރުވާ ވެސް ލިބޭނެ، ސިއްހީގޮތުން ދުޅަހެޔޮ ކަންމަތީ ހުރުމަށް ކަސްތަތު ކުތާނެ ވަގުތު ލިބޭނެ، ފަސްނަމާދު ކުރުމަށާއި ގުރުއާންް ކިޔަވަންވެސް ލިބުނު ރަނުގެ ފުރުސަތެއް، އަދި 33 އަހަރު ތިޔަ އުފާވެރި ދުވަސްތަށް ހުރަގޭގައި ހުންނެވުމަށްފަހު މިނިވަން ވާއިރު އުމުރުފުޅުން ހުންނާނީ 67 ވެފައި އޭރަށް 5000 ރުފިޔާވެސް ލިބެން ފަށާނެ. އަދި ދައުލަތުގެ އެކި އެކި ވުޒާރާތަކުގެ ކިއުލައިނުގައިި ނުޖެހި ޚިދުމަތްލިބޭނެ. ތިޔަ ލިބުނީ މިންވަރަށް އީމާނުނުވެ މިބިންމަތީގައި ބޮޑާވުމުގެ ސަބަބުން ﷲ ތިބާއަށް ދެއްވި ދެވަނަ ނިއުމަތް. އަދި އެކަލާގެ ތިބާއަށް ތިޔަ ދެއްވި ދެވަނަ ނިއުމަތާއިގެން ކުރިއަށް ދެވޭތޯ ކުރެވޭ އިމްތިހާނަކަށްވެސް ވެދާނެ.
ބުރޯ ބޭބެ
24 June 2016
އޭ ބުރޯ،، ކަލޭ ދެން ކޮންމެހެން އަތާ ފަޔާ ހިއްލާނެކަމެއްނެތް.. ކަލެއަކީ އާރާއި ބާރު ލިބުނުދުވަހު ކިބުރުވެރިވެ، ގަދަ ބަސް ބުނަމުން ދިޔަމީހެއް.. އެމީހަކު ކުރިކަމެއްގެ ސަޒާ އެމީހަކަށް ލިބޭނެ،،
ގުޒްމަން
24 June 2016
ލިޓުލް ސިންގަޕޫރޯ...........ޕަކާސް
އެގެއިން
24 June 2016
ބްރޯ އަށް މިހާރު އިނގޭނެ ނޫންތޯ ހައުސް އޮފް ކާރޑްސް ޕްލޭ ނުކުރެވޭނެ ކަން ޕީޕީއެމް އެމްޑީއޭ އަދި ޖޭޕީ ކޯލިޝަންގެ ވެރިކަމުގައި. އެއަށް ވުރެން ކުޅަދާނަ ވާނެ ޕީޕީއެމް. މިރާއްޖޭގެ ވެރިކަމަށް ޕީޕީއެމް އިން އައީ އެއީ ރައްޔިތުންނަށް ކަރަޕްޓް ފްރީ ސަރުކާރެެއް ހޯދާ ދިނުމަށް ޓަކައި އެވެ. އެކަމަކު އެތިއަރީ އާއި ޚިލާފަށް ކަންކަން ބްރޯ ކުރުމުން ބްރޯ އަށް ގާނޫނުގެ ތެރޭން ލިބެން ޖެހޭ އަދަބު އެދަނީ ގާނޫނީ ގޮތުން ލިބެމުންނެވެ. ވީއާރ ދަ ރާދަރ ތިންގްސް އެން ރާދަރ ތިންގްސް ވިލް ނެވަރ ޑައި..
ޔަގީން
24 June 2016
ލިޓުލް ސިންގަޕޫރ ދެއްތޯ........... ހާދަ ދަށުންދަމާ ކުޅެޔޭ.........ހީހީ ހަލާކު
ޯޑޮކްޓަރު
24 June 2016
މީ ދުވާލުފަދައިން އެބަ އެނގޭ އެކޮނޮމިކް ކައުންސިލްގެ ޗެއާ އަށް ނޭގި އަދީބުއަށް ލާރި ނުނެގޭނެ ކަން . އެކަމަކު އާހިރުގައި މިނިމުނީ އަދީބުއާ ހަމައިން. ރަން ތާސްބައި.ކާރާއި ޖަވާހިރު ދިނީމާ އަންހެނުން ނާހާނެ ކޮންތާކުން ހޯދި އެއްޗެއްތޯ. ސޭކުސްތާނުގެ ރައްޔިތުން ގުނބޯ ހައްދަނީ. މީ ލިޓްލް މޯޑިސް.
ޕްރިންޒް ހެކްޓަރ
24 June 2016
ބޮޑެތި އަދަދުތަކުން ހުކުމް ކުރެވިދާނެ... އެކަމަކު އިންސާފުވެރިއެއް ނޫންކަން ނޭގޭ ދިވެއްސަކު މިޤައުމަކު ނެތް... ކޮބާހޭ އެފައިސާތައް ބޭނުންކުރި މީހުންތައް ..؟
މުސްތަހީލް
24 June 2016
ވައްކަން ކުރީ ޕީޕިޢެމްގެ ނައިބު ރައީސް. އެކަމަކު ޕީޕީއެމްގެ މަޖިލީސް މެމްބަރުންނަށް ލާރި ފޮއްޗެއްވެސް ނުލިބޭ. ވަރަށް މުސްތަޙީލް ދޯ؟
ޢެދުރު
24 June 2016
ބްރޯ ވެސް ގޯސް. ކޯޓްތައް ވެސް ގޯސް. ވެރިކަން ވެސް ގޯސް.. ގޯސް ނޫން އެއްޗެއް އަދި ނުހަދާ.
ބާރީ
24 June 2016
އެދުރު ތިބުނީ ހަމަ ރަގަޅަށް... ގޯސް ހަދާ ހަދާ ހެދޭ ނުހެދޭ އެއްޗެއް ނޭނގޭ ދަރަޖައަށް ކަންތައްތައް ގޮސްފި
ގަހާ
24 June 2016
އަދީބު ވީމާ ޖަލަށް ލާން ހުކުމް ކުރީ އެއް ނޫނެވެ. އަދި ޒިޔަތު ވީމާ ޖަލަށް ލާން ހުކުމް ކުރީ އެއް ނޫނެވެ. އަދި އެމީހުން ސަރުކާރާއި ދެކޮޅު މީހުންނަށް ވުމުން އެމީހުންނާއި ދެކޮޅަށް ހުކުމް ކުރީ އެއް ނޫނެވެ. ކުރި ހުކުމެއް އެ ކޮށްފައި އެވަނީ އެއީ އެމީހުން ނަށް އެގިގެން ތިބެ ދައުލަތުގެ ޚަޒާނާ އަށް ޚިޔާނާތް ތެރިވެފައިވާތީއެވެ. މިކަން ކަން ރަނގަޅުވާނީ މިފަދަ ކަންކަން ކުރާ މީހުންނަށް އެންމެ ހަރުކަށި ހުކުމް ކޮށްގެންނެވެ. ރާއްޖޭގެ ސަރުކާރުގެ ކުންފުނި ތަކުގެ ކަރަޕްޝަން ލެވެލް ވަނީ އޭގެ އެންމެ މަތި ދަރަޖަ އަށް ގެންގޮސް ފައެވެ. ރަނގަޅަށް ނުހުރޭ އެއްވެސް ކަމެއް ސަރުކާރުގެ ގިނަ ކުންފުނި ތަކުން ކޮށްފައި. މުޅިންވެސް އޮޅުވާލުމަށް ޓަކައި ކަންކަން ކުރަނީ އެވެ. މިފަދަ ކަންކަން ރަނގަޅުވާނީ ގާނޫނު ގައިވާ ގޮތަށް އެބައިމީހުންނަށް ހުކުމް އަައިސްގެންނެވެ. ސަރުކާރުގެ ތެރޭން ކަރަޕްޝަން ނައްތާލަން ޖެހޭ ކަން ސިވިލް ސާރވިސްގެ ޕީއެސް މެން ވެސް ދަނެގަންނަންވީއެވެ.
ހަސަނު
24 June 2016
33 އަހަރު ހަމަވީ މިހެން ގޮސް 100 އަހަރުވެސް ހަމަ ވާނެހެން ހީވަނީ