މި އަހަރުގެ މިނިވަންދުވަހުގެ ރަސްމިއްޔާތު ޝަރަފުވެރިކޮށްދެއްވުމަށް ޕާކިސްތާނުގެ ބޮޑުވަޒީރު ރާއްޖެ ވަޑައިގަތުމުން ރައީސް ޔާމީންގެ ދެކަނބަލުން މަރުހަބާ ދަންނަވަނީ.
25 ޖުލައި 2017 - 14:10
19 comments
މާދަމާ ފާހަގަކުރާ ރާއްޖޭގެ މިނިވަން ދުވަހުގެ ރަސްމިއްޔާތު ޝަރަފުވެރި ކޮށްދެއްވުމަށްޓަކައި ޕާކިސްތާނުގެ ބޮޑުވަޒީރު ނަވާޒް ޝަރީފް ދެންމެ ރާއްޖެ ވަޑައިގެންފި އެވެ.
ވެލާނާ އިންޓަނޭޝަނަލް އެއާޕޯޓުން ނަވާޒް ޝަރީފްގެ ދެކަނބަލުންނަށް މަރުހަބާ ދެންނެވީ ރައީސް އަބްދުﷲ ޔާމީންގެ ދެކަނބަލުންނެވެ.
ޕާކިސްތާނުގެ ބޮޑުވަޒީރު މާލެ ވަޑައިގަތުމަށް ހަމަޖެހިފައި ވަނީ މިއަދުގެ ހަވީރުގެ ވަގުތެއްގަ އެވެ. މާލެ ވަޑައިގެން ރައީސް އޮފީހުގައި ރަސްމިއްޔާތެއް ބާއްވާ ގޮތަށް ވަނީ ނިންމަވައިފަ އެވެ.
ނަވާޒް ޝަރީފް ރާއްޖެ އަށް ކުރައްވާ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމާ ގުޅޭ އެއްބަސްވުންތަކުގައި ސޮއިކުރައްވާނެ ކަމަށް ރައީސް އޮފީހުން ބުނެފައިވެ އެވެ.
ނަވާޒް ޝަރީފްގެ މި ދަތުރުފުޅުގައި ތިން ދުވަސް ވަންދެން ރާއްޖޭގައި މަޑުކުރައްވާނެ އެވެ.
މިދިޔަ އަހަރުގެ މިނިވަން ދުވަހުގެ ރަސްމިއްޔާތު ޝަރަފުވެރި ކޮށްދެއްވުމަށް ވެސް ޕާކިސްތާނުގެ ބޮޑުވަޒީރަށް ރައީސް ޔާމީން ދައުވަތު އެރުވި އެވެ. އެކަމަކު އެ ދައުވަތު ގަބޫލުފުޅު ކުރެއްވި ފަހުން، ނަވާޒް ޝަރީފް ބައިޕާސްގެ އޮޕަރޭޝަނެއް ކުރައްވަން ޖެހިވަޑައިގަތުމުން، ރާއްޖެ ވަޑައިނުގެންނެވުނީ އެވެ. މިއީ ނަވާޒް އަށް ދައުވަތު ދެއްވި ތިން ވަނަ ފަހަރެވެ.
މި އަހަރުގެ މިނިވަން ދުވަހުގެ މުނާސަބަތުގައި ބާއްވާ ހެވިކަމާއި ކުޅިވަރުގެ ރަސްމިއްޔާތު އޮންނާނީ ރައީސް އޮފީހުން ބުނި ގޮތުގައި، ޖުލައި 26 ވަނަ ދުވަހުގެ ރޭ 9:00 ގައި ގަލޮޅު ރަސްމީ ދަނޑުގަ އެވެ. ރައީސް ޔާމީންގެ ދެކަނބަލުން ބާއްވަވާ ރަސްމީ ބައްދަލު ކުރެއްވުން އޮންނާނީ ޖުލައި 27 ވަނަ ދުވަހުގެ ރޭ ދަރުބާރުގޭގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބާބުލް އަލީ ކަރީމް
25 July 2017
ކަލޯ ކޮންތާކުން ކެޓް ވޯކް ދަސް ކުރީ. ވަރަށް ސަޅި ތިހިގުން
ޢަދުރޭ
25 July 2017
ޖެހިޖެހިގެން 3 އަހަރުވެސް ދައުވަތު މިދެނީ ޕާކިސްތާނައްދޯ، އަންނާނެ އެހެން ގައުމެއްގެ ވެރިޔަކު ވޭތޯ ނިކަން އެޑެއް ޖަހާބަލަ. ދަތުރު ކުރެވެނީވެސް ސައުދީ އާ ސިންގަޕޫރައް.
ސައްޕު
25 July 2017
1978 ން 2008 އަކަށް ވެރިކަމުގައި ހުރި މީހަކާދިމާލަށް 1998 ން ފެށިގެން ވެރިކަން ނިމެންދެން، އެއީ ދިވެހިރާއްޖޭގެ އެންމެ އަނިޔާވެރި އެންމެ ކޮރަޕްޓް މީހާއޭ އެތައްބަޔަކު ކުރިން ސިއްރިޔާތުގައި ފަހުން ފާޅުގައި އެކި އެކި ރެލީތަކަށް ދަންދެންގޮވަމުން ދިޔަ! އޭރު ނަގާކިޔަން ހުރިމީހާ 2008 ވަނައަހަރު ވެރިކަމަށް އައި! އެއީ އެންމެ ހިތްތިރި އެންމެ އަމާނާތެރި މީހާއޭ، އޭނައަށް ތާއީދު ކުރާމީހުން ކިޔަމުން ދިޔަ! އެކަމަކު މިހާރު އެ ދެމީހުންނަކީ އެކައްޗެއް! ތެލާ ފެނާ ދޭއްޗަކީ ދުވަހަކުވެސް އެކު ނުވާނެ ދޭތި! ވީމާ، އެދެމީހުންކުރެ އެކަކީ އެންމެ އަނިޔާވެރި އެންމެ ކޮރަޕްޓް މީހާ! ނުވަތަ އެންމެ ހިތްތިރި އެންމެ އަމާނާތެރި މީހާ! ވީމާ މިތާ "ލަނޑައާ ވާނީ ލަނޑައާ" އޭ ކިޔާމީހުންނަށް އެއްޗެއް ވިސްނޭނެކަމަށް ހީކުރަން!
ފިއުޗާ އެމްޕީ
25 July 2017
ރައްޔިތުންގެ މަޖިލީހުގެ ކަންތައް އިންތިހާއަށް ގޯސްވުމުން އެކަމަށް ހައްލެއް ހޯދައި ދެވޭތޯ މެދުވެރިއަކަށް ވަޑައިގަތީތޯ؟ ޕާކިސްތާން ސަރުކާރުން އެހީދީ އިމާރާތްކޮށް 1998 ވަނަ އަހަރު ރާއްޖެ ވަޑައިގެން އޭރުގެ ރައީސް މައުމޫން އާއި އެކު މަޖިލިސް އިމާރާތް ހުޅުވައި ދެއްވީ ނަވާޒް ޝަރީފް ވީމަ ހަމަ ހިތައް އެރީއެވެ.
ބުޅާދޮންބެ
25 July 2017
ޕާކިސްތާން އެކޭ ރާއްޖެ އެކޭގާތްގަނޑަކައް އެއްމިސްރާބައް މިހާރުމިދަނީ އެހެންވީމަ މިނިވަންދުވަހު ދިވެހިންގެ މިނިވަންކަން ކަޝަވަރުވާ ވަރުގެ މީހަކު މިނިވަންދުވަހުގެ ޝަރަފްވެރި މެހެމާނަކައް ތިޔަވަޑައި ގެންނެވީ
ނަޑެއްލާ
25 July 2017
ދުނިޔޭގައި މިހާތަނަށް އުފެދުނު އެންމެ 3 ކޮރަޕްޓް ވެރިން މި ސައުތް އީސްޓް އޭސިޔާ ގައި އެބަތިބި.
އިޙްސާންތެރިޔާ
25 July 2017
މޯދީ ހިއްޕުޅު ހަމަ ނުޖެހިދާނެ ނޫންތޯ..
ލަތީ
25 July 2017
ހަޖަމް ކޮށްލާ ތިހެން ތެޅިތެޅި ތިއްބަ އެއޮތީ ނަވާޒް ވައްޓާލާފަ ދެންލަލަލާ އަސަރު ހަމަކުރާނީ
ކެކެ
25 July 2017
ލަނޑަޔާ ވާނީ ލަނޑަޔާ
ޖ
25 July 2017
ކަލޯ މީނާ ރައީސްކަން ގެއްލޭނީ މިތާ ހުއްޓާ ނޫންކަމެއް ނޭގެ. ސުޕްރީމް ކޯޓުން އޮތީ ދެންމެ ދެންމެ ހުކުމް ކުރާފަދަ ހާލަތެއްގައި