29 ޖުލައި 2017 - 07:22
13 comments
މިއާމީ، ޔުނައިޓެޑް ސްޓޭޓްސް (ޖުލައި 29) - ބާސެލޯނާ ދޫކޮށްލަން ބްރެޒިލްގެ ތަރި ނޭމާ ބޭނުންވަނީ ލިއޮނަލް މެސީގެ ހިޔަނީގައި ހުރެގެން އިތުރަށް ކުރިއަށް ނުދެވޭނެތީ ކަމަށް މީޑިއާ ރިޕޯޓްތައް ބުނެފި އެވެ.
މަޝްހޫރު ކުޅިވަރު މީޑިއާ ސްކައިސްޕޯޓްސް އިން ރިޕޯޓްކުރާ ގޮތުގައި ނޭމާ މިހާރު ވަނީ ބާސެލޯނާ ދޫކޮށްލަން ނިންމައި އެކަން ބާސެލޯނާގެ ބޯޑަށް ވެސް އަންގައިފަ އެވެ.
ރިޕޯޓްތައް ބުނާ ގޮތުގައި ޕީއެސްޖީ އޮތީ ނޭމާގެ ކޮންޓްރެކްޓް އުވާލަން ދައްކަން ޖެހޭ 222 މިލިއަން ޔޫރޯ ދީގެން އޭނާ ގެންދަން ތައްޔާރަށެވެ. އަދި ނޭމާ ވެސް ޕީއެސްޖީއާ އެކު އެއްބަސްވުމަކަށް އައިސްފައިވާ ކަމަށް ރިޕޯޓްތައް ބުނެ އެވެ.
އިންޓަނޭޝަނަލް ޗެމްޕިއަންސް ކަޕްގައި ރެއާލް މެޑްރިޑާ ދެކޮޅަށް ކުޅޭ މެޗަށް ތައްޔާރުވުމަށް ބާސެލޯނާއިން އެންމެ ފަހުން ބޭއްވި ފަރިތަކުރުންތަކުގެ ތެރެއިން ނޭމާ އާއި އެ ޓީމާ އަލަށް ގުޅުނު ޕޯޗުގަލްގެ ފުލްބެކް ނެލްސަން ސެމޭޑޯއާ ވަނީ ވަނީ ހަމަނުޖެހުމެއް ހިނގައިފަ އެވެ.
ސްކައި ސްޕޯޓްސް އިން ނޭމާގެ ގާތް ފަރާތަކާ ހަވާލާދީ ރިޕޯޓްކުރާ ގޮތުގައި ނޭމާ ބޭނުންވަނީ ޕީއެސްޖީއާ ގުޅި ދުނިޔޭގެ މޮޅު ކުޅުންތެރިއާގެ މަގާމު ހޯދުމަށެވެ. އަދި ބާސެލޯނާގައި ހުރެ ނޭމާ އަށް އެކަން ކާމިޔާބު ނުވާނެ ކަމަށް އޭނާ ބުނެފައިވާ ކަމަށްވެ އެވެ.
"90 ޕަސެންޓް ފުރުސަތެއް އެބައޮތް ނޭމާ ހުރީ ބާސެލޯނާ ދޫކޮށްލަން ނިންމައިގެންކަމުގެ. އޭނާ ބޭނުންވަނީ ޕީއެސްޖީ އަށް ބަދަލުވެ އެ ޓީމުގެ ސްޓާރަކަށް ވާން. ބާސެލޯނާގައި ހުރެ މެސީގެ ހިޔަނީގައި ނޭމާ އަށް ކުރި އެރުމެއް ނެތް،" ސްކައި ސްޕޯޓްސްގެ ރިޕޯޓްގައިވެ އެވެ.
ބާސެލޯނާގެ ރައީސް ޖޯސެފް ބާޓޮމެއު ދާދި ފަހުން ދިން އިންޓަވިއުއެއްގައި ވިދާޅުވީ އެ ޓީމުން ނޭމާ މަޑުކުރުވަން ވަރަށް ބޭނުން ކަމަށާއި އެހެން ނަމަވެސް ފަހު ގޮތް ނިންމާނީ ނޭމާ ކަމަށެވެ.
މިހާރު އެމެރިކާގައި ކުރިއަށްދާ އިންޓަނޭޝަނަލް ޗެމްޕިއަންސް ކަޕް ނިންމާލުމަށް ފަހު ނޭމާ އޮތީ ޗައިނާގެ ޓްރެވަލް އެޖެންސީއެއްގެ އިސްތިހާރު އިވެންޓެއްގައި ބައިވެރިވާ ގޮތަށް ޗައިނާ އަށް ދިއުމަށް ހަމަޖެހިފަ އެވެ. އެކަމަކު ޓްރާންސްފާގެ މަސައްކަތަކެއް އޮތުމުން ޗައިނާ އަށް ނުދާ ގޮތަށް ނިންމާފައިވާ ކަމަށްވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެސީ ވަރެއް ނެތް
30 July 2017
ބަޔަކޔ ކިތަންމެ ވަރަކަށް ޖޭ ވިޔަސް ހަސަދަވެރި ވިޔަސް ދުނިޔޭގެ ހުރި އެންމެ މޮޅު ކުޅުންތެރިޔަކީ ބާސާގެ އާޖެންޓީނާ ތަރި މެސީ. އޭނާ ފިޔަވާ ކާކަށްތޯ ދުނިޔޭގެ މޮޅު ކުޅުންތެރިޔާގެ މަގާމް 5 އަހަރު ހޯދުނީ؟ މިފަހަރު މޮޅު ކުޅުންތެރިޔާ ލިބުނަސް ރޮނާލްޑޯއަށް ކިރިޔާ މެސީއާ ހަމަަހަމަ ކުރެވޭނީ
ޖޭނުވޭ
30 July 2017
މި އާޓީކަލް ލިޔުނު އައްޒާމް އަލިފުަޅަށް ހަމަ ނޭވާއެއް ލެވޭނީ މެސީ ކުޅުން ހުއްޓާލި ދުވަހަކުން. މެސީ ދެކެ ހަސަދަ ވިޔަސް ތަންކޮޅެއް ބޮޑު ވަރު
ދިރާސާ
30 July 2017
ޕޮގްބާ ގެ ނަމުގައި ކޮމެންޓް ކުރި މީހާ ބުނެދީބަލަ ކްރިސްޓިއާނޯ ރޮނާލްޑޯ ކުޅެނީ ފޯވާޑް ފިޔަވާ ކޮން މަގާމަކަށް ކަން؟ އެއީ ކީޕަރަށް ކުޅޭ މީހެއްތަ؟
ޖާރިޔާ އަހުމަދު ދީދީ
30 July 2017
ސާބަސް ދިރާސާ! ހަމަ ކޮސްޑް. ފުޓްބޯޅަ ލެންގުއޭޖް ދަސްކޮށްބަލަ. ޕޮގްބާ ބުނީ ރޮނާލްޑޯ ކުޅެނީ ސެންޓަރ-ފޯވާރޑް އަކަށް ނޫނޭ. ފޯވާރޑެއް ނޫނޭ ނުބުނޭ. އޭނަ އާންމުކޮށް ކުޅެނީ ލެފްޓް ވިންގަށް.
ކޮމެންޓޭ
29 July 2017
މެސީ އެހެންޓީމަކަސް ބަދަލުވާނެ ކަމަކަށް ނުފެނޭ. ނޭމާ އަށް އަދި މެސީ އަށްވެސް އެންމެ ފައިދާ ހުރި ގޮތް ނޭމާ އެހެން ޓީމަކަށް ދިއުން. މެސީގެ ހިޔަނީގަ ހުރުމަށްވުރެ މޮޅު ކުޅުންތެރިއެއް ނޭމާއަކީ.
ނޭމާ
29 July 2017
ޕީއެސްޖީ އަށް ބަދަލުވުމަކީ ފުޓްބޯޅައިގާ ނޭމާ އަޅާނެ އެންމެ ބޮޑު ޅައެތި. މިކަން ހަނދާނުގައި ބަހައްޓާތި.
ރޮނާލްޑޯ
29 July 2017
ރޮނާލްޑޯ ދިން ހިޔާލު ނޭމާއަށް މާ ރަގނޅުވާނެކަމަށް ބެލެވެނީ.. ޔުނައިޓެޑްގައި ކުޅެ ނޭމާއަށް މާބޮޑެތި ކުރިއެރުން ލިބިގެންދާނެ.
ޕޮގުބާ
29 July 2017
މެސީ ބާސެލާގަހުއްޓަކަސް ނޭމާޔަށް މޮޅަށް ނުކުޅެވޭނެ ސަބަބެއްނެތް ކޮންމެ ޓީމެއްގަ ހުއްޓަސް މޮޅަށްކުލިގެން ގިނަގޯލަތަކެއް ޖަހައިގެން ދުނިޔޭގެ މޮޅު ކުޅުންތެރިޔާގެ މަގާމު ލިބޭނީ ރެއާލްމެޑުރިޑުގަ ކުރިސްޓިއަން ރޮނާޑޯ ކުޅެނީ ސެންޓރަލްފޯވާޑަކަށްނޫން އެކަމަކު އެންމެގިނަގޯލް ކޮންމެސީޒަނެއްގަވެސް ރެއާލްމެޑުރިޑަށް ޖަހައިދެނީ ރޮނާޑޯ މެސީއާއި ރޮނާޑޯ ކުޅެނީ ސްޕެއިންގަ އެދެމީހުންގެ މައްޗަށް ކާމިޔާބު ނުހޯދައެއް ނޭމާޔަކަށް މޮޅުކުޅުންތެރިޔާގެ މަގާމެއްނުލިބޭނެ.ކޮންމެތާކު ކުޅުނަސް
ހަސަން
29 July 2017
މެސީ އަދި ރޮނާލްޑޯއާ އެއްފެންވަރަކަށް ނޭމާއަކަށް ނުކުޅެވޭ އަދި. އަނެއްކާ މެސީއަށްވުރެ މާ ސެލްފިޝް ނޭމާ. ބާސާއަށް މިދިޔަ ސީޒަންގަ މެޗް ގެއްލިފަ އެބަހުރި ރަނގަޅު ވަގުތުގަ ނޭމޭ އެހެންމީހަކަށް ޕާސް ނުކޮށްގެން ގޯލް ނުޖެހިގެން.
އަލީ
29 July 2017
އެހެން ވީމައި އަދިވެސް މެސީ ވައްޓާލެވޭވަރުގެ ކުޅުން ތެރިއަކުނެތީ ތާ މި ބުނީ ރޮނާލްޑޯ ފިޔަވާ.އެހެންވީމާ ނޭމާ އަމިއްލައަށް އެގަބޫލު ކުރީ އޭނާ މެސީއަށް ވުރެން ކަޑަކަމަށް އެހެން ނޫންނަމަ މޮޅުކުޅުމެއް ދައްކާގެން މެސީއަށް ވުރެން މޮޅުވާންވީނު.
އުރޭ
29 July 2017
ނޫނޭ. ވާގޮތަކީ ނޭމާ އެންމެ މޮޅުކުޅުން ދެއްކި ކަމުގައިވިޔަސް ބާސާއައް ކާމިޔާބީއެއް ލިބިއްޖެނަމަ މެސީއަށް ލިބޭ ވޯޓް ގިނަވާނީ. އެވޯޑް ލިބޭނީ މެސީއަށް.
އަހްމަދު
29 July 2017
ޕީއެސްޖީއަށް ގޮސްގެން ނޭމާ އަށް ވާނެ މޮޅެއް ނެތް..ފާއިތުވެގެން ދިޔަ އަހަރުތަކަށް ބަލާއިރު ދުނިޔޭގެ މޮޅު ކުޅުންތެރިޔާ ލިބިފައިވަނީ ސްޕެނިޝް ލީގް ނޫނީ ޕްރެމިއާ ލީގްގައި ކުޅޭ ކުޅުންތެރިންނަށް.