ދިއްދޫގެ މަގެއްގައި ތާރު އަޅަނީ-- ފޮޓޯ/ ހައުސިން މިނިސްޓްރީ
03 އޯގަސްޓް 2017 - 19:24
31 comments
ހއ. ދިއްދޫގެ މަގުތަކުގައި ސަރުކާރުން މިއަދު ތާރު އަޅަން ފަށައިފި އެވެ.
ހައުސިން މިނިސްޓްރީން ރޯޑް ކޯޕަރޭޝަނާ ހަވާލުކޮށްގެން، އެ ރަށުގެ މަގެއްގައި 100 މީޓަރަށް މިއަދު ވަނީ ތާރު އަޅާފަ އެވެ. އަދި ހުރިހާ މަގުތަކާއެކު 1.6 ކިލޯމީޓަރަށް ތާރު އަޅަން ހަމަޖެހިފައިވާ ކަމަށް ކައުންސިލުން ބުންޏެވެ.
ސަބް ކޮންޓްރެކްޓަރެއްގެ ގޮތުގައި ސިއެރާ ކުންފުނިން މި މަސައްކަތް ކުރާ ގޮތާ މެދު ރަށުގެ ގިނަ ބަޔަކު ދަނީ ކަންބޮޑުވުން ފާޅުކުރަމުންނެވެ.
ދިއްދޫ ކައުންސިލްގެ ރައީސް އަލީ ހާޝިމް ވިދާޅުވި ގޮތުގައި އެ ރަށުގެ ބޮޑު މަގުގައި ތާރު އަޅަން ނިންމާފައިވަނީ ޕޭވްމަންޓުގެ ގޮތުގައި ފަރާތަކަށް 12 ފޫޓު ދޫކޮށްގެންނެވެ. އެއީ މަގު ފަޅިކޮށްލައި މެދުގައި ޑިވައިޑާތަކެއް ބަހައްޓައި، ދެ ފަޅިން އުޅަނދު ދުއްވޭ ގޮތަށެވެ. އެހެންވެ 50 ފޫޓު ފުޅާ އެ މަގު ވަރަށް ބޮޑަށް ހަނިވެގެން ދާނެ ކަމަށް އޭނާ ވިދާޅުވި އެވެ.
"ޕޭވްމަންޓް އަޅާއިރު ވެސް އެތަން ވެސް ދެ ފަޅިކޮށްލައި އެއް ފަރާތަށް ވެލި އަޅައި އަނެއް ފަރާތުގައި ގާއަތުރާ ގޮތަށް މި ހަދަނީ. އަޅުގަނޑުމެން ގާތު ހަމައެކަނި އެހީ ވެލި އަޅަންވީ ގެއާވީ ފަޅިއަށްހޭ ނުވަތަ މަގާވީ ފަޅިއަށް ހޭ. އެކަމަކު އެއްވެސް މީހަކު ބޭނުމެއް ނުވޭ ވެއްޔާއި ގާ އަތުރައިގެން އެހެން މަގުތައް ހަދާކަށް،" 6.000 މީހުން ދިރިއުޅޭ ރަށުގެ ކައުންސިލަރު ވިދާޅުވި އެވެ.
ދިއްދޫ މަގުތަކުގައި ތާރު އެޅުމުގެ މަސައްކަތް ކުރަނީ-- ފޮޓޯ/ ހައުސިން މިނިސްޓްރީ
ހާޝިމް ވިދާޅުވީ ޑިވައިޑާ ބަހައްޓައިގެން ބޮޑުމަގު ދެ ފަޅިކޮށްލުމުން، ކޮންމެ ފަޅިއަކުން ވެސް އުޅަނދު ދުއްވަން ލިބެނީ ވަރަށް ހަނި ޖާގައެއް ކަމަށެވެ. އޭގެ ސަބަބުން މަގުގައި ދެކޮޅަށް ދުއްވަން އުނދަގޫވެ، އުޅަނދުތައް ތޮއްޖެހުމުގެ ފުރުސަތު އޮންނާނެ ކަމަށް ވިދާޅުވި އެވެ. އެހެންވެ، ރައްޔިތުން އެދެނީ ޕޭވްމަންޓް ހަނިކޮށް، ޑިވައިޑާތައް ނަގައި، މަގުމެދުގައި ރޮނގެއް ކުރަހައިގެން މަގު ވަކިކޮށްލަން ކަމަށް އޭނާ ވިދާޅުވި އެވެ.
އޭގެ އިތުރުން ތާރުއެޅުމުގެ ކުރިން މަގުތަކުގައި ސީލާ އަޅާފައި އޮތްގޮތާމެދު ވެސް ރައްޔިތުން ހިތްހަމަނުޖެހޭ ކަމަށް ވިދާޅުވި އެވެ.
"ތާރު މިއަޅަނީ ވެސް ވަރަށް ތުނިކޮށް. އެހެންވެ، އަޅުގަނޑުމެން ވަރަށް ކަންބޮޑުވޭ، ކުޅުދުއްފުށީ މަގުތަކަށް ވެފައި އޮތްގޮތަށް، ތަންތަންކޮޅު ނެއްޓިދާނެތީ،" ހާޝިމް ވިދާޅުވި އެވެ.
"އޭގެ އިތުރުން މަގުތަކުގެ ކަން ވަށް ނުކޮށް، ބައެއް މަގުތަކުގައި 90 ޑިގްރީއަށް ވެސް ތާރު އަޅަން ނިންމާފައިވާތީ ހިތްހަމަނުޖެހުންތަކެއް އެބަހުރި."
ހާޝިމް ވިދާޅުވީ ރޯޑް ކޯޕަރޭޝަނާއި ސިއެރާ އިން ވެސް މި މަސައްކަތް ޕްލޭން ކުރިއިރު ކައުންސިލާއި ރައްޔިތުންގެ އެއްވެސް ހިޔާލެއް ހޯދާފައި ނުވާ ކަމަށެވެ.
ދިއްދޫ މަގުތަކުގައި ތާރު އެޅުމުގެ މަސައްކަތް މި މަހުގެ ތެރޭގައި ނިންމުމަށް ވަނީ ހަމަޖެހިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޯންތަށި
04 August 2017
ފަރާތަކަށް ބާރަ ފޫޓް ދޭވަރުގެ މަގެއް ދިއްދޫއަކު ނުހުންނާނެ. ދޮގުހެދިޔަސް ތީ ބޮޑުވަރު
ހާދާލު
04 August 2017
ބޯޅައެއް ވަރު ރަށެއްގަ ކޮން ވެހިކަލެއް ދުއްވާނެ ތަނެއް ތޯ........މީހުންނައް ހަމަޖެހިގެން ހިނގާލެވުން މާ މުހިއްމު ނޫން ތޯ؟؟؟؟
ބަލްކޭ
04 August 2017
ޖަމިއްޓޭގެ ކާރު ހަލާކުވަނީ ބަދަރު މަގު ހަދައިދީ
ޖަމިއްޓޭ
04 August 2017
އަހަރުން ދެތިން މިލިއަނަށް ތިހެން ޖަހާލާ ތާރުގުޅައަކުން ރައްޔިތުން ނުހެއްދޭނެ މިހާރަކު. ބަނދަރު މަގުވަނީ ހަންދަގުކޮނެފަ. ވިއްސާރަދުވަސްވަރެއްގަ ލޯންޗަށް އަރާށާ ފައިބައިގެން ދާންވެސްޖެހޭނީ ވަޅުގަނޑު ތެރެއިންނާ ފެންގަނޑުގެތެރެއިން މީރަށުގެމަލަމަތި އެންމެގިނަމީހުން ބޭނުންކުރާމަގު އަޅުގަނޑުގެ އެއާރކޮންޑިޝަން އުފުލާކާރުވެސް އެންމެގިނައިންދަތުރުކުރާނީ ބަދަރުމަގުން. މީވެސް ތަރައްޤީއޭ ބުނަންވެގެން ކުރާކަމެއްތީ. ދިއްދޫގެ ބޮޑުމަގު ކުޑަކޮށްލުމުން މުސްތަޤްބަލްގަ ރައްޔިތުންނަށް މީގެއުދަގޫވަރަށްބޮޑުވާނެ
ތަކަންދޫ މީހާ
04 August 2017
ތިކަމުގެ ފުރިހަމަ ޒިންމާ ރަށުގެ ކައުންސިލުން ނަގަންޖޭހޭނެ..... ރޯޑް ކޯޕަރޭސަނުން ރަށުގެ ކައުންސިލުން ނިިންމާ ގޮތަކަށް ހުރިހާ ރަށެއްގައި ކަންކަން ކުރަމުން އަންނަނީ.... މިހާރު ސަރުކާރު ބަަދުނާމް ކުރާނެ ކަމެއް ނެތް.... ހުރިހާވެސް މައްސަލަ އަކީ އެއްޗެއް ނޭންގޭ މީހުން ކައުސިލަރު ކަންކަމަށް ކުރިމަތި ލުމުން ހޭބަލި ވެގެން ރައްޔިތުން އެމީހުންނަށް ވޯޓްދޭތީ.... ދެން އެންމެ ރަގަޅު ގޮތަކީ މަސްބާނައިގެން އައިސް މަގުތަކަށް މަސް އަޅަން ވީ.... އެހެން ނޫނަސް ތިރަށުގަ އުޅެނީ ބޯހަމަ ޖެހޭ ބައެއް ނޫން.... ވަރަށް ސާލާމް
ޑީޑީ
04 August 2017
މަގުގެ ހިގާތަން ބޮޑު ކުރުމަކީ މިޒަމާނުގެ ތަރައްޤީވެފައިވާ ޤައުމުތަކުގައި ގެންގުޅޭ ކޮންސެޕްޓެއް
ޒްލެކްސް
04 August 2017
90 ޑިގްރީއަށް ތާޅު އެޅިގެން ނުވާނެ. މީ 2011 ގައި ފާސް ކުރެވުނު 2012ގެ ބަޖެޓުގައި ޖަހައި ފައިސާ ހަމަ ޖެހިފައިވާ ޕްރޮޖެކްޓެއް. ސާކް ސަމިޓްގައި ސްރީލަންކާގެ ސަރުކާރުން ދެއްވި މަގުހެދުމުގެ ޕްރޮޖެކްޓްގެ ތެރެއިން. އޭގެ 05 އަހަރު ފަހުން ތާރު އެޅުނު ކަމަށްޓަކައި މިސަރުކާރަށް ކޮންމެވެސް ކްރެޑިޓެއް ދޭނަން. ހަޤީޤީ މަސައްކަތުގެ ކްރެޑިޓް ރައީސް ނަޝީދަށާއި އޭރުގެ އެމްޑީޕީ 9 ކައުންސިލަރުންގެ އިތުރުން މި މަސައްކަތް އަވަސް ކުރުމަށް ޕްރެޝަރ ކުރަމުންދާ މިހާރުގެ އެމްޑީޕީ 6 ކައުންސިލަރުންނަށް ޝުކުރުގެ އެންމެމަތީ ކްރެޑީޓްދެން. ޝުކުރިއްޔާ
އާދަމް
04 August 2017
މަގުތަކުގައި ތާރަ އެޅުމާއި , ގެތަކުގައި ސިމެންތިޖަހައި ޓައިލްސް ޖެހުމަކީ ރައީސް ނަޝީދު ވަރަށް ރުޅި އަންނަ ކަމެއް. ޚާއްސަކޮށް ރާއްޖެތެރޭ މީހުން އުޅެންޖެހޭނީ ރަށުގެ އަސްކަނިން ހިނގާފައި ހޮޅުއަށީގައި ނިދާފައި.
ހަނިކަނޑު
04 August 2017
ޖީއެސްޓީ ނަގަނީ މާލެއާ އެހެން ރަށްރަށާ ތަފާތެއް ނެތި %6 އަދި ޚިދުމަތްތައް ރަނގަޅު ކުރުމުގެ ނަމުގަ 3% ން 6% އަށް ޖީއެސްޓީ ބޮޑުވެސް ވަނީ ކޮށްފަ އެކަމަކު މާލޭގަ ތާރު އެޅިޔަސް ގައުއެތުރި ކަމަށްވިޔަސް ހުރި ހުރިހާ މަގެއްގަ އެހެން ރަށްރަށުގަ ވަކި މަގުތަކެއްގަ ނަގައިގެން އިއްސެ ކައުންސިލަރުގެ ގެއާގުޅޭ މަގުތަކުގަ އެކަނި މީ ބަދަލުވާން ވެއްޖެ ކަމެއް
އަވަން
03 August 2017
5 އަހަރުން ދެތިން މިލިއަނަށް ތިހެން ޖަހާލާ ތާރުގުޅައަކުން ރައްޔިތުން ނުހެއްދޭނެ މިހާރަކު.