އަަނަސް އަށް އިންސާފު ހޯދައިދިނުމަށް ގޮވާލައި މީދޫގައި ބޭއްވި ހިނގާލުމުގައި އޭނާގެ ބައްޕަ (ކ-2) އާއި އަނަސްގެ އަންހެން ކޮއްކޮ ބައިވެރިވަނީ.-- ފޮޓޯ: ނާޝިތު
08 އޯގަސްޓް 2017 - 10:24
18 comments
ވަޅި ހަރައި މިދިޔަ ހަފުތާގައި މަރާލި މުހައްމަދު އަނަސްގެ ގާތިލުން އެންމެންގެ ލޯތަކަށް ހާމަވާން ބޭނުންވާ ކަމަށް އޭނާގެ ބައްޕަ އަބްދުއްރާފިއު އިއްޔެ ބުނެފި އެވެ.
އަނަސް 25، މަރާލި ސަބަބުތަކާ ގުޅޭ ގޮތުން އެކި ގޮތްގޮތަށް މީޑިއާގައި ވާހަކަތައް ފަތުރާތީ، އޭނާގެ ބައްޕަ ނެރުނު ބަޔާނެއްގައި ބުނި ގޮތުގައި އެ އާއިލާ އިން އެދެނީ ވީހާވެސް އަވަހަކަށް ދަރިފުޅުގެ މަރަށް އިންސާފު ލިބުމެވެ. އަދި ފުލުހުން ހިންގާ ތަހުގީގަށް އެއްބާރުލުން ބޭނުންވެއްޖެނަމަ، އެހީތެރިކަން އާއިލާ އިން ދޭނެ ކަމަށް އެ ބަޔާނުގައިވެ އެވެ.
ފުލުހުންގެ ގާބިލިއްޔަތާއި މެދުގައި ފުރިހަމަ އިތުބާރެއް އޮތް ކަމަށާއި މި މައްސަލައިގެ ތަހުގީގު ކުރިއަށް ދާތީ ވަކި މީހަކަށް ނިސްބަތްވާ ގޮތަށް ނުވަތަ ވަކި މީހަކަށް އިނގިލި ދިއްކުރުމެއް ނެތި އަދުލުވެރިކޮށް ތަހުގީގު ކުރިއަށް ގެންދިއުމަށް އެދޭ ކަމަށް ވެސް އަނަސްގެ ބައްޕަ ބުންޏެވެ.
ވަޅިން ހަމަލާދީ، މަރާލި އަހުމަދު އަނަސް.
"ހިނގައިދިޔަ ހިތާމަވެރި ހާދިސާ އަކީ އާއިލާ އަށް ފުން ހިތާމައެއް ގެނުވާފައިވާ ކަމެކެވެ. މިކަމުގައި އާއިލާ އިން އެދެނީ ވީހާވެސް އަވަހަކަށް އަނަސްގެ ގާތިލުން ޝަރީއަތުގެ ކުރިމައްޗަށް ގެނެވި އެ މުޖުރިމިން ވީ އެންމެ އަވަހަކަށް އެންމެންގެ ލޯތަކަށް ހާމަވުމެވެ،" ރ. މީދު އަށް އުފަން އަނަސްގެ ބައްޕަގެ ބަޔާނުގައިވެ އެވެ.
މިދިޔަ މަހުގެ 31 ވަނަ ދުވަހުގެ ރޭ އަނިޔާވެރި ގޮތަކަށް މަރާލި އަނަސްއާ ބެހޭ ގޮތުން މީޑީއާގައި ދައުރުވަމުންދާ ވާހަކަތަކަކީ އޭނާގެ އާއިލާ އިން ދައްކާފައިވާ ވާހަކަތަކެއް ކަމަށް ބުނަމުންދާތީ އަބްދުއްރާފިއު ވަނީ އެކަން ދޮގުކޮށްފަ އެވެ. އާއިލާ އިން ބުނި ގޮތުގައި އަނަސްގެ މައުލޫމާތު އެ އާއިލާގެ ފަރާތުން ހާމަކުރާނީ އޭނާގެ ބައްޕަ އެކަންޏެވެ.
ހަށިގަނޑުގެ 37 ތަނަކަށް ވަޅި ހަރައި އަނަސް މަރާލާފައިވަނީ، މާލޭގެ ލިޓަސް ސާވިސް ސެންޓަރުގެ ތެރޭގައި ހުއްޓަ އެވެ. ރ. އަތޮޅުގައި ދުއްވާ ލޯންޗެއްގެ ކެޕްޓަނަކަށް އުޅޭ އަނަސް މަރާލި އިރު، އޭނާ ދިޔައީ އަލަތު ކައިވެންޏަށް ތައްޔާރުވަމުންނެވެ. އަނަސް އަށް އިންސާފު ހޯދައި އެކަމުގައި ޝާމިލްވާ މީހުންނަށް ހައްގު އަދަބު ދިނުމަށް ގޮވާލައި މީދޫގައި ގިނަ ބަޔަކު ވަނީ މުޒާހަރާކޮށްފަ އެވެ.
އަނަސް މަރާލުމުގައި އަމަލީ ގޮތުން ބައިވެރިވި މީހުން މިދިޔަ އާދިއްތަ ދުވަހުގެ ރޭ ހައްޔަރުކޮށްފައިވާ ކަމަށް ފުލުހުން ވަނީ ބުނެފަ އެވެ. ނަމަވެސް އެކަމުގައި ބައިވެރިވީ ކިތައް މީހުން ކަމެއް އަދި އެ މީހުންގެ ނަމެއް، ފޮޓޯއެއް ވެސް ފުލުހުން އަދި ހާމައެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުރީގެ ޕޮލިސް މިހާރު ގޭންގު.
11 August 2017
ގޭންގުން ދެކެ ހުރިހައި އެންމެންވެސް ބިރުގަނޭ ޕޮލިހުންވެސް ގޭންގުން ދެކެ ބިރުގަނޭ ޖެހިލުންވޭ. އެމީހުންނަށް ކަމެއް ކުރާކަށް ނުކެރޭ. މަސްތުވާ ތަކެތީގެ މައްސަލާގައި އަތުލާ މީހުންނާ ، މާރާ މާރީގައި އަތުލައިގަނެވޭ މީހުންނަށް ހަމަ ކަމެއް ނުކުރެވޭ. އަޑީގައި ކަންތައް ތަކެއްވޭ. އެކަމަކު އެހެން ކޭސް ތަކުގައި ސާބިތުނުވިޔަސް އަނިޔާކޮށް ތަޅާ ހަދާ. މިކަމުން އެނގެނީ ޕޮލިހުން ގޭންގުން ދެކެ ބިރުގަންނަކަން. ގޭންގުން މާ ބާރުގަދަ ކަން. ނަތީޖާ އަކަށްވާނީ ގިނަ ބަޔަކު އަބަދުވެސް ދާނީ އެގްރޫޕަށް ގިނަވަމުން.
ހުސޭނުބެ
09 August 2017
ފެންނާނެ!!! ކުޑަ ދުވަސްކޮޅެއް ވަންދެން ކެތްކޮށްލަ ދެއްވާ!! އެމީހުންގެ ކިބައިން ޤިޞާޞް ހިފަންވާނެ!!! ޤިޞާޞް ހިފުމަކީ ދިރުމެއްވާކަމެއްކަމުގައި ގީރިތި ގުރުއާނުން ސާބިތުވޭ!!!
ލުނބޯ
08 August 2017
ޢިންސާފެއް މި ރާއްޖެއަކު ނުލިބޭނެ... މީގެ މާނައަކީ ގޭގަ ހިމޭނުން ތިބުމެތް ނޫން.. ހިތާމައިގަ ފުރިހަމައް ބައިވެރިވަން...
ހުސޭނުބެ
09 August 2017
މިސަރުކާރުން އިންސާފު ގެނަސްދޭނެ!! ބަލަންތިބެމާ!!
ހުސޭނުގެ އަމާ
09 August 2017
ނުވާނެ އެއްކަމެއްވެސް މިސަރުކާރައް ކޮބާ ރިލްވާން.. ހުމާމެއް ނުމެރިގެން މިހާރު ތެޅިފޮލެނީ
މީދޫ ޒުވާނެއް
08 August 2017
މީދޫ އަކީ ޔާމިނު ސަރުކާރަށް އެއް ރަށަކުން އެންމެ ގިނަ ވޯޓު ދިން އެއް ރަށް .އެކަމު އެ ރަށާއި އަތޮޅަށް ހިދުމަތް ކުރަމުން ދިޔަ މައުސޫމް ޒުވާނެއް ފުރަ މާލެގަ ކަތިލައި އެ އާއިލާއާއި މުޅި މީދޫ އާއި ރ. އަތޮޅު ހިތާމަފާޅު ކުރިއިރު ވެރިޔާ އެ އާއިލާއަށް ތައުޒިޔާ ފޮނުވާނުލި . އަދި މީހުން ދެއްކި ވާހަކަޔައް ބިނާކޮށް ކުއްވެރި ކުރީ ލާފަހުރި ޓީޝާޓު . ގާތިލުން ކުއްވެރި ނުކުރި. އަނަސް އަށް އިންސާފު ހޯދައި ނުދީ ޕީޕީއެމުން މީދޫއަށް އަރާ ވޯޓުގެ ނަން ވެސް ނުގަނާތި .
ޔާމީނު
09 August 2017
ހުސޭނުބެ މެން ކަހަލަ މޮޔާން ޑިސްލައިކް ޖަހާނެ ކެކެކެ
ސަލީމް
08 August 2017
އެ ހުރިހާ އެންމެން ފެންނަ ފޮޓޮއެއް މިހާރުވެސް އެބައިން އެކަމަކު ބޮޑު ބިޔަ މަސްވެރިޔަކު މެދުގަ ހުރީމަ މަސްވެރިންގެ އަގުހިފަހައްޓަންވެސް ޖެހޭ އެބަ...
ޙަބޭސް
08 August 2017
ތިޔަމީހުން ހާމައެއްނުކުރެވޭނެ އަދި ސާބިތުކުރެވޭކައްވެސް ނެތް. ތިކަން ނިމިގެންދާނީ އަފުރާސީމްގެ މައްސަލާގައި ހުމާމް އާއެކު ހައްޔަރުކުރެވުނު މީހާ އައް ނުބައިމާއްދާއެއްގެދަށުން ދައުވާކުރެވިގެން ދޫކޮއްލިގޮތައް އަދިއަދައްވެސް އޭނާހުރީ ދޫވެފަ.
ރަޝީދު މީދޫ_09
08 August 2017
މުޒާހަރާއެއް ނުކުރޭ، މަޑުމައިތިރި އިންސާފު ހޯދުމަށް ހިނގާލުމެއް ބޭއްވީ،
ހެނބަދޫ ރައްޔިތުން ގެއްލިގެން ހޯދާ މެންބަރެއް މއރފ
08 August 2017
ގަޓުހުރި މިނިސްޓަރު ކޮބާ؟ މިކަން ހާމަކޮއްބަލަ
ހެނބަދޫ އިންޖީނުގެ ކޭބަލް ވިދާޅުވަނީ
08 August 2017
އެބައުޅޭ. ނަމަވެސް ހަނުހުންނަނީ.
ދެނޯ
08 August 2017
އެންމެންގެ ކުރިމަތީ 30 އެތައް ފަހަރަކު ވަޅިން ހަމަލާދީ މަރާލީ. އެކަމަކު ކުއްވެރިން ސިއްރު.
ތޮރުފި އުދުޅި
08 August 2017
އަނަސް މަރާލާފައި ވަނީ އޮޅުމަކުން ނޫންކަން ފެންނަ ވީޑިއޯ ތަކުން ހާމަވޭ މިހާރު ހައްޔަރު ކޮއްފަ ތިބިމީހުންގެ ތެރޭގައި އެމީހުން ހުރެއްޖެނަމަ ދިވެހި ފުލުހުންގެ ސާބިތުކަން ހާމަވާނެ!