އިދިކޮޅު ފަރާތްތަކުން ރޭ ބޭއްވި ޖަލްސާ އަށް މައުމޫން ވަޑައިގަންނަވަނީ.---މިހާރު ފޮޓޯ: ހުސެއިން ވަހީދު
15 އޯގަސްޓް 2017 - 11:43
35 comments
ޓޫރިޒަމް މިނިސްޓަރު މޫސާ ޒަމީރު ސިޔާސީ ގޮތުން ނިކަމެތިވި ދުވަހު އޭނާ އަށް އެންމެ ބޮޑަށް އެހީތެރިވެވަޑައިގަތީ، އެމަނިކުފާނު ކަމަށް ވިދާޅުވެ ކުރީގެ ރައީސް މައުމޫން އަބްދުލް ގައްޔޫމް، ޒަމީރަށް ރޭ ބަހުގެ ހޫނު ހަމަލާތަކެއް ދެއްވައިފި އެވެ.
އިދިކޮޅު ފަރާތްތަކުން ރޭ ބޭއްވި ޖަލްސާގައި މައުމޫން، ޒަމީރަށް ބަހުގެ ހަމަލާތަކެއް މި ދެއްވީ، ޕީޕީއެމްގެ "ރާސްޓަސް" ޖަގަހަ ހުޅުވުމަށް މިދިޔަ އާދިއްތަ ދުވަހުގެ ރޭ ބޭއްވި ޖަލްސާގައި ނުސީދާކޮށް މައުމޫނަށް އިޝާރާތް ކުރައްވައި ޒަމީރު ދެއްކެވި ވާހަކައަކާ ގުޅިގެންނެވެ.
ޒަމީރު ވިދާޅުވެފައި ވަނީ "30 އަހަރު ވެރިކަން ކުރައްވާފައި" ހުންނެވި ބޭފުޅަކަށް ޗައިނާ އިން ރާއްޖެ އަށް އަންނަ ޓޫރިސްޓުންގެ ގިނަކަން އެނގިވަޑައިނުގަންނަވާ ކަމަށެވެ.
ކުނޫޒުގައި ރޭ ބޭއްވި ޖަލްސާގައި މައުމޫން ވާހަކަފުޅު ދައްކަވަނީ.---މިހާރު ފޮޓޯ: ހުސެއިން ވަހީދު
އިދިކޮޅު ހަރަކާތުގެ މައި ޖަގަހަ އަދި ޖުމްހޫރީ ޕާޓީގެ އޮފީސް މ. ކުނޫޒުގައި ރޭ ބޭއްވި ޖަލްސާގައި ވާހަކަފުޅު ދައްކަވަމުން މައުމޫން ވިދާޅުވީ ޗައިނާގެ މާކެޓް ރާއްޖެ އަށް ހުޅުވުނީ، އެމަނިކުފާނުގެ ވެރިކަމުގައި ކަމަށެވެ.
ޒަމީރުގެ ނަން ވިދާޅުނުވެ، މައުމޫން ފާހަގަކުރެއްވި ގޮތުގައި ޒަމީރަކީ ޕީޕީއެމްގެ ހެދުން ލައްވައިގެން ޝަހްސު އޮޅުވާލުމުގެ ގޮތުން މަސައްކަތް ކުރައްވާ ބޭފުޅެކެވެ.
މައުމޫން ވިދާޅުވީ 2014 ގައި ބޭއްވި ރައްޔިތުންގެ މަޖިލީހުގެ އިންތިޚާބުގައި ޒަމީރަށް ކެމްޕެއިން ކޮށްދެއްވުމަށް ވަރަށް ގިނަ މަސައްކަތްޕުޅުތަކެއް އެމަނިކުފާނު ކުރެއްވި ކަމަށެވެ. އަދި އެ އިންތިޚާބުގައި ޒަމީރަށް ނާކާމިޔާބީއާ ކުރިމަތިވެވަޑައިގަތުމުން، އޭނާ މިނިސްޓަރަކަށް އައްޔަން ކުރެއްވުމަށް ސަރުކާރުގެ އިސްވެރިއެއްގެ އަރިހުގައި އެދިވަޑައިގެންނެވި ކަމަށް މައުމޫން ވިދާޅުވި އެވެ.
ސަރުކާރުގެ އިސްވެރިއެއް ކަމަށް މައުމޫން އެ ވިދާޅުވަނީ ބެލެވޭ ގޮތުގައި ރައީސް އަބްދުﷲ ޔާމީނެވެ.
"[ދެންނެވިން] ރަނގަޅު ވަޒީފާއެއް [ޒަމީރަށް] ދެއްވަންވީ ނޫންތޯއޭ. ވިދާޅުވީ ކޮންމެވެސް ކުންފުންޏެއްގެ ސީއީއޯގެ މަގާމު ދިނުމަށް އެބަ ވިސްނަމޭ. އަޅުގަނޑު ދެންނެވިން އަޅުގަނޑަށް ފެންނަ ގޮތުން ތި އަދި ރަނގަޅު ގޮތެއް ނޫނޭ. އޭނާގެ ތައުލީމާއި ގާބިލިއްޔަތު ކަމަށް ބަލާފައި އެކަށީގެން ވަނީ މިނިސްޓަރު ކަމޭ. އެކަމޭ އެދެނީ. ދުވަސްކޮޅަކުން [ޒަމީރު] މިނިސްޓަރަކަށް ވެއްޖެ. އެކަމަކު ހަނދުމަފުޅެއް ނެތޭ ކާކުތޯ އެ މަސައްކަތް ކޮށްދިނީ،" ޒަމީރަށް އަމާޒުކޮށް މައުމޫން ވިދާޅުވި އެވެ.
"ކާކުތޯ އޭނާ އަށް ކެމްޕެއިން ކޮށްދިނުމަށް އެތަނަށް ދިޔައީ؟ ހަނދުމަފުޅެއް ނެތޭ. ކާކުތޯ އޭނާގެ އިންތިޚާބަށް ހުރަސް އެޅީ؟ ހަނދުމަފުޅެއް ނެތް. ރައްޔިތުންގެ މަޖިލީހުގެ އިންތިހާބުން ފެއިލްވީމަ، ދެން (ޒަމީރު) ހުންނެވީ ވަރަށް ދެރަފުޅުވެފައި، މޮޅިވެރިވެފައި." މައުމޫން ވިދާޅުވި އެވެ.
އެންމެ ފަހުން ބޭއްވި ރައްޔިތުންގެ މަޖިލިހުގެ އިންތިޚާބުގައި ޕީޕީއެމްގެ ޓިކެޓުގައި ޒަމީރު ކުރިމަތިލެއްވީ މުލަކު ދާއިރާ އަށެވެ. ނަމަވެސް ރައީސް ޔާމީނާއި އެމަނިކުފާނުގެ ގާތް ބޭފުޅުންތަކެއް ކެމްޕެއިން ކުރެއްވީ އަމިއްލަ ގޮތުން ވާދަކުރެއްވި ބޭފުޅަކަށް ކަމަށް އޭރު ވެސް އޮތީ އަޑު ފެތުރިފަ އެވެ. އެ އިންތިޚާބުގައި ޒަމީރަށް ވެސް އަދި ރައީސް ޔާމީނާއި އެމަނިކުފާނުގެ ގާތްބޭފުޅުން ވެސް ތާއީދު ކުރެއްވި ކެންޑިޑޭޓް ފޭލްވެ، އިންތިޚާބު ކާމިޔާބުކުރީ އިދިކޮޅު އެމްޑީޕީގެ ކެންޑިޑޭޓް އިބްރާހިމް ނަސީރެވެ.
އެ އިންތިޚާބުގައި މައުމޫން ވަނީ މުލަކު ދާއިރާ އަށް ވަޑައިގެން ޒަމީރަށް ކެމްޕެއިން ވެސް ކޮށްދެއްވައިފަ އެވެ.
އިދިކޮޅު ފަރާތްތަކުން ކުނޫޒްގައި ރޭ ބޭއްވި ޖަލްސާގެ ތެރެއިން.---މިހާރު ފޮޓޯ: ހުސެއިން ވަހީދު
ޒަމީރުގެ ވާހަކަތަކާ ގުޅިގެން މައުމޫން ރޭ ވިދާޅުވީ، ވަޒީފާގައި ދެމި ތިއްބެވޭނީ ނުވަތަ ވަޒީފާ އަށް ކުރިއެރުމެއް ލިބޭނީ އެމަނިކުފާނާ ބެހޭ ގޮތުން ގޯސް ވާހަކަ މީޑީއާގައި ދެއްކުމުން ކަމަށް ފެނިވަޑައިގަންނަވާނަމަ، އެކަން ކުރެއްވިޔަސް، މައްސަލައެއް ނެތް ކަމަށެވެ. އަދި އެބޭފުޅުންނަށް ކާމިޔާބަށް އެމަނިކުފާނު އެދިވަޑައިގެންނެވި އެވެ.
"އަޅުގަނޑުގެ މައްސަލައެއް ނެތޭ. އަޅުގަނޑު ވެސް އެދެނީ ތިޔަބޭފުޅުންނަށް އިތުރު ތަރައްގީ އާއި ކާމިޔާބީ. އެ މަގުސަދުގައި އެބޭފުޅުން ކުރައްވާ ކަމެއް ނަމަ، އަޅުގަނޑުގެ އެއްވެސް މައްސަލައެއް ނެތް. އަޅުގަނޑު އެބޭފުޅުން ގޮވައިގެން ޝަރީއަތަކަށް ނުދާނަން،" އިދިކޮޅު ހަރަކާތުގައި އެންމެ އިސްކޮށް ހަރަކާތްތެރިވެވަޑައިގަންނަވާ މައުމޫން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސޮކްތެރެޕީ
16 August 2017
ޔާމިންގެ ތާއީދު ދަނީ އިތުރުވަމުން މައުމޫނަކައް މަގޭ ތާއީދެއްދެނެއް ނުދޭނަން.
އަހްމަދު
15 August 2017
ހަގީގަތުގަވެސް މިކަންވެފަ ހުރިގޮތަށް ވިސްނާލައިފިއްޔާ މިއީ ތެދު ހަގީގަތްކަން ސާފުވާނެ. ޒަމީރަކީ 2013 ގެ ކުރިން ރައީސް ޔާމީންގެ އެންމެ އަރިސް އެކަކު. 2013 ގެ ކެމްޕޭންގަވެސް އެންމެ ގާތުގަ ހުރި އެކަކަކީ ޒަމީރު. ވެރިކަން ލިބުމުން، މަގާމްތަކަށް މީހުން ހަމަޖެއްސުމުގަވެސް ރައީސް އޮފީހުގަ އެންމެ ނަގާ ކިޔަން އުޅުނީ ޒަމީރު. ޔާމީން ރައީސްކަމަށް ހޮވުމުން ޕާލަމަންޓަރީ ގްރޫޕްގެ ލީޑަރަކަށް ހަމަޖެއްސީވެސް ޒަމީރު. އެހެން އުޅެނިކޮށް ޕާޓީ ތެރޭގަ އަދީބުގެ ބާރު ގަދަވި ހިސާބުން ޔާމީންވަނީ ޒަމީރު އެއްކައިރި ކޮށްލާފަ. އަދުރޭއަށްވެސް ވީ ހަމައެހެން. އެއަށްފަހު، 2014 ގެ މަޖިލީހުގެ އިންތިހާބުގައި ޒަމީރުއާ ދެކޮޅަށް ޔާމީން ކެންޑިޑޭޓްއެއް ނެރެ ޒަމީރު ކަޓުވާލީ. މިއީ ހަގީގަތަކީ. އޭގެފަހުން، ޕާޓީ ތެރޭގަ ޒަމީރުއާއި އަދުރޭމެން ގެންގުޅުނީ މަޢުމޫން. ބޮންގޮއްވި މައްސަލައިގަ އަދީބު ބެދުމުން، އަނެއްކާވެސް ޒަމީރު ގާތް ކޮށްފަ ވަޒީރުކަންދިނީ ޓޫރިޒަމް މިނިސްޓްރީ ތެރެއިން ބޭނުން ކަންތައް ކުރެވޭނެ ގޮތެއް ހޯދުމަށް. ޒަމީރުއަށް ރަނގަޅު ގޮތް ޒަމީރު އިހްތިޔާރުކުރީ. ނަމަވެސް ސިޔާސީގޮތުން ޒަމީރު އެންމެ ނިކަމެތިވި ދުވަހު އެހީތެރިކަމެއް ދިން ރައީސް މައުމޫނުއާ ދިމާލަށް މިއަދު ތިޔަގޮތަށް ވާހަކަ ދެއްކީމަ އެއީ ދެން ބުނެވޭނީ ލަދުހަޔާތުގެ މައްސަލައެއް އެބައުޅެއޭ.
މައުސޫމް
15 August 2017
ވަރަށް ކައިރިން މިކަން ތަޖުރިބާ ކުރެވިފައި ހުރި މީހެއްގެ ހައިސިއްޔަތުން ބުނެލަން. ރައީސް މައުމޫނު އެ ވިދާޅުވީ ހަމަ 100 އިގެ ވާހަކައެއް.
ޙަލްވާ
15 August 2017
ސާބަސް. ތިވަރެއްނެތޭ އަދިވެސް.
އަހަންމާ
15 August 2017
މަނިކުފާނުގަބޫލުފުޅުކުރެއްވީތޯ މުލަކުދާއިރާގަ މަނިކުފާނައްސަޕޯޓު ނެތްކަމައް ގަބޫލުކުރެއްވޭނަމަ އެއްވެސްމަސްއަލައެއްނެތް ޝުކުރިއްޔާ
ކައިޓް
15 August 2017
އެންމެން އަންބާ ކިޔައިގެންވެސް އެސޮރަށް މުލަކު މީހުން ނުރުހުނީއޭ! ރައީސް މައުމޫނަށް ވެސް ކުރެވޭނީ ވަކިވަރެއްދެއްތޯ.ސޮރީ!
އަސޭލާ
15 August 2017
ދުލުގަ ހިފާ ދަމަންޏާ ހުރިހާ ވާހަކައެއްވެސް ދެއްކޭނެ. މިހާރު ދިވެހިރައްޔިތުންނަށް ހާމަވެ އެގިއްޖެ. މަޤާމާއި ޖާހައްޓަކާ މިމީހުން ކޮންމެފަދަ ކަމެއްވެސް ކޮށްފާނެކަން. ޝަހުސު އޮޅުވާލައިގެން ތިބެ ޝަރުޢީ ނިޒާމް މެދުވެރިކޮށް ޙައްޤުންތިބިމީހުންގެ މައްޗަށް ޝަރީޢަތް ހިންގަނީ. ކޮބާ ޒަމީރު ތިހުރީ ފަޅާއަރާފަ.ހެހެހެހެހެ
ރަދީފް
15 August 2017
ފާޓީގެ ބައްދަލުވުންތަކުން އަދި އެހެނިިހެން ބައްދަލުވުންތަކުން ރައިސާ ދިމަވޭ ކުރީގަ.ނަމަވެސް ސަރުކާރުން ގިނަ ނޭއްގާނީ ކަންތައްކުރަންފެށީމަ މައުމޫން ބައްދަލުކުރަން އުޅެއުޅެ ނުކުރެވުނު ވާހަކަ އެބުނަނީ. ގަމާރުވިޔަސް ބޮޑުވަރު. ދިވެހިބަހުން މީހަކު ދެއްކި ވާހަކައެއް ދޭހަނުވެގެން އެނބުރޭތަން މިފެންނަނީ. ލަދުކޮބާ؟؟
ޙަޤީޤަތް
15 August 2017
ކުރިން މަ މައުމޫނަށް ތާއީދެއް ނުކުރަން. އެކަމަކު މިހާރު އެތައް ވެރިންނެއް ތަޖްރިބާ ކުރެވުމުން މައުމޫނަށް ތާއީދުކުރަން. ވެރިކަމެއް ގައި 30 އަހަރު ހޭދަކުރައްވާއިރު ގޯސް ކަންކަންވެސް ހުންނާނެ. އެކަމަކު އެކަންކަން ހަނދާންތޭހާ ރަނގަޅުކަންކަން އެބަހުރި. އަދި ޤައުމުގެ އިސްތިޤްލާލު ރައްކާތެރިކޮށް ވަކި ފަރާތަކަށް ބުރެ ނުވެ މިނިވަން ކުޑަކުޑަ ޤައުމެއްގެ ގޮތުގައި އޮތް. އަދި 25 އަހަރަށްވުރެ ދިގުމުއްދަތަކަށް ރައްތައް ކުއްޔަކަށް ނުދެއްވާ. މީހުންގެ ކުރިމަތީގައި ރީތި ބަސްމޮށުންތެރިކަމާއި ބަލައިގަންނަން ފަސޭހަ ގޮތްތަކަށް ދިރިއުޅުއްވުން ގެންދެވި. މައުމޫނުގެ މުޅި 30 އަހަރުގެ ބަޖެޓަށްވުރެ މިހާރު އެންމެ 4 އަހަރުގެ ބަޖެޓް ބޮޑު ލިބުނު ލާރި ގިނަ. އެއީ އަދި ދައުލަތުގެ އާމްދަނީ. އަދިކޮބާ 99 އަހަރަށް ވިއްކި ރައްތަކާއި ފަޅުތަކާއި ފަރުތަކާއި ނެގި ލޯނުތަކަށް ލިބުނު ބައިވަރު. މި އަދަދާ އަޅާ ބަލާއިރު ދިވެހި އާދައިގެ މީހަކަށް ތަނަވަސް ކަމެއް ނުލިބޭ. ދިރިއުޅުން ފަސޭހައެއްނުވި. މިހާވަރަށް އާމްދަނީ އޭރު ލިބުނު ނަމަ ޤައުމު މާތަރައްޤީވީސް. ދެން މައުމޫނު ވަނީ ކިޔަވައިގެން ތިބި ޖީލެއް ބިނާކޮށްފަ.
އިބްރާހިމް
15 August 2017
ވުން ވަރަށް އެކަށީގެންވޭ ރައީސް މައުމޫން ޒަމީރަށް އެހީވެދިނުން. އެހެނަސް އުފެދޭ ސުވާލަކީ ކީއްވެތޯ މައުމޫނު ގެ ހުރިހާ ދަރިންނަށް ވަޒީރުކަން ދޭން އަދި ޒަމީރުފަދަ ބޭފުޅުން އިންތިހާބުން ފެއިލް ވުމުން ވަޒީރުކަން ދޭން ރައީސް ޔާމީންއަށް އެދެންވީ! ކީއްތޯ ވާނީ އެއިރެއްގައި ހުންނަ ރައީސެއް އެބޭފުޅެއްގެ ޓީމް އަމިއްލަ ފުޅަށް ނަންގަވާ ގައުމުގެ ސިޔާސަތު އަމިއްލަ ފުޅަށް ނިންމަވަން ދޫކޮށްލުން؟ މިދަންނަވަނީ ޒަމީރު މަގާމަށް ކުފޫހަމަ ނުވާވާހަކައެއް ނޫން. އަދި ރައީސް ޔާމީން ސަރުކާރުގެ ކަރަޕްޝަން ނެތެކޭވެސް ނޫން. އެހެނަސް އެއިރެއްގެ ހުންނަ ވެރިއަކު ކަންކަން ކުރުމަށް ގާނޫނީ ގޮތުން ފުރުސަތު ދީފަ، ކުރީގެ ރައީސްނުން އަބުރުވެރިކަމާއި އެކު ގައުމުގައި އުޅުމަކީ ރީތި ގޮތް. ރައީސް ނަޝީދު ސަރުކާރުވެސް ހަރާބްވެ ދިޔައީ މާރިޔާ ދީދީ އަދި ރީކޯ މޫސަ ކަހަލަ އަމިއްލަ އެދުން ބޮޑު މީހުންގެ މީހުނަށް ސަރުކާރުގެ މަގާމްތައް ބައިއަޅާ، ހުދު ރައީސް ނަޝީދުގެ ޕާޝަނަލް ސެކްޓްރީއަކީ ވެސް މާރިޔާގެ ކޮއްކޮ! މާރިޔާގެ މުޅި ދެފައި ސަރުކާރުގަ. ރައީސް ނަޝީދަކީ ވަރަށް ހިންގުންތެރި މުރާލި ބޭފުޅެއް، އެހެނަސް މަރިޔާގެ ކިނބައިން ނުނެއްޓުނު. ރައީސް ޔާމީން އަށް ވެސް މިވަނީ ހަމަ އެފަދަ ގޮތެއް!
ކައިޓް
15 August 2017
ވެރިކަން ހޯދަނީ ޕާރޓީ ގެ ފަރާތުން. ވެރިކަން ރައްދުވަނީ އެޕާރޓީ އަކަށް. ވީމާ ޕާޓީ އާއި ވެރިކަމާއި ވަތްކެއް ނުކުރެވޭ. ރައީސް ޖެހޭ ސްމާރޓްވާން(މިސާލު: ތަހުޒީބީ ހުރިހާ ޤައުމެއް)ޖަވާބު ލިބުނުކަމަށް ދެކެނެ.
ޅޮޅީ
15 August 2017
ގައުމަށް ވެރިއެއްގެ ގޮތުގަ ބުލަލެއް ހޮވާގެން އުލުނަސް މާރސގަލުވީސް އަޖައިބަކީ2013 އިބުރާ ހިމުކޮބާ ބަލަގަ މައުމޫނޭ ވެރިމީ ހާ ހޮވަން ގުރުބާން ވީ ޔާމީނަކަށް ނޫނޭ ވޯޓް ދިނީ ރ މައުމޫނަށް ވޯޓްދިނީ
ނަން
15 August 2017
ދެން ތި ބުނަނީ މަޢުމޫނު ބުނެގެން މިނިސްޓަރުކަމް ލިބިއްޖެއްޔާ މަޢުމުނާދިމާލަށް އެއްޗެއް ނުބުނެވޭނޭތަ؟ ޤައުމު ހަލާކުވަނީ ތިފަދަ ނާތަހުޒީބީ ވިސްނުމާހެދި
އަލީ
15 August 2017
އެހެން ވީމާ މައުމޫނު ވިދާޅުވާ ގޮތައްވެސް ޔާމީން ކަންކަންކުރެއްވިނުންތޯ؟ އެދިވަޑާއިގަންނަވާހުރިހާ ކަމެއް ކޮށްނުދެއްވޭނެ ކަން ގަބޫލުފުޅުނުކުރެއްވުނީ ނުންތޯ
ތެދު
15 August 2017
ކުރަންޖެހޭނެދޯ . ޕާޓީން ވެރިކަމަށް މީހަކު ނެރެނީ. އަދި ހުރިހާ މަސައްކަތެއްވެސްކުރަނީ ޕާޓީން. ދެން ޕާޓީގެ މީހުންނާ މަޝްވަރާކޮށްގެންނޭ ޤައުމު ހިންގަންޖެހޭނީ. ޢަލީ