ގދ. އަތޮޅު ތައުލީމީ މަރުކަޒުގެ ދެ މުވައްޒަފުން ވަކިކުރާތީ ކަމަށް ބުނެ އެ ސްކޫލު ކައިރީގައި ބެލެނިވެރިން މުޒާހަރާކުރަނީ.-
17 އޯގަސްޓް 2017 - 10:59
64 comments
އިދިކޮޅު ސިޔާސީ ހަރަކާތެއްގައި ބައިވެރިވި ކަމަށް ބުނެ ގދ. ތިނަދޫ ސްކޫލުގެ ދެ ޓީޗަރަކު ވަކިކުރަން އުޅޭތީ އެ ސްކޫލުގެ ބެލެނިވެރިން ރުޅިގަދަވެއްޖެ އެވެ.
މިހާރު ހައްޔަރުކޮށްފައިވާ، ރައްޔިތުންގެ މަޖިލިހުގެ އިދިކޮޅު މެމްބަރުން ދޫކޮށްލަން ގޮވާލައި ތިނަދޫގައި ބޭއްވި އެއްވުމުގައި ބައިވެރިވި ކަމަށް ބުނެ، އެ ރަށުގައި ހުންނަ އަތޮޅު ތައުލީމީ މަރުކަޒުގެ ދެ ލީޑިން ޓީޗަރުން ކަމަށްވާ އަހުމަދު އަޝްރަފާއި ނަސްރުﷲ އަފީފުގެ މައްސަލައެއް އެޑިއުކޭޝަން މިނިސްޓްރީން ދަނީ ބަލަމުންނެވެ. އަދި އެކަމަށް ޖަވާބުދާރީ ވުމަށް ދެ ބޭފުޅުންނަށް މިނިސްޓްރީން ވަނީ ފުރުސަތު ދީފަ އެވެ.
މިއަދުގެ މެންދުރު 2:00 އާ ހަމައަށް އެ ދެ ބޭފުޅުން ޖަވާބުދާރީ ނުވެއްޖެނަމަ، ވަޒީފާ އިން ވަކިކުރަން އެޑިއުކޭޝަން މިނިސްޓްރީން ވަނީ ނިންމައިފަ އެވެ. ނަމަވެސް މިނިސްޓްރީއަށް ޖަވާބުދާރީވި ކަމެއް އަދި ސާފެއް ނުވެ އެވެ.
ގދ. އަތޮޅު ތައުލީމީ މަރުކަޒުގެ ދެ މުވައްޒަފުން ވަކިކުރާތީ ކަމަށް ބުނެ އެ ސްކޫލު ކައިރީގައި ބެލެނިވެރިން މުޒާހަރާކުރަނީ.-
ތިނަދޫ ކައުންސިލްގެ މެމްބަރު އަލީ އަމްޖަދު ވިދާޅުވީ ދެ ޓީޗަރުން ވަކިކުރަން އުޅޭ މައްސަލާގައި ހިތްހަމަނުޖެހިގެން ބެލެނިވެރިން ސްކޫލު ދޮށަށް އެއްވީ، އިމްތިހާނާ ކައިރިވެފައި ވަނިކޮށް، އެ މީހުން ވަކިކުރާތީ ކަމަށެވެ. ދިވެހި ބަހާއި އެކައުންޓިން ކިޔަވައިދޭ އެ ދެ ޓީޗަރުންނަކީ ސްކޫލުގެ އިސް ދެ ބޭފުޅުން ކަމަށް އޭނާ ވިދާޅުވި އެވެ.
"އޭ ލެވެލް އަދި އޯ ލެވެލް އަށް ކިޔަވައިދޭ ދެ ޓީޗަރުން އެއީ. އެހެންވެ އިމްތިހާނު އެހާ ކައިރިވެފައި ހުއްޓައި މިކަހަލަ ފިޔަވަޅެއް އަޅާތީ ބެލެނިވެރިން ތިބީ ވަރަށް ކަންބޮޑުވެފައި،" އަމްޖަދު ވިދާޅުވި އެވެ.
އޭނާ ވިދާޅުވީ އަޝްރަފާއި ނަސްރުﷲ ވަކިކޮށްފިނަމަ، އެ ސްކޫލުގެ އިސް އެހެން ޓީޗަރުން ވެސް ވަކިވާނެ ކަމަށް ބުނެފައިވާ ކަމަށާއި އެހެންވެ އެ ޓީޗަރުން ވެސް ތިބީ ވަރަށް ހިތްހަމަނުޖެހިފައި ކަމަށެވެ.
ގދ. އަތޮޅު ތައުލީމީ މަރުކަޒުގެ ދެ މުވައްޒަފުން ވަކިކުރާތީ ކަމަށް ބުނެ އެ ސްކޫލު ކައިރީގައި ބެލެނިވެރިން މުޒާހަރާކުރަނީ.-
"ސްކޫލުގެ ޓީޗަރުން ވެސް އިސްބޭފުޅުން ވެސް ތިބީ ވަރަށް ހިތްހަމަނުޖެހިފައި. އެ ބޭފުޅުން ވެސް ވިދާޅުވީ މި ދެ ޓީޗަރުން ނެތިއްޔާ ސްކޫލުގެ ކަންތައްތައް ހިންގުމަށް ވަރަށް ދަތިވާނެއޭ،" އަމްޖަދު ވިދާޅުވި އެވެ.
ސިޔާސީ ހަރަކާތެއްގައި ބައިވެރިވިކަމަށް ބުނެ އެ ސްކޫލުގެ ދެ ޓީޗަރުންގެ މައްސަލައެއް ބަލަމުންދާއިރު، މިިދިޔަ ހުކުރު ދުވަހު ތިނަދޫގައި ބޭއްވި ހަރަކާތެއްގައި ސްކޫލުގެ އިސްވެރިއަކު ވެސް ބައިވެރިވިކަމަށް ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސޭނުބޭ
17 August 2017
ގާނޫނީގޮތުން ބަންދުކުރެވިފައިވާ މީހުންގެ ކަންތައްތައް ހަމަޖައްސާނީ ގާނޫނީ ގޮތުން. މުޒާހަރާކޮށްގެނެއް ނޫން. ތިޔަ ގްރޫޕް ވަކިކުރަން ފެންނަނީ
ޙުސެން
17 August 2017
ޙުސޭނުބޭ މެންގެ ތިހުންނަނީ އަދިވެސް އިހުގެ ތަންދޮރު ނުވިސްނޭ މީހުންގެ ހިޔާލު މިދަނޑިވަލު ބަލަނވީ ސިޔާސީ ވިސްނުމަކަށް ނޫން ކުދިބައެއްގެ ކުރިމަގަށް ޢެކުދިންގެ ޓީޗަރު ގެއްލިއްޖެއްޔާ ވާނެ ދެރަ އެނގޭނީ އެކުދިންނަށް ހުސޭނުބޭ ގެ ދަރިއެއް އެތަނުގަ ހުރިނަމަ އެކަން ވިސްނޭނެ
އަހަންމައިދީ
17 August 2017
ކިޔަވާކުދިންގެ އަޚްލާގު ގޯސްވީމާ މިހާރު ހައިރާންވާކަށް ނުޖެހޭ. ދަރިވަރުންނަށް ކިޔަވައިދޭ ޓީޗަރުންވެސް މި އުޅެނީ އެކްޓިވިސްޓް ހެދިގެން، މުޒާހަރާގައި. ގާނޫނަށްވުރެ މަތިން އުޅެން އުޅޭ ހުރިހާ އެންމެން ވަކިކުރަން ފެންނަނީ
ގދ.އޭއީސީގެ ދަރިވަރެއް
17 August 2017
ހުމމމ.... ވަކި ކޮށްބަ ދޯ؟ އަޝްރަފް ސަރ އަކީ މީގެ11 ވަރަކަށް އަހަރު ކުރިން ސްކޫލާއި ގުޅުނު ޓީޗަރެއް.... އެއީ 11،12 ދެ ގްރޭޑް އާއި ހާވާލުވެގެން ހުރި ޓީޗަރެއް..... 49 ވަރަކަށް ދުވަހަށްފަހު އެކުދިން އޭލެވެލްއަށް އާއި ޓާރމް އެގްޒަމިނޭޝަން ފައްޓާނެ..... ތިޔަ ދަންނަވަނީ ވަކި ކުރާށޭ ދެއްތޯ؟ އެކުދިންނަށް އެ ޓީޗަރ ގެ ބޭނުން އެންމެ ބޮޑު ވާ ހިނދު އެ ޓީޗަރ ނެތުމުން އެކުދިންގެ ނަތީޖާއަށް ހާދަ އަސަރެއް ކުރާނެ؟ ވަރަށް ބޮޑަށް މަޢާފް އަށް އެދެން... އެކަމަކު އަޅުގަނޑު ތި ޚިޔާލާއި ދެކޮޅު.... އެޑިޔުކޭޝަން މިނިސްޓްރީ އިންވެސް ޖެހޭނެ އެކަމަށް ބަލައި ދަރިވަރުންނަށްޓަކައި އެންމެ ކުޑަމިންވަރަކަށް މި އަހަރު ނިމެންދެން އެ ދެ ޓީޗަރުން ބައިތިއްބައިގެން ..... އަޅުގަނޑު ދަންނަވަނީ އަޝްރަފް ސަރ އާއި ނަސްރު ސަރ ވަރުގެ ތަޖުރިބާ ހުރި ރަނގަޅު ޓީޗަރެއް މިޒަމާނުގައި ނުލިބޭނެއޭ.....
އަބްދުއްލާ
17 August 2017
މައިން ބަފައިން ހެދޮދޯ ދަރިންނަށް ކޮންމެ ނަމޫނާ އެއް ދެއްކިޔަސް ،ދިވެހި ރައްޔިތުން ހެޔޮދޯ މުޖްތަމައުގެ ކުދިދަރިންނަށް ކޮންމެ މަންޒަރެއދެއްކިޔަސް ، ސިޔާސީ ޕާޓީ ތަކުން ހެޔޮދޯ މުޅި މުޖްތަމައަށް ކޮންމެ އެއްޗެއް ވިސްނާދިނަސް ސިޔާސީ ފަރާތްތައް ހެޔޮދޯ ދަިވެހި ރައްޔިތުން ބަލަން އަހަން ދެކެން ބޭނުންނުވާ މަންޒަރުތައް ދެއްކިޔަސް ، ފުލުހުންނާ ސިފައިން ހެޔޮދޯ ގާނޫނާ ގަވާއިދުގަ އޮންނަ ގޮތް ނުބަލާ ވެރިމީހާ ބުނާ ކޮންމެ ކަމެއް ކުރިޔަސް ވެރިމީހާ ހެޔޮދޯ ރަނގަލުތޯ ނުބައިތޯ ، މިޖްތަމައުން މާނަ ނަގާނީ ކޮންގޮތަކުންތޯ ވިސްނާނުލާ ކޮންމެ ވާހަކައެއް ބުނެފަ ނުބުނާ އެއްޗަކަށް ހެދޭތޯ އުޅުނަސް ،ގޯސް މިވަނީ ޓީޗަރަކު އިދިކޮޅުމީހުނާ އެއްސަފަށް ނުކުތުމުން އެކަނިތޯ ،
ހުސައިން
17 August 2017
އެޓީޗަރުން މުޒަަހަރާ ކުރީ ތިނަދޫގެ މަގުތަކުގައި ތާރަ އެޅުމުގެ ސަބަބުން ސްކޫލުކުދިން ހިނގާ ބިނގާވެ އުޅުމުގައި ފަޔަށް ތަދުވާތީ. އެހެންވީމާ ޓީޗަރުންގެ ހައްގުވެސް އެއޮތީ ގެއްލިފައި.
ބޯހަލާކު
17 August 2017
ކީކޭ ދެން ބުނާނީވެސް.މި ދިޔަ ހޮނިހިރު ދުވަހު ސައިޒު ދައްކަން ޕިންކީން ބޭއްވި އެއްވުމުގައި ފުވައްމުލަކު ހާފިޒު އަހުމަދު ސުކޫލުގެ ޕްރިންސިޕަލްވެސް ބައިވެރިވި.އެ ނުވޭ މައސަލައަކަށް!!! ޢަޅެ. ބަޔަކު ހޭބައްޔެއް ނުވާނެތަ.މިތިބަ ގަމާރުން ތަކަކާހެދި.
ސުވާދީބު ރާނީ
17 August 2017
ތަޢުލީމީ މަރުކަޒުގެ ބޯޑާއި ހެލްތު ސެންޓަރުގެ ބޯޑު ހިފައިގެން ސިޔާސީ ހަރަކާތަތްކަށް ނެރުނު މީހުންވެސް ވަކިކުރަން ފެނޭ. އައިޝަތު ޝިހާމަށް ވެދުން. އަދި ސީ.އެސް.ސީއަށް ވެސް ވެދުން. ޝުކުރިއްޔާ ރައީސް ޔާމީން. ތިވަރެއް ހަމަ ނެތް.
ރަބަރު
17 August 2017
ބަސްނައަހާ ކުދިންނަށްޖެހޭ ހާލު. ބުނިން ސަލާމަތްކަމުގެ އޮޑިޔަށް އަރާށޭ.
މަރި
17 August 2017
ސްކޫލް ކުދިންނަށް ކިޔަވަދޭ ޓީޗަރުންނަކީ އަޚްލާގާއި ސްލޫކު ހިފަހައްޓަން ޖެހޭ ބަޔަޖަށް ވާންޖެހޭނެ ، މަގުމައްޗަށް ނުކުމެ މުޒާހަރަކޮށް ހަޑިއެއްޗެހިގޮވާ ،ދަރިވަރުންނަށް ނަމޫނާ ދައްކައިގެން ނުވާނެ، ވީމާ މިސަރުކާރު ދެކެ އަހަރެން ނަފުރަތު ކުރިއަސް ތިޔަޓީޗަރުންގެ މައްސަލަ ބަލާ ފިޔަޅު އަޅަން ޖެހޭނެ ކަމަށް ތާއީދު ކުރަން
ބުރޯ
17 August 2017
ކުރާ މަސައްކަތައް މުސާރަ ދެނީ.ޕީޕީ ކުދންނައް އެކަނި މަސައްކަތެއް ނުކޮއް މުސާރަ ލިބެނީ.
ނިލަންދޫ މީހާ
17 August 2017
ގއ. އަތޮޅުތައުލީމީ މަރުކަޒުންވެސް 2 ޓިޗަރަކު ވަކިކޮއްފި އެއްވުމެއްގައި ބަިވެރިވީތީ