ސަރުކާރުން ވިއްކަން އިއުލާންކޮށްފައިވާ މާލޭގެ ކުރީގެ ކުނި ކޮށި: މާލޭގެ ތިން ސަރަހައްދަކުން 19 ގޯއްޗެއް ބޮޑު އަގުގައި ވިއްކަން ވަނީ އިއުލާންކޮށްފައި. ފޮޓޯ: ނިޝާން އަލީ /މިހާރު
17 އޯގަސްޓް 2017 - 15:18
10 comments
ކޮރަޕްޝަން ހިމެނޭ ގޮތަށް ސަރުކާރުން ވިއްކާފައިވާ ބިންތައް ގުޅިފައިވާ ޕާޓީގެ ސަރުކާރެއްގައި އަނބުރާ ދައުލަތަށް ނަގާނެ ކަމަށް އެ ފަރާތްތަކުން ބުނެފި އެވެ.
ގުޅިފައިވާ ޕާޓީތަކުން އިއްޔެ މ. ކުނޫޒްގައި ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުން އެމްޑީޕީގެ ޗެއާޕާސަން ހަސަން ލަތީފް ވިދާޅުވީ މާލޭގެ ބިންތައް ވިއްކުމުގެ އެންމެ ބޮޑު ބޭނުމަކީ ސަރުކާރު ނިމެމުންދާތީ، އިސް ބޭފުޅުންނަށް މާލީ މަންފާއެއް ހޯދުމަށް ކަމަށެވެ.
"މި ދަންނަވާ ބިންތައް ބައްލަވައިގަތުމަށް ތައްޔާރުވާ ފަރާތްތަކަށް ދަންނަވާލަން އޮތީ އެއްގޮތަކަށް ވެސް ހެޔޮވާވަރުގެ ކަމެއް ނޫނޭ މިއިން ކަމަކާ ކައިރިވުމަކީ،" މިހާރު ވިއްކަން އިއުލާންކޮށްފައިވާ އަގުބޮޑު 19 ބިމާ ބެހޭ ގޮތުން ހަސަން ވިދާޅުވި އެވެ.
އޭނާ ވިދާޅުވީ ސަރުކާރުން ވިއްކާ ބިންތައް ގަންނަ ފަރާތްތަކުން ވަރަށް ރަނގަޅަށް އެކަންކަމަށް ބަލަން ޖެހޭނެ ކަމަށެވެ. އެގޮތުން ކިރިޔާ ވެސް ނުރަނގަޅުކޮށް އެކަން ކޮށްފައި އޮތިއްޔާ އެ ތަންތަން ދައުލަތަށް ނެގޭނެ ކަމަށް ވެސް ހަސަން ވިދާޅުވި އެވެ.
"ކޮރަޕްޝަން ހިމެނޭ ގޮތަށް ނުވަތަ ގާނޫނީ ގޮތުން ނުރަނގަޅު ގޮތްގޮތް ހިމެނިގެން މިކަހަލަ މުއާމަލާތް ހިމެނޭ މުދާ ދައުލަތަށް ނަގާއިރު އެ ފަރާތަކަށް ބަދަލު ދޭކަށް ނުޖެހޭ. އެއީ ގާނޫނީ ހަމައަކީ،" އޭނާ ވިދާޅުވި އެވެ.
ހަސަން ވިދާޅުވީ ސަރުކާރުން ބައެއް ބިންތަކާއި ފަޅު ރަށްތަކާއި ފަޅުތައް ވިއްކާފައި ވަނީ ކޮރަޕްޝަން އެކުލެވޭ ގޮތަށް ކަމަށް ދައުލަތުގެ އެކި މުއައްސަސާތަކުން ވެސް ބުނަމުން އަންނަ ކަމަށެވެ. އަދި މާލޭގެ ބިންތައް ފޮތިފޮތިކޮށްގެން ވިއްކުމަކީ ގުޅިފައިވާ ޕާޓީތަކުން އެއްގޮތަކަށް ވެސް ގަބޫލުކުރާނެ ކަމެއް ނޫން ކަމަށް ވެސް އޭނާ ވިދާޅުވި އެވެ.
ހައުސިން މިނިސްޓްރީން ވަނީ މާލޭގެ އެންމެ އަގު ބޮޑު ތިން ސަރަހައްދަކުން 19 ގޯތި އަކަފޫޓެއް 15،000ރ.ގެ ރޭޓުން ވިއްކަން އިއްޔެ އިއުލާންކޮށްފަ އެވެ.
މަޖިލީހުގެ ކެންދޫ ދާއިރާގެ މެމްބަރު އަލީ ހުސެއިން ކުރެއްވި ޓުވީޓެއްގައި ވިދާޅުވެފައި ވަނީ ބިމާ ބެހޭ ގާނޫނަށް އިސްލާހު ނުގެނެސް މާލޭގެ ބަންޑާރަ ބިން ވިއްކުމަކީ ކުރެވޭނެ ކަމެއް ނޫން ކަމަށެވެ. އޭނާ ވިދާޅުވެފައި ވަނީ ބިން ވިއްކުމާ ގުޅޭ ގޮތުން ހައި ކޯޓުން ވާނީ މާލޭގެ ބަންޑާރަ ބިން ނުވިއްކޭނެކަން ކަށަވަރުކޮށްދީފައި ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަތެއް
18 August 2017
ޢިދިކޮޅޮ ފަރާތްތަކަކީ ކޮބައިހޭ އިއީ ތިންމީހުންހޭ ހަތަރުމީހުންހޭ ނުވަތަ ޚިޔާލީ ނަމެއްހޭ؟ ޢިދިކޮޅު މީހާ ރާއްޔިތުންނަށް ރަނގަޅަށް ސާފުވާންޖެހެއެވެ
ބާރަށްދުވާމީހުން އަތުނުލެވޭ
18 August 2017
ކަރަފުސަންނެތް ކަމެއް ގުޅިލާމެހިފަައިވާ ގުރޫފުން ބެނުލަދީބަލަ. ހުރިހާކަމެއް ރަގަޅު ކުރެވެންޏާ ކިތަންމެހާވެސް ރަގަޅު. ކޮންމެބައެއްގެވާހަކައިގައިވެސް ރީތި ކުލަ ހުރޭ. އެކަމަކު ހަމަހިތިހަބަރު. މިހާރުވެސް ވެރިކަންލިބިބަލަ އެކީއުޅުނު އެންމެން ހަތުރުންނަށްވެ ކުރީކައުޅުނު ހަތުރުން މިތުރުންނަށްވެ އިސްތިންޖާކުރަން ހިލަގަޑަކަށްވެސް ކަމުނުދާހިސާބަށް ގޮސްދާނެ. މިއީ މިހިސާބަށް ދިވެހިންނަށް އާދެވުނުއިރު ކަންއޮތްމަގަކީ
ޑިމޮކްރަޓިސްޓް
17 August 2017
މާލޭގެ މިއޮތް އަގުބޮޑު ބިންތައް މުއްސަނދިންނަށް ވިއްކާ ސަރުކާރުން ވަގުތީ ފައިދާއެއް ހޯދަން ހެޔޮނުވާނެ.. މިއަށްވުރެ ފްލެޓް އަޅާ ގިނަބަޔަކަށް އޭގެ ފައުދާކުރާނެހެން ހެދިއްޔާ މާރަނގަޅުވާނެ.. މިކަން ހުއްޓުވަން އެބަޖެހޭ..
މެންޓަލިސްޓް
17 August 2017
އިިދިކޮޅުފަރާތްތަކޭ ކީމައިވަރަށް ހެއްވާވޭ އެބަ ،،، ހިނގާ ކިޔަމައި އެމްއޯޔޫ އޭކިޔާ ރެޖިސްޓްރީއެއްނެތް ޖަމާއަތަކުން އެބަބުނޭ ކޮރަޕްޝަންހިމެނޭ ބިންތަށް ނަގާނަމޭ ،،،، ދެންއެކަމުގައިވެސް ދަންނަވާލަންއޮތީ މިހާރު އޮތްސަރުކާރު ހަމަބަދަލުވާއިރަށް ތިޔަބިންތަށް ގަން ފަރާތްތަކުން ކުލަބަދަލުކޮށް ވަގުތުން ބޯވަތަކަކަށް ބަދަލުވާނެ ،،، އެމީހަކު ބޭނުންވާ ޕާޓީއަކަށް ޙަރަދުކުރަންފަށާނެ ،،، އޭރުން އެހިސާބުން ހުރިހާ ކޮރަޕްޝަންއެއް ފޮހޭރަބަރަކުން ފޮހެވި އެމީހަކު ހުދުފޮތޮކޮޅަކަށް ބަދަލުވެގެންދާނެ ،، މީރާްއްޖޭގެ ސިޔާސީ ތާރީޙް 1978ކުން ފެށިގެން ހެކިދެމުންދާގޮތް ،،، މިސާލަކަށް މަޝްހޫރު އެފްޕީއައިޑީމައްސަލަކޮބައިތޯ ؟؟ ރައީސްމައުމޫންސަރުކާރުގައި ހިނގިކަމަށްބުނާ ކޮރަޕްޝަންއާޢި ވައްކަމާޢި ކޮބައިތޯ ؟؟ ނަޝީދުސަރުކާރުގައި ހިންގިކަމަށްބުނާ ކަންކަން ކޮބައިތޯ ؟؟ ވީމާ ރައްޔަތުން ބޯގަޅިންނަށް ހަދަން ތިޔަކަހަލަ ސްކޭލުން ނައްޓާފައިވާ ލަވަ ނުކިއުން އެދެން .... ވަރަށްވެދުން
ވާލުސޮރު
17 August 2017
ރައްޔިތުންގެ ރުހުން ހޯދަން ސިޔާސީ ބޭފުޅުންވެސް ދައްކަވާފަ ނުދައްކަވަންވާ ވާހަކަ ހުންނާނެ. ރާއްޖޭގެ ކަންހުރި މަގަށް ބަލާއިރު ކޮންމެ މަހުޖަނަކުވެސް މިހުންނަވަނީ ސިޔާސީ ބޮޑު ދެ ފިކުރެއްގެ މެދުގަ. ތިޔަ ބިންތަކުގެ އަގަށް ވިސްނާލިޔަސް އެބަ އިނގޭ ތިޔައިން ބިމެއް އާދައިގެ ރައްޔިތަކަށް ނުގަނެވޭނެކަން. ދެން ބިން ގަނެވޭވަރުގެ ބޭފުޅުނަށް ބަލާއިރު އެބޭފުޅުންނަކީ ހިތުހުރި ގޮތެއް ހެދޭވަރަށްވުރެެ ހުރިހާ ގޮތަކުންވެސް ބާރުގަދަ ފަރާތްތައް. އެހެންކަމުން ފޮނި ބައިސާ ކަނޑުއްވާފަ ކަމެއްކުރައްވަންއުޅެ އެކަމެއް ނުވީމަ ލިބޭ ހުތުރާ ގަންނަންޖެހޭ ލަދު ބޮޑުވާނެ. ރަނގަޅު އަދި ބުއްދިވެރިގޮތަކީ ރިޔާސީ އިންޔިޚާބް ނިމެންދެން ބިމުގެ ވާހަކަފުޅު ނުދައްކަވައި ހަނުތިއްބެވުން. "ހަދިޔާ" އަކަށް "އަނެކަތިކޮޅެއް" ދެއްވާނެ ބޭފުޅަކުވެސް ވާނީ އޭރުންތޯއްޗެ!
ނަގޫރޯޅި
17 August 2017
ހަތަރު ކަށިމާލެމީހާބުނެގެން ދުވާލު ދެއިރައް އެއްވާހަކަޔެއްޖެހިޔަސް ތިކަންވާކައްނެއް. ވިއްކަންޔާގަންނާނަން، އަތެއްވެސް ނުލެވޭ.
ސަކީނާއްތަ
17 August 2017
ތިނިއްމެވި ނިއްމުމަށް މަރުހަބާ. އެކަމަކު ތިނިއްމެވި ނިއްމުން ހުރިހާ ޕާޓީއަކުން ސޮއިކުރުން ވަރަށް މުހިއްމު.
އަހުމަދުބެ
17 August 2017
ތިކަމެއް.ނުވާނެއެވެ. ޕާޓީ ބަދަލުކޮށްލީމަ ސާފު ވިއެވެ. މިއީ ކަން ހިނގާ ގޮތެވެ.
ހުސޭނުބެ
17 August 2017
ނުނެގޭނެ!!! ވާނެކަމެއްނޫން!!! ބިންތައް ވިއްކާނީ ދިވެހިރާއްޖޭގައި ހެދިފައިވާ ގާނޫނުތަކާ ގަވާޢިދުތަކާ އެއްގޮތްވާގޮތުގެމަތިން!! އެހެންވީމަ ނުނެގޭނެ!!! އިދިކޮޅުގައި ތިބީ ފަސްބައި ހުދު ބައެއްނޫންކަން މިހާތަނަށް ނެރެފައިވާ އޯޑިޓްތަކުން ވަރަށް ސާފުކޮށް އެނގެން އޮންނާނެ!!! ދެން ތިއިން މީހަކަށް ކައިރި މުސްތަގްބަލެއްގައި ވެރިކަން ލިބޭކަށްވެސް ނެތް!!!
މުހަންމަދު
17 August 2017
ހަސަން ލަތީފް ކޮއްކޯ އެވެ، ބިންގަންނަން އުޅޭ ސަރުކާރު ފަރާތުގެ މީހުން ބުނީ އެމީހުން ސަރުކާރު ބަދަލުވާއިރަށް އެމިހުން އެމް.ޑީ.ޕީ އަށް ސޮއިކޮށް ތިބޭފުޅުން ފައިސާއިން ފެންވަރުވާލާ، އަދީބު ބަތަލަކަށް ވީހެން ބަތަލުންނަށް ވާނަމޯ........ލަލަލާ.