މާލޭގެ ކޯޓުތަކުގެ ފަނޑިޔާރުންތަކެއް ރަސްމިއްޔާތެއްގައި: ކްރިމިނަލް ކޯޓާއި ސިވިލް ކޯޓަށް ހޯދަނީ ކޮންމެ ކޯޓަކަށް ދެ ފަނޑިޔާރުން --ފޮޓޯ/މިހާރު
17 އޯގަސްޓް 2017 - 15:15
4 comments
ކްރިމިނަލް ކޯޓާއި ސިވިލް ކޯޓު ފަނޑިޔާރު ކަމަށް ކުރިމަތިލުމުގެ ފުރުސަތު ޖުޑިޝަލް ސާވިސް ކޮމިޝަން (ޖޭއެސްސީ) އިން މިއަދު ހުޅުވާލައިފި އެވެ.
ޖޭއެސްސީން ކޮށްފައިވާ އިއުލާނުގައިވާ ގޮތުން ކްރިިމިނަލް ކޯޓާއި ސިވިލް ކޯޓަށް ހޯދަނީ ކޮންމެ ކޯޓަކަށް ދެ ފަނޑިޔާރުންނެވެ. އެ މަގާމުތަކަށް ކުރިމަތިލުމުގެ ފުރުސަތު އަންނަ މަހުގެ 10 ވަނަ ދުވަހު ނިޔަލަށް އޮންނާނެ އެވެ.
އެ ދެ ކޯޓުގެ ފަނޑިޔާރު ކަމަށް ކުރިމަތިލުމުގެ ތައުލީމީ ޝަރުތަކީ އިސްލާމީ ޝަރީއާ ނުވަތަ ގާނޫނުގެ ދާއިރާއިން ޑިގްރީއެއް އޮތުމާ އެކު ފަނޑިޔާރު ކަމުގައި ނުވަތަ ވަކީލުކަމުގައި މަދުވެގެން ދެ އަހަރުގެ ތަޖްރިބާ ލިބިފައި ވުމެވެ. މީގެ އިތުރުން އުމުރުން 25 އަހަރު ފުރިފައިވުމާއި ވަކި ބާވަތުގެ ކުށްތަކެއް ސާބިތުވެފައި ނެތުމަކީ ވެސް ޝަރުތެކެވެ.
ކްރިމިނަލް ކޯޓުގެ ފަނޑިޔާރުންނަށް މުސާރަ އާއި އިނާޔަތްތަކާ އެކު މަހަކު 48،000 އަށް ވުރެ ގިނަ ރުފިޔާ ލިބޭއިރު ސިވިލް ކޯޓުގެ ފަނޑިޔާރުންނަށް މަހަކު 46،000 އަށް ވުރެ ގިނަ ރުފިޔާ ލިބޭނެ އެވެ. މީގެ އިތުރުން ރައްޔިތުންގެ މަޖިލީހުން ކަނޑައަޅާ ގޮތެއްގެ މަތިން މެޑިކަލް އިންޝުއަރެންސް ލިބޭއިރު ފޯނު އެލަވަންސް ވެސް ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސަދު
18 August 2017
މަ ބޭނުމެއްނޫން ނަރަކަޔަށް ދާކަށް.
ހަސަނު
18 August 2017
އެމީހަކު ކުރާ ކަމެއްގެ ޖަޒާ އެމީހަކަށް ލިބޭނެ ދުވަހެއް އަންނާނެ އެވެ. އެދުވަހުން މީހަކު ބުނެގެން މަޖްބޫރުވެގެންނޭ ބޔނެ ސަލާމަތެއް ނުވެވޭނެ އެވެ. ތެދުވެރިކަމާއި އިންސާފުން ކަންކަން ކުރުމުން އާޚިރަތް ބާއްޖަވެރިވާނެ. އެވަރުގެ ކެރޭ މީހުން ތިކަމަށް ކުރިމަތި ލާންވާނީ. އެހެންނޫނީ ތިވާ ނީ އަމިއްލަ ހަލާކަށް.
އެކުސް ލާޖް އޭޖީ
17 August 2017
މިހާރު ތިބި ފަނޑިޔާރުންގެ އިތުބާރު ގެެއްލިފައިވާ ކަމުގެ އަލާމާތެކެވެ.
ރަދީފް
17 August 2017
ތިޔަ މަގާމަށް ކުރިމަތިލުން އެއީ ކުރަން ހެޔޮވާވަރުގެ ކަމެއްނޫން.