ތިނަދޫ ސްކޫލުގެ ބެލެނިވެރިން މުޒާހަރާ ކުރަނީ
22 އޯގަސްޓް 2017 - 12:30
15 comments
ހައްޔަރު ކުރި، ރައްޔިތުންގެ މަޖިލީހުގެ އިދިކޮޅު މެމްބަރުން ދޫކޮށްލުމަށް ގޮވާލައި މިދިޔަ ހަފުތާގައި، ގދ. ތިނަދު އާއި ގއ. ވިލިގިނލީގައި ކުރި މުޒާހަރާގައި ބައިވެރިވި ހަތަރު ޓީޗަރުން ވަޒީފާ އިން ވަކިކުރާނެ ކަމުގެ އިންޒާރު ކުރިން ދިން ނަމަވެސް، އެ މީހުން ކަނޑާނުލަން އެޑިއުކޭޝަން މިނިސްޓްރީން ނިންމައިފި އެވެ.
ވަޒީފާ އިން ވަކި ނުކުރާނެ ކަމާއި އެކަމަކު އެއީ ދިން އިންޒާރެއް ކަމަށް ބުނެ، އެ ހަތަރު ޓީޗަރުންނަށް ވެސް އިއްޔެ މިނިސްޓްރީން ވަނީ ސިޓީ ފޮނުވައިފަ އެވެ.
އަދި ކުރިއަށް އޮތްތަނުގައި ވެސް އެ ފަދަ އެއްވުންތަކުގައި ބައިވެރިނުވުމަށް ސިޓީގައި އެދިފައި ވެ އެވެ.
އެ ފިޔަވަޅު އެޅި ސަބަބާ ގުޅޭގޮތުން އެ ޓީޗަރުންނަށް އެޑިއުކޭޝަނުން ފޮނުވި ލިޔުމުގައި ވަނީ ކުށުގެ ތުހުމަތުގައި ދައުލަތުން ބަންދުކޮށްފައިވާ މީހަކު ދޫކޮށްލުމަށް ގޮވާލައި، ބޭއްވި ސިޔާސީ ހަރަކާތެއްގައި އެ މީހުން ބައިވެރިވެފައިވާ ކަމަށެވެ. އަދި ސިވިލް ސާވިސްގެ ގަވައިދުގައިވާ ގޮތުން "ކުށުން ކުށްވެރިވެފައިވާތީ" އެޅި ފިޔަވަޅެއް ކަމަށް ވެސް ސިޓީގައިވެ އެވެ.
ވިލިނގިލީ ކައުންސިލްގެ ރައީސް މުސްތަފާ މުހައްމަދު އިއްޔެ ވިދާޅުވީ އެ ރަށު ސްކޫލުގައި މަސައްކަތް ކުރާ ޕްރައިމަރީ ޓީޗަރު، ޝަޒްމީނާ ސިޔާމް އާއި ކޮންޓްރެކްޓް ޓީޗަރު އައިޝަތު ރަގީބާ ވަޒީފާ އިން ވަކި ކުުރަން ނިންމީ، ސިޔާސީ ހިނގާލުމެއްގައި ބައިވެރިވެގެން ކަމަށް ބުނި ނަމަވެސް އެއީ ދޮގެއް ކަމަށެވެ. "އަޅުގަނޑުމެން އެ ހިނގާލުން ކުރިއަށް ގެންދަނިކޮށް، ރަގީބާ އާއި ޝަޒްމީނާއާ ދިމާވީ މަގުމަތިން. އެ މީހުން ދަރިން ގޮވައިގެން ސައިކަލުގައި ދަނިކޮށް، އަޅުގަނޑުމެން އެ މަގަށް އެރުމުން، މަގުން ޖާގަ ނުލިބިގެން އެއްކައިރިއެއްގައި ސައިކަލު މަޑުކޮށްލައިގެން ތިބީ. އެތަން ފޮޓޯ ނަގައިގެން ބަޔަކު މިނިސްޓްރީ އަށް ފޮނުވުމުން ފިޔަވަޅު އަޅަން އެ ނިންމީ،" މުސްތަފާ ވިދާޅުވި އެވެ.
ތިނަދޫ ޓީޗަރުން ވަކި ކުރަން ނިންމުމުން ވެސް އެ ރަށު ސްކޫލުގެ ބެލެނިވެރިންތަކެއް ވަނީ މުޒާހަރާކޮށްފަ އެވެ.
ތިނަދޫ ކައުންސިލްގެ މެމްބަރު އަލީ އަމްޖަދު ވިދާޅުވީ ދެ ޓީޗަރުން ވަކިކުރަން އުޅުނު މައްސަލާގައި ހިތްހަމަނުޖެހިގެން ބެލެނިވެރިން ސްކޫލު ދޮށަށް އެއްވީ، އިމްތިހާނާ ކައިރިވެފައި ވަނިކޮށް، އެ މީހުން ވަކިކުރާތީ ކަމަށެވެ. ދިވެހި ބަހާއި އެކައުންޓިން ކިޔަވައިދޭ އެ ދެ ޓީޗަރުންނަކީ ސްކޫލުގެ އިސް ދެ ބޭފުޅުން ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޜރރރދެ
22 August 2017
ތިކަން ކުރިނަމަ ޕްރިންސިޕަލް ތިރަށަކު ތިނަދޫ މީހުންނެއް ނުބަހައްޓާނެ.
އަތްފުނާ
22 August 2017
މުޒާހަރާއެއް ނުކުރެވޭނެ ސަރުކާރާ ދެކޮޅަކަށް ތިމާމީހަ އަށް ގެއްލުމެއް ސަރުކާރުގެ ފަރާތުން ކުރިމަތި ނުވަންޏާ ސަރުކާރުގަ އުޅެހާ ހިނދަކު.އެހެންނޫނީ ޖެހޭނީ ސަރުކާރުގެ މަގާމުން އިސަތިއުފާ ދީފައި ކުރަން.ސަރުކާރުގެ އަދާވަތްތެރިންގެ އެއްކޮޅަަށް ސަރުކާރުގެ މުވައްޒަފުންނަކަށް ނޭރޭނެ.މައިންބަފައިން ބުނާގޮތް ދަރިން ނުހަދަންޏާ ދަރިންޖެހޭނީ މައިންބަފިއިން ދޫކޮށްފައި އެދަރިއަކު ބޭނުންކަމެއް އެމީހުންނާ ދެކޮޅަށްކުރަން.
ޜރރރދެ
22 August 2017
ކުޑަކޮށް އޮޅިވަޑައިގެންފައި ތިހުންނެވީ. ޢެނގިލައްވާތޯ ދައުލަތާއި ސަރުކާރަކީ މުޅިން ދެއެއްޗެއްކަން. ބޮޑުމީހާޔަށްވެސް މިތަންކޮޅު އޮޅޭތީ މުވައްޒަފުންގެ މައްޗަށް ބިރުދައްކައި ސަރުކާރު ޕްރޮމޯޓް ކުރުމާށް މުޒާހަރާ ކުރަން ރައްޔިތުން ނެރެނީ.
ހަޑިގިއްލާ
22 August 2017
މިހާރުއެބަ ރަނގަޅުވޭ! ހެޔޮވިސްނިގެން ތިޔަޓީޗަރުންނާމެދު ފިޔަވަޅުނާޅަން ނިންމިފަދައިން، އެޓީޗަރުން މިނިވަންކުރުމަށްގޮވާލި މެންބަރު ސައުދުވެސް މިނިވަންކޮށް ދޫކޮށްލާ! 2018 ގައި ކުޑަވެސްވަރަކަށް ވާދަވެސް ކޮށްލެވޭނީ ތިމަގުން ހިނގައިގެން. ހެދުނުގޯސްތައް ރަނގަޅުކޮށް ހިންގިހާ ޖަރީމާތަކަށް މާފަށްއެދެންވީ. އެނޫން އެއްވެސްގޮތެއްނެތް!
ޏަމްޏަމް
22 August 2017
ތިވާނީ ރައީސްގެ އޯގާތެރިކަމުން ކަނޑާނުލީކަމަށް
ްއިގްބާލް
22 August 2017
ޓީޗަރުންނަށް ސިޔާސީ ކަންކަމުގައި ބައިވެރިވުމުގެ ފުރުސަތު އޮތް ނަމަވެސް، މުޒާހަރާ ތަކުގައާއި އެފަދަ ޖަލްސާތަކުގައި ބައިވެރިވުން އެހީ އެހާ ކަމުދާކަމެއް ނޫންކަމަށް ދެކެމެވެ.
ރަދީފް
22 August 2017
ޕީޕީއެމްގެ ޖަލްސާތަކުގަ ބައިވެރިވުން އޯކޭ ދޯ؟؟. ޑަބަލް ސްޓޭންޑަޑް ވިޔަސް ތަންކޮޅެއް ލެވެލްމަތި. ދެން އަތްޖަހާ. ވ.ވެދުން
ހިރަފުސް
22 August 2017
ޓީޗަރުން ބައިވެރިވުން ގޯސް، މަސްވެރިން ބައިވެރިވުން ގޯސް، އެއްވެސް ވަޒީފާއެއް އަދާކުރާ މީހަކު ބައިވެރިވުން ގޯސް، އަންހެނުން ބައިވެރިވުން ގޯސް، ފިރިހެނުން ބައިވެރިވުން ގޯސް، މުސްކުޅިން ބައިވެރިވުން ގޯސް..... އެހެންވީމަ ސިޔާސީ ކަންކަމުގަ ބައިވެރިވާންވާނީ ހަމައެކަނި ކައުންސިލަރު.
އައިންތު
22 August 2017
މީދެން މިހާރު ބޮޑުވެއްޖެ ކަމެއް. ބިރުދެއްކުން ނޫން އެއްވެސް ކަމެއް ކުރާކަށް މި ސަރުކާރަކަށް ނޭގެ. ކިތަންމެ ބިރެއް ދެއްކިޔަސް "2018" ދާނީ ސޮއްޑު ދަށުުން
ހުވަދުއަތޮޅު
22 August 2017
އެބަ ރަނގަޅުވޭ. މުޒާހަރާކުރުމަކީ ޤާނޫނުއަސާސީން ލިބިދީފައިވާ ޙައްޤެއް. އެ ޙައްޤުގެ ބޭނުންކޮށްގެން ވަޒީފާ ގެއްލިގެންނުވާނެ.
ޑޮކްޓަރުންގެ ސިޓީ / އައްޑޫ ސިޓީ
22 August 2017
މިނިވަންކަމާއި ޙައްޤު ހޯދުމަށް އަހަރުމެން ކުރަމުންގެންދާ މަސައްކަތަށް ތިހެން ބިރު ދައްކައިގެން ހުރަސްއަޅަން ވިސްނުމަކީ ކޮސްކަމެއް. . . . . . . . . . . ޓީޗަރެއްގެ ވަޒީފާ ގެއްލުވައިފި ދެން މުޒާހަރާ ކުރަން ނިކުންނާނީ ބާކީތިބި ހުރިހާ ޓީޗަރުން އެކީ . . . . . . . . . ހުރިހާ ޓީޗަރުން ވަޒީފާ އިން ވަކިކޮށްފި ނަމަ ދެން ދެން ނިކުންނާނީ ބެލެނިވެރިން. . . . . . . . . ބެލެނިވެރިން ބަންދުކޮށްފިނަމަ އެހިސާބުން 'ދަރިވަރުންނާއި ޖެހޭނެ' ހަދާންކުރާތި. އަލުވެތި ކަމުގައި ދެމިނުތިބޭނަން
އަޑީބް އެންޑް ބަދީއް
22 August 2017
ކޮންމެ ޓީޗަރެއް ފަހަތުގާ ފުލުހެއް°^°
ބުރުހާނުއްދީން
22 August 2017
ޓީޗަރުން ވާންވާނެ ދަރިވަރުންނަަށް ނަމޫނާއަކަށް. ނޫނީ ވަރަށް ސަކަރާތްވާނެ.