04 ސެޕްޓެމްބަރ 2017 - 19:22
6 comments
ޔަންގޫން (ސެޕްޓެމްބަރު 4) - މިއަންމާގެ މުސްލިމުންނަށް ކުރާ އަނިޔާތައް ހުއްޓުވުމަށް އެ ގައުމުގެ ލީޑަރު އަން ސަން ސޫކީ ފިޔަވަޅު އަޅަން ޖެހޭނެ ކަމަށް މިއަންމާގެ އިންސާނީ ހައްގުތަކާ ބެހޭ އދ.ގެ ޚާއްސަ ރެޕަޓުއާ ޔަންގީ ލީ ވިދާޅުވެއްޖެ އެވެ.
އޭނާ ވިދާޅުވީ މުސްލިމުނ ދިރިއުޅޭ ރަކީން ސްޓޭޓުގެ ހާލަތު ވަރަށް ގޯސް ކަމަށާއި އެ މައްސަލަ ހައްލު ކުރަން ސޫކީ މަސައްކަތް ކުރަން ޖެހޭނެ ކަމަށެވެ. ޚާއްސަ ރެޕަޓުއާ މި މޭރުމުން ވާހަކަ ދެއްކެވި އިރު ރަކީން ސްޓޭޓުގައި މުސްލިމުންނަށް ކުރާ އަނިޔާތަކުން ސަލާމަތްވުމަށް ބަންގްލަދޭޝް އަށް ދިޔަ ރޮހިންޖާ މުސްލިމުންގެ އަދަދު ވަނީ 87،000 އަށް އަރާފައި ކަމަށް އދ. އިން ލަފާ ކުރެ އެވެ. މިއީ މިދިޔަ އަހަރުގެ އޮކްޓޯބަރު މަހު ރަކީން ސްޓޭޓުގައި ހިންގި ހަމަނުޖެހުންތާ ގުޅިގެން އެ ސްޓޭޓް ދޫކޮށް ބަންގްލަދޭޝް އަށް ދިޔަ މީހުންނަށް ވުރެ އިތުރު އަދަދެކެވެ.
އދ. ގެ ޚާއްސަ ރެޕަޓުއާ ވިދާޅުވީ އޮކްޓޯބަރު މަހު ދިން ގެއްލުމަށް ވުރެ މިފަހަރު ދިން ގެެއްލުން މާބޮޑު ކަމަށެވެ.
"މި މައްސަލައިގައި އަން ސަން ސޫކީ ގެ ސަރުކާރަށް ހައްލު ހޯދެން ޖެހޭނެ. ސަރުކާރުގެ ބެލުމުގެ ދަށުގައިވާ މީހުން ހިމާޔަތް ކުރުމަކީ ކުރަން ޖެހޭނެ ކަމެއް،" ޔަންގީ ވިދާޅުވި އެވެ.
ނޯބެލް ސުލްހައިގެ އިނާމު ހޯދާފައިވާ ޕާކިސްތާނުގެ މަލާލާ ޔޫސުފް ޒައި ބުނީ ރޮހިންޖާ މުސްލިމުންނަށް ދޭ އަނިޔާތަކާ މެދު ސޫކީގެ ބަހަކަށް އިންތިޒާރު ކުރާ ކަމަށެވެ.
ސޫކީ އަކީ މިއަންމާގެ ރައީސް ނޫން ނަމަވެސް އެ ގައުމުގެ ސަރުކާރުގެ އެންމެ ބާރުގަދަ ފަރާތަކީ އެކަމަނާ އެވެ. މިއަންމާގައި ޑިމޮކްރެސީ ކުރިއަރުވަން ކުރި މަސައްކަތާ ގުޅިގެން އެތައް އަހަރަކު ގޭބަންދުގައި ހޭދަ ކުރައްވަން ޖެހުނު ސޫކީ ވަނީ ނޯބެލް ސުލްހައިގެ އިނާމު ހޯއްދަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރީ
05 September 2017
ޢދ.ތީ ކީއްކުރާ ތަނެއް؟
މެޑަަމް
04 September 2017
އޭނަޔަށް ދޭންވީ ނޯބެލް ހެޓިލަރ އެވޯޑް.
ފެއްސޭ
04 September 2017
މިޔަންމާ މުސްލިމުންނަށް އަނިޔާ ކުރާތީވެ ސޫކީ ގެއަށް ކަނޑާލަންވީ އިނގޭ.
ނިންމާތި
04 September 2017
މިއަންމާގެ މުސްލިމުންގެ ހިމާޔަތުގައި ސޫކީ ފިޔަވަޅު ނާޅާނެއެވެ. އޭނާ އެހެރީ މިޔަންމާރގެ ރައީސް އަކަށް ނުވެވިގެން ހޭބަލިވެ ހޭބުއްދި ފިލާފައެވެ. މިހާރުން މިހާރަށް އޭނާ ވެރިކަމުން ބާލަންވީ އަދި އޭނާގެ ޕާރޓީ ވެސް އުވާލާ އޭނާ ހަތަރެސް ފައިގައި ބިޑި އަޅުވައިގެން އޭނާ ހައްޔަރުކޮށްގެން އޭނާ އާއި މެދު ޝަރީއަތް ކުރަންވީއެވެ. މީގައި އޮވެގެން ނުވާނެ އިތުރު އެއްވެސް އެކްސްކިއުޒެއް ވެސް އަދި އިތުރު އެއްވެސް ޗޮއިސް އެއްވެސް. މިމަގުން މިކަން ހިނގަން ޖެހޭނެއެވެ. އެނިމުނީ އެވެ.
ފައިބާ
04 September 2017
މުސްލިމުން ހިމާޔަތުގައި ސޫކީ ފިޔަވަޅު ނާޅާނެއެވެ. އެކަމުގައި ހަދަންވީ ގޮތަކީ މިހާރު ސައުދީ އިސްވެ އޮވެ ހަދާފައިވާ ކޯލިޝަނުން ގަތަރަށް ދިން ގޮތަށް ޑެޑްލައިނެއް ދީގެން މިޔަންމާރ ގެ ސޫކީ ސައިޒުން ކަނޑާލަންވީއެވެ. އަލިފުދާލަކީ ތިޔާ ބަޔާން ތައް އެކަނި ނެރެން އޮންނަ ތަނެކެވެ. އެއަށް ވުރެން ބޮޑު ވަރު އެމެން ނުކުރާނެއެވެ. ވަރަށް ހަރު ކަށި ފިޔަވަޅު ތައް ސޫކީ އާއި ދެކޮަޅަށް އަޅާ އޭނާގެ ވެރިކަމުން ބާލަންވީއެވެ. ފައިބާ ސޫކީ ފައިބާ ފައިބާ ފައިބާ..
ޑޭންޖުރެސް
04 September 2017
މިއަންމާގެ މުސްލިމުންގެ ހިމާޔަތުގައި ސޫކީ ފިޔަޅު އަޅަންޖެހޭނެ ކަމަށް އަލިފުދާލުން ބުނި ނަމަވެސް ތިޔާ އަނިޔާވެރި ސޫކީ ފިޔަވަޅު ނާޅާނެއޭ މިހާރު އޭނާގެ ވެެރިކަން ޓޮޕްލް ކޮށް ލަންވީއޭ ސައުދީ ކޯލިޝަން ފޯރސެސް ފޮނުވައިގެން އެއީ ދެން ކާކުތޭ ދަ ބަނޑުއަކިރި އެއް ނޫންތޭ ތިޔާ ސޫކީ އަކީ ދޯ. އެއީ ވަރަށް ނުރައްކާ އަންހެނެކޭ އޭނާ މިޔަންމާ ގެ ވެރިކަމާއި ހަވާލު ވުމުން ފީލް ވަނީ މިޔަންމާރ އަށް ދަ މަމީ ރިޓާރންވީ ކަމަށޭ. އެއީ ނުރައްކާ އަންހެނެކޭ. ޝީ އިޒް ޑޭންޖުރެސް ޑޭންޖުރެސް ޑޭންޖުރެސް ހޭއް ހޭއް ހޭއް ހޯއް ހޯއް ހޯއް..