މިއަންމާ އަށް ޑިމޮކްރެސީ ހޯދުމަށް މަސައްކަތް ކުރެއްވި އަން ސަން ސޫކީ. --ފޮޓޯ:އޭއެފްޕީ
06 ސެޕްޓެމްބަރ 2017 - 11:48
25 comments
ޔަންގޫން (ސެޕްޓެމްބަރު 6) - މިއަންމާގެ ރަކީން ސްޓޭޓުގައި ރޮހިންޖާ މުސްލިމުންނަށް ހިމާޔަތް ދޭ ކަމަށް އެ ގައުމުގެ ލީޑަރު އަން ސަން ސޫކީ މިއަދު ވިދާޅުވެއްޖެ އެވެ.
މިއަންމާގައި މުސްލިމުންނަށް ދޭ އަނިޔާތައް ހައްދުފަހަނަޅައި ދިޔަ ފަހުން ފުރަތަމަ ފަހަރަށް ވާހަކަ ދައްކަވަމުން ސޫކީ ވިދާޅުވީ ރަކީން ސްޓޭޓުގައި ހިނގާ ކަންކަން ވަރަށް ބޮޑަށް އޮޅުވާލާފައިވާ ކަމަށެވެ. އަދި ޚަބަރުތައް އާއްމު ކުރަމުން ދަނީ ރޮހިންޖާ މުސްލިމުން ޕްރޮމޯޓް ކުރާ ގޮތަށް ކަމަށް ވިދާޅުވި އެވެ. ރަކީންގެ މުސްލިމުން އެކަމަނާ ސިފަ ކުރައްވާފައި ވަނީ ޓެރަރިސްޓުންގެ ގޮތުގަ އެވެ.
ނޯބެލް ސުލްހައިގެ އިނާމު ހޯއްދަވާފައިވާ ސޫކީ މި މޭރުމުން ވާހަކަ ދައްކަވާފައި ވަނީ ތުރުކީގެ ރައީސް ރަޖަބް ތައްޔިބު އުރުދުޣާންއާ ފޯނުން ދެއްކެވި ވާހަކަތަކެއްގައި ކަމަށް އެކަމަނާގެ އޮފީހުން ބުންޏެވެ. ރަކީންގައި ތިބި އެންމެންނަށް ދެވެން އޮތް އެންމެ ފުރިހަމަ ހިމާޔަތް ދެމުންދާ ކަމަށް އުރުދުޣާން އަރިހު ސޫކީ ދެންނެވި ކަމަށް އެ ގައުމުގެ ރަސްމީ މީޑިއާ އިން ބުންޏެވެ. ރަކީންގެ ހާލަތާ ގުޅޭ ގޮތުން ދައުރުވަމުންދާ ފޮޓޯތަކަކީ ފޭކް އެއްޗެހި ކަމަށް ވެސް އެކަމަނާ ވަނީ ވިދާޅުވެފަ އެވެ.
މިއަންމާގެ ރަކީން ސްޓޭޓުގެ ހަމަނުޖެހުންތަކުން ސަލާމަތްވާން ބައެއް މީހުން އެ ސްޓޭޓް ދޫކޮށް ދަނީ.
ރަކީން ސްޓޭޓުގެ ހާލަތާ ބެހޭ ގޮތުން ސޫކީ ބަހެއް ވިދާޅުވެފައި މި ވަނީ މި މައްސަލާގައި އެކަމަނާ ހިމޭނުން ހުންނަވާތީ ދުނިޔޭގެ އެކި ހިސާބުތަކުން ފާޑުކިޔުންތައް އަމާޒުވަމުން ދަނިކޮށެވެ. މިއަންމާ އަށް ކަނޑައަޅާފައި ހުންނަ އދ.ގެ ޚާއްސަ ރެޕަޓުއާ ވެސް ވަނީ ރަކީންގެ މައްސަލަ ހައްލު ކުރުމަށް ސޫކީ ފިޔަވަޅު އެޅުމަށް ގޮވާލައްވައިފަ އެވެ. ނޯބެލް ސުލްހައިގެ އިނާމު ހާސިލްކޮށްފައިވާ އެހެން ބައެއް ފަރާތްތަކުން ވެސް ވަނީ މުސްލިމުންނަށް ކުރާ އަނިޔާތައް ހުއްޓުވުމަށް މަސައްކަތް ކުރުމަށް ސޫކީ އަށް ގޮވާލައްވައިފަ އެވެ.
ރަކީންގައި މިއަންމާ ސިފައިންގެ އަނިޔާވެރިކަން ބޮޑުވުމުން ވޭތުވެދިޔަ 10 ވަރަކަށް ދުވަހު ވަނީ އެ ސްޓޭޓް ދޫކޮށް 125،000 މީހުން ރެފިއުޖީންގެ ގޮތުގައި ބަންގްލަދޭޝް އަށް އެތެރެވެފަ އެވެ.
ރަކީންގައި އެންމެ ފަހުގެ ހަމަނުޖެހުންތައް ފަށާފައި ވަނީ މިދިޔަ މަހުގެ 25 ވަނަ ދުވަހު އެވެ. އެ ސްޓޭޓް ދޫކޮށް ހިމާޔަތަށް އެދި ބަންގްލަދޭޝް އަށް ވަންނަ ރެފިއުޖީން ބުނެފައި ވަނީ މިއަންމާ ސިފަިއންނާއި ބުޑިސްޓުން ދަނީ އެ މީހުންގެ އަވަށްތަކުގައި އަލިފާން ޖަހަމުން ކަމަށެވެ. އަދި މުސްލިމުންގެ ނަސްލު ނައްތާލުމުގެ މަގްސަދުގައި އެތައް އާއްމުންނެއް މަރަމުންދާ ކަމަށް ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަކޫމަލީ
07 September 2017
އެއީ ތެދެއް ހިމާޔަތް ދެޔޭ އެބަ ތިގޮތަށް މި ރާއްޖޭގެ ސަރުކާރުންވެސް ސަރުކާރާ އިދިކޮޅު ލީޑަރުންނާއި އިދިކޮޅު އެހެންފަރާތްތަކަށްވެސް ފުލުހުންނާއި ކޯޓުތަށް މެދުބެރިކޮށް ވަރަށް ފައްކާކޮށް ހިމާޔަތް އެބަ ދެއެއްނު ؟
ކުލޭ
07 September 2017
ކޯލްޑު ބުލަޑެޑް ސޫކީ- އެންމެ މަތީދަރަޖައިގެ އަނިޔާވެރިން.
ނުދޭ
07 September 2017
ހުސް ދޮގު. ނުދޭ.
މޯސުކީ
07 September 2017
ވަރަށް އަނިޔާވެރި އަންހެނެއް.
ސޫކީސޫކީ
07 September 2017
ހަބަރު ފަތުރަމުން ދަނީ އޮޅުވާާލައިގެންނެވެ. 125000 ރެފިއުޖީންނަކީވެސް އޮޅުވާލުމެތޯއެވެ.
ޙިޔަލަަ
07 September 2017
މުސްލިމުންނާއި އެކު ﷲ ވޮޑިގެން ވޭ އިންޝާ ﷲ
އުދުހޭ
07 September 2017
ޔާމީނު ގާސިމަށް ހިމާޔަތްދޭހެންތަ؟
އުދުހިފަ ވެއްޓޭ
07 September 2017
މި ދެން ކޮން ކަމެއް، ބޮޑުވަރު. ކޮންމެ ކަމެއްގައި ގާސިމޭ ޔާމީނޭ ނުކިޔަބަލަ!
ރާއްޖެ
07 September 2017
އަންނި އަބުޅޯ އަށް ހިމާޔަތް ދިންހެން. އަންނި ޔާމީން އަށް ހިމާޔަތް ދިންހެން. އަންނި ގާސިމް އަށް ހިމާޔަތް ދިންހެން.
ދޮން އަލީ
07 September 2017
ތިޔަހެން މިގައުމުގަ އަދުލު އިންސާފުވެސް އޮތީ...
ސޫކީމޯދި.
06 September 2017
ބަޑިންނާ ލަޓިބުރިންވެސް ދެނީ ހިމާޔަތް.
ސިފްލީން
06 September 2017
މުސްލިމްން މަރާއިރު އ.ދ ގެ ސަލާމަތީ ފައުޖް އޮންނަނީ އެޑްމިޓްކޮއްފައި ، އެބައިމީހުންނަށް އެކަން ހުއްޓުވޭކަމަކަށްނުވޭ . އަދި ގައުމުތަކުގެ ސަރުކާރުތަކުން އ.ދ ކޮއްދޭންޖެހޭ ކަމަކީ މުސްލިމުންނަށް އެހީތެރިވުމަށް އެއްވެސް ދިމާޔަކުން މުސްލިމަކުވިޔަސް އަދި އެހެންމީހަކުވިޔަސް އާދޭތޯބަލައި ޓެރަރިޒަމްގެ ލަގަބު އެބައިމީހުންގެ ބޮލުގައި އަޅުވާފައި ހައްޔަރުކުރުން . މީހަޤީގަތަކީ
ރިޔަލިޓީ
06 September 2017
އ.ދ އަށް ކުރެވޭނީ އ.ދ ގެ ބޮޑެތި ބާރުއޮތް ގައުމުތަކުން ކުރަން ބޭނުންވާ ކަމެއް. މިހާރު އެމެރިކާގަ ހުރީ ޓްރަމްޕް. އެއީ މުސްލިމުންނާ ފާޅުގަ ދެކޮޅު މީހެއް. ދެން ހުރީ އިންޑިޔާގެ މޯދީ. އެހާ ފާޅުގަ ނޫނަސް ހަމަ އެކަހަލަ މީހެއް. ރަޝިޔާގެ ޕުޓިން އަކީވެސް މުސްލިމުންނާ މާ ގަޔާވާ މީހެއް ނޫން. ސީރިޔާގެ ކަންތަކުގަ އެމީހުން އުޅެނީ. ބާކީ އޮތީ ޗައިނާ. އެމީހުން ނޫޅޭނެ މިކަމަކާ އެހާ މަތިންބައިން ޖެހިގެން އަނެއްކާ އިންޑިޔާއިން މިޔަންމާގަ ހަންފަތުރަން އުޅޭ ދުވަސްވަރެއްގެ. އެންޑް ރިސަލްޓަކީ މިހާރު އެވަމުންދާ ގޮތް. މިޔަންމާގެ މިލިޓަރީއަށްވެސް މިކަން އެނގޭތީ ދަނޑިވަޅުގެ ބޭނުންހިފައިގެން އެކަން އެކުރަނީ. މަށަށް މިކަމުންވެސް ފާހަނގަވާ އެންމެބޮޑުކަމަކީ މުސްލިމު ގައުމުތަކުގެ ބާރު ދެރަކަމާއި ނިކަމެތިކަން.