ޚަބަރު / މުހައްމަދު ހުސެން ޝަރީފު (މުންދު)

ލަންކާގައި ހުންނަވާ ދިވެހި ސަފީރަކަށް މުންދު އައްޔަން ކުރައްވައިފި

ލަންކާގެ ސަފީރަކަށް މުންދު (ވ) ހަމަޖެއްސި ކަމުގެ ލިޔުން ރައީސް ޔާމީން އޭނާއާ ހަވާލު ކުރައްވަނީ. - ފޮޓޯ: ރައީސް އޮފީސް

މުހައްމަދު ޔާމީން، މިހާރު

06 ސެޕްޓެމްބަރ 2017 - 13:53

8 comments

ސްރީ ލަންކާގައި ހުންނަވާ ދިވެހި ސަފީރަކަށް މުހައްމަދު ހުސެއިން ޝަރީފް (މުންދު) މިއަދު އައްޔަން ކުރައްވައިފި އެވެ.

މިދިޔަ މަހުގެ 23 ގައި ބޭއްވި ރައްޔިތުންގެ މަޖިލީހުގެ ޖަލްސާގައި މެމްބަރުން ރުހުން ދެއްވި މުންދު އަށް މަގާމުގެ ފަތްކޮޅު ރައީސް ޔާމީން ދެއްވީ ރައީސް އޮފީހުގައި ބޭއްވި ރަސްމިއްޔާތެއްގަ އެވެ.

މުންދު އޮގަސްޓް 2016 އިން ފެށިގެން މިހާތަނަށް ހުންނެވީ ޖަޕާންގެ ސަފީރަކަށެވެ.

ކުރީގެ ރައީސް މައުމޫން އަބްދުލްގައްޔޫމްގެ ސަރުކާރުގައި ރައީސް އޮފީހުގެ ތަރުޖަމާނަކަށް ހުންނަވައި، އެ ސަރުކާރު ދިފާއު ކުރެއްވުމުގައި ގިނަ މަސައްކަތްތަކެއް އޭރު ކުރެއްވި މުންދު ވަނީ ޑިޕްލޮމަސީގެ ދާއިރާ އިން މާސްޓާސް ނަންގަވައިފަ އެވެ.

މައުމޫންގެ ސަރުކާރަށް ފަހު، މިހާރުގެ ރައީސް އަބްދުﷲ ޔާމީންގެ ސަރުކާރުގައި މުންދު ވަނީ ޔޫތު އެންޑް ސްޕޯޓްސް މިނިސްޓަރުކަމާއި ރައީސް އޮފީހުގެ މިނިސްޓަރުކަން ވެސް ކުރައްވައިފަ އެވެ.

ލަންކާގައި ހުންނަވާ ދިވެހި ސަފީރަކަށް މުންދު އައްޔަން ކުރައްވަން ރައީސް ޔާމީން ނިންމެވިއިރު، އިދިކޮޅު ހަރަކާތްތައް އެ ގައުމުގައި ވަނީ ވަރުގަދަކޮށްފަ އެވެ. އެންމެ ބޮޑު އިދިކޮޅު ޕާޓީ އެމްޑީޕީގެ އެއް ބާނީ އަދި ކުރީގެ ރައީސް މުހައްމަދު ނަޝީދު ވެސް މިހާރު ލަންކާގައި އުޅުއްވާއިރު، އިދިކޮޅު ހަރަކާތުގެ މުހިންމު ބައްދަލުވުންތައް ވެސް ދޭތެރެދޭތެރެއިން އެ ގައުމުގައި އަންނަނީ ބާއްވަމުންނެވެ.

ލަންކާގައި ހުންނަވާ ދިވެހި ސަފީރެއްގެ ގޮތުގައި މިދިޔަ ތިން އަހަރެއްހާ ދުވަހު ހުންނެވީ ޒާހިޔާ ޒަރީރެވެ.

ސްރީ ލަންކާ ދިވެހި ސަރުކާރު ރާއްޖެ-ލަންކާ މުހައްމަދު ހުސެން ޝަރީފު (މުންދު) ރައީސް އަބްދުﷲ ޔާމީން

8 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިންސައިޑަރ

07 September 2017

މިސަރުކާރުގައި މުންދު ޔޫތު އެންޑް ސްޕޯޓްސް މިނިސްޓަރު ކަމެއް ނުކުރައްވާ. މިސަރުކާރުގައި ފުރަތަމަ މުންދު އައްޔަން ކުރައްވާފައިވަނީ ރައީސް އޮފީހުގެ މިނިސްޓަރު ކަމަށް. އެމްޑީޕީގެ މާ ބޮޑު ހަރަކާތް ތަކެއް ކޮލޮމްބޯގައެއް ނުހިންގާ. ރައީސް ނަޝީދު ކޮލޮމްބޯގައި ހުންނެވިއަކަސް މާ ބޮޑު ސަޕޯޓެއް ނެތް. ޙަރަކާތްތައް ހިނގަމުން ދަނީ ސަރުކާރުގެ ފަރާތުން ހިންގާ ސޯސަން ވިލާގައި. އެތަނަކީ ރައީސް ޔާމީންގެ މޮޑެލްއެއްގެ ދަށުން، އިޖްތިމާއީ އަދި ތަޢްލީމީ ޚިދުމަތް ފޯރުކޮށް ދިނުމަށް ހަދާފައިވާ ތަނެއް. އެމްޑީޕީ މީހުންވެސް ދަނީ އެތަނަށް. އީދު ނަމާދު ކުރުމާއި، ހުކުރު ކުރުމާއި، ކުޑަކުދިންނަށް ގުރުއާން ކިޔަވައި ދިނުމާއި، ދިވެހި އިސްލާމް އެސްއެސްސީ ފެންވަރަށް ކިޔަވާ ސަނަދު ހާސިލް ކުރެވޭތީ. ޒުވާނުންނަށް ފުޓްސެލް ކުޅުމުގެ ފުރުސަތާއި ޖިމް އާއި ޒުމްބާގެ ޚިދުމަތާއި، މިޔުޒިކާއި ބޮޑުބެރު ކުޅެވޭނެ ސައުންޑް ޕްރޫފް ރޫމަކާއި ގިނަ ގުނަ ޚިދުމަތްތައް ހިލޭ ސާބަހަށް ލިބޭކަމުން ލަންކާގައި ދިރިއުޅުއްވާ ދިވެހިން ތިބެނީ އުފަލުން ފޮޅިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުން

07 September 2017

މަރުޙަބާ މުންދު. ޤާބިލު ބޭފުޅެއް. ސަރުކާރުގެ ވަކިވެގަތުމުގެ ހާރިޖީ ސިޔާސަތު ބަދަލުކޮށް، ބަވަނަ ވަމުންދާ މިދުނިޔޭގެ ބައިވެރިވުން މި ސަރުކާރަށް ހޯދާ ދިނުމުގެ ފުރިހަމަ މަސްއޫލިއްޔަތު އުފުއްލެވިދާނެފަދަ ބޭފުޅެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނިފެންމާ

07 September 2017

މުންދު ހިނިއައިސްފައި 90 ޑިގްރީއަށް ގުދުވެގެން.މިރައީސްގެ ހިނިތުނންވުމުގެ އެއްވެސް ކަމެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންބަޠަލާ

07 September 2017

މުންދަށް ތި ނިކުމެވުނީ ވަރަށް އޮއިބާރު ކަނޑަކަށް ބޭނުން ކެނޑި އެއްލާލާތަން ދެން ފެންނާނި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިކަލޯ

06 September 2017

ލަންކާ ސަރުކާރުން މުންދު ޤަބޫލު ކުރިތޯ އެންމެ 28 ވޯޓު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

06 September 2017

އޮޕޮޒިޝަންއިން ބުނިއަޑުއެހީން މުންދު އެމްބެސެޑަރކަމަށް އައްަޔަންކުރީ ޕްރޮސީޖަރއާޢި ޙިލާފަށް ސިފައިން ބޭނުންކޮއްގެން ގަދަބާރުންކަމަށް ،،،، އަދި އެކަންކަން ލަންކާ ސަރުކާރާއި ހިއްސާކޮށް މުންދުގެ އެމްބެސެޑަރކަން ލަންކާއިން ގަބޫލްނުކުރާނެ ކޮންމެވެސް ގޭސްގަނޑެށް އަބުރާނެކަމަށް ،،، އަޅުގަނޑު މިހުރީ އެއިންތިޒާރުގައި ކެއްމަދުވެފައި ،،، އަޅެއެނގިދާނެތާ ،،،، ވަރަށްވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަބަރު

06 September 2017

ޠޫފަން އަންނަން ފެށުމުން ސަލާމަތްވާނެ ގޮތް ހޯދަން ކޮންމެ ބަޔަކުވެސް މަސައްކަތްކުރެއެވެ. އެކަމަކު އެޠޫފާން އަރަން އޮތިއްޔާ އަރާފައިނޫނީ ނުހުއްޓެއެވެ. އެތައްބަޔަކާއި ގެދޮރު ސުންނާފަތިކޮށްލައެވެ.