ސުޕްރީމް ކޯޓަށް ހުށަހެޅި ޕެޓިޝަނާ ގުޅިގެން 54 ވަކީލުން ސަސްޕެންޑްކޮށްފި

މުހައްމަދު ޔާމީން، މިހާރު

10 ސެޕްޓެމްބަރ 2017 - 23:27

ރާއްޖޭގެ ޝަރުއީ ނިޒާމާ ދޭތެރޭ ކަންބޮޑުވުންފާޅުކޮށް، އެ މައްސަލަތަކަށް ހައްލު ހޯދައިދޭން އެދި ސުޕްރީމް ކޯޓަށް ހުށަހެޅި ޕެޓިޝަނާ ގުޅިގެން 54 ވަކީލަކު ސަސްޕެންޑް ކުރަން ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން (ޑީޖޭއޭ) މިރޭ ނިންމައިފި އެވެ.

ޑީޖޭއޭ އިން ނެރުނު އިއުލާނެއްގައި ބުނި ގޮތުގައި ވަކީލުން ސަސްޕެންޑް ކުރަން ނިންމީ ރާއްޖޭގެ އަދުލު އިންސާފު ގާއިމުކުރުމުގެ ބާރުގެ މުސްތަގިއްލުކަމާއި ފަނޑިޔާރުންގެ މުސްތަގިއްލު ކަމަށް ހުރަސް އެޅޭ ގޮތަށް ޖަމާއަތް ހަދައިގެން ޣައިރު ގާނޫނީ ގޮތެއްގައި ސުޕްރީމް ކޯޓަށް އެއްވުމާ ގުޅިގެންނެވެ.

ހަމައެއާއެކު، އަދުލު އިންސާފުގެ މަސައްކަތާ ބެހި ނުފޫޒު ފޯރުވަން މަސައްކަތްކޮށް ކޯޓުތަކުގެ އިހްސާސްތަކާއި ކޯޓުތަކުގެ އިޖުރާއުތަކާއި ކޯޓުތަކުން ނިންމާ ނިންމުންތަކާ ހިލާފަށް ޣައިރު ގާނޫނީ ލިޔުމެއް ލިޔެ، އެ ލިޔުމުގައި ސޮއިކޮށް، ރާއްޖޭގެ އަދުލު އިންސާފު ގާއިމުކުރުމުގެ ބާރަށް ދަތިކޮށް، ކޯޓުގެ ހުރުމަތް ކެނޑި މައްސަލަ ބަލައި ތަހުގީގު ކުރަމުންދާ ކަމަށް ވެސް ޑީޖޭއޭ އިން ނެރުނު އިއުލާނުގައިވެ އެވެ.

ވަކީލުން ވަކި މުއްދަތެއް ނެތް ގޮތަށް ސަސްޕެންޑް ކުރަން ނިންމީ ގާނޫނީ ވަކީލުންނާ ބެހޭ ގަވާއިދާއި ވަކީލުންގެ އިގުރާރާއި ކޯޓުގެ ހުރުމަތް ރައްކާތެރިކުރުމާ ބެހޭ ގަވާއިދާއި ރާއްޖޭގެ ކޯޓުތަކުގެ ގާނޫނާއި ސުޕްރީމް ކޯޓުގެ ގަވާއިދާ ހިލާފުވުމާ ގުޅިގެން ކަމަށް ވެސް ޑީޖޭއޭ އިން ބުންޏެވެ.

ސަސްޕެންޑް ކުރި މަޝްހޫރު ވަކީލުންގެ ތެރޭގައި ހުސްނުއް ސުއޫދު، މައްޗަންގޮޅި އުތުރު ދާއިރާގެ މެމްބަރު މާރިޔާ އަހުމަދު ދީދީ، އެމްޑީޕީގެ ޗެއާޕާސަން ހަސަން ލަތީފު، މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ އަދި ހިސާން ހުސެއިންގެ އިތުރުން ނާޒިމް އަބްދުއްސައްތާރާއި އިބްރާހިމް ރިއްފަތާއި މަހްފޫޒު ސައީދާއި އަދާލަތު ޕާޓީގެ ނައިބު ރައީސް އަލީ ޒާހިރާއި އަބްދުﷲ ހަސީނާއި އެމްޑީޕީގެ ސެކްރެޓަރީ ޖެނެރަލް އަނަސް އަބްދުއްސައްތާރު ހިމެނިވަޑައިގަންނަވަ އެވެ.

މީގެތެރެއިން ގިނަ ވަކީލުންނަކީ ސިޔާސީ ބޮޑެތި ބޭފުޅުންގެ މައްސަލަތަކުގައި ވަކާލާތު ކުރެއްވި، އަދި މިހާރު ވެސް ވަކާލާތު ކުރައްވަމުން ގެންދަވާ ބޭފުޅުންނެވެ. މި ސަސްޕެންޝަން ދެމިއޮތްހާ ހިނދަކު މިއިން އެއްވެސް ބޭފުޅަކަށް ކޯޓަށް ވަޑައިގެން ދެން ވަކާލާތެއް ނުކުރެއްވޭނެ އެވެ. މިއީ ރާއްޖޭގެ ގާނޫނީ ހަޔާތުގައި މިހާ ގިނަ ވަކީލުންތަކެއް އެއްފަހަރާ ސަސްޕެންޑްކުރި ފުރަތަމަ ފަހަރެވެ.

މި 54 ވަކީލުންގެ އިތުރުން، ކުރީގެ ޑެޕިއުޓީ ޕްރޮސެކިއުޓާ ޖެނެރަލް އަލީ ޝަމީމް އާއި ކެންދޫ ދާއިރާގެ މެމްބަރު އަލީ ހުސެއިން ވެސް ޕެޓިޝަންގައި ސޮއި ކުރެއްވި އެވެ. އެކަމަކު އެ ދެ ބޭފުޅުންނަކީ މީގެ ކުރިން ކޯޓުތަކުގައި ވަކާލާތު ނުކުރެވޭ ގޮތަށް ސަސްޕެންޑްކޮށްފައި ތިއްބެވި ދެ ބޭފުޅުންނެވެ.

ވަކީލުން ޖުޑީޝަރީ ޖުޑީޝަލް އެޑްމިނިސްޓްރޭޝަން ސުޕްރީމް ކޯޓް ހުސްނުއް ސުއޫދު (ސުޕްރީމް ކޯޓުގެ ފަނޑިޔާރު)

83 ކޮމެންޓް, 295 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބެއްޔާ

25 September 2017

ސްޕްރީމްކޯޓަށް ފަނޑިޔާރުން އައްޔަންކުރިއިރު ވިސްނީ ކޮންމެ ޕާޓިއަކުންވެސް އެޕާޓީޢަކަށް ތާއީދުކުރާ މީހަކު ލެވޭތޯ؟ އެދުވަހުވެސް ތަންތަނުން ކަނޑުކޮހުން ގެނައުމުގެ ބަދަލުގފައި ހައްގުބަސް ބުނަންކެރޭ ފަދަ ގާބިލް ހަރުދަނާ ރަގަޅު މީސްމީހުން އައްޔަންކުރިނަމަ ކިހާރަގަޅުވީސްބާވައޭ ހިތަކަށްނާރާތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތެއް

11 September 2017

ޢައިރުގާނޫނީ ކަންކަމުގައި ވަކީލުން ބައިވެރި ވުމަކީ ކަންބޮޑުވާކަމެކެވެ ތަކުރާރުކޮށް ކުށްކުރާ ވަކީލުންގެ ލައިސަންސް ބާތިލްކުރުމަކީ އެންމެ ރަނގަޅުކަމެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަންތުރަ

11 September 2017

ކޮބާ ހީވޭތަކަމެކޭ، ދެން އެންމެ ރަނގަޅުވާނީ ޔާނީނާއި ފަނޑިޔާރުންކޮޅު އާރަށަށް ބަދަލުވެފައި އެތަނުގައި އެމީހުންގެ ވަކި ވެރިކަމެއް ކުރިޔާ. ރާއްޖޭގެ ވެރިކަން ރައްޔިތުންނާ ހަވާލުކުރީމާ ރައްޔިތުން ރަނގަޅު ވެރިކަމެއް ކޮށްފާނެ. އަދި ދުވަހަކުވެސް އާރަށުގެ ސަރަހައްދަށް ދިވެހި ސަރުކާރުން ނުބެހޭގޮތަށް އެއްބަސްވުމެއްގައި ސޮއިކޮށް ޖިޒީދީގެންވެސް ރައްޔިތުންނަށް ގޯނާ ނުކުރާނަމަ އެގޮތަށްވެސް ރައްޔިތުން ގަބޫލުވާނެ. ސާބަސް ފިޑި ޖޫޑީސަލް އެޑްމިނިސްޓްރޭޝަނަށް. ސޮއިކޮށްލާނެ މީހަކުވެސް ނެތީތަ އެފަދަ ލިޔުމެއްގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިކްރިތިއާނާކޮއިމަލާ

11 September 2017

ބަގާވާތް ކުރި ދުވަހު ކުޑަކޮން ވިސްނާލި ނަމަ؟؟ ހިތި ހަގީގަތަކީ ބަގާވާތު ގެ އަހުލުވެރިން ވެސް ތިބީ މޮޔަަ ހީވެފަ! އެދުވަހު ވެރިކަން ވައްޓާނުލިނަމަ މިއަދު މިދުވަސް ދެކޭ ކަށް ނުޖެހުނީސް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިޝާން ޖެހި ކާރާ ހުރެ ހޭބަލިވާ

11 September 2017

ޤައުމަށް ޓަކައި މިހާރު ޔާމީނު އާއި އަބުލޯ ސައީދު އިސްތިއުފާ ދެއްވަން ޖެހިއްޖެ އެވެ. ހުރިހަަ ކަމެއް ހަލާކު ކޮށްފައި މު ދެމީހުން "ބޮޑު ގޮޑިގައި" ނިޝާން ޖެހި ކާރުގައި" ތިބުމުގެ ހައްޤެއް ނެތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބޭސްބބބބ

11 September 2017

ހަމައެކަނި އެމީހުންނެއްނޫ ސަސްޕެންޑް ކުރަންވީ؟ އެ 5 މީހުންފިޔަވާ މި ޤައުމުގައި ބާކީ ތިބި ހުރިހާމީހުންވެސް ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިޚް

11 September 2017

ތިއޮއް މޮޔަވަނީ، ކޮން ގާނޫނީ ހަމައަކުން ތި ސަސްޕެންޑް ކުރެވުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އދރބ

11 September 2017

ސުޕްރީމް ކޯޓަށް ޚިޔާލެއް ހުށަހެޅުމަކީވެސް ކުށަކަށް ވެއްޖެދޯ؟. ހަމަ ހިނިއަންނަނީ މިހާރު ސުޕްރީމްތަށް ފެނުނަސް... ޖޯކް އޮފްދަ ކަންޓްރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަދުމީހާ

11 September 2017

އިއްޒަތާ ޝަރަފާ ލިބެނީ ވައްކަންކުރާމީހުނަށް. ހައްގުބަސް ބުނުމާ އަނިޔާވެރިކަމަށް ނޫނެކޭ ބުނުމަކީ ކުށެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އދރބ

11 September 2017

މިގައުމަކީ އެއްވެސް އިސްލާޙަކަށް ތާއީދުކުރާ ވެރިޔަކު ޙައްގު ބަސްބުނާ މީހަކު ސަރުކާރުގެ މުއައްސަސާއެއްގައި ބަހައްޓާނޭ ވެރިއަކު ނުވަތަ ވެރިން ތިބެގެން ހިންގާ ގައުމެއް ނޫންކަން މުޅިދުނިޔެ ހެކިވާނެ މިހާރު. ޕޮލިހުގަ ހައްގުބަސް ބުނީތީ 4 އޮފިސަރުންގެ ވަޒީފާއިން އެވަކި ކުރަނީ. ބުނާހާ ގޮތެއް ހަދަން އެއްބަސް ނުވަތީގެ. ހައްގާއި ހުރިހާ މޮޅެއްއޮތީ ޕަޕެޓުންނަށް މިޤައުުމުގަ މިހާރު.