މިއަންމާގެ ވެރިންނަށް ދައުވާ ކުރަން ގޮވާލައިފި

މިއަންމާގެ ސްޓޭޓް ކައުންސެލާ އަން ސަން ސޫކީ: ރޮހިންޖާ މުސްލިމުންނަށް އަނިޔާކުރަމުންދާ އިރު ހިމޭނުން ހުންނަވާތީ އެކަމަނާ އަށް ދަނީ ފާޑު ކިޔުންތައް އަމާޒުވަމުން. --ފޮޓޯ:އޭއެފްޕީ

ހަސަން އާމިރު، މިހާރު

11 ސެޕްޓެމްބަރ 2017 - 14:26

8 comments

ޑާކާ (ސެޕްޓެމްބަރު 11) - މިއަންމާގެ ވެރިންގެ ގޮތުގައި މިހާރު ތިބި މީހުންނަށް "ގަތުލްއާއްމު" ހިންގި ކަމުގެ ކުށުގައި ބައިނަލްއަގުވާމީ ޓްރައިބިއުނަލެއްގައި ދައުވާ ކުރަން ޖެހޭނެ ކަމަށް ބަންގްލަދޭޝްގެ ނޭޝަނަލް ކޮމިޝަން ފޯ ހިއުމަން ރައިޓްސް އިން ބުނެފި އެވެ.

"މިއަންމާގައި ގަތުލްއާއްމު ހިންގާ ގޮތާއި މީހުންގެ ގެދޮރުގައި އަލިފާން ޖަހަމުންދާ ގޮތަށް ބަލާއިރު މިއަންމާ ސިފައިންނާއި މިއަންމާގެ ވެރިންނާ ދެކޮޅަށް ދައުވާ އުފުލަން ޖެހޭނެ،" ބަންގްލަދޭޝްގެ ކޮކްސް ބާޒާރުގައި މިއަންމާގެ ރެފިއުޖީން ދިރިއުޅޭ ކޭމްޕަކަށް ޒިޔާރަތް ކުރުމަށް ފަހު ހިއުމަން ރައިޓްސް ކޮމިޝަނުގެ ޗެއާމަން ކާޒީ ރިއާޒުލް ހައްގު ވިދާޅުވި އެވެ.

އޭނާ ވިދާޅުވީ ރޮހިންޖާ މުސްލިމުންގެ ހާލަތު ބެލުމަށް ފަހު މިއަންމާގެ ވެރިންނާ މެދު ދައުވާ ކުރުމާ މެދު ގޮތެއް ނިންމާނެ ކަމަށެވެ. އަދި ރޮހިންޖާ މުސްލިމުންގެ ހާލަތު ބަލާ އެ މީހުންނަށް ބައިނަލްއަގުވާމީ މުޖްތަމައުން އެހީވުމަށް ވެސް ހައްގު ވަނީ ގޮވާލައްވައިފަ އެވެ.

ރޮހިންޖާ މުސްލިމުންނާ މެދު އަނިޔާވެރިވަމުންދާތީ މިއަންމާގެ ލީޑަރު އަން ސަން ސޫކީ އާއި އެ ގައުމުގެ ސިފައިންނަށް ދަނީ ބައިނަލްއަގުވާމީ ގޮތުން ފާޑު ކިޔަމުންނެވެ. ރަކީން ސްޓޭޓުގައި ދިރިއުޅޭ މުސްލިމުން ވަނީ އެތައް ހައްގަކުން މަހްރޫމްކޮށްފަ އެވެ. އެތައް ޒަމާނެއް ވަންދެން ރަކީންގައި ރޮހިންޖާ މުސްލިމުން ދިރިއުޅުނު ނަމަވެސް އެ މީހުންނަކީ މިއަންމާގެ ރައްޔިތުންގެ ގޮތުގައި ބަލައިގެންފައެއް ނުވެ އެވެ. އަދި އެންމެ ފަހުން އުފެދުނު ހަމަނުޖެހުންތަކުގައި ވަނީ ތިން ލައްކައެއްހާ ރޮހިންޖާ ރެފިއުޖީން ބަންގްލަދޭޝް އަށް ވަދެފަ އެވެ.

ބަންގްލަދޭޝްގެ ޚާރިޖީ ވަޒީރު އޭއެޗް މަހްމޫދު އަލީ ވެސް ވަނީ މިއަންމާ ސިފައިން މުސްލިމުންނާ ދެކޮޅަށް ގަތުލްއާއްމު ހިންގަމުންދާ ކަމަށް ވިދާޅުވެފަ އެވެ.

ހިއުމަން ރައިޓްސް ބަންގްލަދޭޝް މުސްލިމުން މިއަންމާ އައުން ސަން ސޫ ޗީ ރޮހިންޖާ

8 ކޮމެންޓް, 66 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސޫކީ

24 September 2017

މިހުރިހާ ދުވަހު އެމީހުން ތިބީ، ބަރުމާގައި ބަރުމާގެ ރައްޔިތުންގެ ގޮތުގައި، ރެފިއުޖީންގެ ގޮތުގައި ބަރުމާގައި އެމީހުން ބައިތިއްބާފައިވާ ކަމަށް މީގެކުރިން ބުނެފައެއްނުވޭ،