މަޑޫގަލި ރިސޯޓް: އެ ރަށުގެ ކުއްޔާއި ޖޫރިމަނާގެ ގޮތުގައި 3.9 މިލިއަން ޑޮލަރު ދައްކަން ކޯޓުން ވަނީ ހުކުމް ކޮށްފައި
11 ސެޕްޓެމްބަރ 2017 - 21:33
9 comments
އއ. މަޑޫގަލި ރިސޯޓްގެ ކުއްޔާއި ޖޫރިމަނާގެ ގޮތުގައި 3.9 މިލިއަން ޑޮލަރު (60 މިލިއަނަށް ވުރެ ގިނަ ރުފިޔާ) ދައުލަތަށް ދައްކަން އެ ރިސޯޓް ހިންގާ ކުންފުނީގެ މައްޗަށް ސިވިލް ކޯޓުން މިއަދު ހުކުމްކޮށްފި އެވެ.
މަޑޫގަލި ރިސޯޓް ހިންގާ ބްލޫ ލެގޫން އިންވެސްޓްމަންޓްގެ މައްޗަށް އެ ހުކުމް އައީ 2015 ވަނަ އަހަރުގެ ފުރަތަމަ ކުއާޓަރުން ފެށިގެން މިއަހަރުގެ ފުރަތަމަ ކުއާޓަރާ ހަމައަށް ދައްކަން ޖެހޭ 1.1 މިލިއަން ޑޮލަރާއި އެ ފައިސާ ނުދެއްކުމުން ޖޫރިމަނާގެ ގޮތުގައި އަރާފައިވާ 2.9 މިލިއަން ޑޮލަރު ހޯދަން މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ދައުވާ ކުރުމުންނެވެ.
އިސް ގާޒީ އަބްދުﷲ އަލީ ކުރެއްވި އެ ހުކުމުގައިވަނީ އެ ފައިސާއަކީ ބްލޫ ލެގޫން ކުންފުނިން ދައުލަތަށް ދައްކަންޖެހޭ ފައިސާ ކަން ހުށަހެޅިފައިވާ ލިޔުންތަކުން ސާބިތުވާ ކަމަށާއި އެހެންވެ، މިއަދުން ފެށިގެން ތިން މަސް ތެރޭގައި އެ ފައިސާ މީރާ އަށް ދައްކާ ޚަލާސް އެ ކުންފުންޏަށް އަންގާ ކަމަށެވެ.
ރިސޯޓް ހިންގުމަށް ދޫކުރި އިތުރު ބައެއް ރަށްތަކުގެ ކުއްޔާއި ޖޫރިމަނާ ފައިސާ ހޯދަން އެކި ފަރާތްތަކާ ދެކޮޅަށް މީރާއިން ދައުވާކުރާ އިތުރު މައްސަލަތަކެއް ވެސް ސިވިލް ކޯޓުގައި މިހާރު ދަނީ ހިނގަމުންނެވެ. އެ މައްސަލަތަކުގައި ދައުލަތަށް ހޯދަން ދައުވާކުރާ އަދަދު 150 މިލިއަން ޑޮލަރު (ދެ ބިލިއަނަށް ވުރެ ގިނަ ރުފިޔާ) އަށް އަރަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޯޑު
12 September 2017
ސަރުކާރުން 2015 ގަ މިރިޒޯޓު ބަންދުކުރުމަށް ފަހު އަދި ކުލިވެސް ނަޖަން ޖެހޭތަ؟ ރިޒޯޓު ބަންދުކުރަނީ ސަރުކާރާ ކޮއްފާވާ އެއްބަސްވުމާ ހިލާފަށް، އެކަމަކު ލާރި އަތުލަންވީމަ އެއްކަލަ އެއްބަސްވުން ހަމަ ރަނގަޅު. މީހަމަ މިސަރުކާރުގެ ގޮތް. ހުރިހާކަމެއް ކޮރަޕްޝަންގެ މަގުން.
މަރީ
12 September 2017
2015 މާޗްގަ އަދީބު ވަނީ މިރިސޯޓު މިނިސްޓްރީއާ ކޮއްފަ އޮތް އެގްރީމަންޓާ ހިލާފަށް ސަސްޕެންޑް ކޮއް، ބަންދު ކޮއްފަ. ދެން އަދިވެސް ކުންފުނިންދޯ ވަނީ ސަރުކާރައް ލާރި ދައްކަން. އަދީބުކައިރީ އަހާލަބަލަ މިކަން ހިނގާފަ އޮތް ގޮތް. އޭނަޔަށް ވަރަށް ރަނގަޅަށް އެނގޭނެ. ސަރުކާރު ބަޖެޓު ހުސެވެގެން އިދިކޮޅު ހުރިހާ ވިޔަފާރިވެރިންނަށް ޖެއްސުމަށް ކޯޓަށް މައްސަލަތައް ލާއިރު މިކަމާބެހޭ މިނިސްޓްރީއަށް ނުކެރޭ ފޮނުވާ ސިޓީއަށް ޖަވާބުދާރީވާންވެސް. މިއޮތީވާ ސަރުކާރެއް. އިދިކޮޅު އެންމެން މަގުމަތިކުރުން މިމީހުންގެ އަމާޒަކީ. މާތްﷲގެ އިރާދަފުޅުހުން މިސަރުކާރުގެ ހުރިޙާ ކޮރަޕްޓް މީހުން އެމަގާމުތަކުގަ ތިބެގެން މިގަންނަ ގަނޑު ނިމޭނެ ދުވަހެއްވެސް އަންނާނެ. އެކަމުގެ އިންތިޒާރުގެ އެތައް ރައްޔިތުންނެއް.
ނޫހުބެ
12 September 2017
ކޮބާ މަޑޫގަލި ރިސޯޓުގެ މުއައްޒަފުންގެ ސާރވިސް ޗާޖް ފައިސާ ކޮޅު ނުދީގެން ހުށަހެޅި މައްސަލަ؟؟؟ 3 އަހަރު ވީއިރުވެސް އެ މައްސަލަ އޮތީ ޕޖ އޮފީހުގަ ބާއްވާފަ!!! ހަމަ އެކަނި ސަރުކާރުންވެސް އުޅެނީ އެމީހުންގެ ފައިސާ ކޮޅު އެކަނި އަތުލަން!!!! އަޖާއިބު ވެއްޖެ!!!!!
އިންސާފް
12 September 2017
އެއްބަސްވުމާ ހިލާފަށް ފައިސާ ނުދައްކާ މިފަދަ އަގުބޮޑު ރަށްތަކުގެ ބޭނުން ހިފާ ފައިދާ އެ ހޯދަނީ. ރިޒޯޓް އޯނަރުން އުޅޭނެ އަރާމް ދިރިއުޅުން. ހަމަ ރަނގަޅު! ދައްކަންޖެހޭ ފައިސާ ހޯދަން ޖެހޭނެ. އެކަމަކު ވެފައިވާ އެއްބަސްވުންތަކާ އެއްގޮތަށް. މިސާލަކަށް ބެކް ޑޭޓަޑް ކޮށް ޓުއަރިޒަމް މިނިސްޓްރީއިން އެގްރީމަންޓް ވޮއިޑްކޮށް ދައްކަން މިހާތަނަށް ނުޖެހޭ ކުއްޔެއް، އޭގެ ޖޫރިމަނާއާ އެއްކޮށް ހޯދަން އުޅުމަކީ ގޯހެއް.
އަހުމަދުބެ
12 September 2017
މީރާ އޮތީ ސިޔާސީ ވެފައެވެ.
މަމެން
12 September 2017
އެއީ ކީއްވެ ؟ ދައުލަތައް ދައްކަން އޮތް ފައިސާ ހޯދަން މަސައްކަތް ކުރާތީވެ ؟
ލިލީ
12 September 2017
ސަރުކާރުން ސިޔާސީވެގެން ބަންދު ކޮއްފަ އޮތް ރިޒޯޓަކުން ދެން ދައުލަތައް ދައްކަން ޖެހޭ ކޮން ފައިސާއެއް. ދައުލަތޭ ބުނާއިރަށް އެމީހުން ކަންކަން ކުރާ ގޮތް މާ ރަނގަޅަށްވެސް އެބަ އެނގޭ ދޯ. މީރާ ހަމަ ސިޔާސީ ވެގެން ދޯ ހުރިޙާ އިދިކޮޅު މީހުންގެ ފަހަތުން ނުނެއްޓިގެން މިއުޅެނީ. މިސަރުކާރުގަ ހަމަ ނެތީތަ ދައްލަތައް ފައިސާއެއް ދައްކަން ޖެހޭ މީހަކު؟ އެހެން ތާވާނީ ރައްޔިތުންގެ ލާރިކޮޅުން އެމީހުންގެ ހުރިހާ ކަމެއް ހަމަޖެހޭ.
ޢަބްދުﷲނާފިޒް
11 September 2017
އަދި ތިވަރަކުން ނުވާނެ، އިސްތިއުނާފު މަރުހަލާވެސް އޮންނާނު، ދެއްތޮ.
ފޮނިކަލޯ
11 September 2017
ދައުލަތައް ދައްކަންޖެހޭ އެއްޗެއް އޮވެއްޖެއްޔާ އަމިއްލަ މީހަކަށް ކިތަންމެ ބޮޑު ގެއްލުމެއް ކޮށްފަ ވިޔަސް ދައްކަން ކޯޓުން މަޖުބޫރުކުރާގޮތައް ދައުލަތުން ފަރުދެއްގެ ބިލިޔަން ރުފިޔާ ގެއްލުވާލުން މީ މާ ބޮޑު ކަމަކައް ނަހަދައެވެ. ހިތާމައިގެ ކޮޅެއްވެސް ނެތެވެ.